華嫂冰室 (棉登徑) (已搬遷) 新店位置

今日係尖沙咀睇完中醫，想食d 野， 突然間諗起尖沙咀都開咗間華嫂，於是就行左過去棉登徑個邊！好耐冇食過咁邪惡嘅鮮菠蘿油！心大心細之下決定叫黎食下，個包一嚟到，已經見到兩大塊牛油夾左係一個菠蘿包裏面，我就鍾意夾扁嚟食，因為方便啲，唔會食得太論盡！一大啖咬落去，啲鮮牛油🧈溶咗係一個熱辣辣嘅菠蘿包之間，牛油滑而不膩，菠蘿包就岩岩出爐，再配埋杯熱奶茶 ☕️，簡直係人間美食！

突然想食蕃茄通粉，即刻去華嫂嘆返碗。可能呢排好多公司work from home,平日下午1點食飯時間不用等直入坐卡位唔洗搭枱。一坐低，侍應俾左個紙袋仔用黎裝口罩，又幾貼心喎！一個人叫左牛肉蕃茄通粉、熱奶茶。牛肉睇落好柴但食落又唔會，仲幾好味，湯底無得頂，通粉分量多到食唔晒。奶茶無影，奶落太重手，唔滑，「杰撻撻」一啲都唔好飲，飲唔到半杯放棄左。⚠️注意⚠️呢度唔提供紙巾，記得自備，呢度一包tempo$3。

見多位,老公話唔錯.即管入去試吓.今晚一試,下次不會再來.平心而論,佢哋出品真的不錯,乾淨企埋.但明明叫多客鮮油奶多,點知黎左客奶醬多.見食品黎左,但不是鮮油奶多而是奶醬多.女侍應話做左不能換.大佬我都冇叫錯,冇問題,唯有焗食,但下次不會再黎.氣頂,但我照食。但好肯定我沒有叫錯. 錢是會照比.但聽錯要焗我食,當然唔老嚟la. 男經理有說不好意思.但比人印象不好.其他職員服務好,我估個位黑框眼鏡waitress 新黎.應該多加培訓.

多年前朋友帶過我都總店吃過兩次, 沒太多印象只記得有很多人排隊今時今日, 來到了尖沙咀分店點了下午茶: 招牌菠蘿包看圖你會發現左右菠蘿包內的牛油是不一樣大小的, 我剛好吃到是左手邊的其實基本上我拿上手的時候已完全溶化了, 很可惜未能吃到真正的菠蘿油味道, 這個令我有點失望其次的包和蛋也尚算可以吧有這麼驚喜嗎? 前陣子看到有很多遊客專程過來吃, 真是搞不通, 其實香港地比他這家好吃的茶餐廳多得是呢, 二人共消費$80, 路過如果肚餓的可以一試

上次中午来～因為要排队～没有吃～今日是肺炎疫情嚴重一周～街上水净河飛特別找個下午茶時段食喇沙朱扒米粉他们有话梅柑桔加7$熱饮由於梹城喇沙米乃限量版我存在太大期待～一来到～外观算 OK豬扒也好像是很多～也是有帶骨头的～一吃之下～～猪排好肥肉太林～味道幾普通～配送的～大多數都係豆腐泡～很悭皮！半只色水好看的全熟雞蛋可能需要一个濃濃稠的湯～以上配件才会非常完美～但惘然而不太到位的喇沙～匆匆忙忙吃了～感覺上～那就是吃之不夠味～放弃又可惜啊！名过其实～的喇沙！

食完一餐唔多夠飽，就即刻諗起華嫂，食多一個light tea應該就啱啱好，可能過完年仲放緊假，唔係好多人，見到好多人都食緊米線，個心囉囉攣打緊仗，又想食米線又想食包，最後都係照食原定嘅包，招牌菠蘿豬扒包，再叫咗杯凍檸水就差唔多夠飽，個包一上枱熱辣辣脹卜卜，香噴噴嘅黃芥辣味，一啖咬落去豬扒又鬆又淋，入面仲有生菜同蕃茄，完全唔覺得好heavy, 食緊已經想再叫多一個，但係過年食得太多野，我要控制一下自己，最多聽日再嚟多次

行過棉登徑根本都冇諗住食嘢，點知比我發現新大陸，原來開咗間華嫂喺度，其實之前已經聽過，但係一路冇為意，之前一路都係幫襯銅鑼灣間鋪，直至到今日行過先至見到，既然已經嚟到點可以就咁就放過佢，一定要幫襯下，呢間分店冇招牌撈米線，咁就要肉眼筋鯪魚肉米線，加錢轉皮蛋芫荽湯米線，飲一啖湯就有幸福嘅感覺，之前有試過其他餐廳嘅皮蛋芫荽湯，但係始終味道都唔及得華嫂，另外要一讚肉眼筋出面好難食得到，口感似豬頸肉，但係豬頸肉有激素，唔夠膽食咁多，用依樣野代替都唔錯，鯪魚肉完全冇骨彈牙，正

華嫂冰室本店開設在香港屏山，之前係天水圍同觀塘都有試過，今日有親戚嚟香港特登帶去試吓尖沙咀呢間華數冰室。尖沙咀站出口走過來約5分鐘腳程，係午餐時間已經看到長長排隊人潮。尖沙咀店裝修比起其他分店比較時尚同新浄，店內提供約40張座椅。當日去到已經好多人，所以要同人搭台，位置不大，坐得冇咁自在。⭐️招牌豬扒菠蘿包喺餐牌上有特別推薦呢一款招牌豬扒菠蘿包，也是店內爆紅的人氣餐點。菠蘿包好鬆軟。菠蘿包中有夾入新鮮的蕃茄、生菜，豬扒好嫩，一啲都唔硬，配上醬汁，鹹甜的風味又帶點清爽的味道，完全不會膩口，而且口感更勝單純的菠蘿油。⭐️豬膶牛肉皮蛋芫荽米線個人很喜歡芫荽，所以放棄左招牌嘅蕃茄湯底，揀咗呢一款特色湯底！湯底走的是清爽路線，看似清透，喝起來卻十分鮮美。見到一大碗滿滿嘅料，師傅一啲都唔手軟啊，芫荽居然是連「根」都一起放🤣🤣脆口的豬肝、軟嫩的牛肉都好食！⭐️豬扒皮蛋芫荽米線同行嘅親戚都很喜歡芫荽，都覺得湯底很入味，豬扒處理得很嫩口！⭐️叻沙鮮蝦雜菜米線有別於皮蛋芫荽湯底嘅清新，叻沙走重口味路線。香氣很濃郁，湯頭有些微辣，味道不錯也頗順口。配料主要係蝦同雜菜，雜菜索哂喇沙湯底，所以很入味！當天餐點的表現很滿

今日早啲離開公司，唔想太晏走，原本諗住去食日本野，但係女朋友有啲唔舒服，睇完醫生唔想食粥，就帶佢去食通心粉，之後再車佢返屋企女朋友食墨魚丸鯪魚球芫荽皮蛋湯通粉，希望幫佢清下熱氣快啲退燒，我自己都叫左個一樣餸要米粉，佢唔係太舒服冇乜胃口，只係食咗一碗仔，其他嘅留返比我食，原來通心粉好爽好好食，其實我冇諗過可以咁樣叫，食完兩碗粉入面有兩隻皮蛋我飽到上心口，見到隔離左右個個人都叫包，原本好想食，依家飽到要留返下次食

作為蕃茄控嘅我，之前都去過幾次屏山嘅華嫂排成個鐘，今日經過尖沙咀，決定再食。呢間華嫂出奇地無咩人，餐牌同屏山嗰個差不多，不過價錢就貴啲，如果普通湯底配煎豬扒/雞翼/新鮮牛肉就$41，要雙拼加$12-18。如果要蕃茄湯底/芫荽湯底/冬薩公湯底就要加$8，轉出前一丁/烏冬就加$3。如果配飲品可以用加配價，好似平過屏山嗰間。我叫左個香煎豬扒蕃茄湯底米線，食落同屏山嘅華嫂一樣，夠薑味，蕃茄湯底夠濃郁，豬扒有啲梳打粉味，呢個要扣啲分，加左$7配熱檸檬利賓納。

味道一般  位置太迫  最討厭有個短髮男服務生  睇佢應該算係話事嘅  但態度行為好令人討厭  只會平日先遇到此人 星期六日多人時候係吾會出現 只會話人不會做野 叫落單又要應下次見倒佢響入面 一定吾會再入去

📍 华嫂冰室（尖沙咀）💰 人均 60 同朋友来传说中的华嫂冰室饮下午茶～人也是超级多啊，还要排号～好多游客必打卡的地方，但是来过之后并没有我们期待的那么好吃～冻鸳鸯也是水水的，不过鲜油奶多还是推荐一下的，明知道是烤多士夹炼乳，不过味道还是OK！至于招牌菠萝油呢，可以吃一下的。但是本人真的不觉得华嫂冰室在香港众多冰室中有多么出彩

今日有事去尖沙咀一轉，忙到忘記吃飯時間，忽然感覺肚餓，遠遠看見有間華嫂冰室招牌。 行近看看餐廳裏面坐滿人，餐廳設計簡單樓底高中間有幾張大圓枱，兩邊有多張四人座位。 以茶餐室嚟講食物都算少選擇，只得幾款。唯獨是檳城喇沙算特別少少，見到係限量供應就試下它。選了豬扒喇沙，好快食物已到，睇落去及聞到香味也感到應該幾好味。豬扒肉夠嫩又唔乾又夠大塊喇沙湯底味道夠鮮濃味不過這杯鴛鴦就十分失望，唔香唔滑，得咖啡味苦味。

呢期少左好多大陸人黎香港，所以今日同事提議去一向都好多人既華嫂冰室食lunch。之前同事已經話好想食呢間，但係次次黎到都好多大陸人黎朝聖，根本都等唔到位，所以一直都無食過。而家難得唔洗等位，所以就去左試。其實我一直都對呢種普通茶記興趣不大，我唔抗拒去食，但係絕對唔會特登去食或者排隊排好耐都要食。所以期望不大，不過都好奇佢究竟有乜咁吸引，成日都咁多人。呢間連lunch set都無，好似譚仔咁，野飲全部要另加錢，呢方面有啲扣分，而且一個麵都唔便宜，起碼都40蚊起跳。因為見到對面個女仔碗喇沙好似幾吸引，所以叫左喇沙湯豬扒米線。個湯好有驚喜，我唔知佢正唔正宗啦，但唔會太甜，好香，而且有少少辣味，怕食辣既同事都食到，而且同樣都話好香。豬扒好大塊，唔鞋口。而且個蛋都睇得出新鮮，唔會係放左好耐，蛋黃都變黑左個啲。同事叫左蕃茄湯豬扒米線，試左一啖佢既湯，都好食既，有少少蕃茄肉，同埋唔會好稀。不過我個人本身就唔太鐘意蕃茄湯，所以無乜評語。但係個粉好大兜，我地都食唔哂。總括而言，我覺得真係有驚喜既，唯一一樣就係唔太便宜！不過cp值黎講都ok既，因為佢好食而且大份，下次有機會想試下佢啲包！

好耐之前係元朗食過..仲要大排長龍一直都想再去食...但尖沙咀分店條龍更長...近來街邊少左好多人...又唔洗排隊..更係要黎食啦！ 店舖好大坐位好舒服同元朗間成好大對比每次必點係奶茶.2個人每人手1杯本人覺得係最好飲既奶茶..茶味夠濃又唔太甜餐牌上既野食樣樣都想食.但最後叫左芫茜皮蛋湯底米線同招牌菠蘿包芫茜皮蛋湯底米線..由於豬潤賣哂配菜選擇左魚片頭同墨魚丸..份量好足呀！仲要湯底水準都Keep到...幾乎飲哂招牌菠蘿包就依舊好味仲想食好多野..下次要再黎食