荳子烘焙

营业中

休息中

今日試咗士多啤梨冬甩～～一般其他店舖都會做到好甜，但係呢間甜度啱啱好！～而且麵包好鬆軟，裏面嘅果醬亦都非常豐富同埋濃郁，但係一啲都唔漏。好神奇嘅係，雖然我成手都掂到冬甩上面嘅砂糖，但我只係用普通紙巾抹一抹，之後對手一啲都唔黏立，唔知係咪用咗零卡糖呢？如果係嘅話就更加加分了，食甜品得來能夠保持健康嘅話簡直係女士恩物～～🩷另外，值得一讚就係，職員服務態度良好，唔似大部份店舖都係貼錢買難受🤧如果加多啲笑容就更加完美🙌🏽

🍞913茶王黑糖麻糬比高包一咬落去就知中伏...係中咗好味伏啊！😱 外皮超鬆軟，帶淡淡茶香🍵 入面嘅黑糖麻糬流心效果100分，甜度剛剛好唔會膩👌 麻糬QQ嘅口感同軟熟麵包好夾，食完成個人都幸福晒💖🔥必試位：叮熱10秒食，流心效果更震撼配杯咖啡做下午茶perfect match記得趁新鮮食，外帶都要即日消滅💰價錢$22個，以咁高質素嚟講絕對合理！仲要大大個，飽肚又滿足👍🌟總評味道：9.5/10（麻糬控必試！）性價比：9/10#紅磡美食 #烘焙小店 #黑糖麻糬 #香港美食地圖 #foodiehk

之前食過beans餐廳，見佢有麵包店，仲要好多種類和款式，買咗幾款酥皮類試吓👇🏼士多啤梨吉士酥$22🍓無加糖膠，食到水果嘅鮮味，又唔會好酸幾好（因為好怕水果加了糖膠嗰啲死甜），吉士唔膩，表面落咗少少開心果果仁碎，撻皮幾酥脆，整體味道和口感唔錯👍🏻麻糬葡撻$12Size唔大，兩啖就可以食完，蛋幾滑，個底有麻糬幾特別，撻皮幾酥脆，甜度適中。牛角酥$18第一次食佢嘅牛角酥，特登揀咗原味，外脆內軟，唔會好甜和覺得成口油，只是覺得麵包個底有少部分未夠鬆，酥皮層數唔算多。

近期天仁同荳子合作，推出限定茶香比高包絕對滿足晒愛飲茶又愛食包嘅朋友仔今次試左 2款 bagel 桂花鐵觀音口感紮實，面有桂花乾，內餡桂花蜜加上鐵觀音奶酥茶味醇厚，好重回甘特級綠茶蜂蜜質感一樣紮實，韌度十足，綠茶濃澀但有蜂蜜中和，最強組合

第一次幫襯，見到有麻糬撻，立即同店員講話想要一個，店員快手地夾起入紙袋給我，然後我就俾錢啦，去到呢度都無問題！比完錢後我見到另一個包想買，就再拎去俾第二次錢，到收銀處時，我費事店員誤會，就將本來已買咗的麻糬撻放在近自己的心口位置，只把需要付款的麵包給收銀員，怎料那位收銀員完全沒問一句就遠距離地把我放近心口的麻糬撻拿起一同計數(拿起時差點刮到我的臉)，我立即跟她說麻糬撻已經付過款，還跟她說已經入了紙袋(有腦筋都可以看到入了紙袋當然是付了款) 她竟然跟我說有紙袋不等於是付款，那我忍不住再問她：不是付了款你們才會用紙袋裝起給客人嗎？客人是可以隨便拿紙袋的嗎？她又知吾以對….擺明就是自己做錯但不承認！再講，就算係點，她都應該先問客人紙袋裝着的那個已經俾錢與否才收錢，而不是問都唔問一手就從客人的心口處拿起計數，完全沒有禮貌可言！不會再幫襯！！