瑩瑩工房

营业中

休息中

本身住葵涌區，差唔多食勻所有本區小菜餐廳都發現唔到有一間特別好食。偶爾聽朋友提起青衣有間幾好所以一試，一試就愛上咗呢度，到依家已經去過幾次，從未有一次令我失望。老板每日都會搜羅新鮮食材，有時會有餐牌上無嘅驚喜美食。最愛豉油皇大蝦，送酒一流。麻辣鷄煲惹味，韮菜甲血香口，藥膳醉鷄碢夠滑😋。重有就算煩忙時間都唔會催你埋單走人，唔似得葵芳嗰間金XX厨，未放低筷子已經埋嚟執抬趕你走。喺瑩瑩工房食得舒服自在又開心，就算搭程的士過嚟食都值得。👍

母親節唔想煮，所以上open rice見到呢間評價唔差，所以一試。(1) 下午四點預訂六點十五分自取，但準時去到，係仲要等多半小時先有得拎…(2) 份量係極少，打算母親節叫多兩個餸豐富些，點知係唔飽架…每樣小菜都唔會多過餐盒的一半，椒鹽鮮魷數埋少過你對手的手指…(3) 因為想飲下湯，所以點了兩個客飯，餐單上及收據上白紙黑字寫明包一湯一飯，但到取餐時會臨時通知你冇湯，因為係星期日假期，但我係見字點餐，你寫明有，但原來係＂冇＂架，詢問老闆娘，叫我星期一落去拎返個湯喎.…真係無言到一個點總結…味道尚可，但一定一定冇下次，亦都唔會推介，三百幾蚊會有更好的選擇

生日又唔想煮，咁就落咗去樓下買。加上不嬲都食開呢間，所以就買外賣返屋企。雖然係疫情之下餐廳六點唔可以堂食，但係啲嘢食好似更加好食🤣雞有雞味，蟹有蟹味呢個就當然㗎啦🤣只不過神來之筆嘅地方，係將雞同蟹既味帶到落菜同肉餅度，畀十分另外炸豆腐同炸雞返到屋企仲係熱辣辣，真係開飯嗰陣直接見底西芹炒果仁我雖然冇肉，但兩個脆嘅口感加埋反而有一種新鮮感最後就係蒸黃鱔，爽口彈牙，配埋蔥花，可以送到兩碗飯我諗下次都食呢間

突然想食下小菜，係OpenRice 見到哩間好多好評，就去左買外賣試下我諗幫我地包外賣既應該係老闆娘，好nice，有耐性向我地介紹餐牌😂老闆娘話堂食更好，例如酸菜魚會成個煲上下次試下堂食先🤤試下個個都話好味既雞煲

自從透過友人介紹，我已經黎左呢間隱世小館幾次！青衣居民更加值得一試呢間位於屋村街市既小菜小館，主打都係家常菜同大排擋野食，估唔到d野食咁有鑊氣！上兩次黎食最好食既係麻辣雞煲同鹹蛋黃炸雞翼，真係好好食！雞煲入味得黎又滑口！今次食左新菜式 椰子雞煲飲完即刻上癮！係超級甜既椰子雞湯我地成班人自己都飲左兩三碗D雞又滑又香椰子味！而其他小菜都仍然咁出色，無一樣令人失望首推係椒鹽炸鮮魷，出色過好多大排擋仲有老闆娘推廣既補湯，花膠螺頭湯好味又養生總結：新界超推介既地道小館

話說上次同女朋友同兩個朋友晏就去咗行山，落山之後就有啲肚餓，而咁啱好gf就住附近，就話呢間嘢食成日食，又話幾好食咁，所以就去咗瑩瑩工房同食。一入去原本都係諗住填飽個肚就算，但原來啲野食幾大份，又幾好食。特別係瑤柱蒸蛋，10分我畀9.5分！問過老闆娘就話個蒸蛋係用浸過瑤柱嘅水黎蒸，再加埋蟹嘅味，我足足加咗兩碗飯！再食埋其他餸飽到行唔郁咁滯😅睇黎又要行返幾次山先可以消耗返啲卡路里如果下次嚟嘅話一定會嗌返黎食

同朋友過生日，去就近屋企嘅餐廳，我又唔想去普通大排檔同佢慶生日咁求其，所以就去咗間附近嘅餐廳打邊爐 雞煲我哋嗌咗半隻雞小辣，加咗手切鮮牛同肥牛各一份，價錢中位價，嘢食都幾新鮮。佢哋嘅雞煲上枱時未熟晒，我哋怕煮到窿底，所以我哋用細火小小滾熟佢。雞肉個樣應該喺走過油，食落幾滑幾香口，佢哋嘅麻辣醬好香好濃味，但略嫌有小小鹹。手切肥牛同手切鮮牛肉都好鮮紅，感覺幾新鮮，煮完之後肉質差無幾，下次可以試吓佢哋嘅手切牛肩脊

開左咁耐，第一次黎食。打邊爐同小菜都好多選擇，最後食左晚市飯餐+一個小食+兩碟小菜。1. 花姿餅好彈牙，好新鮮，唔點泰醬都好好食2. 豉椒鵝腸味道唔錯，有鑊氣，不過係鴨腸3. 咕嚕骨都好食，脆口又酸味味4. 金沙蝦無得輸，熱辣辣，連眼殼都吞埋落肚但係例湯同燉湯無咩味價錢唔算貴，$5x 小菜飯餐，小菜平均價錢都大約$55-$70一碟。當然將貨就價，份量細碟平日唔多人，舖頭環境闊落，坐得舒服食飯可以多一個選擇啦

今日跟個朋友食飯打邊爐，有冬瓜煱底，啲嘢性價比都高，牛肩脊和椒鹽鮮魷好正👍，啲嘢都有心做的。同埋個老闆娘好搞笑，同我地吹水乜都講，又飲得玩得，好好玩，好有家庭feel，食得幾開心😃，你地加油💪

🌽粟米花枝餅好彈牙😋大人小朋友都好喜愛🐙椒鹽魷魚粉醬不太厚，炸得剛剛好，唔好咬唔開😋👅椒鹽牛舌呢個送酒一流😋🐔蔥油白切雞夠入味之餘又滑😋🥬豆豉鯪魚炒油麥菜呢個家常菜好抵食😋🐷梅菜扣肉呢個就....如果個扣肉可以再(林)啲就好啦😋.好味而且冇無精，又多個偷懶唔煮飯嘅理由🙈🙈🙈而且店內員工大家都好似一家人咁，對每個客人都好似朋友咁，好friendly令客人食得好舒服好開心😃

此店為於長青街市內，前身為佳寶超級市場。近期新開張，午市光顧的人亦不少。此店以「全店以不加味精」👍🏻👍🏻👍🏻晚市有我至愛火鍋🍲便抱著一試心態，𨘋請一班好友前來試試！晚市光顧的客頗多，此店採用電腦落單，十分方便快捷。火鍋用燉湯湯底，選擇頗多。我們點了「沙參玉竹豬軟骨」湯底、一自家製手工蟹子墨魚丸丸、黑松露墨魚丸、鳳城水餃、牛肩脊同牛柳粒😋加上其他新鮮海鮮同蔬菜🥬店員叫我們先要試個湯，個湯既香又鮮味，應該確實冇味精，所以有朋友覚得有點淡。牛肉十分有口感同牛味 - 本人比較喜歡牛肩脊，因為牛脂比例比較多好！手打丸十分特別，尤其黑松露🦐丸，好有松露味！海鮮十分新鮮 ，但沒有花巧，所以冇特別拍照！總括來說，性價比很高，服務態度好，十分值得一試！下次一定會再來！ 👍🏻