影片
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
约咗朋友从莲塘过关。自己早到咗，所以打算一个人指间餐厅食个早餐，等朋友。见到呢间啲食评讲得唔错，估计系线稿， 抱住冇所谓，试一试嘅心态。离开粉岭火车站有啲远，去到附近问一问人先知喺边。喺餐厅门口觉得里面光猛干净，装修企理，枱与枱之间嘅距离宽敞，因而对呢间餐厅有啲好感。由于朝早七点几冇乜人，唔使等位，侍应服务亦周到，识得亲切地叫客人早晨，上餐亦好快，咁我已经觉得佢赢咗不少连锁茶餐厅，同埋传统茶餐厅。我叫咗沙爹牛肉面、煎双蛋加餐包，饮 咖啡。 我觉得个沙爹牛肉面个汤底小小辣、牛肉新鲜，扺赞；不过即食面就比较普通。 煎双蛋、餐包都系热嘅，又加分。杯咖啡就轻微高过平均水准。 $38一个惊喜早餐，整体感觉非常良好。
继续阅读
我系一个食嘢好求其，唔系话真系太难入口，基本上我都会清晒不浪费。但系呢间嘢个椒盐鲜鱿真系太极品。首先鱿鱼只系得6-7嚿，得$5银大多啲啲，最夸张嘅系裹完粉浆炸出嚟系可以成个手掌咁大旧，然之后成碟嘢极重油益味，极撚夸张，简单啲讲就系全程要拆个炸壳拎粒鲜鱿黎食。我唔知系厨房定系老板嘅问题，你收108呢个价钱做一碟咁嘅垃圾出嚟好唔好意思？我唔批评其他菜品服务员环境好唔好，我今晚只系叫咗呢碟小菜食，唔该，唔识做，冇心机做就唔好将呢个菜式放落菜单上面俾人叫，真系DLLM食到我一肚火
继续阅读
嚟过位于粉岭中心嘅荷叶冰室几次，早午晚餐都食过，都满意！坐位也坐得舒服！今日我哋两个人大约12:30来到食午餐，叫咗两份set lunch - 笼仔土鱿蒸肉饼饭 和 虾酱生炒牛肉饭！每份午餐都配有例汤和饮品，今日的汤是袪湿降火的土茯苓粟米赤小豆扁豆汤，饮品我哋点咗茶走和热柠水。两款午饭质素都很好，味道适中，我们都很满意。价钱也比同区的其他餐厅的午餐略便宜一点，是粉岭区用膳的好选择！午餐餐牌有一款素食，另外大餐牌的食物种类有很多选择！饮品的选择也多，有很多款特饮！期待下次来试其他食物！
继续阅读
去粉岭同朋友食午饭，选择荷叶冰室，好在我预先去到，要排队接近10分钟见到有人食酸菜鱼，大大碗，坐低就即刻叫，可以选择跟饭或者乌冬，足料，个汤好好味，又唔太辣，鱼好新鲜，朋友猛赞好朋友话想食蛋，所以叫咗凉瓜菜圃煎蛋，都系好足料，非常好咬口，菜圃洗得好干净，但不失菜圃嘅甜味，蛋煎得好靓，冇碎哂散收收咁一个钟午饭，有美食下好快又过咗了！
继续阅读
星期日无所事事，肚饿就揾间餐厅食吓饭，呢间喺粉岭嘅荷叶冰室简简单单，装横都几光猛，就入去坐低咗客人唔算好多，叫咗个午餐，一睇有个酸菜鱼汤乌冬，酸菜鱼配饭配米线就听得多，乌冬真系未试过，抱住试伏心态叫嚟食一上枱见配料都丰富，酸菜、豆卜、支竹、芽菜，莲藕片样样都有啲，鱼肉无骨啖啖肉，汤底辣度适中，唔会好呛口亦唔会淡而无味，特别系乌冬一啲都唔会腍，口感弹牙，讲真的确有惊喜午餐奉送例汤，清清地唔错餐裤上都好多选择，每日新款，住喺附近谂唔到食咩又多一个选择
继续阅读