茶王冰室 (洗衣街) (已結業)

媽媽鍾意飲港式奶茶，一直都好想試呢度茶王奶茶，而我又一向鍾意食茶餐廳，所以就陪媽媽嚟試下。原本都係打算普通食個常餐所以無諗住影相，但感覺越食越唔對路，首先叫左個叉燒湯意粉，雖然呢度主打叉燒，好多叉燒滑蛋飯之類嘅飯餐，但叉燒的確唔係好味，食落肉質好老。另外常餐嘅炒蛋係正常嘅，食得出落左大量花奶同調味料係好夠味。但最令人失望係個牛油多士，其實應該都只係來貨嘅麵包唔會有咩期望，但呢個麵包乾到入面係碎粒，得個硬而唔係脆...食物質素都算，諗住試下呢度嘅賣點茶王奶茶，但飲品仲要搞到一肚氣。媽媽叫左熱奶茶我叫左凍鴛鴦走甜，先係有店員上左三杯飲品俾我地，我地叫住店員佢先發現自己俾多左杯，跟住我發現我杯鴛鴦無走甜，於是又再請店員幫我轉翻走甜，店員好不耐煩咁拎走我杯飲品，一轉身仲要馬上大大聲歎了一口氣，明明係佢落錯單都好似我做錯事咁，最過份係佢去換左杯走甜不過係凍奶茶俾我！天啊想飲杯凍鴦走甜都咁困難仲要睇人面色，由於我唔想再同店員糾纏落去，我光速飲左半杯凍奶茶就走人，以後都唔會再幫襯。

好多時嚟到旺角都會好想去一去茶王冰室因為每次都好掛住佢嘅奶茶， 今日下午茶心情興起，咪行過去試下人都算多喺呢個時段。因為上次食過佢個奶醬多，覺得唔夠熱同得好少醬，今次咪叫佢烘燶啲同多少少花生醬好啦咁冇事好好咁樣幫我提咗廚房要看鬆啲同多啲花生醬， 咁我聽到都安心等食嘢。奶茶先到，飲咗第一啖，(嘩 好澀好難飲。 發生咩事呀一間專飲奶茶嘅地方竟然奶茶咁難飲？ 究竟個水吧係咪轉咗人？真係好失望 個奶茶總結嚟講係 又酸又澀 omg好啦，到個多士嚟咗，又多個surprise！！？？咁都叫烘燶啲？？？花生醬好似係正常分量都冇然之後夾硬整開。。。。。好啦 其實我好少畀差評但今次真係太失望 希望老闆睇到之後可以改善下。。。。

特登係放假既時候去試一試，而加用餐時間30分鐘，可以理解，因為非常時期。坐低之後，就聽到有位女侍應大嗌:俾我回下氣得吾得😵！都明白可能係工作量太多，但係我地成班食客都😮呆左。見位佢咁燥真係😐😐😐，加上落單又落錯，叫走甜上少甜，轉煎蛋冇轉到用餐感受非常一般。。講返食物，叫左個叉燒湯意，意粉太𣺉，湯底冇味。炒滑蛋係正既！樽仔奶茶，茶味夠濃.吾會太甜👍🏻但總括而言，試過一次就夠，吾會再去。

#叉燒蛋飯 🥩🍳🍚哇哇哇～呢個叉燒蛋飯上到枱先係有好香嘅蛋香味！然後望落去啲半生熟嘅炒蛋配上叉燒，真係令到小編流晒口水！🤤 佢用成個叉燒蛋包裹着啲飯，入面仲要係粒粒分明好有口感！蛋夠滑，叉燒又唔乾，夾埋真係好唔錯👍🏻 絕對係色香味俱全嘅一碟叉燒蛋飯😍💯.小編雖然知道呢間茶記係茶王🤴🏻親手炮製嘅奶茶出名，可惜小編唔飲奶茶🙊 所以今次就試咗佢一個出面茶餐廳比較少見嘅 #西柚茶 ！🍹 味道好唔錯呀！唔係話超級酸，但係飲到西柚既味道！飲開檸檬茶想轉下口味，都可以試吓呀～😉.🏆 「豬」味指數：8/10📌 溫馨提示：個叉燒蛋飯嘅份量都幾多！如果係女仔食嘅話，可以叫多個小食然後share就應該啱啱好啦！😝

今日就出旺角飲奶茶王哩到梗係要飲番杯茶王之王啦茶王之王係有兩杯奶茶一杯大一杯細飲之前職員會介紹下茶王特點及品嘗次序仲有配曲奇更加帶出茶味 講解下細杯奶茶係用咗4種茶葉 做大個杯奶茶就用咗六種茶葉做奶茶師傅仲喺斯里蘭卡簡咗唔同種類嘅奶茶去整呢兩杯嘢同普通奶茶最唔同嘅係 奶茶係金黃色 d奶茶仲會掛邊 完全唔會有苦味 比普通奶茶更香更濃更滑 非常鍾意飲奶茶嘅我 比$88試一次 絕對不後悔 飲完之後真係 滴滴香醇 意猶未盡 齒頰留香午餐叉燒奄列蛋飯叉燒同滑蛋 蓋喺飯面配上豉油汁 滑蛋半熟 軟淋淋 拌飯一齊食 好味跟餐飲品點咗熱奶茶 當然冇茶王之王咁好飲 但比出面普通茶餐廳 都係好d嘅

港式奶茶被列為香港非物質文化遺產，甚至隆重其事每年舉辦沖泡奶茶比賽☕️《國際金茶王大賽2016》中冠軍陳子平師傅開設呢間冰室，等上班一族係朝早歎番杯熱奶茶，食番個茶餐，以精神舒暢嘅心情迎接新一天☀️💗茶王之王($88)由「金茶王」主理，精選斯里蘭卡6種粗幼茶葉，再經師傅逾二十年技藝一冲、二焗、三撞、四回溫方法沖製🏵相比一般港式奶茶，望落茶色更金黃，濃滑掛杯，聞落去茶香層次豐富，入口回甘時間長，口感較厚實，雖然茶香味較重，但依然同奶香平衡，從未飲過咁香濃幼滑嘅奶茶。仲有一塊牛油曲奇餅，食落好鬆脆🍪💗瑞士雞中翼煎蛋撈出前一丁($54)瑞士雞翼都算肥美多肉，而且乾淨冇毛，夠哂入味，不過滷汁偏鹹可以較番甜d。雞肉啱啱好熟，嫩滑唔鞋口，勝在即刻整熱辣辣🐥出前一丁唔會煮到好淋有彈性🍜太陽蛋如果再煎燶邊d會更香，將生蛋黃刺穿撈入麵食更配合。💗蔥花叉燒滑蛋飯($52)滑蛋份量足夠，能夠蓋上成個飯，口感嫩滑且味道香濃，仲散發淡淡蔥花香。叉燒片大大件唔吝嗇，肉質偏瘦啱哂悲傷小姐，如果再焦香d會更好，而且蜜味唔夠🥓特意選用泰國米飯，飯量唔少而且夠熱，口感唔會過硬過軟，配上特製甜豉油，更加好餸飯🍚💗脆脆雞扒包($

今天午膳跟工友們一起午餐，因一些緣故，所以來了這間茶王冰室，看了餐單是覺得價錢有點偏貴，我一如以往都會先試試它的茶餐，所以點了我最愛的雪菜肉絲米粉，跟餐配多士，火腿及炒蛋。先來多士，火腿及炒蛋，份量很足，很大份。多士烘得剛好，很脆也很大塊，加上適量的牛油，少少鹹，很不錯。火腿沒加油再煎，非常好，我真的很怕見到油光滿滿的火腿。炒蛋炒得很好，保持著半熟濕潤的狀態，很滑也夠蛋味。作為雪菜肉絲米粉的fan，一看到是有點扣分的。一來個湯很奶白，雪菜肉絲應該沒再特別處理或加工，所以沒有那種雪菜肉絲汁混入湯裡，就好像是雪菜肉絲跟米粉分開了吃一樣，那個味也吸不到米粉裡。結果吃下去都是比較偏淡，也不夠香。米粉很可惜都不是那種粗身，實心全白的米粉。這個有種似半透的新竹米粉，但粗一點，所以我都是比較喜歡一茶餐廳的那種米粉。跟餐點了它的絲襪奶茶，雖然沒有加錢要王牌那款，但它的奶茶有名，所以應該普通奶茶都不會太差。的確奶茶的比例很好，茶味也很夠，而且很香。入口的質地很滑，也夠濃味。最後有工友另外點了王牌的茶王奶茶，分了一點來試，一試發現分別都很大，不知凍熱會不會有影響，王牌那個是凍飲的，但很明顯是兩個味的確不同

鐘意食茶記嘅朋友會唔會同我一樣，鐘意尋覓好味嘅炒蛋同飲翻杯正奶茶呢？今次就去咗旺角嘅茶王冰室食午餐，食咗叉燒蛋包包同飲咗支樽仔奶茶！唔知係咪少人食蛋包包做午餐呢？侍應問我係咪知道蛋包包係包唔係飯😂我個人覺得蛋包包個炒蛋唔錯，唔會太乾身，而叉燒就不過不失。份量大，女仔食唒當lunch完全無問題！蛋包包係將炒蛋放係包住餡料嘅白麵包上面，所以麵包食落會比較淋😅如果平時食三文治鐘意烘底嘅人可能就無咁鐘意。我比較期待奶茶，但預算有限，今次就試咗平啲$30嘅樽仔奶茶。有預算嘅朋友，可以試下$88嘅茶王之王😂奶茶的確香滑，好順口，唔知唔覺已經飲唒，而飲完口裏面仲留有茶香味😆整體環境同服務態度都ok，去開旺角想食一茶記可以一試。

除左啲奶茶 見到上網好多人影個蛋包包😍就比佢吸引左😍-樽仔奶茶☕️同其他茶餐廳唔同 佢用個好靚嘅玻璃樽裝住啲奶茶😍好特別！個樽仲可以帶走架😚奶茶粘粘地 相當之香滑～奶同茶嘅比例不錯👍🏻好濃奶味之餘 茶都好香醇 仲有啲回甘添🤤茶王之王應該會更加正💓不過我個人覺得呢杯奶茶甜左少少～-松露雜菌蛋包包🍳蛋包包姐係用蛋包住個包🤣好得意好有創意🥰蛋嘅份量好多 炒得都好滑😋不過蛋味就唔太濃～一切開就會見到好多雜菌爆晒出黎🍄好足料😍個包應該有搽牛油🧈所以成個包好香💓但係因為太多蛋汁所以個包好濕同淋晒😟個人唔太鐘意呢個口感🙈同埋如果面頭啲松露多啲就好喇～-抺茶西多士🍵呢個好推介😍佢比左個壺仔裝住啲蜜糖比你自己倒 份量自己決定🤤每一舊多士都炸到脆卜卜 中間仲搽滿晒抺茶醬💓就咁食已經好夠甜 唔洗落蜜糖都得🍯成舊放入口 爆晒汁 真係有種好幸福嘅感覺😚

平時經過旺角，我當時都諗唔到食咩，因為旺角實在太多嘢食啦，今日中午見冇嘢做出去行下，經過見到呢間冰室，佢出面嘅樽仔奶茶造型相當特別，吸引左我哋入去！餐廳環境餐廳已舊式嘅香港冰室作為一個主調，裝修風格相當特別，令人感覺返返去以前嘅香港！沙嗲牛肉煎蛋撈出前一丁港式地道撈麵一向都係我嘅至愛，尤其當一個人嘅時候，更加顯出呢個撈麵嘅浪漫，所以我叫咗個沙嗲牛肉煎蛋撈出前一丁，蛋黃仲要係我最鍾意嘅流心蛋，吉川佢用蛋漿加埋沙嗲牛肉嘅醬汁，簡直一流享受！配埋港式撈麵一定有嘅湯，正！當然要叫返個樽仔奶茶啊，樽仔奶茶嘅外型10分特別，類似以前舊時走進嘅形狀，味道亦都適宜，唔會太甜，！

平時經過旺角，我當時都諗唔到食咩，因為旺角實在太多嘢食啦，今日中午見冇嘢做出去行下，經過見到呢間冰室，佢出面嘅樽仔奶茶造型相當特別，吸引左我哋入去！餐廳環境餐廳已舊式嘅香港冰室作為一個主調，裝修風格相當特別，令人感覺返返去以前嘅香港！沙嗲牛肉煎蛋撈出前一丁港式地道撈麵一向都係我嘅至愛，尤其當一個人嘅時候，更加顯出呢個撈麵嘅浪漫，所以我叫咗個沙嗲牛肉煎蛋撈出前一丁，蛋黃仲要係我最鍾意嘅流心蛋，吉川佢用蛋漿加埋沙嗲牛肉嘅醬汁，簡直一流享受！配埋港式撈麵一定有嘅湯，正！當然要叫返個樽仔奶茶啊，樽仔奶茶嘅外型十分特別，類似以前舊時走進嘅形狀，味道亦都適宜，唔會太甜，！

服務不錯的一家店，很耐心教你如何選，不過我覺得奶茶沒有想像的那麼出色，驚豔，不過也不錯，然後檸檬水好清爽，好飲，另外吉列豬排酥酥脆脆還可以，不過推薦的滑蛋包包，一般性

入到去餐廳已經好焗，叫咗2 杯奶茶，等了又等！結果職員先話冇奶再要等10-15 分鐘！正當想離開，突然又話沖緊，但是我見佢地不停整緊外賣，之後好耐先出一杯奶茶，原來是隔離枱！比人玩咗20 -25 分鐘，我們忍不到立刻走人，走去康年茶記好過！哩間嘢真是不知所謂😡😡😡

茶記比人感覺都係食下快餐嘆下奶茶，但最近就食左間幾特別既茶記，味道都吾錯tim。就係旺角既洗衣街既茶王冰室喇，平日既夜晚去，吾多人，吾洗等位，坐位算闊落，吾迫。佢最特別係個旦包包，係炒旦入面包住吾同既野，我就食沙嗲牛肉旦包包，味道吾錯，旦既份量都有3，4隻，2人份量，吾建議一人食，因為都幾飽，仲有叉燒炒旦飯。最正係佢個樽仔奶茶，食野加20蚊就飲到，係就貴d，不過真係幾好飲，吾係太甜，茶味香濃，夠滑。但最吾中意係佢鋪頭入面都播歌播到好大聲，d員工仲跟住唱，好難可以靜靜地食餐飯。價錢都吾係平，但可接受，始終旺區，明白。

好耐冇喺旺角食早餐，今朝又有機會。今朝天氣得15度。梗係搵啲熱辣辣嘅嘢食下，行過洗衣街茶王冰室 ，以前食過午飯非常好味。今早一於試下佢嘅早餐一入到舖頭已經聞到非常濃郁嘅茶香一眼認得出茶王師傅成杯飲曬冇乜幾可出前一丁麻油仔 成份早餐個樣係正常嘅不過塊方包真係難食到不得了 個沙爹牛肉出前一丁竟然有條西生菜 隻叉一篤落去石塊包硬度散開曬 粉身碎骨佢根本已經又乾又硬到變成一塊餅乾成個餐38蚊喺旺角嚟講算係非常之唔錯杯奶茶確係水準之上塊方包嚴重差水準之下