荳子冰室 (將軍澳廣場)

营业中

休息中

+$5 轉腸仔飽 又係照比多士😮‍💨外賣出錯比率極高真係忍唔住要出post真心建議check清楚先好走記住佢地無錯架，門口阿姐話「錯咪換比你囉！」一啲悔意都無，有無諗過客人未必住好近，出錯又無電話可以聯絡你地，確保出餐正確是餐廳嘅責任！

本以為焗飯會等耐D，但點知鐵板更耐，之前睇人等食30mins原來係真oh my god等完扒等意粉食完等30mins嘅扒重未有意粉要等嘢食點好都無用，真係冇下次希望各位Good lucky

荳子冰室 經常排長龍，周不時要喺餐廳後邊排隊。有時候太肚餓嘅話都唔係幾想排，買外賣就算🫣有一日平日下晝，見冇咩人可以直入，走入去快食一個下午茶。菠蘿包三文治 $30見到菠蘿包三文治，有午餐肉，雙眼即時發光，諗都唔使諗加多隻蛋，搞掂個包上枱仲係熱辣辣，午餐肉如果可以煎脆啲再後啲就超正，蛋普普通通，下次可以揀其他。餐飲凍奶茶，少甜啱啱好。下次再揀都係會揀返茶走。同場加映，見出排隊，原來買緊蛋撻。睇住一盤盤出爐熱辣辣，非常正斗，下午茶來講真係一流。

荳子冰室 ｜❤️夏威夷除了做批薩還可以做❓==============================這家開在市民區的茶餐廳連裝修風格都很時尚😯確定是茶餐廳嗎裡面菜式都很新穎· 名字都很有特色✔️楊枝甘露西多士✔️亞婆井✔️磚頭咖喱雞焗飯整體飯面類口味比較清淡小吃類做得很好👍🏻而且價錢很公道值得一嘗😍==============================「荳子冰室 」将军澳唐德街1号将军澳广场1楼1-005号舖

今晚叫咗碟茄汁牛脷飯 一坐低即刻用QR code落單 等咗大約15分鐘 問過阿姐我話飯仲未嚟可唔可以同我追吓 佢跟住睇吓我張單佢話你都未夠30分鐘 要等30分鐘啊 跟住再過多15分鐘我又問佢 佢話同你追咗㗎啦 於是我問第二個職員第二個職員話追緊㗎喇等一陣啦 我話係咪留咗單啊 佢話追咗啦 等等啦 跟住最後碟飯成38分鐘先來 冇嘢啊一碟牛脷飯要咁耐 如果所有食物都係要等30分鐘 我一入嚟你就同我講啦話s比客人聽啦 同埋啲飯上到嚟係唔熱嘅 我都費事換啦 換又唔知要等幾耐

早排有個好朋友提議就去左呢間餐廳食飯😋知道OpenRice都有好多人話呢間餐廳真係好好食，就即刻去左放鬆一下！真係值得介紹❤️吉列魚柳薯條上枱香噴噴，好厚肉，好juicy，十分惹味，超推介。

叫左咖哩吉列魚柳飯 $63 唔包野飲想叫職員比啲沙律醬我點下魚柳食佢地話我跟咖哩廚房係唔會比沙律醬🙄真係食咁多間茶餐廳/冰室 第一次聽唔通我食薯條就一定要點茄汁唔可以點其他醬？點解要限死我一定要點咖喱汁？仲要咖哩汁都唔夠我點魚柳估唔到佢地啲碟大到乜咁我叫左三樣野食四隻碟加兩杯野飲係根本擺唔落啲職員又唔會自動幫我執野要我食完一碟拎住叫佢地食完一碟又拎住叫佢地幫我拎走隻碟菠蘿油 $13值呢個價錢 牛油夠冰 菠蘿皮夠脆甜度適中 麵包鬆軟——————另外 叫左個常餐沙嗲牛肉麵 $54太咸 咸過海水

前排好姊妹提議就去喺銅鑼灣嘅餐廳食飯😉喺社交平台d人介紹呢一度好正，所以就好想去享受下！加上，呢一度成個感覺都好舒適！👅沙嗲牛肉麵意外地有啲驚喜，沙嗲味道好濃郁，好juicy，質地相當鮮嫩，非常討喜。

好耐之前好朋友推介就去呢一間餐廳食飯😉見社交平台有好多人介紹呢一間餐廳好有水準，所以就一定要去放鬆一下！叫咗呢個雞翼沙律上到黎已經覺得好吸引，輕咬就散開，好juicy，十分惹味，簡直係完美❤️

LUNCH 就一定好多人啦~所以我就早小小去排, 12點前~咁就不用等啦~我食完就見到好多人等位。今次係諗起沙嗲牛面所以就想黎食荳子,因為其他荼餐廳既制作真的好 HEA....特別係個沙嗲汁同肉,真係差好遠,但價錢又差唔多...所以住將軍澳區的話,真係茶餐廳必選。個蛋都是不錯,夠滑而且有蛋味~~最後都要讚下個多士,因為通常茶餐廳個包好頹....但依個係會食曬的~今日有點口痕,所以叫埋個藉薯條,不過有小小失望既係芝士...不過整體都好食同香脆既。食完行經過其他人食既野,下次想叫咖哩或者焗飯,都好吸引既~~~

本人給朋友在平日早上排咗15分鐘先入到餐廳食個早餐，早餐餐牌有多種選擇，食物配上炒蛋或奄烈，但本人一向喜歡食煎蛋或太陽蛋，但職員話居然冇得轉只有呢兩款，真係令人難以相信。本人唯有改叫炒蛋另外朋友叫奄烈，叫完之後2分鐘食物就上枱，唔怪得知啦，啲蛋又凍又硬，一食就知全部一早整定，真係令人大失所望，其他飲品或早神飾品都屬於正常，不見得特別出色，唔明白點解仲有咁多人排隊食呢間，問心任何一間茶餐廳都好佢，不值推介。

餐廳設有麵包部，每日都出爐新鮮熱辣的麵包。經常見到大排長龍等買麵包。他家的叉燒餐包味道真宗、料足、兩個15元，價錢合理；蛋撻甜味剛好不會太甜、可以吃到蛋味、牛油批較香脆；腸仔包非常鬆軟，隔夜後吃還聞到腸仔的香味。他家的肉鬆包比較傳統，用了蔥油，我個人覺得比較油膩，如果喜歡蔥香味的人可以一試。荳子包是他家的特色包，偏甜，如果喜歡甜食可以一試。他家還有其他傳統包，如菠蘿包、雞尾包等。整體所有包都是又熱又好吃，值得推薦。

睇嚟我都幾孤陋寡聞，今日先知 Beans 原來有冰室😂。晚飯時間要排隊，好彩我一個人，可以直入。呢度嘅單人位真係值得一讚，乾淨企理之餘又夠自閉，前面仲整咗一條長長嘅坑，可以放手機，方便邊食邊睇片，設計絕對窩心。叫咗個咖哩吉列豬扒意粉，再配杯茶走。咖哩汁係馬來西亞風味，雖然質感稍稀，但係就充滿椰香，入面仲有薯仔同洋蔥，係又甜又辣嘅味道，好食。吉列豬扒就咁睇好似炸得好乾，不過切開之後肉質仍算軟腍，食落口都仲有肉味，整體合格。至於杯茶走，茶味幾香濃，以新式冰室嚟講，絕對唔錯。

歐美扒餐牛扒、茄汁豆、奄列，加$5叉燒包新開咗冇幾耐嘅豆子冰室，終於可以試吓，早餐款式比較多，今次試佢嘅歐美扒餐。牛扒大塊，不過比較硬，蛋煎得好滑，但係最出色嘅係叉燒包，佢哋嘅麵包幾好食。下次想試吓嘅荳子，價錢唔算平加咗$5叉燒包之後都成50幾蚊，早餐價錢來講都算少少貴。總括而言都可以，味道唔錯，早餐豐富，但係價錢就略貴，見到都好多人光顧，特別 買麵包排隊，麵包直得一試。

呢度係我嘅飯堂之一💕要茶餐有茶餐, 要男人嘅大碟飯有大碟飯🍄🍄 餐廳食物性價比非常高，56蚊到餐＋飲品，所以長期有長人龍🐉如果想食就要預早啲排隊HKD56 🥩咖哩西冷薄切牛扒配飯或意粉肉夠多 汁夠濃 飯好食 咖哩係少少辣 偏向馬來咖哩嘅味道HKD56 🐖 洋蔥豬扒配炸雞翼飯或意粉想食甜少少嘅呢 呢個汁就酸酸尾尾 夠曬開胃 雞翼可能少少失手炸過咗火🍗HKD 56 雪菜肉絲炆米🍝味道正常 唔會過鹹 米粉個質地正！🍞🥖🥨🥯佢啲麵包都好正 特別推介腸仔包同埋蛋撻🍻