華嫂冰室 (已搬遷) 新店位置

假日去華嫂真係人山人海，平日去情況好好多，今天中午時分去，基本上等一陣間就可以入座。我最鍾意食呢一度嘅芫荽皮蛋湯底，配雞中翼，夠味道。另外就係食菠蘿包，熱辣辣超好味。

搭輕鐵在坑尾村落車，跟google map再行5分鐘就到，我平時愛吃菠蘿包，想不到這裡的菠蘿包脆，餡好正，好好食，想下次再來吃！番茄雞翼豬扒通粉好好味！推介！飲品很多選擇， 我叫了凍檸蜜，好好飲！食完已經想再下次來吃了！

食品質素十分好，但客人取新飲品時不小心倒瀉不但之不賠償一杯反之再要客人加錢要多一杯（那種服務態度不佳）整體環境，舒適，食品尚算可以 但泊車就指引不清晰令我環繞一圈先到達

華嫂真人是染了一點紫髮，非常新潮，個性隨和 ，與街坊關係友善。菠蘿豬扒包菠蘿包非常新鮮而且香脆可口，豬扒肉質鬆化嫩滑，加上蛋黃芥末醬，味道絕配。定價十分親民貼地，難怪位置偏僻，仍然不缺乏食客。即使是二時許，店前大排長龍。熱哄哄的香脆菠蘿，夾著雙層薄切炸豬扒，加上少許芥末沙律汁，配冰感juicy紅蕃茄和爽口生菜，味道不錯。脆熱菠蘿與冰涷蕃茄，一有點像冰火的感覺。豬扒炸得唔乾，既有少少豬扒的肉汁又有菠蘿包的香甜味道，而新鮮蕃茄同生菜平衡左豬扒菠蘿包的肥膩感覺。口感方面也十分豐富，一口可嚐到多種texture,感覺滿足。個人喜歡這種港式味道多於西式漢堡，也許是菠蘿包的情意結吧。

不得不試的美食，雖然很多人都說這裡食野好受氣，但其實當你了解佢地嘅銷售模式，其實佢地係幾好的。就像當你是街坊一樣，諗好叫咩食至好入座，座位確實不多，但這裡的伙計都有系統地帶住你走。重點推介，咸牛肉芝士蛋咸豬包，外脆內軟超juicy，因為蛋汁同芝士不斷流出，熱辣辣，非常好食。另外煎魚餅亦是推介之一，好香魚味，一點都不腥。

今日個波蘿包唔錯唔錯👍食到周圍都係碎😅豬扒夠哂鬆軟芥末醬完全地畫龍點晴💕連平時唔食芥末醬既小妹都覺得呢個芥末醬不能刪去😂生活左係天水圍十幾廿年🙈坑尾村由小學到而家既變化都好大多左好多食肆有法拉利西餐廳🏁多得隔離枱既原居民鄧先生介紹又知道多左有關坑尾村的事。以後想食華嫂可以去細佬到唔駛排咁耐隊啦😊✌拉麵店都可以去試下😋

星期六下午去華嫂，都預左要等一陣，等左大概九個字左右，就有得食啦。叫左必試既招牌菠蘿包，冰花奶茶，凍檸多，蕃茄湯底雞翼米線，咸牛肉蛋治，同埋最驚喜既係冬蔭公湯底墨魚餅米線，好好味！湯底小小辣，幾惹味，而墨魚餅又係幾彈牙，唔錯唔錯～食完好滿足😋

今日唔洗番工特登揸車去食華嫂 已經好耐好黎過啦,點知仲係一樣都多人lol一樣嗌左個芫茜皮蛋米線 仲係一樣咁好味, 所有野都好足料不過如果真係想黎既朋友 就要預番多啲時間因為就算係平日朝早等位都要等好耐最好就岩岩開舖啲時間黎就最好啦~同埋如果夏天黎就最好帶定蚊怕水同防曬啦~

今日係屋企無所事事突然諗起華嫂就好想去食之後拉埋兩個朋友即興一齊去等左5分鐘到就有位我哋三個人食人一人嗌左一碗麵再加多一款多士呢個係冬陰公湯底呢個都係冬陰公湯底二呢個就係番茄湯底呢個係芝士鹹牛肉多士要趁熱食先好食， 而且好足料冬陰公湯底因為唔係每一間嘅泰國嘢都係同一個味所以呢間是不過不失的決定聽日再去是芫荽皮蛋湯底

每個月都會食一次華嫂冰室，好多人去親都話要排好耐隊，其實識揀時間的話就唔需要點排，就算排都係排15分鐘左右。揸車去就小心啲，唔好泊錯其他居民嘅車位，最緊要問清楚同留電話喺車頭。每次去親都會嗌招牌菠蘿包食，如果兩個人去就會嗌多個招牌豬仔包，然後兩個人開心share！包嘅質素都正正常常，係食到好污槽，記得帶定包紙巾去食。隻蛋就睇師傅當日手勢，有時會過熟，有時半熟就好正！荽茜湯米線係我最愛，配埋生牛肉／雞翼／魚餅，如果兩個人去食的話通常都會叫兩個包加一碗麵，咁就夠晒飽！冰花奶茶其實幾好飲，不過略為甜咗少少，可惜冇得少甜。

同女朋友星期日黎食 一黎到就勁多人排隊等左成個鐘先有得食嗌左番茄豬扒雞翼麵 咸牛蛋多士 菠蘿油麵個湯超級濃 超級正 雞翼大大隻 豬扒啖啖肉 多士勁脆身 咬落索索聲 菠蘿油大大個 熱辣辣 雖然舊牛油係凍既 但都好正建議閒日黎食

華嫂出名係人都知終於有時間黎朝下聖星期六既十二點大排長龍起碼等左一個鐘先入到去坐~~~嗌左個茄湯，個湯底好鮮甜，有時仲會食到一粒粒蕃茄籽，夠哂真材實料！豬扒都算滑不過唔算入味，奶油多就普普通通。總算不過不失啦！

難得放假 就約埋老公一起去食華嫂其實都係第一次因為每日返工都聽到朋友介紹值得去試下終於有機會試到等左一陣終於可以坐低啦首先緊係要點距地招牌菠蘿包喇新鮮的菠蘿包 大大隻外脆內軟中間夾了厚厚的番茄香香的煎蛋還有那塊軟綿綿的cheese 老公點左一份番茄雞亦豬排通粉靜係個湯底顏色就知道真材實料喇雞亦好入味 豬扒無得彈唔夠侯仔叫多個招牌芝士鹹牛肉豬加埋凍飲簡直人生一大樂事非常滿足呢個餐可以飽足大半日本人覺得價錢合理

華嫂冰室應該好少人無聽過，我平日次次去都要等一陣，聽講星期六要等好耐添！好多人推介番茄湯底既麵食，可能我麻麻番茄，唔會特別中意食，所以我唔覺番茄底好好食，對我黎講都係正常野。而個雞翼就好好味！又好入味，我好中意食🤤🤤🤤個菠蘿油又真係幾好食，好香好脆！亦都好好好好肥！個芝士咸牛肉蛋豬仔包都好得 好好食！麵包外皮香香脆脆，咸牛肉夠味好食，下次去會再叫呢個包😆😆😆另外，個奶茶都好濃好香，我幾中意。但朋友話佢杯咖啡唔係幾好飲。

我諗食過華嫂嘅人都知道佢等位有幾誇張，特別係夏天嘅時候啲人仍然可以捱住熱等成個鐘 但係無可否認真係好好食 好好食 好好食 重要嘅事情講三次今次閒日去終於唔駛等咁耐，依舊叫咗菠蘿油雞翼豬扒冬陰公湯底米線同埋皮蛋芫荽牛肉米線，仲有最重要嘅凍奶茶呢三樣簡直係華嫂必備，菠蘿油好食到唔識得點形容，非常足料有牛油雞蛋番茄入面一啖都咬唔晒平時識開番茄湯嘅我今次轉左冬陰公湯底，簡直係發現新大陸 超級好食比得上泰國餐廳嘅冬陰公而且佢嘅雞翼依舊係勁入味勁林！仲要塊豬扒成塊面咁大，而且整得好入味好嫩口另外佢嘅皮蛋芫荽牛肉米線湯底亦都非常正，即叫即煮 牛肉非常嫩冇牙都食得！另外亦都推薦佢既超級無敵濃郁番茄湯底，同埋咸牛肉三文治最後唔記得講佢嘅凍奶茶簡直贏晒香港所有茶餐廳，凍奶茶加咗冰都可以咁濃咁好飲如果佢嘅等位係有冷氣日日等都ok