莎莉文冰廳餅店

营业中

休息中

今日經過佐敦好想坐低飲杯嘢，於是乎我個friend就帶我去咗呢間老店，話坐低食個下午茶。 入到去一個人都冇，冷氣都冇開，我就知道伏㗎喇，不過算啦，都坐低咗。 我個friend嗌咗沙嗲牛肉公仔麵餐($41+3)，我就嗌咗奶醬多餐($35+3)。 佢個沙嗲牛肉麵完全冇沙嗲(味道冇，外表都睇唔出)，仲要係壞嘅，已經好有問題！跟住嗰塊餐包，用微波爐叮熱，完全係唔新鮮，成個餐可以食嘅只係得個奄列。 咁啱個老細行過嚟拎個多士俾我嘅時候，我個friend同佢講啲牛肉唔得喎，問佢咁都係沙嗲嚟㗎咩？一啲沙嗲都冇。佢態度係，望一望你就走開咗，根本就唔關佢。 我個多士就唔使講，都係隔夜麵包再隔夜。其實除咗杯嘢正常啲之外，全部都係唔正常呢間嘢，真係永不再見！ 佢沒落真係唔怪得人，唔怪得冇人幫襯。

第一次去食，咁啱經過，下午時段去叫左個豬扒腸仔麵加凍檸茶，豬扒又細件又冇味，腸仔偏硬，總結bad 經驗,我自己煮仲好食，呢間野真心係有問題，見佢門面係懷舊冰室咁應該唔差啦，點知入到去d野難食到嘔

一入到去已經 一陣唔知咩味 可能啲冷氣太污糟， 一陣噏味 都算啦 坐低叫個生炒牛肉飯 , 我從來未見過一間 餐廳真係衹有牛肉同埋飯， 菜絲菜粒配料乜都無， 啲飯又多油 ，完全食咗一啖已經唔想食 未完過一間餐廳係咁㗎， 有冇招呼都唔係一個問題 都預咗呢啲餐廳唔會有 但係 啲食物質素真係完全係負皮 真係未試過一間餐廳食都咁嬲！ 以後都唔會再來 ，😡😡😡😡咁就浪費咗我53蚊， 👎👎👎 差差差！ 仲以為啲老字號有好嘢， 完全跌眼鏡 名大過實。

有一天心血來潮下，前往了位於佐敦道上海街口的莎莉文冰廳餅店，以食其傳統式鮮茄牛肉會意粉。它以茄汁牛油炒出一些切牛肉塊及洋蔥塊等，並連同切蕃茄和嫩熟質爽的意粉，一起呵成地在鑊中會出具鑊氣十足的意粉來，吃落認真好食，茶餐廳風味真有料到。

呢度叫做比較老味道的餐室但一排冇幫襯過,今日再會此店記得多年前做食家第幾個食評曾經寫呢度今天計一下應該第一百零一個食評咁僑又係在此二人入座,一人來一客簡單的下午茶餐29元連一杯熱飲鮮牛肉...粉麵湯米可以任選擇我地叫左鮮牛肉湯米粉,奶茶牛肉自不然是略為撈過梳打,幾滑又淋米粉份量唔小好大碗,很有口感湯底清淡了小小,反而岩岩好奶茶飲落幾滑口,確係出色呢度內裝修都係一般傳統的茶餐廳,尚算乾淨偶爾來這裡懷舊一番，未嚐不可

見佢門面 以為老字號 會有懷舊味道 點知中伏 豬扒蛋丁餐，豬扒很細塊3寸x3寸左右，不是完整的一塊，係用鉸剪剪成不規則，賣相令人反感呢！洋蔥豬扒飯，味道有屋企feel⋯ 有兩塊小豬扒，size跟麵餐的一樣。咖啡沒有咖啡味呢！其實店主不要浪費這個老字號，應該可以做得更好呢！由於太失嘅關係，一張相也沒有影

約朋友仲有成半個鐘就走入嚟，地方好舊連待應都全部係阿叔求其坐個卡位下午餐有成十款選擇見到對面有人食緊洋葱豬扒飯好似好正咁，於是叫了一個+凍檸茶十分鐘來到，洋蔥同豬扒香噴噴豬扒調味剛剛好，不過有少少韌不過茶餐廳豬扒唔會比梅頭位比你呢個正常，睇佢落奄粉的份量落少咗或時間未夠肉身就係硬啲今次我認為落少咗奄粉但都叫有咬口同好入味飯亦夠乾身，配原本洋蔥豬扒的甜鼓油，好開胃，成碟掃凊光連骨頭都選埋凍檸荼一般地方都算大，有成千呎又有唔少卡位及圓枱估計爆哂可以坐七拾多人服務普普通通

八月中旬‧晴來的目的只為想喝杯熱咖啡，不過見有下午茶餐，又來一件煎蛋多士。熱咖啡還不錯，雖然有點酸味，但幾濃郁。煎蛋多士就唔太得，塊煎蛋煎得非常油，又煎熟了。加埋塊多士又薄且韌，水準以下。下次都是來喝東西好了。

有時不是舊就是好，也要食物吃得過才行，比較之下，附近的麗香園是各方面都比這裡出色。約了朋友吃下午茶，賽馬日的下午來到，是有點冷清。這裡看似有出爐麵包西餅，正好叫幾件來配咖啡，但出到去卻發現，沒有一款是做起不久的，問也不得要領，就要了件蝴蝶餅加拿破崙包。蝴蝶餅相當之大塊，二人分吃也綽綽有餘。邊位也很脆的，吃起來夠甜，但有油溢味道，吃了外圍也沒有興趣再吃下去了；在餐牌上看見「拿破崙包」，還以為寫多個「包」字，原來真的是包來的。是一層包加一層薄薄的酥皮，中間夾上奶油。吃起來不算香甜，但絕對頂肚。小時也在麵包舖可以吃這一款包的，現在人大了，還是喜歡拿破崙餅多一點。奶茶咖啡也是茶記水準，不過另一邊有凍奶茶咖啡供應了~~始終這世界是不斷的進步，而有比較之下，就會很容易知道那裡較好。埋單30蚊，是不貴，但也不在水準。題外話：這裡也設最低消費11蚊，即是說最少也要喝一杯熱飲，或齋吃三件西餅也可以，亦似乎都有不少人嘗試來打躉的。

佐敦既老牌茶餐廳，歷史悠久，記得細個時成日經過，好多時都會買番個麵包。今早經過入去食番個早餐。入到去見無乜人巳心知不妙，不過既來之則安之。早餐得三款揀，要左五香肉丁米，得三粒肉丁，煎雙旦好油，淨係得杯奶茶似模似樣，夠晒濃又算滑。食完想走時見到個伙計用手捉著隻老鼠絛尾，好得意咁行過，真係差D想嘔番晒出。

新課程開學日,先填飽肚仔才有心機上課,兜兜轉轉間看到這間頗有歷史的冰廳,反正內裡沒有太多客人,看來可以給我謀殺一下時間。從花斑斑的玻璃下的餐牌中選了豬扒麵午餐,除了湯麵外還有牛油方包、腸仔煎蛋,似吃早餐多過午餐哩。凍檸檬茶用個瓦碟盛著上桌,茶味算可以,顏色也是深深很濃的樣子,在熱得臉也紅紅的氣溫下,這杯檸檬茶的確透心涼。呷著凍檸茶的同時,望到開放式廚房內的伯伯勤快地在為我煮麵煎蛋,廚師和食客也有相當年紀,除了BB車裡的小baby外,全場最年輕的已經是我,少有!!還在發夢的同時,我的麵餐送到了。湯麵用上普通的大光麵,麵也煮得軟硬度剛好,只是湯底較淡,令到湯麵沒大味道,可惜!無骨豬扒外表煎得金黃好看,但似乎被梳打粉招呼過,肉質有點偏淋,個人不太喜歡!方包不知道是否自家製,質感也頗柔軟,伯伯塗牛油也相信重手,只可惜又是牛油香不足;腸仔不用置評,雞蛋煎得夠熟,也有微微焦邊,要是不反蛋加上生一點,這顆就是很完美的煎蛋了。離開時見到門口有不少舊式西餅,拿破崙也大大件的!只可惜沒有quayteow食評內那款雜卷蛋,希望下次會見到吧。

上次去左食家材，隔離就係呢間咁舊的餐室。六點鐘之後竟然冇常餐食，咁仲叫乜常餐呀？我地叫左一個蕃茄牛飯同一個洋蔥豬扒，都係banal野，普通味道，份量好似少左d。可能蛋糕麵包先係佢地強項囉。佢ｄ餐牌同紙巾都好有懷舊feel，我地飲荷蘭谷咕都唔駛加錢。呢隻懷舊飲品好似濃的阿華田，又有ｄ似淡朱古力，好特別。

晨早蕩到去上海街,繼續尋找冰室的故事.這間莎利文,招牌的"冰"字已變成"水"字,檯上菜單上的電話號碼,仍然有地區字頭,應該無三十年都有廿五年歷史.門外的麵包琳瑯滿目,不要例牌通粉早餐,要蛋撻送奶茶,興之所致,來多一件拿破崙餅.奶茶先甜後苦,上半部很重奶味,下半部就充滿茶的苦澀味.蛋撻蛋黃無甚味,酥皮並不脆,而且很散.拿破崙餅,沒有其個人之處.三管齊下,加埋仲荒唐怪誕過"Napoleon Dynamite"個男主角.邊嘆著怪味奶茶,邊閱讀今期Four Four Two,由最乞我憎的C郎做封面,不過身為長期讀者,總不可能因為個封面人物而罷看.損失其他精彩內容嘛.反之,現實上,做人亦一樣.

又係暴走暴食的一餐。其實也不知道它的正名是甚麼，姑且叫做「雜卷蛋」吧：從蛋糕碎的新鮮程度和口感，得知呢個雜卷蛋用既蛋糕邊「唔邊唔要」同「夠哂隔夜」；忌廉是濃忌廉，濃到「起沙」（仲食到糖霜o個隻）；得閒仲夾幾粒合桃碎，服o左佢。笑口，係俾佢完全貫徹港式茶記「學名」叫pastiche 既作風，同我未食過既食物。