影片
付款方式
以上资料只供参考，请与餐厅确认详情
諗住買杯野返公司飲呢間嘢「好環保」俾嗰啲類似米飲管？？我問佢攞多支飲管啦如果唔係一陣我返到公司飲飲吓爛咗咪企左係度？之後有個 「T」短髮女員工話要再收一蚊又唔收八達通比完錢居然找返一堆毫子俾我同我講：無散紙我都唔知幾耐冇見過啲1、2毫子既貨幣杯野飲本身48蚊，飲管一支都要另外收錢，唔通真係厄佢支飲管？仲要找一堆毫子比我另外，杯野飲係有開心果味，但好漿口好難飲似飲緊一堆cream多過飲緊野難飲加埋員工既態度，以後都唔會再幫襯
继续阅读
呢間茶痴巳經唔係第一次幫襯，今次揀咗綿芝日本白桃，呢杯白桃係季節限定，但真係超好飲😋芝士奶蓋微甜得嚟，又有芝士嘅鹹香味，飲落仲夠晒厚實濃郁添，連埋個白桃一齊飲，超級夾😝想飲嘅大家，千祈唔好錯過呀！話明係季節限定，過咗個季節就會轉第二款口味嫁啦😛
继续阅读
今日去咗茶痴試佢嘅綿芝日本白桃茶，真係值得一讚！🍑🥤首先，茶嘅賣相已經好吸引，淡淡嘅桃色配上綿綿嘅芝士頂，令人一見鍾情。飲落去，桃味清香自然，唔會過甜，仲有少少酸味，令人精神為之一振。🍵✨芝士蓋係我最鍾意嘅部分，滑溜溜而且唔會太膩，配合茶底嘅時候，口感非常豐富，好有層次感。🙌環境方面，茶痴嘅店舖設計簡單而有格調，坐低慢慢享受呢杯茶，真係一種享受。同埋，店員服務態度親切，令我感到好舒服。🪑🌿總結嚟講，呢杯綿芝日本白桃茶絕對係一杯足料飲品，下次一定會再試其他口味！👍如果你鍾意桃味，又追求新鮮同創意，呢杯茶絕對唔可以錯過！🌟
继续阅读
呢一間人氣茶飲店定時會推出一啲新產品 不過今次重點介紹嘅係佢哋重磅回歸嘅日本白桃飲品 搵嚟日本山梨縣產嘅白桃🍑真係好啱我口味綿芝日本白桃底下用上新鮮清甜嘅白桃肉同埋四季春茶🍵 中間係白桃沙冰 沙冰打得好好細緻 好適合夏天飲用 面頭係我最鍾意嘅芝士奶蓋 係一款好綿密嘅鹹香芝士🧀 呢一個芝士奶蓋配埋底下香甜嘅白桃肉真係好夾😋 雖然價格係比較高啲 但係食材同味道咁上乘 物有所值啊👍🏻小麥胚芽朱古力奶茶呢杯係較飽肚嘅選擇 因為入面有小麥胚芽🌾 小麥胚芽幾有咬口 朱古力奶茶有香濃嘅朱古力味🍫 味道唔係太甜 口感又幾rich 係朱古力控嘅不二之選😎兩杯都好好飲 無論係九龍灣嘅OL買杯teatime飲 定一邊行街一邊飲都好啱🤗
继续阅读
今次去到茶痴就俾佢個~研磨開心果燕麥奶~吸引左！真心有驚喜！本身好鍾意開心果，依家開心果熱潮，試過好多開心果産品都唔係好濃開心果味，所以最初都係抱住試下既心態點知一拎起杯茶，好重！原來有厚厚既芝士奶蓋，同埋好重手既開心果醬。奶蓋芝士味濃，新鮮，但又唔會搶左開心果味。茶底好香，同開心果好夾，燕麥令成杯野唔會太膩，仲有超級多開心果碎，真係飲到最尾都仲咬到開心果粒粒。可以揀少甜少凍👍🏻👍🏻👍🏻舖頭外面仲有少少位坐下打下咭
继续阅读