薈欣•越南

营业中

休息中

今次嚟到青衣城覓食，咁啱見到呢一間人流幾多嘅越南菜～雖然係假期但就算下午三點都幾乎滿席❗️見食物價錢都合理～而且裝修都幾新淨🙂‍↔️ 所以就試吓啦❗️呢間越南菜嘅食物款式好多，除咗基本嘅牛肉河粉同撈檬外，仲有菠蘿炒飯、炒金邊粉、越式手捲同越式風味三文治～基本上越南食物嘅種類佢都有，而且佢上菜速度超快，唔洗5分鐘就上咗嚟，一開始有少少驚，但好彩啲麵都仲係熱嘅————————-**西貢鮮茄蟹肉海鮮湯檬粉 $70蕃茄湯底鮮甜又淡淡嘅海鮮味，有好多蟹肉喺面，仲有兩隻蝦，粉嘅質感正常，可惜個湯底冇得揀少少辣，所以食落味道比較清淡，如果可以再濃味少少就更好啦❗️**金不換香辣牛肉炒金邊粉 $82金邊粉食落去煙靭，牛肉嘅份量都好多，辣味嘅調味都足夠，我會認為炒金邊粉比湯檬粉更加值得一試🫶🏻

I visited a Vietnamese restaurant and decided to give it a try for afternoon tea, of course. The waitstaff had some rules and pointed out that we couldn't sit in certain areas (even though there were many empty seats at the time). It didn't really matter; mistakes happen. However, we had to place our bags and newly purchased items on the table.We ordered a green curry with pork neck and a yellow curry beef brisket with tendon rice. The flavors were about decent, but since we were still a bit hun

今天下午行咗去青衣城，期間經過2樓，見到有一間新開的越南食肆， 即管走行去望望他們放在門前的餐牌，見到這裡的下午茶餐牌都幾抵食，而且有很多選擇，所以就入去幫襯下!餐廳內的裝修格調傾向柔和色彩，看起來很舒服養眼! 這裏的下午茶餐大概是由$56起至$70不等，而餐牌主要是越式湯粉類、撈檬類、炒粉麵及飯類等，包一杯飲品，最啱等食late lunch 嘅朋友仔當正餐食!!小妹就order咗個「炭燒豬扒扎肉撈檬」加 一杯熱咖啡。炭燒豬扒肉質夠晒腍，但可惜冇乜肉味，又食唔到有炭燒味! 而扎肉就沒有太大特別，味道一般!至於杯咖啡，一心想可以飲到的是越南咖啡，但可惜只是普通咖啡，令小妹有少許失望!總括而言，這間越南食肆在青衣城來説，性價比一般，不過不失，份量都算OK，侍應服務也尚可以，但食物質素則有待提升，要繼續加油!

第二次惠顧，但唔會有第三次。上次已經覺佢似係“青悅”2.0，不過覺得佢服務同食物尚可，就算了。（而青悅已經係我們發誓唔會再去既餐廳，因為食物與服務係負分！後來青悅終結業。）結果今晚再食，就發現新開呢間根本係同一個老板既出品！青悅既續集！今次服務雖然ok，但食物品質退步驚人：（1）蕃茄牛腩煲-一煲連唔識煮野既人都會覺得好求其既野！牛腩少，用蕃茄仔同紅蘿蔔充撐場面！仲唔夠熱，稀稀的！（2）蟹肉札肉粉粉絲-蟹肉少無可少，粉絲算粉過啲囉。。。（3）牛油薄餅-得1塊可憐好細既超市版薄餅咁囉！（4）通菜-不過爾爾。（5）馬來白咖啡-‘’白x場‘’沖包一杯。性價比0。同青悅“品質”相同！服務相信都會每况愈下。只是今晚少人，尚可。總結：無心做既，就唔好再開。必然無第三次幫襯。

我個人好鐘意食海鮮炒飯，東南亞風味嘅 菠蘿海鮮炒飯 當然會令我食指大動， 飢餓感呈現，係飯桌上唔少得嘅一道主食啦～返屋企經過 薈欣•越南，晚市時段要等位，好奇望望佢嘅主餐牌，由開胃小食，前菜沙律，各款主食，就連冬陰功湯亦有兩種份量選擇，有心思。揭開到有 菠蘿海鮮炒飯 圖片個頁，嘩～超吸引呀，菜名放係首項，佳餚果然地位不同， 餐牌內容豐富，選擇多。睇到我想拎飛排隊添。晚餐多數係同屋企人朋友享受聚餐時光，為免等到肚仔餓，必定擇日來試菜。遇啱今日休息，薈欣嘅下午茶餐牌， 竟有包含 菠蘿豬頸肉炒飯，送熱飲，正喎。上菜一見，份量好足夠，加上一排鮮菠蘿經過炭烤，果肉香甜，又好吸睛，打卡一流。炒飯淺嘗一口已感有鑊氣，飯粒分明而帶有滿滿配料香氣，顯得廚師有功架十足。當中發現有加入一種高營養價值嘅菰米，口感多了一份由設計菜式者的心意。餐廳環境舒適，期望下次來品嚐美食會再有新發現。

今日一家四口大約下午6:30攞飛，大概等咗20分鐘左右，安排咗我哋附近係一個木窗位置，諗住食完同啲小朋友行陣街就準備返屋企！點不知就係惡夢嘅開始，全程係QR code落單，因為有啲食物其中小朋友敏感，但係都有位同事好好咁幫我哋落單！不久後，不斷聽到木窗後邊有兩把男聲係咁喺度講粗口，仲要係不斷重複好大聲，重點係我哋有小朋友㗎！起初我哋兩公婆諗住扮聽錯，食完就走！過多5分鐘之後又有另一位女同事衝出嚟，大大聲講嘢，跟住之後攞咗好多唔知咩嘢向住個角落頭係咁掟！我同我老婆諗緊究竟發生緊咩事？我同大部份客人嘅反應都係一樣！食物我哋唔敢多講，因為我哋淨係想食完就即刻走，但係呢間餐廳真係唔會再去囉！粗口橫飛，要去嘅麻煩真係要請考慮吓！

叫外賣，攞之前已經問左有無汁 個侍應話喺裡面 。最後返到屋企發現係無嘅 叫左牛肉扎肉撈檬，但係剩係得牛肉😳😨 。之後發現餐廳亦都冇電話可以打到去。要食一碗無魚露嘅檬粉 。

我同囡囡二人就坐，叫了個炒飯及湯麪，是我自己沒有問清楚，麵來了是辣的，叫了侍應過來，態度友善不特止，仲話重新整一碗俾我，我叫佢整個齋麵俾我就可以了，因為都係小朋友食，最後他竟然坐喺碗面上面加咗配料，一路食亦都有問我哋有什麼需要，在香港這種服務態度已經買少見少真心欣賞，加油

叫左個22蚊既牛油煎餅 其實都預你係超市個種 但無諗過呢個價錢你比一塊我 咖哩大蝦黎既時候係覺得好大碟 但其實肉好少 咖哩同蝦完全唔入味 用大量配菜堆砌出黎 青咖哩羊扒 亦都係各有各玩咁 撈埋一齊仲因為羊扒既炭烤而有苦味 喺上面嘅配菜 草青味濃郁 未食完一條已經想停 冬陰功 味精味極重 成餐飯 食左約800蚊 而呢個價錢 仲要得嚟服務態度極差 重點係 用餐前只係得餐具 冇餐碗碟 然後問佢拎餐碗 竟然喺上面發現有上一手嘅飯粒 未洗乾淨 整體感覺極差

炭燒豬扒唔香，凍檬個汁唔知落左乜，食完好口渴。菠蘿炒飯量好足，但係菠蘿唔係加係炒飯入面，係放係側邊，凍既，食落感覺好奇怪，好似飯未食完就食飯後果咁，不倫不類。牛肉湯粉湯底不過不失，蝦餅有嚼勁，不錯。服務態度好一般，要兩杯水都好晦氣地答你轉頭先，有待改善。睇落人手唔算少，但係就係好快咁行過，唔多理客。有幾個位俾廚房把風扇吹到正，雖然有屏風，但係幅屏風係通風既，但係都係照安排客人坐嗰啲位食風。最頂唔順係啲碗碗碟碟都係有崩口，仲要一隻碟有三處崩口，新開既舖頭竟然係咁，好倒胃口，唔衛生又驚整親手。

兩個人在夜晚去左呢間越南餐廳食野，雖然話係越南餐廳，但係感覺上比較似泰國餐廳，我地叫左個大蝦冬陰功湯、香辣豬肉碎生菜包、金不煥香辣牛肉炒金邊粉同燒牛柳芒果青芒絲沙律。香辣豬肉碎生菜包幾夠酸，夠哂開胃，唔會食到好滯。燒牛柳芒果青芒絲沙律就正正常常。大蝦冬陰功湯就一人都飲到3碗，都幾足料，亦都幾夠味夠酸夠辣。金不煥香辣牛肉炒金邊粉就炒落唔會好乾，亦都十分足料。食完之後仲可以叫埋佢另一間舖既糖品，但係食左多野都好飽食品落，有機會都會再去食

假期約左朋友試下呢間新開既越南餐廳，晚上6點已經要等位😂好誇張，等左差吾多15min先入到餐廳😅最麻煩係無得打電話book位。。餐牌都多選擇，有湯河，撈檬，小食，飯，等等😆⭐️火車頭湯河上枱時有少少嚇親，生牛肉真係好生，d湯吾係超熱都驚浸吾熟。。。有2粒牛丸，牛柏葉，牛筋，湯底ok, 但食完會口渴，應該有味精⭐️原個椰青海鮮焗飯好耐無見到有餐廳煮呢個椰青焗飯！見到呢度有即點啦！😍😍係炒飯底👍海鮮好足料，有2隻青口，蝦，魷魚，好食必叫丫！😍😍⭐️馬拉盞炒椰菜苗有少少辣，椰菜苗好硬，建議煮耐少少😅😅⭐️炭燒泰式豬頸肉正常水準，份量足，普通一碟豬頸肉

青衣城新開越南餐廳新開，喺門口見個Menu又唔算貴，所以去試吓。佢應該同隔籬嗰間星馬印其實係同一間。我老公試咗火車頭，我自己試咗西貢鮮茄蟹肉海鮮湯檬粉。湯底非常普通，火車頭都還可以。我自己嗰個蕃茄蟹肉海鮮湯檬粉就完全食唔出海鮮味只有蕃茄味。有兩隻連殼細蝦，冇咩蟹肉。試咗我老公嗰個火車頭，佢湯底唔多feel到係牛骨煲，不過都夠咸味嘅。佢牛肉係唔錯嘅。但整體上就好一般。環境都ok，始終新開。但我老公覺得佢座位有啲污糟。可能座位清潔唔夠。呢間餐廳我本人幫襯一次就夠。本來都想試吓隔離間餐廳，但食完呢個之後我諗我應該唔會去試。我見隔離枱果個炸蝦餅個樣都唔錯，可能炸物會好啲。幅圖碗麵係未開始食，雖然佢個樣好似食咗一半咁 🤣

環境整潔，冷氣通爽，服務勤快，份量合適，材料新鮮，香味足夠，亦能保持熱度送到客人面前。要求加添冰水與冰塊亦非常樂意，感覺重視客人的要求。品嚐的食物有：炭燒豬頸肉—炭燒味非常突出，肉質柔軟味香。豬肉生菜包—採用西生菜作為菜包，當中每塊生菜也夾有一片粉皮，非常有口感有特色。越式炸春卷—春卷皮脆餡軟，炸成金黃色脆度足夠，算是有水準。馬拉盞通菜—辣度適中，通菜新鮮翠綠脆口，配上足夠的馬拉盞十分惹味。椰汁西米糕—甜度適中，椰汁味濃與外間的椰汁西米糕有分別，感覺優勝一籌。今天是首次光顧，我會回頭品嚐其它未吃的菜式。

魷魚粒炸蝦餅好味又特別，魷魚粒唔會硬身。炭燒豬頸肉有陣陣炭香味。原個椰子海鮮焗飯普通，無驚喜。總括來說，我會再幫襯，不過最衰無得訂位，要walk-in，可能始終新開張，星期六日排好耐隊，如果同老人家一齊食飯就唔建議，因為唔知排幾耐先有位。