荳子 (德福廣場1期)

营业中

休息中

呢間餐廳平時都幾多人排隊，仲要今日係星期日，係門口排左30‐40分鐘先有位🙈叫咗個脆脆麵脆雞腿肉饅頭漢堡是拉差蛋黃醬，要咗薯條，而飲品就叫咗普通裝美式咖啡 (凍)，另加了小食叫咗焦糖單骨雞翼 脆脆麵脆雞腿肉饅頭漢堡是拉差蛋黃醬食落炸雞香脆可口，肉質嫩滑，唔油膩，好食😋，但個饅頭漢堡，沒什麼特別，普通麵包1個，薯條剛炸好，份量都足，食落係熱嘅，可惜唔脆口，麻麻地，伴碟嘅沙律菜，食落清新，幾好食美式咖啡，飲落都唔錯，自己加糖漿，加奶焦糖單骨雞翼，寫話有8件，其實係1隻雞翼分開2件，雖然好食，但唔抵食整體來講，服務還好，不過沒主動給水，環境舒適，食物味道幾好，但薯條就麻麻，唔脆嘅，而且價錢我覺得偏貴，要自己QR code落單，個餐$128，小食$62，未計加一，食過午餐都2百幾蚊，仲要限時食🙈，唔太抵

又到幫朋友慶祝生日嘅日子🥳相信大家對beans 都唔陌生😌一入去都係例牌都係會俾唔同味嘅搓手酒精你噴手先啦🤪坐低揀野食～ 叫咗：肉眼扒七成熟🥩 跟薯條🍟+炒蛋🐣肉眼扒真係好準確做到七成熟🤩薯條又脆卜卜，熱辣辣炒蛋又勁嫩滑🤩帆立貝pizza 🍕真係塊塊都有粒帆立貝係度薄餅底好脆 一食落就知係即焗😍抹茶窩夫我本來以為係抹茶醬窩夫原來係窩夫還窩夫抹茶雪糕還雪糕🫣飲品：芝士奶蓋四季春茶彩虹拿嚟慶祝生日仲會送件蛋糕同埋生日卡（只要出示身份證證明係當月生日就得）呢下真係好窩心☺️

珍珠元貝蝦醬燴沾麵⭐️⭐️⭐️⭐️⭐️好香大澳蝦醬味🦐，麵條好煙韌彈牙，仲有好多櫻花蝦，口感好特別😋😋，食得又睇得，好好食，唔夠喉，差啲連碟都lam埋😋😋Mixed Berries Waffle⭐️⭐️⭐️⭐️⭐️食埋甜品，叫咗一個窩夫🧇，本身諗住係普通窩夫，點知個形狀咁特別，好似個冬甩咁🍩！窩夫好有蛋香味🥚，好軟熟。配上益力多雪糕🍦，味道好特別，熱辣辣嘅窩夫配上凍冰冰嘅雪糕，冰火交融🧊🔥。亦都配咗乳酪醬同雜莓醬，同個窩夫🧇同雪糕🍦好夾！食完好滿足！👍🏻

無論午餐時段或晚餐時段食物質素都非常令人滿意，非常用心製作，價錢亦公道。除此之外，要特別讚賞的是員工的服務態度，雖然店內經常都擠滿客人，但員工仍非常主動及有禮，其他同行需學習一下！

【荳子】小店藏大驚喜！黑松露雜菌意飯勁香濃！德福必試飯店🍝 好耐冇食過咁正既意大利菜！今日特登去德福廣場搵食，竟然發現呢間 CP 值超高嘅小店 🔍三大推介餸食，每款都係誠意滿滿 💫1️⃣ 黑松露雜菌意大利飯香港人最愛嘅黑松露香味，加上新鮮雜菌，配埋 creamy 嘅意大利飯，食落口香濃無比！連裝飾嘅紫色菜苗都非常精緻 🍄2️⃣ 珍珠元貝蝦醬燴沾麵蝦醬香氣四溢，麵條彈牙爽滑，上面仲放咗香脆嘅蝦子，食落層次感十足！金黃色嘅賣相超吸引 🦐3️⃣ 周打海鮮意大利飯新鮮青口配大隻蝦，仲有多汁嘅蜆，成個鐵鑊炒到香噴噴，連檸檬片都準備齊全，令海鮮味更加鮮美 🦪荳子雖然係間小店，但每一款餸都見到廚師嘅用心，價錢又相宜，絕對係德福廣場嘅隱世美食！記住約埋朋友嚟試下啦 😋

第一次吃是午餐時間，十分多人，12點多同事們已幫忙早點在門外排隊，等位等到1點15分左右入座。不過，店員們算是友善有禮的那種。本想吃漢堡包薯條，見到這個京式烤鴨饅頭漢堡，比較少機會見到，覺得可以嘗試一下。饅頭上印有餐廳名字beans，看起來有點可愛。吃下去就像在吃北京烤鴨，只是日常包著烤鴨簿簿的皮，換成饅頭，而饅頭本身有點甜的味道，加上烤鴨上的醬汁，整體上是傾向甜的。而薯條是咸的。

永遠一到lunch hour都一定係大排長龍既餐廳，今次難得有朋友得閒可以提出去拎位，一去到就即刻可以安排入座。成個menu由主菜到甜品好多款式都好有特色，賣相又好吸引，擺盤又靚，完全係選擇困難～最後揀左班尼迪蛋手撕豬仔骨同珍珠元貝大澳蝦醬忌廉汁燴沾麵，甜品就揀咗Tiramisu同Biscoff Caramel Mille Feuille。餐廳基本上都係自助落單，上菜都算快，岩哂得一個鐘食飯時間但又想食下西餐甜品既打工仔。班尼迪蛋手撕豬仔骨：本身都係比佢既賣相顏色吸引，酸酸甜甜既豬仔骨肉幾清新開胃，但上面既醬好似係冇咩味，而且份量太少，如果諗住食佢當一個中午飯就真係唔太夠。珍珠元貝大澳蝦醬忌廉汁燴沾麵：好濃既蝦醬味，又唔會太咸，沾麵煮得岩岩好，軟硬適中。Tiramisu：味道唔算好濃，但勝在cream夠軟滑，有入口即化既感覺。Biscoff Caramel Mille Feuille：焦糖脆餅+雲呢拿吉士+千層酥簡直係完美嘅配搭，吉士醬好香好濃，又唔會太甜，千層酥香脆鬆化，一齊放入口味道好夾！

🍔 手撕豬仔骨漢堡（$144）漢堡夾有太陽蛋、蕃茄，生菜同手撕豬仔骨，手撕豬仔骨份量多，味道偏甜，配上鮮甜蕃茄同爽口西生菜反而啱啱好；漢堡仲可以免費選擇升級做荳子烘焙車輪牛角酥，牛角酥牛油味香濃而且好酥脆；配菜有薯條同鮮忌廉薯蓉可以揀，我揀咗薯蓉，好幼滑稠密不過味道偏淡；餐飲方面包一杯檸檬蜂蜜/黑糖姜母茶/美式咖啡☕️ 胭脂紅茶吉士泡芙（+$30）泡芙面頭擠左馬斯卡彭芝士忌廉同撒左少許紅桑子脆脆，酥皮泡芙酥脆，入面擠有滿滿天仁茗茶胭脂紅茶吉士，茶味唔算濃，吉士好幼滑但食到最後有少少膩，不過偏酸嘅紅桑子脆脆最後中和左🥤冬瓜茶（$22）佢係由我想和你無所事事出品，連埋漢堡一齊點可享$8 折扣優惠，我點左少冰但無點少糖，飲落略嫌偏甜

趁住糖水買一送一優惠嘅最後一日去嘆返個滋潤糖水但原來今日改咗優惠 … 糖水一律＄10碗仲抵食呀 。鮮牛奶椰汁桃膠西米露.豆腐花桃膠大大粒。好足料。堂弄薑汁撞十字牌鮮牛奶上枱才撞奶。食落有奶香又夠滑。仲好夠薑 ** 以上分享是以我的口味、體質和情況作出分享及感受，一試 / 合用與否請自行決定

今日光顧下午茶，見到個餐牌嘅選擇都幾豐富，點了脆餅雲呢拿雪糕吐司, 一件朱古力卷蛋和焦糖番薯條, 套餐配一杯黑咖啡，價錢就好抵，成為$136 ，不過味道就真係好一般🥲，但餐廳都坐滿哂🥲應該不會再來了😅因為好食好重要🙂本人每日quota 有限, 見諒🙂

好彩朋友返工夠free 12點前已經嚟到排隊 咁都要排第一！ （即係話入邊已經full晒）老實講，環境就麻麻哋㗎啦，又嘈又逼 其實都唔係第一次嚟食，所以揀開個嗰啲都係差唔多 今次就揀咗手撕豬肉burger 同埋黃金意粉! (應該都係大路嘢啦）個擺盤係唔錯嘅 意粉都正常水準 Burger配薯條就一定㗎啦 所有嘢都正常發揮 我就膽粗粗+錢要咗杯Matcha latte 🫢因為最終係個朋友請我食飯㗎。（加錢所以都特別靚 ，有佢logo嘅拉花） 朋友叫返正常black Coffee 其實都好似幾OK 我哋好耐冇見，所以由頭傾到尾都冇dead air

成日經過間餐廳，都見到好多人難得有一日早到起身😆😆😆，咁就去試吓佢個weekend brunch 啦餐廳採用日式柔和木色系設計嘅裝修，還有落地大玻璃，可以望到窗外嘅景物感覺好chill 同relax，佢有幾個特定嘅weekend brunch set，都幾多選擇有all day breakfast la，有唔同種類嘅pasta好似軟殼蟹意粉可以揀😋我就最鍾意食all day breakfast ，賣相靚，方便打卡📸，

平時去開葵芳分店，感覺食物不錯，今日經過九龍灣見到有此店就入食，叫了兩個手撕豬仔漢堡，我明明自己點餐有點太陽蛋，其中一個餐到就唔見到隻蛋， 我以為我自己點錯， 原來唔係然後問侍應，侍應又話要入去廚房問問， 之後發現搞錯 就話一係攞返入去整返隻雞蛋畀我， 一係就另上， 我心諗梗係唔畀你拎返入去啦， 佢哋就攞隻熟蛋返出嚟畀我🫥

黑蒜•磯燒鮑魚•蜆肉•白酒意大利粉 $138 的味道真是讓人驚艷！黑蒜的獨特香氣與鮑魚和蜆肉的鮮味完美融合，意大利粉的口感滑順，讓我每一口都充滿享受！🍝😍整體來說，這裡的菜品不僅好看，味道更是無可挑剔，讓我對這家餐廳充滿了好感，強烈推薦給喜愛意大利料理的朋友們！❤️🍽️店內的環境也非常舒適，讓人感到放鬆，每次用餐的經歷都讓我非常愉快！❤️Subscribe to Our YouTube Channel❤️➡️CTC Songs n JokesIG: ctc_foodie_hk #香港好去處 #香港旅行#香港打卡 #香港小店 #香港製造 #香港生活 #香港🇭🇰 #香港品牌 #香港店 #香港景點 #香港電影 #香港街拍 #香港美食指南 #香港美食推介 #香港美食日記 #香港美食地圖 #香港美食分享 #香港美食推薦 #香港美食攻略 #香港美食天堂

落左堂搵地方食飯啲朋友介紹呢度一入門口就要試消毒液不過陣味都幾勁沖完涼仲有幾surprise 生日有甜品送仲可以即場寫名而且唔係cheap野服務都ok不過我覺得食物普通好似小食拼盤洋蔥圈無咩洋蔥味粉多過洋蔥好多而且點脆片個牛油果醬根本唔係醬係就咁牛油果未整碎因此當醬點其實係做唔到卡邦尼意粉調味一般唔似平時食開嘅味道黑松露雜菌燴飯味道係好但係啲飯粒太淋牛肝菌蔥湯算全晚最好食嘅嘢甜品方面焦糖脆餅太甜了tiramisu 幾惹味