榮昌茶座

营业中

休息中

上星期我係車友group有朋友仔話可以揸車去嚟呢間茶座試下，今日去咗試試佢😋😋。茶座喺粉錦公路旁，雖然位置唔係好方便（最好揸車，但都有小巴/巴士到附近），但都有不少捧場客，餐廳分室內和室外，室外位置設有風扇及冷風機，夏天嚟都唔會感到太熱，而且用餐時有短時間嘅免費泊車，所以都吸引咗一大班喜歡假日車聚嘅車友過嚟！第一次過嚟就先試左佢哋餐廳嘅餐牌推介先😋😋豬扒米粉🐷🍜肉質非常鬆軟，肥瘦均勻，而且中層有少許油脂部分，令口感更為可口！煎雞尾包🍔熱度啱啱好，食到新鮮出爐嗰種感覺，一個字正👍🏻熱奶茶🥛☕️呢杯奶茶冇令我失望，茶底很濃，奶的比例調教得很好，令茶質更滑！呢間茶座是值得過嚟一試。雖然位置有啲隔涉，但價格合理，分量又充足，加上地道的味道，讓人感受到香港的飲食文化在這片土地上的延續。

朋友仔買左新車，去個morning drive. 黎到呢間粉錦公路既茶檔嘆個簡單港式中餐。呢個位置真係唔揸車都幾難到，亦吸引左唔少車友過黎。亦有唔少Fans遠道以來。餐廳有室內、半露天和室外，半露天及室外位置設有風扇，夏天時都是可以的。而且用餐時有短時間免費泊車，吸引咗不少喜歡假日車聚嘅老友過嚟！第一次過嚟既我就先試左佢哋餐廳嘅餐牌推介先😋😋豬扒米粉肉質非常鬆軟，肥瘦均勻，而且中層有少許油脂部分，令口感更為可口！豬扒包包身軟，豬扒煎得香脆又多汁鮮嫩，加埋洋蔥，呢個豬扒包我自己覺得比澳門🇲🇴嘅好吃！煎雞尾包熱度啱啱好，食到新鮮出爐嗰種感覺，一個字正👍🏻熱奶茶呢杯奶茶冇令我失望，茶底很濃，奶的比例調教得很好，令茶質更滑！熱咖啡大大杯既即磨咖啡，濃郁，酸度剛好！好醒神！呢間茶座值得過嚟一試，無論是對於懷念港式風味的老餅，還是對港式飲食文化感興趣的年輕人，這裡都不會讓你失望。價格合理，分量充足，加上地道的味道，讓人感受到香港的飲食文化在這片土地上的延續。

新界區比較，是一間食物欠缺質素嘅茶餐廳，舊式員工服務態度，但食物質素強差人意，如果千里搖搖揸車到新界區，這個地方可以不要選擇，一定很後悔，這麼歷史悠久的茶餐廳實在太可惜

假日揸車同屋企人入去帶埋狗仔食嘢乳鴿真係超正沙律紅豆冰由細到大都超級鍾意嗌咗個豬扒包同之前一樣都係咁正😙😙牛腩飯加菠蘿包無敵當日見到好多狗仔好得意我隻狗見到佢哋都一齊玩👍🏼👍🏼

一間特色茶餐廳或茶座，點樣可以令你印象深刻？你會無限次惠顧？可能係外在環境、食店地點、食物嘅質素等，價錢只是次要，以下就是一間值得推介的。茶座喺粉錦公路近高爾夫球場的一個小路口，位置不能稱上方便，但茶座環境清幽，裝修簡約，那獨有的優勢，不少捧場客包括我也願意遠道以來，食客享受美食的同時，也感覺到大自然氛圍，有點像野餐的感覺。今趟下午茶選擇了「香煎雞尾包」丶「花生醬西多士」配「即磨咖啡」。我相信「香煎雞尾包」由白鑊開始慢煎，入口不會油膩、包邊脆卜卜，別有一番風味。「花生醬西多士」兩片麵包厚度差唔多有近30毫米，廚師泡制到淺金黃色，未食就連隔離食客也垂涎欲滴。至於「即磨咖啡」，小杯份量約150毫升，估計是經過中度到深度烘焙的巴西豆，咖啡呈深黑色，入口香濃，厚滑不酸，具有點堅果及烤果仁的味韻，建議大家無需加糖；見到有食客還要求店員給少許淡奶，對不習慣黑啡的食客，應該更容易入口、也令質感更嫩滑。食店內近年多了不同的產品出售/寄售，有合時開花的小盆栽、附近農場的蔬菜、廚房調味料及甜品等。P.S. 附近有空地免費泊車，亦可以搭九巴77K或小巴57K到達。

今日心血來潮，去咗榮昌茶座試吓佢哋個招牌豬扒，講真，啲豬扒真係入口即溶咁滑溜，香噴噴嘅煎香，真係令人一啖再啖。🍔 另一邊廂，佢哋啲豬扒出前一丁，豬扒肉味夠晒重，撈埋麵條，每啖都有肉香，嗲到不得了。🍜飲品方面，綠茶雪糕紅豆冰同石板街雪糕涼粉兩者都係大熱天嘅救星，尤其係綠茶雪糕紅豆冰，紅豆咁滑，加埋清新嘅綠茶，甩低街邊嘅甜品店幾條街！🍨店內空間雖然唔算大，但嗰種傳統茶餐廳嘅氛圍，加上嘅港式粵語嘅嘈雜，都係一種獨特嘅Enjoy。尤其係周圍都係幫你執碟嘅「姐姐」，令人有種回到老香港嘅感覺。總結嚟講，呢間茶座喺我心目中絕對係食豬扒嘅首選，無論係味道定係份量都係一流嘅選擇。下次，我一定會繼續回味再來喇！👍🏻

《 🍽️ 榮昌茶座 》——————🎖️ 整體評分：🌕🌕🌕🌕🌑⏱️ 假日下午：唔洗等——————聞名乳鴿真係唔錯，其他嘢就正常，主要都係嚟食乳鴿。— 𝕄𝔸𝕀ℕ —【 🦆. 乳鴿 】外皮烤得幾脆，肉質滑嫩，加埋啲油脂，係值得嚟遠道而來試一試。價錢好合理、同出面燒味舖食差唔多，抵食。【🍛. 叉燒蛋炒飯 】因為淨係乳鴿唔夠飽所以叫個炒飯，正正常常冇特別，炒得都乾身嘅，份量都夠大，平日碟頭飯size，兩個人下午茶夠食。— 𝔹𝔼V𝔼ℝ𝔸𝔾𝔼 —【 🥤. 綠茶雪糕紅豆冰 】係茶記嘅味道～ 個雪糕係回憶嘅味道（經典雀巢杯裝雪糕嘅質感同綠茶味）。紅豆冰正常茶餐廳質素，懷舊一下可以飲吓。環境方面，露天茶座、有室內同埋室外座位可以揀。位置有啲偏遠，比較多行山或者越野單車客。我哋係揸車，有泊車位，好似巴士或小巴都可以去到。

一入新界就會好掛住呢一個露天茶座佢嘅鴨腿湯飯真係要每次打電話去問先有冇買完先揸車入去今日我打電話去，即刻留咗一份🥰🥰懷舊嘅味道鴨腿湯飯非常之入味，但你又唔會覺得個湯好油，冬瓜非常之煮得好透勁入味👍🏻👍🏻👍🏻跟住我朋友就叫一個豬扒包，瑞士雞翼瑞士雞翼，有啲偏鹹失咗少少水準豬扒包就正常，但佢個湯飯真係冇得輸🤣🤣而家入嚟都比較方便，同埋側邊嘅停車場都一定有位泊，所以就算佢係比較入嘅地方，但揸車嚟講都算方便

假日駕車到朋友家聚會，途經此聞名餐廳，便順道一試！.牛腩河🍜肉質非常鬆軟，肥瘦均勻，一咬下去便有濃濃牛肉的香味，而且中層有少許油脂部分，令口感更為可口！.豬扒包🫔曾經吃過澳門聞名的豬扒，可是包身和豬扒都比較硬，感覺不太特別好吃。但侍應特意推介豬扒包，便抱着一試無妨的心態！首先，包身很軟，而且豬扒煎得非常香脆，比澳門更好吃！.凍奶茶🧋茶餐廳的奶茶永遠不會令我失望，茶底很濃，奶的比例調教得很好，令茶質更滑！.餐廳有室內和室外，室外位置設有風扇，即使夏天也不會感到太熱，而且用餐時有短時間免費泊車！

📍榮昌茶座（上水）西多士 💰34鬆脆香軟 唔會好油 多花生醬 正煎雞尾包 💰22柔軟鬆化 香甜嘅椰絲同脆得黎少少燶嘅外皮真係好夾😋美極生炒牛肉飯（快餐）💰60牛肉略韌 唔算太重口味 米飯粒粒分明 唔油茶走對我黎講唔夠甜🤣茶味濃之前都有試過佢嘅BB鴿同豬扒包 都唔錯👍🏻如果想試 建議搵多幾個朋友一齊食 因為都多食物種類同份量都比較多 多啲人一齊食可以試多啲野😇

千里迢迢黎到上水食呢間出名既茶座😋無失望放假就有心捐窿捐罅搵美食💪🏽雖然比較偏遠，但都滿座有好多特登幫襯既食客雖然要等位但好快就安排入座，唔駛怕等好耐大部分都係叫最出名既菜式。豬扒包 ✔️✔️✔️✔️ 略嫌乾身左少少，豬扒亦唔係非常爽口，偏實身，不過份量足，建議可試豬扒麵乳鴿 ✔️✔️✔️✔️✔️本人最欣賞係隻乳鴿😌即刻炸比你，熱辣辣啖啖肉皮脆肉多汁，唔驚熱氣既話真係一流😛兩餸麵 ✔️✔️✔️呢個純粹驚唔夠飽😂一般水準，夠味，所有野適中咖啡紅豆冰 ✔️✔️✔️✔️✔️咖啡好濃，飲落好夠味。雖然偏甜，但我認為紅豆冰唔甜就好難既🫢所以甜度係預期中一樣。紅豆夠淋粒粒有咬口🫘香水檸檬茶 ✔️✔️✔️✔️應該係呢排種緊檸檬所有有既飲品，因為見到門口都有得買檸檬走。清新解渴，唔係驚艷但夏天飲係開心既😌

💯涼粉紅豆冰夏日炎炎飲返杯紅豆冰非常透心涼，啖啖花奶味，涼粉清爽，紅豆煮到起沙清甜。💯🤤綠茶乳酸冰叫嘅時候，店主說雪糕冇得轉味，只可以要綠茶味。原來係有原因，益力多同綠茶嘅化學作用係好神奇，非常好飲，又解渴，大家一定要試下！💯炸脾沙律係好食，不是驚為天人果種。雞脾切出黎仲有汁，雞皮香脆。唔知點解佢嘅沙律醬好似好食啲呢？仲有食左蠔仔肉碎湯飯，蠔仔煮得岩岩好唔會過熟，湯飯咸香，應該是方魚的功勞。可惜食曬唔記得影相

一間在行山界好出名，在上水鼎鼎大名嘅茶座。其實我自己都嚟食過幾次，不過就第一次寫食評。最出名的食物當然有煎雞尾包， 炸豬扒和乳鴿。特色飲品例如黑牛，抹茶紅豆冰等 亦都非常吸引。或者比較少人知道的是這裏的椒鹽鮮魷和霸王雞亦非常美味，但通常都要提早預訂。其實平時我在這裏吃湯飯的話，首選會是鴨腿湯飯。這個先到先得或需要預留的湯飯，今日忘記了預留，所以便吃不到。我退而求其次點了蠔仔肉碎湯飯，蠔仔新鮮不在話下，湯底亦淆得非常新鮮，最重要是添加了陳皮，令味道變得更加有層次。

帶娘親去榮昌茶座食乳鴿，竟然話係食過最好味嘅乳鴿，見到老媽子開心，我哋都高興得不得而，講番隻乳鴿熱辣辣，皮脆肉嫩有肉汁又真係識食喎🤤🤭⋯⋯齒甲留香回味無窮。😆平時少飲奶茶的我對杯奶茶有高度評價，紅茶香味突出淡奶份量剛好，兩者發揮自己所長一個字正。👍

去朋友屋企玩,甘岩大家都未食早餐甘就試下依間拉,朋友 食過話幾好味一去到有個車場,渣車黎食好方便,我地4個大人,1個小朋友,入去搵左個無甘凍既位揀野食,我睇左好耐個餐牌,都系好普通既野,但價錢一d都吾普通,地區黎講個人覺得貴甘我地叫左2隻乳鴿,1個炸雞脾沙律,煎雞尾包,滷水雞翼公仔麵,炸魚柳餐,豬柳漢堡包餐一擺低個炸魚柳餐,嗰塊魚柳好似人哋食剩下跟住拼埋俾我咁樣個餐都成$60冇諗過2塊魚柳細過我隻手板,系2塊啊你地無睇錯炸雞髀沙律就不過不失,叫做熱辣辣出晒油,而且都算大隻,佢只不過平魚柳餐兩蚊,所以如果想食炸魚柳嘅不如改做食炸雞脾,性價比高好多!滷水雞翼公仔麵,真係得雞翼同埋公仔麵,唔同平時嘅茶餐 廳有雞蛋半塊多士,性價比一樣係極底,但滷水雞翼真係吾錯滷得幾入味,依到抵讚既煎雞尾包無特色可言,就係一個雞尾包拎咗佢個鑊到煎..漢堡包都係一般般,如果用麥當勞來講嘅話我會揀返麥當勞,我覺得收得依個價錢係要有自己嘅特色野,但佢冇特色嘅配料,冇特色嘅醬汁,個人覺得失望 講咗咁耐終於到重點嘅乳鴿,新鮮熱辣,又脆又香,好多汁 好嫩,一d都唔柴,但比平時食既再細隻d,最好味既就系依樣