榮記茶餐室

营业中

休息中

好食，即叫即煲5:00去到即刻叫等咗30分鐘煲仔飯才煲好滑雞飯$80加臘腸$10鳳爪排骨飯$80加咗個油菜$15 凍飲加$7 整體好好食員工態度良好下次會試沙嗲煲仔麵

秋冬天就到，呢啲天氣最啱就係食煲仔飯。諗起上年冬天專程過嚟呢間吊腳嘅茶餐廳，食咗個流浮山金蠔蝦乾煲仔飯，回味無窮。😋琴晚同朋友舊地重遊，又去試試佢其他嘅煲仔菜式。今次試嘅係沙嗲牛肉煲仔麵，同埋芝士雞肉煲仔飯。❣️沙嗲牛肉煲仔麵嘅沙嗲香濃惹味，牛肉嫩滑，公仔麵喺熱辣辣嘅煲裏面，一啲都唔會過腍，時間控制得好好👍🏼。❣️芝士雞肉煲仔飯，雖然賣相吸引，但食落味道就未如理想。芝士有拉絲，但味道唔夠濃。雞肉都算嫩滑，但個人認為，整體成個煲仔飯同芝士好似有啲違和感，唔係好夾。如果有機會再過嚟，都係推薦食返上年試過嘅金蠔蝦乾煲仔飯。❤️上年試過嘅金蠔煲仔飯👍🏼。。。

上網睇過食評，連電視上的推介也看過了，都一致推介，於是專程乘搭的士前往，抱着很大的期望。可是，第一箸已經嚐到味道實在鹹得太厲害呢。太鹹會傷害腎臟，而他的味道太濃烈，即使多放一個公仔麵去開稀鹹味，也許都不足夠。🥲

坊間一直都流傳住必食沙嗲牛肉麵嘅清單，而今日難得嚟到慈雲山，點都要嚟試試名單上排名都頗前嘅榮記煲仔沙嗲牛公仔麵。 店面比較細，咁岩嚟嘅時間係午飯時間，所以坐落都有啲迫，但幸好姐姐們都很小心，拎住一個個熱辣辣嘅煲仔遊走向枱與枱之間。 主角出場，煲仔沙嗲牛公仔麵，特別之處就係用平時煲仔飯嘅瓦煲裝住，一上枱蒸氣撲面，熱辣辣香噴噴嘅沙嗲味撲鼻而來，牛肉嘅份量都頗多，花生味濃郁岩哂重口味嘅朋友，豆卜勁入味，不過可能用瓦煲裝住，所以比平時茶記嘅普通沙嗲牛更加熱，食嘅時候要小心。 整體而言，值得一試

網上已經有好多高度評價嘅介紹，每個落單都係用心製作即叫即。放假終於可以去試。11點到店當然叫咗店之寶，沙嗲牛肉煲仔麵，店員溫馨提示製作需時，所以要等。5分鐘之後熱騰騰嘅煲仔麵已經在我眼前，無論湯或沙嗲味道非常好，估唔到仲有好多牛肉，差啲食唔晒。食物評價固然唔需要再多講，反而想稱讚一位短曲髮的女店員無論散客定熟客他都非常有禮貌地招呼。真心講句今時今日好多食店就算食物出名店員態度亦會令到食客有冇興趣再去幫襯。恭喜店主請到一位有熱誠嘅店員我會一定再去幫襯。

慕名而來幾位朋友推薦一定要嘗試瓦煲沙嗲牛肉麵今天特別過來 瓦煲的沙嗲牛肉麵果然不同凡響沙嗲味道有層次 下次一定會嘗試粉絲 應該更加入味及濃郁保持新鮮及熱度 牛肉份量頗多 還可以選擇粉絲和米粉沙嗲牛肉的調味很好 不停食到大量花生但建議進食速度要快 因為煲的熱度會引致面條很快變稔 除了沙嗲牛的 也可以揀豬扒和牛扒另外 姐姐的服務態度很好 還很詳細介紹餐牌的細節 另外也有午餐 今天試了乾炒牛河 有鑊氣 同樣地牛肉及配菜份量足夠 值得一讚

閒日大約中午幫襯，坐低冇耐就差唔多滿座。沙嗲夠香濃，花生粒增口感，同方榮記有得比。牛肉正常發揮，分量亦足夠。因為㷛仔會保溫，食要掌握時間，食得太慢麵會浸到太軟太糊，影響味道同質感。如果時間掌握得宜，麵唔會吸太多沙嗲汁。剩低嘅汁可以配多碗白飯，味道同配麵食唔同，係另一種享受。另外小店沙嗲出色之餘人情味亦非常濃厚，店員同街坊客人有傾有講，對新客如我亦服務周到，感覺溫馨。見到唔少其他客人都叫乾炒牛河，絕對有下次。

經朋友推介，專程開車嚟試吓，街位搵唔到，唯有泊去商場停車場，好彩唔太遠。 約六點鐘到達，餐廳只有三成客，即點個沙爹牛肉煲仔丁麵，上枱時熱騰騰，賣相唔錯，值得加分，不其然會將佢同方榮記嘅沙爹牛肉湯麵比較，煲仔上係好吸引，沙爹汁亦香濃，可惜感覺上啲牛肉用過鬆肉粉或梳打粉處理過，個人唔太鍾意。 相比下，方榮記同價位啲牛肉較新鮮。 反而煲仔飯有驚喜，點了豉椒排骨飯加臘腸，即叫即做，飯蕉好好食。 廁所就難攪啲，男廁壞咗，女廁非常狹窄、地滑！

難得今日有時間去慈雲山行一轉，梗係要試吓榮記餐室煲仔麵。我同同事一齊叫咗沙嗲牛肉煲仔麵加炸布腸經典食物果然不同凡響。懷舊瓦煲，熱辣辣公仔麵，見到都熱血沸騰，濃郁沙嗲味，齒頰留香。而且還有現時很喜歡吃的布腸，童年回憶返晒嚟。同事話我成個細路仔咁。😂😂😂雖然冇特別嘅裝修，但係門口大紅燈籠高高掛，此情此景，細路仔是成日都見。好懷念以前。不過因為太飽，今次陳皮蜜餞金蠔，下一次再嚟一定要試吓。原來平時星期日會收五點，下次要帶老公同大隻仔嚟一定要早啲😅😅🤣

去到現場看見滿地下都是油漬，伙記冇禮貌，而且間餐廳入面是臭的，所以選擇叫外賣不吃堂食，始終地點唔方便，反正一埸去到就試試，百幾蚊一個煲仔飯俾啲咁嘅貨色我，寧願食普通茶記好過。拎多包豉油都嘴藐藐

嗌咗兩樣嘢，煲仔沙嗲牛麵同臘腸雞煲仔飯不得不讚個沙嗲牛麵，個沙嗲底真係出色，嚟到，搞吓佢，個湯就變得濃啲𠎀身啲，牛肉就一般般啦，都係乸過嗰啲牛肉，如果揀出前一丁，一定要要同老闆講，生啲，爽口啲，如果唔係，嚟到已經琳啤啤臘腸煲仔飯就好一般啦，出嚟已經焗咗一陣，反身都仲係好腍，要俾啲力吹吓佢，等啲乾身啲，先比較好食，好彩都仲有啲飯焦脆口脆口，啲雞都好滑，臘腸就正常啦再嗌咗杯凍奶茶，有茶味，奶味唔夠，中規中矩

好日都唔去一次慈雲山，難得呢日係附近，梗係要把握機會，食呢間Bookmark左幾年既餐廳🤣真係山旮旯，環境又狹窄，座無虛席，但侍應幾有人情味🤪▪️ 真 沙嗲牛肉煲仔麵 （6.5/10）💲70上檯時一直滾緊噴晒煙🥹湯底係超級香濃既沙嗲同花生香，鮮牛肉片嫩滑，豆卜好索汁，麵底要左公仔麵，質感偏硬身，但掛湯效果一流😳一開始食覺得幾吊癮，不過越煲越杰身，中後段更是鹹濟，啱曬重口味人士😎▪️ 鳳爪排骨焦脆煲仔飯 （7/10）💲80夜晚先有供應嘅煲仔飯，九點後就停止，要食嘅話記得就啱時間去🤫啲餸份量都幾多，排骨肥瘦適中，個飯食落差咁啲油香，但要讚飯焦係好脆口，完全唔會痴牙🦷🔎 整體評分（7/10）

今日經過見到呢一間，入到去見到有豆豉鯪魚油麥菜飯，心諗正呀！即叫！師傅好細心將豆豉鯪魚切碎才上碟，讚！平時去開其他餐廳食，都係大大嚿上碟，都唔諗吓啲人咬唔咬到。

朋友哋，今日就同大家講講我喺慈雲山試哂篇煲仔麵嘅真心感受！好啦，直接切入正題，我叫咗一碗沙爹牛肉煲仔麵，擺面前嘅一刻，我個鼻就已經滿滿嘅沙爹味，起哂個胃口！🍜第一啖面條入口，就覺得推心置腹得滯，啲面啱啱好嘅Q彈，真係想喊出嚟。牛肉炒得又香又嫩，跟住沙爹醬個濃郁滋味，絕對係口口嘅驚喜，冇得頂！🥩而家講吓湯底，啲沙爹汁勁夠味道，香濃到喊得出我要加啲面條🙌！花生碎嚟嚟去去喺我個舌尖打轉，攪拌晌醬汁同牛肉裏頭，每一啖都好滿足。喂，來喐，叫多杯檸樂冰冰凍先得嘅！🥤食完一碗，個心情真係開心到彈起，絕對推介大家過嚟試吓，尋日食過仲掛住嗰味道呀！記得啦，來呢度勁食鬼一定要嚟一碗沙爹牛肉煲仔麵，街坊價格但係味道一流！👍

大名鼎鼎既沙爹牛肉名店，作為香港特色美食之一既其中一個代表（沙爹牛關注組推薦之一），我覺得整體係好好，要推薦！姐姐會成個煲拎到你台面係你面前打開，一開果下成個煲炸炸聲，好鬼吸引。我數過下d牛肉，都有成10塊左右，咬落去都仲係爽既。d麵上到黎果陣仲係有少少硬，但係個煲入面過多陣會林，所以建議趁熱食，但可能會熱得滯唔岩某d人。杯奶茶合格，茶味有唔會太多奶。美中不足係坐位比較窄，但冇計地道街坊小店大家將就下。同埋個麵擺得愈耐會愈林，呢樣要注意啦。