菓之店 (雲疊花園)

营业中

休息中

如果夜媽媽係大圍區想食糖水，呢間就算係其中精選之一，唔係有咩好特別賣點，但就好多種類揀之餘又質素唔錯。黃金奶凍（$50)有芒果，芒果爆珠配埋芒果汁，夠曬冰涼，芒果打出黎係甜，個奶凍都好好食，食唔停口呀。抺茶窩夫 ($53)配日本紅豆同埋一球雪糕，味道可以自己選擇既，今次食左佢設定既綠茶雪糕。個紅豆係有驚喜既，有啲焦糖撈埋，好味。窩夫係脆口唔會黎到已經開始淋，而且價錢都唔算貴呀。點指冰冰系列 ($40)自己揀材料既冰，椰果涼粉荔枝冰（花奶底）。無，就係簡單得黎但好食既配搭。

今日約咗朋友在大圍做Facial, 因為booking 時間未到，就在附近找找有沒有小吃或甜品，就在雲疊花園附近看到果之店，有咸甜點，甜品亦有中和西，很適合不同口味的朋友一起來😁店舖裝修優雅，坐位舒適！果之店除了中西甜品，還有小吃如雞翼，脆薯格等....合桃露小丸子，甜度適中！三式冰士多啤梨好甜，配上雲尼拿雪糕剛剛巧😋😋

這間菓之店，是我和男人的放甜宵夜之選。如果有位泊車，便會坐下來吃；如果沒有位泊車，便會買走吃。剛好這天有錶位，晚餐還未吃的我們決定正餐甜品一氣解決。吉列虎蝦 $40炸蝦算大隻又夠香口，內裡口感爽彈。蒜香豬扒配司華力腸芝士撈麵 $48豬扒很香很juicy ，司華力腸皮脆内軟。而這裡的撈麵是印尼撈麵加芝士汁，真心覺得很夾，撈勻後入口有芝士味，整體又不會太鹹，麵也不會煮得太軟太硬。麵食可加$8要一杯西瓜汁，味道香甜清爽，真的很抵。雪糕奶凍窩夫 $68一份有齊雪糕、窩夫、奶凍和水果，很滿足。這裡我窩夫是口感偏香脆的，但也沒有很太燶很乾，而我個人喜歡外脆內軟的。奶凍卻是我最愛，喜歡它一被移動便「震騰騰」，口感很軟滑順喉，奶味香濃又不太甜。芝麻糊湯圓 $38實在不夠飽，便加多個中式糖水，芝麻糊有芝麻香，口感味道正常沒什麼特別，芝麻湯圓口感煙韌軟糯。以區內同時有鹹食甜品來說的話，這裡真的是一個不錯的選擇。

對傳統嘅糖水舖總係有種情意結☺️因為中學嗰時(即係無幾耐之前)成日幫襯🤣覺得依啲舖比日式pancake呀千層蛋糕呀嗰啲舖頭更有味道🏡✨榴槤皇子 $60 係有一個拳頭咁大嘅榴槤✊🏻榴槤又香又甜好好味☺️配埋清甜嘅椰汁同海量嘅小丸子真係無得頂🤣真心 鍾意榴槤嘅揀依款實無錯🤪✨抹茶奶凍 $43奶凍配上紅豆 抹茶雪糕同黑糖QQ🍮奶凍一上枱超級動L笑死我🤣黑糖QQ幾好味 唔會太甜又有咬口雪糕嗰啲就正常發揮🍦

長期多人的糖水店,D食物都好快送上,不用等太耐,叫左個士多啤梨窩夫(52元),賣相好吸引,見到心情都會開心點。暖暖的窩夫配上香濃凍的朱古力雪糕,好正,窩夫是外脆內軟,仲有新鮮的士多啤梨同棉花糖,整個甜品是有內涵又有外表。杏汁雪燕燉椰皇(68元),椰奶杏汁配上雪燕同蓮子,因為熱食,食完覺得好潤, 之後仲可以食埋椰皇的肉。仲叫左個榴槤椰汁西米,入面有一大舊榴槤肉,配上大大粒的西米同西柚,榴槤肉好香。呢度除左糖水之外,仲有咸食的小食,叫左個雞翼4隻(26元), 雞翼大大隻,好多肉,熱騰騰, 雞皮炸到好脆,肉好嫩,配上椒鹽,真係好正~如果不是太飽,都想試埋佢D鮮渣生果汁,呢間糖水店,真是好多元化,適合不同人的需要同口味。

突然想食甜品，一於去大圍呢間甜品舖食個宵夜，叫了個芒果窩夫，有驚喜，尤其熱食，窩夫非常鬆軟，配芒果雪糕好特別，味道好夾，好好味 ！ 還有芒果粒，濃厚的芒果味及多重口感，一次過滿足愛吃芒果的我。仲有點了「黃金奶凍」，即芒果奶凍，最喜歡芒果爆珠，咬感好得意！奶凍好滑！吉列虎蝦香脆，外層金黃麵包糠炸得酥脆；喜歡吃用麵包糠炸的吉列菜式，外脆內軟，咬下去，那清脆的聲音，令人胃口大增， 金黃香脆，沒想過主打甜品店的小食都做得很不錯！椒鹽雞翼， 醃得入味，好惹味！推介！本來諗住只係食甜食，應該吾飽，但叫左兩個小食，即刻夠飽，大滿足！

大圍嘅甜品小店，美味的杏汁蓮子椰皇燉雪燕，68元，好香杏仁味而且有一大碟雪燕，真材實料，超正。有綠茶新地38元，好濃的抹茶味飲品加雪糕，啱囇我呢啲抹茶愛好者。另外也有很多其他食物款式，包括撈麵、炸薯格、酸辣豬皮。其中，酸辣豬皮26元就最令人欣賞，豬皮好滑好爽，而且酸辣汁調得很好味。店內環境舒適，我們週日黃昏去，坐得好舒服，不會太逼而且光猛整潔，令人心情舒暢。這是值得推薦而且看得岀是用心經營的小店，支持。一定再來吃。

同朋友仔唔知食咩好就黎左菓之店因為e到乜都有有小食撈麵同糖水先叫左d小食有豬皮同埋雞翼尖味道酸酸辣辣好開胃另外椒鹽雞翼即叫即炸上枱既時候仲熱辣辣炸得金黃配上椒鹽粉好香脆叫左芝士撈麵配豬扒同雞排各一個芝士1d都唔吝嗇全個麵都鋪滿濃濃嘅芝士但食落唔會覺得好流豬扒雞扒都好大份肉厚同多汁同朋友share 都夠食最後就一定要食個糖水奶凍震騰騰淡淡既牛奶味配上芒果醬味道清甜並唔會太膩三重奏分別有綠茶芒果曲奇味雪糕窩夫皮脆內軟仲熱辣辣加上蕉糖醬真係好滿足

今日同朋友夜晚想飯 又想食埋糖水 就諗到之前食過既菓之店因為呢度雖然主打係好多款甜品但小食 同埋個撈麵 都不容忽視 值得一試我地先叫左幾款小食雞翼尖 同 豬皮 酸酸辣辣 好開胃椒鹽雞翼 皮脆肉嫩 都非常唔錯之後叫左兩款芝士撈麵 成個麵都被芝士覆蓋撈麵仲可以雙拼 或者加底 咁就唔駛怕唔夠飽跟餐加配既西瓜冰 夏日炎炎之下 簡直絕配到最後叫左兩款甜品 芒果盛宴 同 埋雪糕窩夫三重奏，個窩天加埋焦糖又脆又香，同埋雪榚味道好真，唔會似藥水味，好好食，可以下次再試下其他

小妹係榴槤Die hard fans 超級愛好者每次見到有榴槤食既甜品店都一定唔會錯過不過今次就特別d 除左心愛既榴槤 仲有椰皇好新鮮既配搭一間新派甜品店 有雪糕窩夫,雪山冰冰等基本野一d都唔出奇 但凍既椰皇甜品真係比較少見講明心繫榴槤 吃貨小妹當然二話不說揀左呢個"榴槤皇子" 未上枱已經聞到陣香味嘩 真係超級多榴槤肉 好興奮呀美味既榴槤 配上煙韌既小丸子同細細粒水晶珠 凍冰冰既加埋椰汁 好味到震~~~~小胖男友既芒果奶皇都好吸引 當造嘅芒果好甜配料除咗一樣有椰汁小丸子 最得意係多左原隻奶凍係入面好滑爸爸媽咪怕肥 就叫左light d既火龍果汁同奇異果汁吃貨小妹飲左一啖奇異果汁 超fresh飲得出真材實料

身為大圍人既小妹，今晚收工又唔想煮飯啦！正直炎夏，想搵一間有鮮榨果汁，又有小食甜品既餐廳真係唔容易 網上搵到大圍有呢間小店好似符合到小妹要求， 就一試啦環境唔算大，但感覺舒適， 岩岩入去果一刻覺得冷氣開到好低溫，還擔心沒帶外套既我會坐到騰騰陣，可能店員聽到都講覺得好凍，即刻開返高溫少少夠貼心飲品menu好吸引啊！ 小妹酸辣雞翼尖，豬扒芝士撈丁雞翼尖好味啊酸酸辣辣，夠哂入味但唔會太咸。 而且都有10幾隻。份量充足。豬扒都有醃製過，入口鬆軟可口。撈丁除左有芝士醬外，本身都有用醬油撈過，份量都十足。 不過略嫌撈丁不太熱雞扒司華力膠芝士撈丁司華力腸熱燙燙，香熱脆雞扒就正常水準。撈丁一樣，略嫌唔夠熱啊！鮮榨西瓜汁加9蚊， 勁讚因為係即榨，。有少少西瓜肉，沒落冰，夏日消暑飲品。食飽飽埋單都係114蚊

住喺大圍但又唔係好近mtr 嗰頭，有時夜媽媽11點幾想食下甜品又唔想行到咁遠，都會選擇黎呢間菓之店食，佢開到凌晨兩點。每次黎食都見好多客，唔同年齡層既客都有。因為入面冇位，所以店員喺出面拍左張枱比我地坐，夜晚有d風咁，坐出面都舒服既！今次食佢既紅豆抺茶窩夫，仲有腐竹雞蛋糖水，呢個紅豆就真係太太太甜啦！本人覺得，就算加左窩夫嗰d 都唔係幾中和到佢既超甜味道，但窩夫係焗得幾好食，夠脆又夠厚！跟住抺茶雪糕味道都唔錯。而個腐竹雞蛋糖水都一如以往咁好味！

雲疊花園有間甜品店一路都知道，但原來佢有麵食，朋友唔講都唔知芝士撈麵，咁邪惡嘅嘢好耐冇食過，朋友推介就試一試，一上菜見到成碟都要芝士，即刻嘩一聲，撈埋啲公仔麵食，味道啱啱好，唔會太勁，除咗燒賣魚蛋外，佢仲有豬扒，司華力腸，鴨胸等。加$9有杯西瓜汁，加埋都係$4x 炎炎夏日，雖然邪惡，都要食啲好嘢開心吓🤣🤣

今日在大圍吃完午餐，雖然飽，但女士對甜品是有兩個胃，剛好下午茶時間，找甜品去，朋友介紹我這間菓之店，門面簡潔，店內乾淨，可以一試雪糕奶凍窩夫 $68窩夫烘焗得外脆內軟，配上鮮果和綠茶雪糕伴食，香濃綠茶味香濃幼滑，奶凍非常幼滑，震騰騰，震得好開心糖漿和合桃碎伴碟，賣相👍🏻👍🏻👍🏻太極小丸子 $39熱食味道更香滑，芝麻糊配合桃露，養顏，烏顏、補腦，小丸子軟糯，雙重口感，最啱貪靚既我芒果雪山 $43可以自由配搭配料，小朋友選擇了啫喱，七彩顏色更添食慾，高高的雪山震撼眼前，濃濃芒果香甜，涼透心之選食得太多凍食，配上熱食平均番酥炸芝士蝦球 $32炸得香脆唔油膩，蝦球爽口，中間芝士溶到可以拉絲，我拉到20cm長添，滋味又好玩環境企理，職員親切招待，坐得舒適，下次再黎試試其他甜品

Angel 之前在大圍食過烤魚，回家途中見到附近有間糖水店，見到裏面有好多人客，裝修都唔錯，所以今次朋友開車在附近食完食，就來這裏吃甜品。泊車都算方便，可以拍在門口，也不錯👍🏻今次這裏人流都同上一次一樣坐滿了客，雖然比較多客人但是座位分配都坐得舒服的，不會狹窄。我點了黑白配同餐牌一樣賣相非常吸引，秀色可餐。黑芝麻糊做底，鹹甜適中，而且比較健康，旁邊加了小丸子，口感Q彈牙，中間加了奶凍，奶凍口感柔滑，好好味。我朋友點了西瓜雪山🏔️，雪山整得又夠高, p山腳旁邊放滿了色彩繽紛的啫喱，大人小朋友見到都喜歡💕，天氣那麼熱消暑一流。鮮榨果汁同樣吸引，新鮮的水果鮮榨出來，色彩繽紛，又健康。我點了火龍果汁同荔枝汁因為鮮榨所以是水果的原味，我最喜歡火龍果汁顏色鮮艷奪目，而且沒有添加糖分，夠健康。