荳子烘培

营业中

休息中

大前日（22-9-2024 Sun）晏晝，同老公離開屯門前，嚟呢喥買定麵包做前日（23-9-2024 Mon）嘅早餐，我哋嚟到時，睇到麵包種類都唔算少，最後買咗每件都係$22.00嘅合桃香橙紅豆包，伯爵比高包各一，同2件朱古力車輪牛角酥，共$88.00。喺我哋坐巴士時，拎住裝合桃香橙紅豆包同伯爵比高包嘅紙袋，一路都嗅到佢哋嘅香味。當晚我哋都太飽唔食晚飯，於是先食朱古力車輪牛角酥，切開睇，內裡原來有朱古力醬，食落幼滑唔太甜，牛角酥外脆，不過冇乜牛油香，但老公就讚佢幾脆口。3.5分至於嗰兩個，就真係做早餐啦，先食伯爵比高包，佢茶味濃，有啲伯爵茶漿，韌係因為我擺過夜，但佢本身質地都幾實。2.5分合桃香橙紅豆包切開睇，紅豆蓉喺製作時係用麵糰卷住，唔係一pat餡咁放入去，功夫多少少，所以橫切面見再似卷蛋咁，食落，個包本身甜甜地，仍鬆軟，紅豆蓉唔太甜，合桃仍脆口，ok嘅。老公話嗅到橙嘅香味，但我竟然唔覺。4分

Beans bakery煙韌bagelBeans同天仁聯乘嘅bagel系列出咗好幾個月都係咁搶手！去咗幾次先試到3隻味綠茶峰蜜bagel🍵🍯 $22淡峰蜜味 絕對唔會搶咗綠茶味桂花烏龍bagel (left)🌼913茶王麻糬bagel (right)桂花烏龍bagel裏面有好濃茶味嘅paste超好食 913相對比較甜同滯🤰🏻麻糬嘅量都幾多 texture偏黏3個bagel嘅texture都內脆內軟性價比都算高 同埋茶味好出希望個聯乘會keep住出

回頭度🍪8/10｜人均消費💰$22-如果要買嘅話 最好16:00前‼️屯門店嘅話12:30-13:30就會返貨上次17:30去到已經賣哂😭😭今次14:30買到超級開心😍-👍🏻913茶王黑糖麻糬比高包 $22包體茶味超重 有回甘🥯裡面嘅麻糬好煙韌🍡黑糖味都好重 但又冇搶咗包嘅茶香真係有飲緊黑糖珍珠奶茶嘅感覺🧋味道🌕🌕🌕🌕🌗-👍🏻桂花鐵觀音比高包 $22包體有啲桂花碎 有淡淡嘅桂花香🌼裡面嘅奶酥係鐵觀音☕️茶味都好突出 有回甘同桂花香嘅包體好夾😋味道🌕🌕🌕🌕🌑-整體味道🌕🌕🌕🌕🌗抵食🌕🌕🌕🌗🌑

一直都冇食過beans 既包，見到今次佢同天仁茗茶crossover，又有我鐘意既bagel，就決定試一試！4 個味，我揀左桂花鐵觀音。冇即日食，反而放過夜仲雪過落雪櫃先翻熱食。但買到手之後，摸落個包外層都係比較硬身同乾，但按落去中間都有彈性。跟包裝袋翻熱麵包指示，用水噴濕表面，再用150度焗爐翻熱5分鐘。食落的確好硬，都需要唔少牙力。但佢既茶味都意想不到地特岀，無論係個包本身定係中間d 醬，都好濃茶味，好有驚喜。餡料唔算多，但都夠，亦唔會有漏既感覺，但就除左而頭既桂花，本身包係冇桂花味。雖然個包係硬，但比另一間出名既麵包bagel 店好食，冇個d 奶酥咁漏，beans 既bagel 味道上比較好。如果下次經過個crossover 未完，都會想再試下其他味！

下雨天在商場吃過午餐經過見到顏色鮮艷奪目嘅新鮮包點相比其他包舖款式特別而且有很多選擇成個流程是由店員負責夾同入袋之後直接去付款就可以如果繁忙時段多人嘅話個人覺得是有點混亂今次我哋試咗兩個車輪牛角酥、抹茶忌廉包同紫芋麻薯包。首先車輪牛角酥夠creamy夠鬆軟、抹茶忌廉包口感豐富，表皮似是菠籮包皮，內有cream又唔會太甜，小朋友都喜歡吃。紫芋麻薯包裡面有煙煙韌韌好有口感。下次試下其他🤭

經過見到買左個原味牛角酥, 見到個樣幾靚仔又好似幾吸引, 之後回家吃, 感覺有少少硬, 唔係太軟熟, 味道還可以, 食到少少牛油香味😋, 表面有少少酥脆, 但整體感覺唔係好突出, 反而有少少失望😅但價錢都算便宜, 唔洗過20元😌 下次再試下其他吧

夜晚係屯門市廣場食完飯之後，見到間面包店好多人排隊，大約有20人左右，詢問之下原來是所有面包都半價發售！我們見這間beans bakery是新開張，而且半價都幾抵，就買左一個試下🤣 因為都比較夜，所以買淨既面包都得返好少選擇🤣我地買左依個抹茶面包，其實佢係菠蘿皮，不過可能放得有d耐，所以個菠蘿皮都唔脆啦，而且面包都有d乾！不過抹茶味都濃既，同埋叮返熱，會好食d, 不過下次都係買新鮮面包食比較好🤣🤣🤣

開左一陣ge麵包鋪，平日不算多人，見d 麵包size都幾大，多種類，外觀精美。當日serve我d 女職員算幾有禮貌，仲同我講邊個包大d。最後揀咗我覺得最吸精同大件的士多啤梨同藍莓吉士酥，一食覺得驚為天人，外脆內軟。入面除左吉士醬外，最吸引系入面原來仲有層紅苺醬，令吉士醬冇咁單調，增加酸酸甜甜，生果亦甜，外層牛角酥亦算香口，入面亦夠濕潤，食落開胃，亦幾飽肚。以$22一個來說有咁大size 其實性價算不錯。因為我鍾意牛角包，所以亦試過hk大大小小精緻麵包鋪d 牛角包/酥，比較之下以呢個價來說個size 其實算有誠意，麵包控ge人可以試吓！

Beans出面包🥯，支持⬆️，買咗個麻糬葡撻$12，話新鮮出爐，真係暖暖地，甜度適中，中間真係有麻糬，口感唔錯👍🏻，可惜個皮唔夠鬆脆。仲買咗個抺茶🍵白朱古力🍫車輪🛞牛角酥，諗住第二日做早餐🥣，店員提唔好封密。早餐🥣攞出嚟食，面頭既抺茶🍵白朱古力🍫有驚喜，croissant都脆，反而食到中間有一堆淺綠色既半固體，少少🤏咸又少少🤏酸，唔知🤔係變壞咗既醬定係芝士🧀，疑點歸於被告下，就食咗無醬嗰d位就算

諗住試下佢個麻糬萄撻，但收銀態度勁差，個客唔知原來要同第二個講要咩麫包再去收銀找數，但個語氣係怪責個客。但其實尋日先買完，收銀都無講呢樣野，自己做到燥就拎個客黎話。唔理佢好唔好食，唔會有下次。

琴日經過唸住試下,買左個紫薯吐司,唔洗排隊好快就比左$,拿起上手睇先見到個吐司有合桃,我對合桃敏感,買麵包一直好小心,真係第一次見紫薯系麵包都加合桃= =當下馬上同個店員講我唔食得合桃,要換包,店員仲要用串我（哎呀,食物敏感真係唔食得架）我心唸,唔係你地想賣貴兩蚊,洗鬼咩都加合桃落去）,之後換左個紫薯麻糬包就走左今朝試個包,個紫薯係芋泥咁既色,份量又小,我心唸怪唔之冇人排隊啦

昨日經開屯門市見到新開就買咗個腸仔包食，點知返去食嘅時候發現腸仔裏面包咗張紙，成個包個設計係最上層包，跟住夾腸仔，然後張紙最後個麵包底。唔知張紙嘅用途係乜，但係我都係第一次食腸仔夾紙夾麵包。咁特別嘅設計我應該唔會再買來食，差啲哽死我。。

行過屯市經過見到有新開麵包店好多人圍住 就即刻衝堆去睇下😂咁啱聽到店員話葡撻新鮮出爐 即刻買左4個試試麻糬葡撻皮脆得黎帶點煙靭 軟麻糬有少少甜 但怕甜既我都可以接受 因為真係好好食😳剩返兩個返屋企微波爐叮嚟食都係好好食 推薦💁🏻朱古力牛角包上面嘅橙皮同朱古力超級match❗️CP值高 唔會太甜🤤牛角包廷身抵讚 唔會軟pat pat咁👌🏻其他麵包都好吸引都唔知揀邊款好🤣見到整麵包個廚房都好整齊員工都好有禮貌👍🏻

屯門市廣場有新麵包店🍞🥖🥯🥐進駐啦💛𝔹𝕖𝕒𝕟𝕤 ℂ𝕒𝕗𝕖 相信大家都好熟悉今次佢哋開埋麵包店 𝓑𝓮𝓪𝓷𝓼 𝓑𝓪𝓴𝓮𝓻𝔂行過路過 點都要試吓啦🤤𝓑𝓮𝓪𝓷𝓼 𝓑𝓪𝓴𝓮𝓻𝔂同平時既麵包店唔同 有店員喺入面幫你夾麵包放入紙袋 再流水式 行過收銀比錢 夠快捷👍🏻麵包種類款式好多 真係樣樣都好想試今次買咗新鮮出爐嘅麻糬蛋撻同湯種生吐司🍞湯種生吐司 放到聽朝做早餐都好軟熟🤍💛麻糬蛋撻新鮮出爐 外層酥脆蛋味香滑又唔會太甜 入面加上麻糬食出層次感 細細過 食完都無咁有罪惡感😝