華南粉麵茶餐廳

营业中

休息中

位於灣仔，就比較舊環境普通但係啲嘢幾好食～啲午餐肉煎得好好👍🏻個公仔麵煮得唔錯佢個辣椒油🌶️真係好香好好食不過早餐嚟計呢$50幾蚊一個早餐佢就偏貴個火腿奄列都好好食

在這趟尋找美味丸腩粗麵的旅程中，我選擇了一家城市小餐館。不過，從多個層面來看，這碗丸腩粗麵的表現都令人失望，尤其是考慮到其高昂的價格。**丸腩粗麵：** 牛腩的質量是這次用餐體驗中的主要問題。牛腩不僅較韌，更帶有臊味。湯底也未能達到期望，呈現出的味道過於淡薄，無法提供應有的味蕾滿足感。粗麵本身雖然煮得適中，但在缺乏支撐的湯底和帶有較韌及帶臊牛腩下，也難以發揮其應有的作用。**價格：** 這碗丸腩粗麵連同一杯凍檸茶的售價為100港元。對於這樣的價格，顧客自然會期望更高的食物質量和用餐體驗。在香港這樣一個美食之都，以這樣的價格和質量出售，無疑是在挑戰顧客的接受底線。**總結：** 考慮到食物的質量和所付出的價格，這次的用餐經歷顯然是不值得的。牛腩的質地和湯底的味道都未達到基本的美食標準，尤其是當收費達到100港元一碗時，這樣的表現更是令人無法接受。希望餐廳能夠注意到這些問題，並進行必要的改進，來提供更符合價格的優質餐飲服務。

行到譚臣道，見佢好地道的茶餐廳外觀，就諗住入去幫襯吓，一入店內就有一浸異味，聞真啲是食物的殘渣味，店舖擺設咗幾張圓枱及摺凳，坐下一張摺枱，餐牌一看，內心嚇一嚇，最平都要$57一碗粉麵，另外清茶要另收費，又設最低消費要$50以上，心裏暗暗地諗，今次中伏，硬着頭皮地點了一碗牛腩河，侍應態度非常不屑地大聲高呼：普通牛腩河一碗，跟着再點多一個魚皮之後態度有所好轉，食落去湯都味道偏淡，魚皮可以，但係牛腩好似煲湯肉咁，甚至冇乜牛味，食咗大半碗之後終於走人

無食幾年，崩沙腩差到極點！又韌又瘦似煲湯瘦肉，絕對係伏同hea!加$13雙拼埋魚蛋，居然「只得兩粒」，而且好偕兼腥！咩事呀，我喺街市檔買仲好味過佢。加$13蚊先比得兩粒魚蛋真係好過份吓囉。崩沙腩魚蛋雙拼 $78 +凍奶茶$24 成$102！魚蛋粉麵嚟講都算最全港九最貴！湯味道可以，河粉都合格，但貴人一等嘅崩沙腩真係伏到，普通牛腩可能仲韌…喂，老闆同廚師可唔可以自己試吓食先比客食呀，仲要賣咁貴又唔飽嘅粉麵。

去演藝睇戲，睇到嘢附近啲餐廳閂曬，見到佢開就入咗去食。開頭仲擔心係嗰啲紅色團嘅餐廳，以為有伏，點知係自己諗多咗。 幾樣嘢好抵讚：1. 人情嘛：可能比較夜去，夥記會同你傾兩嘴，講吓時事，食完又唔趕人走繼續吹2. 食物好食：嗌咗牛什粗，牛什清得乾淨又足料，湯底好濃郁香噴噴好好味，忍唔住飲咗半碗，麵底厚實彈牙，好耐冇食咁好食嘅麵。後尾仲聽到隔籬枱讚啲牛腩。3. 辣椒油好：寫晒提示好鬼辣，淨係敢落丁屎，吊個味出嚟好正粉麵嚟講價錢算貴貴哋，但一定會再返嚟食

華南曾是有名麵店，卻是聞名不如見面，見麵方知實情。牛腩麵這質素夠胆收$57，真是要靠生客入坑。全瘦無肥湯渣腩，左趙右咬夠黐牙。鹵汁尚好味過咸，束辣油不香麵過淋。食唔到一半，都係起身走人。

重要嘅事情講三次 千祈唔好去 千祈唔好去千祈唔好去 伏度一個極點 真係唔明收人50蚊碗魚蛋粉好食得喺邊度? $300一樽辣椒油簡直堅尼地！ 呢間舖嘅定價真係貴到一個點根本唔想招呼比香港人食！衛生環境差 服務態度更加唔駛再提 永不光顧 永不光顧 永不光顧

十幾年前成日都在華南食腩河做宵夜，記得當時都唔算平嘅，但係算好味，會回頭嘅質素。事隔多年未再幫襯，今日行經灣仔打算懷念下，眼見人流極少，得兩張枱，食食下有5個操普通話嘅國語人遊客入哩食，估計依家做遊客生意多。價錢貴一向都知，但依家要$57一碗腩河同$27一碟菜，真係貴到嚇一嚇，飲品仲要正價另計，要$24一杯凍檸茶所以無叫。啲牛腩好硬，仲有一整舊肥膏，根本食唔到。重點係，兩公婆食完都腸胃炎，成晚胃痛瞓唔到，第二朝痾到hihi…..此情不再，永不幫襯🥲

在灣仔長大，以前幫襯過無數次。最喜歡魚蛋粉，當年的魚蛋，彈牙香口，味道一直令我念念不忘。搬離灣仔已十多年，數數手指，最少有十年沒有幫襯過。難得今天下午要到灣仔工作，立刻再去回味一下⋯⋯可惜，魚蛋又腥又梅，可以說是我食過最難食的魚蛋粉！今次叫了魚蛋粉（$50）加芥蘭($27)。埋單$77絕對可以有更好的選擇。價錢一向是貴，環境及服務態度一向都偏差⋯⋯但以前食物有水準，總算值得比！不過以現時的垃圾質素，可以永遠不回頭了！Bye bye 了華南👋🏻

夏日炎炎，，，，正想找個地方休息一下， 路過這間華南粉麵茶餐廳，就入去一試。。。。。。。。。魚蛋河粉 魚蛋不錯 多謝50元..........OMG!!!!!!!!!!!!!凍0茶 一般24元,無錯是正價收費！！！！！！！！！！！！！！！綜合來說，食物一般！！！！！！！價錢太貴！！！！！！！！！！附近餐廳下午茶性格比會更高。！！！！！！難怪在灣仔區人流區，亦不見太多的人在光顧。結論，同區有更多更好選擇，不建議。

難吃又貴，路過時，店員係入面狂揮手有位有位叫我，冇諗清楚入左去。發現最低消費50。點知淨普通麵都50唔包野飲。諗諗吓廢事出去再搵，叫左牛雜麵。又細又難吃。唔怪得侍應狂叫人入。中伏中伏。

魚皮，24蚊，明顯唔係自己炸，唔緊要，返貨都可以炸到燶燶地，仲要得4塊。崩沙腩麵80幾蚊，一般過一般，味道差過街邊啲蚊碗啲牛腩。兩個人食左240，唔知食左啲咩。絕對無下次。

硼砂腩牛腩麵个麵好够韧度， 嗰个汤底就咁饮比较咸，但系夹埋嗰啲冇咁索汁但系好有麵味嘅麵就好匹配，啱啱好，一大担麵，一大担浓汤，再一担硼砂腩，正！第一次食硼砂腩，觉得佢比一般平时食开嘅牛腩龈啲，但系唔难咬，比牛腩香，同埋食落有唔同嘅口感所以好丰富，真系好特别！多谢！腿蛋治，蛋真系係好嫩滑，啱啱好，唔会炒得老，火腿同埋面包，好正呀！嗰个云吞我净係食咗一粒，但系觉得佢嘅虾同埋个猪肉嘅比例好好因为两个味道夹得好好，同埋个皮厚度又啱啱好，出到皮嘅嗰个香味，同埋好滑，所以都会令我印象深刻。多谢，真系好难得每一道香港嘅特色菜都有佢嘅标准同埋highlight，同埋特点呀！

牛腩唔掂，肥到不得了，瘦又碎濕濕。唔知以為乞衣麵！👎🏻👎🏻👎🏻👎🏻👎🏻👎🏻👎🏻衣著係工人衣服，老闆就狗眼看人低！又唔諗下，自己咪做大排檔底下階層出身，唔知以為佢係含住金鎖匙出生，以為自己依家太平紳士出身，咪日日著住對污糟邋遢底衫牛仔褲水鞋賣牛腩麵。

夜晚諗住搵間餐廳應付下算一入到去環境一般，拎起塊餐牌先寫明最低消費要46，點左一碗$46雲吞麵 仲要無野飲送。心諗你最好碗雲吞麵啲料真係可以配得上46 (仲有少少期待 )一上黎今次真係中伏，雲吞勁細粒 裏面的袖珍蝦仁我可能要搵顯微鏡先搵到 蔥花又放得果吾夠、湯底仲又濁又吾香 另外佢一律加腩汁 雲吞麵加腩汁 我不如食牛腩麵好過 就依碗雲吞面嚟講 我呀媽用隻腳煮都好食過你整既$46一碗雲吞麵 又貴料又少吾好食 blacklist!!!