茶記研究所

营业中

休息中

油塘大本營見到一間最近新開嘅新式茶餐廳，叫茶記研究所，裝潢懷舊得來又有啲年輕文青風格，感覺舒適～Menu畫滿好多美食插圖，見到都覺得好吸引，於是到嗌咗好幾樣嘢～勁蔥雙丁五香肉丁炒出前一丁，煮成一碟香口惹味雙丁～！一碟算一人份量，下午茶嚟講係剛剛好～ 雙丁唔會太油，仲加有洋蔥、椰菜絲，惹味得嚟減少咗罪惡感😋 黑松露芫荽炒蛋三文治炒蛋三文治會係我嘅必食推介～ 款式好多，可以跟餐肉/沙爹牛/豆豉鯪魚等配搭～ 而我揀咗嘅黑松露芫荽炒蛋，炒蛋嫩滑之外，仲爆蛋汁，蛋味香濃到不得了，真係超級好食～ 而香味極濃郁嘅黑松露同芫荽，竟然都夾得埋，風味獨特，係港式美食嘅創新，好有驚喜～ 絕對適合喜歡重口味嘅芫荽控同黑松露控～ 炸麒麟脾配薯條食茶記點少得一隻炸雞髀～ 麒麟臂可能係誇咗，但size都唔細～ 醃得入味，皮脆肉滑軟嫩，好食😋 而薯條都認真制作，糝有少少少椒鹽，令味道更高層次～菠蘿梳打食下午茶點少得飲品～ 秋日炎炎，菠蘿梳打清甜解渴～ 仲加有兩大粒甜菠蘿可以𡁻下～童年回憶黑牛黑牛絕對係港式經典～ 朱古力雪糕加可樂😊 就係嗰種味道～

位於油塘大本型，附近唔算多office所以lunch time都唔會太爆，見到主要都係家庭客，有卡位都坐得好舒服午餐 卡邦尼餐肉炒一丁 $62卡邦尼一丁有啲料到，鐘意佢唔會太鹹，餐肉都唔會好油，芝士汁香濃唔膩，單邊反蛋流心蛋漿撈埋勁邪惡常餐 沙嗲牛肉麵 $48用鮮牛肉肉質唔削，揀左米粉仲送幾條菜，常餐配黑松露炒蛋多士烘到金黃色脆口好食 除左午餐常餐，仲有招牌元氣三文治，款款都有炒蛋，爆餡勁滿足，個包好soft好香麥味碎蛋沙律牛油果醬三文治 $33牛油果醬雖然薄薄一層，但好香甜同蛋好夾！

一年容易又到年尾，係例數前梗係要食餐好西好好慰勞自己及家人!海陸空大滿足雜扒餐，講吓味道先，羅宋湯竟然係幾好飲， 蒜包烘得夠脆，唔錯，鐵板難得有熱，倒汁落去個陣有JAR JAR聲，有雞扒,豬扒,牛扒，仲有蛋同腸仔，份量多得驚人，抵食之選!馬來風味喇沙椰奶味、蝦味、香茅味及辣味比例很好，濃稠的湯底一口喝下去相當暖和，，摻摻掛滿湯汁，啖啖都食到椰香及海鲜鲜味，正！白牛係香港或澳門茶餐廳嘅特色嘢飲，一杯雪碧（或七喜）加上一個椰子或呍呢拿雪糕球就係白牛。一杯飲料雙重味覺享受!

馬來風味喇沙•摻摻 | 檸檬茶•凍飲•少甜喇沙湯底帶有濃郁的椰奶香氣與辣醬的辛香味，兩者的平衡讓口感既濃郁又不膩。湯裡的配料豐富，魚丸、蝦仁以及滑嫩的豆腐泡充分吸收了湯底的味道，每一口都充滿層次感。麵條的口感相當有嚼勁，簡單卻讓人飽足。美國安格斯肥牛配喇沙•摻摻 | 檸檬水•熱飲美國安格斯肥牛片非常鮮嫩，多汁且充滿肉香，放進喇沙湯底後吸收了辛辣與椰奶的複合風味，肉質更顯滑嫩，與喇沙微辣卻溫暖的湯頭形成了絕佳的對比。軟滑細緻的麵條搭配厚實的肥牛，一口咬下充滿滿足感，讓人食指大動。檸檬茶清新的檸檬香氣，少甜的調整剛剛好地凸顯了茶的韻味而不過於膩口。

見到佢比一般茶餐廳 開揚光猛 企理乾淨 得多, 所以 我地就直接入黎了~ 下午茶時段啱啱好開始, 更抵啊~蔥油香煎雞扒蛋飯 配港式茶走 $58(我地揀咗多蔥油轉全熟蛋）呢個好味喎, 蔥油夠惹味, 雞扒皮脆肉嫩!T5. 勁蔥雙丁 配港式茶走 $50 炒得乾身, 碟底冇油, 而感覺味道都 keep到, 幾好喎~ 粒粒西多士 配凍檸茶少冰 $37有啲少油少糖 feel, 食西多士呢啲邪惡嘢 個感覺無咁内疚咁~btw,我地開始食嘢哥陣, 人就開始多了~但大家都坐得鬆動的, 好好呀呢點~呢度感覺真係幾好, 我哋一致決定 - 係一定會再嚟的~ ;)

呢度啲姐姐超級親切, 完全令人忍唔住要入嚟試吓; 而試咗之後, 即刻有信心 我哋會再嚟~鹹鮮黃花魚（半條）蒸肉餅配 白飯、是日例湯 及 油菜 $88巴東牛坑腩牛筋配白飯 $82咖喱香濃, 微微帶辣; 牛筋軟腍得來, 仍保持小彈牙;㩞汁好好送飯, 感覺真不錯啊!肉餅清淡好入口, 完全小小都無 原本擔心點都有啲嘅魚腥, 真好!黃花魚蒸得啱啱好, 同肉餅一齊蒸 都 keep 到滑嫩嫩~ 好好呀, 食到 2個餸咁呢~ ^o^)/我們的港式飲料例牌: 凍奶茶 少甜 少冰 & 凍檸茶 少冰

今日屋企唔煮餸，一個人出去食茶餐廳有咩好選擇，之前好想食佢哋嘅住家餸套餐，有魚有肉，見隔籬枱都食得好開心！不過新推出嘅一人火鍋好豐富，絕對唔可以錯過！！天氣凍凍地，總係想食火鍋，所以就叫咗個壽喜燒湯底火鍋，都唔錯㗎，入面材料好豐富，佢原本已經有蛋餃牛肉豬肉，金菇菜、魚蛋等等，唔使加餸都好夠食！！我自己就叫咗烏冬，因為超鍾意食，加埋壽喜燒個汁真係幾正！！另外叫咗西多士，作為飯後甜點，平平哋，都幾多件！！

今日同屋企人來油塘行街見到係大本營商場入面🍴茶記研究所門店裝修時尚！環境唔錯👍🏻入來食晚餐估唔到晚市套餐竟然有蒸魚🐟即刻要試下先🐟鹹鮮黃花魚*半條蒸肉餅配白飯跟是日例湯、油菜！即叫即蒸上碟新鮮熱辣黃花魚肉質幼滑鮮嫩鮮嬽、肉餅厚實好下飯🐖蔥油豬扒煎蛋飯豬扒調味好好！而且煎到恰到好處！入口帶滿滿嘅肉汁加入自家製蔥油撈飯好香口！埋單百五蚊～都算經濟實惠！茶記研究所 (油塘)📍油塘高超道38號大本型LG2樓202-203號舖

阿媽帶我去AEON買嘢，話逢星期三有優惠，買完之後順便嚟咗呢間茶餐廳度食嘢。環境睇上去，都幾寬敞下，唔會迫澀澀咁樣，顏色和色調整個裝修風格都配合得幾好。用QR code落單的，感覺幾方便。-羅宋湯通粉跟咗個 碎蛋沙律🥗和牛角包🥐個羅宋湯有啲肉粒喺入面（足料，有啲餐廳羅宋湯真係全素的），而且啲蕃茄味超級濃郁，甚至可以幻想到個湯可能係廚房啲人，用咗成罐蕃茄汁或者蕃茄醬去整出嚟的～（超大罐嗰種）-馬來風味喇沙（油麵）「超級推薦.好吃🖤」✨喇沙其實是有很多種不同的派系的，所以沒有唯指定那一款是正宗的，這個喇沙湯底 我嘗到有椰奶的味道，沒有很強的辣味，慢慢品嚐時有一種微甜的感覺。這個面裏面有豆卜、半隻雞蛋🥚、魚蛋、魚片同埋蝦🦐（各4件）本身個湯底就已經很好味了😋這豆卜是一開二的，像海綿一樣吸收着湯底，吃起來超級有汁水有口感又有豐富的味道👅而且這家店還很貼心的幫忙剝了蝦🦐殼另外跟餐 仲有一杯熱奶茶同埋一杯紅豆冰，紅豆冰超級好味😋普遍紅豆冰都是用牛奶的，這間店用椰奶的，而且冰也不會給很多只有三大粒冰🧊，主要以適量為主👍🏻👍🏻👍🏻（之前去過一間茶餐廳飲凍檸茶，啲茶一啲味都冇，啲冰又多到死）✨仲有一個員

今日約左朋友去油塘行山⛰️行山前就係大本型呢到食早餐先☺️揀左呢間茶記研究所，menu都幾創新，食茶記早餐同時仲有埋精品咖啡飲😍啱晒我地🫶🏻＊＊＊＊＊🐣🍗茶記食肉獸早餐 — 香煎雞扒 $45配午餐肉、炒蛋、茄汁豆、牛油多士🌼☕️桂花蜜糖鮮奶咖啡 +$24呢個早餐超級豐富，我地揀左雞扒，佢可以配午餐肉/香腸/火腿、蛋都可以揀煎蛋/太陽蛋/炒滑蛋、多士又可以烘底，超級客製化，啱晒有要求嘅你🥰雞扒煎得好香，肉厚多汁😋另外，仲可以加錢轉精品咖啡☕️又抵又高質～🐮🥪勁蔥咸牛肉炒蛋三文治 $34烘底 +$2呢個鹹牛肉蛋治超豪華😍仲有多蔥同超厚切呀🥩🍜沙嗲牛肉即食麵 $42即食麵(爽D)、配腸仔、太陽蛋、牛油多士、熱菜蜜好鍾意佢啲麵有得揀爽啲定淋啲，我就揀左爽啲，好彈牙又有咬口～沙爹牛好濃郁、仲有花生香味😋＊＊＊＊＊

嚟到呢一間新派嘅茶餐廳食早餐款式都幾多！叫咗個🍅香濃羅宋湯通粉入邊有大量嘅蔬菜，蘿蔔，仲有牛肉粒食通粉就可以朔晒啲汁 一路飲湯都覺得幾舒服仲有兩隻太陽蛋 配埋熱辣辣脆卜卜嘅牛角包一個人嚟講份量都算幾多沙爹牛肉炒蛋三文治🥪係用好靚嘅紙同埋兜包住入邊有滑捋捋嘅炒蛋 同埋濃郁嘅沙嗲牛肉加埋烘底 內脆外軟除咗呢款三文治，仲有其他唔同嘅配搭下次可以再食最後叫多個香煎豬扒即食麵豬扒幾軟熟 有口感即食麵可以揀煮得硬身啲 更加有口感炒蛋幾靚 呈深黃色兩杯奶茶一杯熱檸蜜

「茶記研究所」到底係一間茶記，還是一間研究所呢？於是我們決定入去試下，解開我哋嘅迷思☺️屋企人點咗一碟原條鰻魚🪱炒烏冬，套餐包埋熱飲$78。鰻魚超長，上面加太陽蛋🍳我點了韓式🇰🇷豬頸肉炒粉絲$68，同樣也是包餐飲，我點檸茶。韓式粉絲煙煙靭靭，豬頸肉切絲，比起大片我略嫌口感不足，但很喜歡配菜的雲耳和冬菇片。小店有招牌元氣三文治和懷舊餐飲。如果下午茶時段，我會想試黑松露芫茜炒蛋三文治配黑牛。大家不防多留意非連鎖式的茶記，隨時可能得到額外嘅滿足。

朋友屋企住油塘，今日收工之後約埋一齊傾下計吹水，想醫肚就走咗去大本營嘅茶記研究所食飯馬來喇沙 $72揀咗一碗喇沙麵，係油麵同埋米粉溝埋嘅摻摻，配料有魚蛋、魚片、豆卜、蝦仁、半粒熟蛋，蝦仁、魚蛋、魚片食落都幾爽口，豆卜因為入面係中空，所以吸飽咗喇沙嘅湯底，食落會爆汁，喇沙湯底味道濃郁，味道調整過唔會辣，加埋有口感嘅摻摻麵底，係一碗有特色既喇沙麵！日式鰻魚太陽蛋炒烏冬 $78另一款揀咗炒烏冬，加上日式鰻魚同埋太陽蛋，並喺表面加上柴魚片作點綴，柴魚片因為熱力而不斷擺動，望落去幾有喜感。烏冬炒得乾身，食落味道夠但唔會鹹，太陽蛋呈流心狀，加埋烏冬一齊食入口順滑，配上原條鰻魚，食落好滿足～跟餐送兩杯熱飲，分別揀咗熱檸水同埋熱檸茶，正好可以清新味蕾！

#20241127 📝📍 #茶記研究所 @chakeelab 油塘高超道38號大本型LG2樓202-203號舖➖➖➖➖➖➖➖➖➖➖➖➖➖➖➖➖➖ 🥢 #餐湯 #餐包 💭 叫所有鐵板餐都會跟個餐湯同餐包，餐湯無得揀係紅湯，入面有菜有肉好足料，味道酸酸甜甜夠晒開胃，再跟個甜餐包，呢啲包只要熱就已經好好味，配埋一齊食為呢餐開左個美好既頭🤤.#大滿足雜扒鐵板餐 $108💭 上枱店員姐姐會幫手淋啲汁落鐵板度，咋一聲成間舖都聞到香味，特別交低唔夠汁可以再問佢地拎勁貼心💗呢個鐵板有雞、有牛、有豬、有腸仔，個底仲有啲椰菜同薯條，豐盛到不得了，想講兩個人食覺得飽，認真大件夾抵食！.#粒粒西多士 $38💭 係茶記想食甜野會諗起啲咩，西多士應該係首選，由細到大食西多士最鐘意都係食啲邊邊位，呢個切到一粒粒先炸就岩晒，多左勁多邊邊位，夾心個花生醬仲係粗粒有咬口，食完真正滿足喇🥜. 🥢 #凍華田 +$3💭 本身有得揀通常都會揀汽水飲，但尼到茶記又忽然間想重拾下童年回憶叫左杯華田飲，佢地仲有啲好少見既黑牛、雪糕紅豆冰果啲舊時茶記野飲，有興趣尼到可以叫尼飲下😎.#油塘美食 #🐷在油塘 #🐷_食

勁蔥咸牛肉炒蛋三文治🥪鮮香可口，口感豐富，搭配恰到好處，令人回味無窮😋香濃羅宋湯通粉湯底醇厚，酸甜適中，搭配通粉滑順，暖心又美味，令人滿足😙酥脆牛角包🥐外脆內軟搭配清新碎蛋沙律，口感層次分明，完美早餐選擇，令人愉悅😙叻沙湯底濃郁，香料味十足，配料新鮮，讓人回味無窮，值得一試！#Hannahbaby2021 #Haileybaby2022 #親子 #親子好去處 #親子活動 #好物分享 #香港bb #育兒日記 #育兒生活 #茶記研究所 #yautong