影片
港铁奥运站 A2 出口, 步行约7分钟
继续阅读
电话号码
25651822
营业时间
今日营业
10:00 - 15:30
18:00 - 23:00
星期一至五
11:30 - 15:30
18:00 - 23:30
星期六至日
10:00 - 15:30
18:00 - 23:00
以上资料只供参考，请与餐厅确认详情
相关文章
去咗呢間喺奧運站遨凱酒店入面嘅高級中菜😍 環境同食物都好氣派❤️羊肚菌燉響螺湯呢個湯真係滋補養生，羊肚菌鮮美，響螺肉質軟熟有咬口，入面仲有雞、豬肉，勁多配料👍🏻 湯底清甜而且味道濃郁，飲完有一種好幸福嘅感覺🫶🏻海蜇花及伊比利亞黑豚叉燒海蜇花爽口脆彈，配埋黑醋嘅香味，加上伊比利亞黑豚叉燒，叉燒肉質嫩滑多汁，鹹香適中❤️鮮果拔絲咕嚕肉呢個咕嚕肉外層做咗拔絲效果，咬落香脆，內裡嘅豬肉鮮嫩多汁，加上水果嘅酸甜味，非常開胃👍🏻金湯乳酪龍吐珠呢個菜色非常有氣派，龍吐珠即係豬肉加上蝦肉製成，再用雪梨包住，淨係手工都已經一百分🥰 上湯蒸雞蛋，超級香滑，入口即溶😍 面頭仲有肉質新鮮彈牙嘅龍蝦肉配上魚子，非常名貴❤️金湯珍珠浸時蔬呢個菜式非常清新，金湯味道濃郁，豆苗新鮮再配上唔同嘅配料，湯底鮮甜，最特別嘅係面頭嘅薏米做咗珍珠效果，口感煙煙韌韌👍🏻海鮮湯櫻花蝦麵用咗唔同嘅海鮮熬成，湯底味道非常濃郁，配上櫻花蝦同煙韌嘅麵條，口感豐富😍
继续阅读
[ #大角咀美食 #caloriefoodie大角咀 ] • 莫 云 •🐿-大角咀奧運附近有間中高價位中菜廳🍽️無論係餐廳環境、服務定食物質素都會令你有種物超所值嘅感覺🥳✨有𝙱𝚞𝚍𝚐𝚎𝚝的話 的確幾適合家庭聚會😋-🥣 文思豆腐羹💰$98師傅刀功精湛 將豆腐切成一絲一絲湯羹口感濃稠 豆腐綿滑 入口即溶 係素菜選擇✨-🥣 羊肚菌燉響螺 💰$168每日新鮮燉湯 味道清甜 而且相當足料除咗羊肚菌、響螺 仲有紅棗、雞肉等 -🦐 精選魚子醬海膽水晶蝦 💰$298水晶蝦口感爽脆彈牙 配上魚子醬、海膽再淋上龍蝦湯 整個配搭充滿鮮味👅-🐷 冰燒三層肉 💰$188推薦🌟好好食嘅三層肉 肥瘦分佈平均豬皮燒得十分脆身 即使攤凍咗 依然超脆配上自家製黃芥辣醬 好食 推薦必點!!-🐟 普寧豆酥海斑件 💰$388龍躉魚腩配豆腐 加上普寧豆醬 魚肉味更鮮啖啖魚肉加上滑豆腐 整體口感都係軟綿綿~-🦞 海鮮湯櫻花蝦麵 💰$58份量為一人份 櫻花蝦麵配上龍蝦湯麵條幼身 有嚼勁 配上櫻花蝦增添口感-🥬 龍蝦湯煮高山白菜心 💰$168雖然賣相似娃娃菜 實際上係高山白菜心口感爽脆 帶甜味 浸住龍蝦湯味道更鮮甜-🍪 小食 💰$28店家提供餐前小食 當日係自家製芝麻方塊酥口感比曲奇更酥脆、更厚實 -🌼 茶位 💰$28推薦大家都要試花茶🌟有菊花、牛蒡、杞子等飲落好舒服 係養生嘅感覺✨-🍬 甜品 💰$𝙵𝚁𝙴𝙴當日係秋冬滋潤糖水 — 紅棗雪梨雪燕🍐本身對中式糖水無太大喜好嘅我哋都清晒😹-整體嚟講 覺得呢種中菜廳點都要試一次‼️而且店員嘅服務真係好好 有賓至如歸嘅感覺✨-📍 大角咀海輝道18號香港遨凱酒店地下G01號舖-#caloriefoodie
继续阅读
由擁有超過20年經驗的雷業師傅掌廚，將潮州菜同粵菜互相融合。雷師傅曾任職本地米芝蓮食府，仲曾經擔任香港百億富豪私廚😳唔少名人明星、政商名流都係座上客。裝潢好有格調，連擺設、碗碟、餐具等都非常精緻，盡顯心思💞地方寬敞舒適，仲有多間VIP房、最大個間仲可以容納18人添～✨黑醋脆鱔柳最喜歡嘅一道菜🫶🏻 鱔柳亦炸得外酥內嫩，外層蘸滿甜酸黑醋醬汁，仲帶有芝麻香～好開胃☺️✨海鮮湯櫻花蝦麵麵條好爽彈，口感一流，而且掛湯感滿滿～配上海鮮湯同櫻花蝦，鮮味十足🙌🏻✨鮮果拔絲咕嚕肉拔絲效果好出色😻 咕嚕肉肥瘦適中，咬落好香口。整體酸甜度剛好，咕嚕肉仍然保留外脆內嫩嘅口感。✨香酥蝦醬骨蝦醬味好香！炸到外酥內嫩，但肉質仍然保持多汁。
继续阅读
朋友介紹左我去係奧運站附近隱世中餐廳，原來都幾高質，好適合做節同一班人食飯👍🏻🔵羊肚菌燉響螺湯好足料，味道好清甜🤤🔵海蜇花&伊比利亞黑豚叉燒海蜇花好爽身，叉燒肥瘦均勻，帶有微微焦香😍🔵鮮果拔絲咕嚕肉外皮香脆，鬆脆可口肉塊掛上酸酸甜甜醬汁，並自帶拔絲效果，真心停唔到口👍🏻🔵金湯乳酪龍吐珠不愧為鎮店之寶，非常吸睛，中間龍吐珠係用將龍蝦肉釀入雪梨，燉蛋好滑，龍蝦肉彈牙😊🔵金湯珍珠浸時蔬好有心思珍珠係用一層透明衣包住薏米，豆苗好鮮嫩，味道鮮甜😍🔵海鮮湯櫻花蝦麵一人份量，海鮮湯好鮮甜，伴有大量櫻花蝦🫶🏻
继续阅读
朋友今日帶我去食精緻又好味的中菜，高級中菜廳，位於大角咀香港遨凱酒店地下，店內裝潢簡約又闊落。店員服務非常勤快又貼心，同時享受高級環境、食物及服務，價錢貴少少都係值得☺️。套餐(兩位起：每位$668.-)，已包前菜、湯品、主菜、主食、素菜及甜品。前菜：叉燒軟腍香甜又有微微嘅燶邊，燒得好靚。海蜇味道酸酸地又脆口，好醒胃。蕃茄仔新鮮酸甜，口感冰涼。羊肚菌燉湯：有瘦肉、羊肚菌、雞腳、杞子、雞肉及螺肉，味道濃郁鮮甜，熱辣辣飲完零舍暖身。魚子醬香煎肉帶：帶子表面焦香，口感好似刺身咁好食，加咗魚子醬仲多咗陣鹹鮮味。海膽醬立鱗魚：煎得非常香脆，魚肉質感嫩滑多汁，魚味濃厚，點埋海膽醬汁，味道更加香濃。龍蝦湯櫻花蝦麵：濃郁嘅龍蝦湯加入大量櫻花蝦，味道極之香濃，幼身麵條掛滿湯汁及櫻花蝦，非常好食。禪關萬象：大蕃茄肉放滿香濃雜菌碎粒，加上波菜伴邊，係一個好靚、好食又健康嘅素菜。甜甜蜜蜜：南北杏紅棗雪耳雪梨糖水，味道香甜又滋潤，佢啱乾燥又起風嘅節飲用。
继续阅读
您可能会有兴趣的...