影片
附加资料
無肉餐單詳情: 每天供應多款素食菜式
营业时间
星期一至日
12:00 - 22:00
以上资料只供参考，请与餐厅确认详情
近排餐餐都好heavy，所以今次黎哩間食清D。「沙律」：跟餐送既，D菜好fresh，有少量黑醋汁，果然係標榜健康啊！「餐湯+包」：都係跟餐送既，個餐湯係蘑菇湯，幾滑，又有粒粒菇菇，有D咬口，味道偏淡，都唔錯；餐包聲稱自加製，入面有D類似芝麻既粒粒，上檯前輕輕烘過，所以個面有D脆，同埋暖暖地，好食！「羊排+紅米飯」：羊排好多筋，又無咩味，差唔多有半碟係趙唔到，好失望！「茄汁蔬菜焗飯」：哩個就幾好味，好多唔同款既菜菜，配埋蛋炒飯一齊焗，比一般茶記焗飯淡口同少油，健康D嘛！雖然個羊唔得，但其他野食搭救，比個哈哈笑佢啦^^
继续阅读
一直都有幫襯開這健康食店, 雖然驚喜不大, 但勝在每次也能保持水準, 實在難得. 可能server 也是老細之一, 那種殷勤的服務態度真的只能在於小店可以找到.
继续阅读
呢間餐廳我想試好耐嫁啦，因為佢個名入面"健康"兩個字吸引到我奈何佢冇咩邊間分店近我住既地方，同埋對我黎講價錢有D偏貴呢...所以一直都未有機會去試不過早個排咁岩出開銅鑼灣，係唔知食咩好既情況下就把心一橫去試左佢既LUNCH SET(都係唔係幾捨得LUNCH用咁多婆仔本色盡現@@)去到一睇，WA...都唔平喎，平均一個LUNCH SET 都要$50-$60，已經唔記得駛唔駛加一嚕。雖然係有D貴，但係既然黎到就走左入去了。入到去之後，侍應好快就俾左個餐牌我睇。佢有幾個SET，每個SET都列明卡路里(呢點係值得讚既！)研究完一輪之後，我就決定左要個素食既雜菜意粉。佢呢個餐跟左一個湯同埋薄餅。湯冇飲到，不予置平。而個薄餅呢，開頭睇個名我以為會係好似印度NAAN個d咁樣。但佢一上枱之後，我發覺原來又係自己諗多左。佢呢個薄餅拎上手只係暖，唔算熱。佢既質地好難形容，介乎於薄脆同麵包之間，薄得黎又帶d麵包既煙韌。淨食既話都食得出麵粉香，不過愈食就會覺得愈鹹，食多幾啖就會發覺d鹽好似唔駛$$咁，所以最後我係食唔晒呢塊薄薄既薄餅既。跟住輪到個主菜：雜菜意粉一上枱既時候，嘩，個賣相又紅又綠咁，好吸引呀。入面有d西蘭花、四季豆、菇等等，估唔到連紅腰豆都有。或者呢個係素意粉既關係，佢連調味料都少落，其實...係冇咩味淡左D。(你可以話係食食材既原味既)我慣左食意粉都會加芝士粉，所以就膽粗粗問下佢有冇。點知真係冇提供嫁，雖然預左，但係都有D失望。就咁食都食得出D食材算係新鮮既，唔會話有怪味。但係一路食既時候就會發現有好多黑色既一點點痴左係D意粉到，睇真D，你會發現個D原來係鑊燶見到都冇咩心情，一邊食要一邊挑返佢地出黎，好麻煩雖然睇落個份量好似好少咁，但係食落都幾飽肚。(或者我細食掛)臨尾埋單好似都要$50幾$60，作為一個LUNCH對我黎講都幾貴，但係都叫試過下，一嚐心願囉。不過下次就唔會特登走過去食，因為咁既價錢係個到都有唔少選擇。(尤其我走既時候見對面既鋪頭仲多人)
继续阅读
朋友飯局.賣點是健康食品.我們就各自點了個套餐飲品黑豆漿 (冷/熱) 這個沒有什麼豆味可說. 味道偏淡黑麥包. 同樣問題-唔夠熱餐湯-菠菜湯. 這個味道不錯. 不過嫌不太夠熱三色菜駝鳥肉意粉. 賣相不俗.味道尚可. 不過有點油 . 配菜 (98%). 駝鳥肉 (2%)比例牛肉紅米粉. 味道不詳.豆腐雪糕-個味像雲厘拿成個過程服務都好好. 不過我嫌環境吵.
继续阅读
是日，約了太太的表妹食中午飯。她是一名素食者，所以食飯的地點要嚴選。既要有東西啱素食者，而我又想吃點肉，在銅鑼灣地區，最理想既選擇就是利舞臺的菓一道。菓一道，主打的是健康飲食，味道一向都是偏向淡味道的。喜歡重口味的人就未必會啱你食。少油，少咸，少糖，少肉，多菜，是每個人都識背的健康飲食口號。而這兒的所有食品，就是完全依照這一個口號來製作的。午餐，一人一份最為正常。表妹全素，叫了一個芝麻素雞燴意粉。一看我還奇怪了，乜你可以是墨魚汁意粉嗎? 她給我看清楚後才知道是芝士。試了一口，芝麻的香味非常濃厚，除了芝麻味，就是素肉的味，亦有少少青菜的味，絕對是純天然的味道，感覺十分健康。 我的是焗芝士帶子三色米飯。有芝士固然是香，而也許我在快餐店所食的，大都是狂加鹽及/或味精。這一個味道淡的焗飯，純芝士的香，而菜是煮烚過的，連丁點熱氣感也沒有，純芝士味的焗飯，味道健康清新，不錯。 這店的味道是偏淡，感覺雖好，可是我是一名喜愛濃味的人，重口味的我，若不是質素食者同食，我是不會來這裡的。但對於我太太及他們一班素食朋友來言，菓一道是一個非常好的地方。
继续阅读