茶餐廳2.0 (已結業)

放假日逛愉景新城，見茶餐廳2.0，餐具架用膠袋蓋住夠衛生，餐廳面積頗大，座位寬闊坐得舒適，我們點左馬來咖喱牛筋腩飯，牛腩和牛筋夠腍滑，咖喱味香真不錯很海南雞喇沙米線，雞肉嫩滑，份量十足，喇沙味道清香，很美味又好吃😋鮮茄焗豬扒飯，炒飯底很香，豬扒不鬆軟有點硬實，茄味都香。雞蛋仔配雪糕和棉花糖，脆脆雞蛋仔上加雪糕，香甜軟滑。心太軟配雪糕熱辣辣上枱，蛋糕外層香脆，內層朱古力漿很香濃，伴雲尼拿雪糕一齊吃 ，美味大滿足。芒椰派對，椰味香，有鳳梨肉粒，色靚味甜。黑糖珍珠奶茶香滑可口，不太甜。

之前限聚令，買過呢一間餐廳既外賣，覺得味道很好，只是拿到回家，不是很熱，很想試下堂食，熱辣辣既感覺。今次我們點了3個晚餐小菜，很抵食，平均七十幾蚊一個餐👍🏻👍🏻 重可以加個炒菜，真心是覺得平，靚，正👍🏻年個餐都有跟餐湯，可以選擇中式例湯或蘿宋湯。我比較喜歡他們的蘿宋湯，因為特別辣，有開胃的感覺😋沙姜雞，肉質鮮嫩，有雞肉味，重要的是煮熟了，在雞肉與骨之間沒有鮮紅色的血。配上沙姜醬，非常好味，值得一試。生炒骨，味香色俱全，酸味十足，菠蘿甜甜酸酸，配合起來十分野味。椒絲腐乳通菜炒鮮魷，腐乳味濃，適合喜歡食腐乳的朋友仔。炒油菜，跟餐可以加錢換油菜一碟，價錢平，好味，健康，CP值高👍🏻椰果奶茶，他們的餐飲可以選擇珍珠奶茶，珍珠鮮奶，非常特別。我已經好耐無飲過呢一類手搖飲品，因為衛生問題，不想在大街上進食，今次可以在餐廳中飲椰果珍珠奶茶，真的好開心👏🏻👏🏻大家都快啲黎呢間茶餐廳2.0試下啦，真係平靚正嫁👍🏻

今天與媽媽到愉景新城shopping，午飯時候專程帶媽媽來到茶餐廳2.0吃午飯。因為我之前到過黃大仙分店吃過，我覺得很不錯。炭燒牛扒流心雞蛋雜菜沙律伴多士賣相很好，很有驚喜，打卡不錯。大大塊牛扒，牛扒肉質不韌，燒汁惹味。流心蛋是凍食的，配以日式芝麻醬，很加分。雜菜沙律有很多鮮果，口感爽口清新，充滿沙律醬及煉奶的香甜，一口接一口吃不停口。龍蝦汁海鮮炒意粉分量十足，多款海鮮， 十分豐富，有青口，蝦，蜆，小帶子及蟹柳。意粉口感不錯，軟硬適中，蕃茄醬配海鮮是不會出錯的配搭。蒜香扒大蝦卡邦尼意粉卡邦尼醤汁creamy, 大蝦以大量蒜蓉煎香，蝦肉充滿蒜香，很香口。馬來西亞海鮮咖喱伴薯菜咖喱汁香濃，香辣味適中，海鮮有原條大魚柳，青口，及鮮蝦等等。這裏的薯條是薯條及蔬菜。薯條香脆，炸得不錯，不油膩。薯條配茄汁，但由於咖喱汁太好味，我們連薯條也沾上咖喱汁吃。我們點了多款菜式，眼闊肚窄，打包了給家裏的爸爸及姐姐。總括而言，這裏的食物分量頗大，味道很不錯。

荃灣篇~👭去愉景新城開餐😚 茶餐廳光猛整潔， 幾有人氣，等位期間，已做多個外賣😚餐牌選擇款式多， 單係午餐差不多有20🤪第一餐食少少， 開個胃先😆炭燒牛扒流心蛋什菜沙律伴多士🥩🥗牛扒肉質正常，唔柴有肉汁，個燒汁做得幾好味😋 多士焊得香脆香口，沙律好新鮮爽脆， 唔係雪藏過龍個隻👍All day breakfast🥐🥓🥚🍄🍅牛角包細隻咗D,但勝在鬆脆， 煙肉、火腿少少鹹香， 豬肉腸脆皮好味，蘑菇係新鮮貨色👍兩杯桃膠特飲( 跟餐每杯減十蚊)台式四季春茶🍹水梨凍頂烏龍🍹除咗桃膠外，仲加有杞子，好清甜👌

第一次食「茶餐廳2.0」好好味，而且價錢好抵食，出面的茶餐廳都無咁平，呢間餐廳好多選擇，小朋友見到有雪糕雞蛋仔就最開心😍😍 我好想試黑糖珍珠奶茶，可惜當日已經賣晒，我會再去嘗試佢啲特飲☺️

喺荃灣買完野，諗住同朋友仔喺度食埋飯，加上糧尾，不如搵啲平靚正嘅食，見到茶餐廳2.0，就食呢度啦！好，坐低睇吓有咩好食先。呢度有個石鍋系列，好似好吸引喎，跟餐有羅宋湯，羅宋湯辣辣地，仲有好多湯料。香濃芝士焗肉醬意粉，因為係石鍋所以要小心嗰邊好熱，意粉上面鋪滿香濃芝士，個肉醬醬汁夠晒多，食到底啲意粉都唔會乾。紅酒燴牛尾飯，上枱嘅時候啲醬汁仲係卜卜跳，夠晒熱辣辣，因為醬汁好濃厚，要熱辣辣先好食。牛尾分量非常多，大大件，炆得好腍，送飯一流。估唔到茶餐廳都有黑糖珍珠鮮奶飲，仲有百香果，不得不講呢個百香果，特別之處係有桃膠、杞子喺入邊，將茶餐廳嘅多元化發揮到淋漓盡致。

今晚到愉景新城買東西，順便在商場吃晚飯，記得上次吃過這家茶餐廳2.0水準不錯，就和太太來試試。餐廳裝飾的懷舊香港作為主題，有不少香港的特色設計，位置空間感足夠，非常時期亦做足防疫措施，十分抵讚。晚市有中式及西式的套餐，亦有單點各種港式小菜、常餐、石鍋飯、鐵板等，還有不同的雞蛋仔甜品。餐湯是日中湯是節瓜豬骨湯，夏天飲正合時，消暑健脾，生津止渴，真材實料絕無味精，而羅宋湯亦十分足料，酸爽味濃，味辛微辣，十分開胃。美國安格斯肉眼扒鐵板熱辣辣的上枱，肉眼扒份量驚人，牛扒一咬有豐腴肉汁及濃厚肉味，一口品嚐到安格斯牛濃郁的牛肉香氣，配以惹味的黑椒汁，十分相襯，比不少港式扒房更有水準。德國脆皮咸豬手原隻德國咸豬手上枱前已經起肉，方便客人食用，外層表皮極度酥脆，內裡肉嫩多汁，味道咸香不膩，有大口吃肉的滋味。雪糕鮮果雞蛋仔最後叫了一客餐廳主打的雞蛋仔甜品，雞蛋仔即叫即做，所以絕對新鮮熱辣，外脆內軟，加上雪糕香甜可口，每一口都有口感味道不同的驚喜。仙草奶茶/桃膠凍頂烏龍仙草奶茶十分濃滑，加上仙草的甘香，令人回味，而桃膠凍頂烏龍的茶香清怡，和桃膠純粹的天然香甜，十分合撘。

終於可以出去食飯，同朋友黎呢間茶餐廳2.0鐘意呢間餐廳可以一次過食到唔同菜式有中菜、鐵板、西餐同甜品等~🌠海南雞喇沙因為去到餐廳5:30pm, 仲可以食到下午茶又可以叫到晚餐，所以即刻試下喇沙！湯底濃郁的椰子香味，同時帶有淡淡的甜味，海南雞 好嫩滑，配每條都吸曬湯底精華嘅米線😄 好惹味😜🌠美國安格斯肉眼扒一上菜真係"嘩！"一聲，好大塊要咗七成嘅牛扒煙韌度適中，配黑椒汁真係好夾！薯菜做得唔錯夠脆而且唔油膩！🌠黑松露鮮蝦炒意粉意粉汁似卡邦尼帶小小黑松露， 啲汁好濃郁又夠多次次都痴滿意粉汁，鮮蝦同帶子都有幾多， 又有啲蔬菜，都幾健康😜🌠雪糕心太軟估唔到茶餐廳都有心太軟食，而且做得都唔錯！賣相好得😏心太軟朱古力味好濃郁， 雪糕就雲呢拿味，秒速食完😄太好味😆晚餐配餐湯同飲品😄以幾十蚊價錢真係好抵食！而且質素都唔差！

來到荃灣，來到愉景新城，在走完家俬鋪～宜家同埋實惠之後，找到了一間有中餐，有西餐，有街頭小吃～雞蛋仔，有雪糕有蛋糕又有珍珠奶茶的鋪頭～茶餐廳2.0，這滿足了我和朋友的不同願望。朋友點了西餐『香煎西冷牛扒』，他挑了跟薯菜還有不要黑椒汁而要燒汁，我吃了2小塊牛扒，還真不錯。至於我吧，就點了中餐『水煮魚片飯』，主要係隔离枱的鮮，紅，油，辣吸引了我的眼球，雖然疫症期間，少吃爲妙，但忍不住點了，魚片很滑嫩，整個菜色，香，味俱全，送白飯正合適。『雞蛋仔』和雪糕好好味，餐廳裏吃到正宗街頭小吃，正而『珍珠奶茶』裏的珍珠好Q彈，是我喜歡的味道。

今晚老婆回娘家，唯有自己一支公自製男人的浪漫🌹愉景新城入完貨，順便喺商場食埋啦，一個人但求，快靚正😂😂見到呢間茶餐廳2.0選擇都好多喎，仲有好多小菜套餐添！見到佢哋有西檸雞，即刻入去．真係唔係好多地方再有呢味餸．味道有驚喜喎🤩🤩份量超大，新鮮檸檬甜酸適中，特別開胃！雞炸得又脆又嫩，送飯一流跟餐有羅宋湯．白飯．好大碗一定夠飽😂😂還有台式飲品．台式四季春茶夠清爽．感覺好清新👍既然自製男人浪漫，當然要食返個甜品🍮心太軟配雪糕好抵食呀25蚊即叫即做．食完真係sweet曬好滿意的一間茶餐廳．款式多價錢合理．仲要大份量多呢 😜

咁大個人都未寫過食評，呢間咁嘅垃圾餐廳真係要表揚下佢先得！今日去開愉景諗住喺OpenRice睇吓有乜好餐廳啦，見到呢間餐廳評價都唔錯，於是一家人去試下啦，我地叫咗三個早餐，我叫嗰個鮮茄牛腩烏東，一心諗住好正啦，點知送到過嚟D牛腩湯渣咁，仲要超大舊，我咁大個人都未食過咁大舊牛腩，半隻手掌咁大仲要超硬....真係垃圾之中嘅垃圾，做廚做到咁冇心你不如轉行啦，難食都算，當你一時失手，我個仔嗰炸魚早餐，我地兩個大人食完都未到，我老婆問我會唔會漏咗，我仲話可能炸嘢耐D姐等多陣，點知好耐都未到，於是問下四眼疑似女經理啦，點知佢一句達落嚟「等下」，check都唔check下有冇漏，於是又等咗15min再問佢，點知佢扮聽唔到......九丈遠嗰個男店員都聽到走過黎幫我跟返，原來真係漏咗單！！一肚氣！得個男店員似返個人有say sorry，最後埋單又係四眼疑似女經理收錢黑口黑面咁....我心諗我都未黑面呀！其實漏單+難食都真係一個好少嘅問題，最大問題係我問你係咪漏咗 你完全唔check吓，仲要覺得我煩住你咁，希望你改下你D垃圾態度，如果我有你呢D伙計真係等乞米都得！呢間嘢貼錢比我都唔會再食！完

講到香港特色小食，一定非雞蛋仔莫屬，今日就比佢擺喺門口嘅雞蛋仔吸引咗，入去體驗一下香港味道夏日炎炎，整返杯特飲就最好不過，估唔到喺茶餐廳竟然有杯咁吸睛嘅芒果特飲，最頂層有芒果粒，中間係細滑嘅奶再加芒果沙冰，非常解渴第二樣驚喜係喺茶餐廳都可以食到咁精緻嘅西餐，煙三文魚砌成嘅玫瑰花用嚟打卡就啱晒啦跟餐仲可以配埋個中式冬瓜湯添第三個驚喜係茶餐廳竟然有得食喇沙一大塊煎到金黃色嘅豬扒，口感不錯，非常入味最後就當然係我哋嘅主角雞蛋仔啦唔好睇個面有咁多cream驚會整到個雞蛋仔好淋，但其實雞蛋仔仍然相當香脆，抵讚

而家晚晚都要外賣，質素又吾好，攪到晚晚都無啖好食😭點知今晚比我發現到一間又抵食，又好味既茶餐廳2.0，真係估佢吾到咁平咁抵食👍🏻佢地有多款外賣套餐，重有8折，計埋重平過自己煮😂😂 真心抵等左一陣，外賣就到手，緊係即刻返屋企啦，返到屋企，啲餸重係熱嫁👍🏻我地叫左3個餸，二個人認真夠晒食，有飯有野飲，去邊到搵😂第一個餸係沙薑雞，雞肉鮮嫩，吾會有血水，加上沙薑雞醬，非常好味，送飯一流👍🏻👍🏻西蘭花炒蝦仁，足料，又多蝦仁，西蘭花吾會炒到過火，味道亦好好，咁既價錢，抵到爛👍🏻👍🏻日式和風牛肉飯，勁多牛肉，而且吾會好韌，吾錯，但我會選擇食小菜，所以聽日我會再去買外賣自取😂大家夜晚如果想食平啲，食好啲，都可以去茶餐廳2.0試下👍🏻👍🏻

11點去到愉景新城，好多餐廳都未有午市，甚至未開，但又唔想食早餐，見呢個早餐有紅燒牛肉麵，就決定去試吓。普通早餐好似沙嗲牛肉麵之類就當然有，佢另外有紅燒牛肉拉麵，叉燒拉麵之類較少有嘅餐。拉麵比較油，其實似油麵多啲，牛肉無咩問題，但其實亦只係普通牛腩，湯底有莞茜，好彩我唔算討厭。大體黎講你當佢係牛腩油麵就無咩問題，係襯唔到個高級左嘅名咁，落差大左。加配有得揀煎蛋/炒蛋/烚蛋&多士/薯餅。炒蛋冇乜味，薯餅都唔夠熱。同埋硬係覺得個擺盤有啲空虛，放多塊多士落去或者換隻細啲嘅碟可能好啲😂疫情期間坐滿晒要等位，座位之間都有隔板，但位與位實在係比較近，如果擔心嘅朋友就要留意吓。整體來講$40左右一個早餐唔算平，呢個價錢嘅早餐質素可以好啲。

位於荃灣青山道398號愉景新城二樓2029號舖的茶餐廳2.0 (Cafe 2.0)，主打港式食品。因疫情關係，晚上6時後餐廳只能提供外賣，所以點了兩客食品回家享用。茶餐廳在門口擺放了是日晚餐的選擇。全日特色早餐 - All Day Breakfast(Sausage, ham, egg, mushroom, tomato, bacon, baked bean, croissant)。All day Breakfast相當豐富，有：豬肉腸、火腿、蛋、炒雜菌、蕃茄、煙肉、焗豆、牛角包。個人最喜歡吃牛角包，外皮頗為脆口。全日早餐的整體份量大份，男士吃也夠飽。炒蛋質感滑溜，不會煮得過熟。這份早餐和朋友，一人一半分享。朋友則覺得炒雜菌略為乾身了少許。巴基斯坦咖哩雞 配飯Pakistan Curry Chicken with Rice。巴基斯坦咖哩和印度咖哩口味不同，前者味道有微微的酸，但整體香氣濃郁。咖哩內還有燈籠椒、薯仔等配菜。這款咖哩採用了雞腿肉，質感嫩滑。咖哩和白飯是分開上的，不會把白飯浸爛。白飯旁邊還會有少許蔬菜。