華康餐廳 (已結業)

午飯時間到華康用膳，一般茶記格局，需搭枱。簡單一份午餐A，羅宋湯水多味淡，洋蔥豬扒腸仔飯豬扒太細件，肉質很硬不理想。凍奶茶OK合預期。結賬$51，性價比不高。

本身個扒90幾蚊覺得有d貴 但係出乎意料地多野食 勁足料 首先羅宋湯味道唔錯 唔似其他餐廳好多時咸左 最出奇係一碗湯竟然不到幾舊牛腩 仲要唔係細舊之後有多士 佢應該即時整嘅 包好脆 牛油夠熱融曬 好味過大家樂多多聲我地嗌左牛柳同西冷 兩種都勁大塊勁厚勁juicy 直情係有肉汁跟飯同意粉係分開上 係成碟的 個飯仲要係用蛋炒過 另外服務態度超熱情笑喊

午飯時段灣仔大部份茶餐廳都會爆滿，這間算是較容易找到位子，而且食物質素和整潔度也不錯。喜歡在外用膳時叫肉餅，因為總覺在家弄的不好吃，總是不夠腍滑，很"鞋"口。這次叫的是咸蛋肉餅，端來時二話不說便把咸蛋弄走了，因為一向不能吃高膽固醇食物，而且本身不愛吃咸蛋，侍應又說不能"走"咸蛋，唯有把它浪費掉了。味道方面是滿意的，肉餅彈牙新鮮，價錢也相宜，反而在這裏吃粉麵也要花同一價錢。雖然這裏的主打食物是魚湯米線，心想弄肉餅功夫怎也比弄粉麵講究吧。午餐附送例湯，可是只有一小塊紅蘿蔔，特意請侍應嬸嬸給我額外添一點湯渣，等了數分也未有回應，唯有請另一位侍應小姐幫忙，這次等的更久，我鍥而不捨再請求另一位侍應先生，這次終於端來一整碗湯渣了，雖都是粉葛，也不敢抱怨了。

有日啱啱經過呢間餐廳門口，就入咗去坐低，一陣侍應哥哥即刻過嚟招呼，好有禮貌，之後點咗碗魚蛋粉，味道唔錯，後來再加咗杯凍奶茶，但奶茶有些小唔合格，淡咗D，其他都尚算ok，以後會再幫襯。

乘坐巴士由西營盤來到灣仔，已經用上差不多四十分鐘，來到灣仔已經接近下午一點，於是就在附近用餐，之後還須要在附近辦事。來到華康門口，就不加思索便進入餐廳裡面。環顧四周，其裝潢似是翠華餐廳，感覺上幾乎是一模一樣，同樣有單人的，以及六至八人的卡位，相對圓枱較少，而且牆上掛滿了餐牌，但無論如何始終都是一間茶記罷了。看過牆上午餐牌，在下點選了一客墨西哥雞扒炸帶子，例牌在下要了紅湯及熱奶茶。首先來到的是紅湯，紅湯色澤呈紅色，是典型的茶記紅湯，味道就少辣，與以前的味道相若，只是少了辣椒油。而材料方面有西芹，椰菜和紅蘿蔔，十分豐富，也是較正常的材料。然後墨西哥雞扒炸帶子飯也上場，一塊雞扒蓋住白飯，白飯也呈圓形的，加上橙色的醬汁和一件帶子。雞扒煎得戶脆，肉質也稔和滑，不會太硬而鬆化。帶子炸粉較薄，但是炸得較硬，雖然如此，但仍吃到帶子的甜味。醬汁方面也較為甜一點，感覺上是有點兒像洋蔥汁。熱奶茶調較得較好，比例恰到好處，喝一口也可以嚐到茶味，而且不苦澀。整體上味道不錯，味道適中。服務上也見快捷，節奏卻有點急速，這可能與午飯時間的繁忙所致吧。

為何那麼多人說像翠華？皆因翠華老細出自華康餐廳，所以餐牌同華康有八分像。比翠華多點人性化華康伙計態度幾好，餐廳光猛，沒翠華那種焗束感覺叫了茄蛋牛飯加奶茶，汁很好很開胃，牛肉剛好，有想再叫一客衝動。奶茶好睇個人口味，所以很難說，但在水準之上

晚上街上清靜，還可以拍車，方便 隨便 簡單的一餐。避開銅鑼環的人潮。豬扒炸得酥 化，沙律沒有薯仔，很清爽，正好配搭。如果不配多士，可改為餐茶更好。下次要試試魚湯，炒麵。

有任務的一天, 來了灣仔找會計師. 地點係灣仔道, 就先行去皇后大道東找一家想食好耐既漢堡包店. 誰知幾月未來, 那漢堡包店已經人去樓空. 心目中要吃的店沒有了, 惟有行到邊食到邊.沿灣仔道行返出電車路, 看見係灣仔區有3家分店的茶餐廳集團, 華康. 時正Tea Time, 就快手快腳的, 食個飽飯先上去攞野.好多茶餐廳都識得照顧沒有正常食晏時間既香港人, 下午茶時間, 除有正常午餐供應之外, 下午菜餐中, 總有一些份量重的. 大大份的下午茶, 喏哂我們一班要食late lunch既人.我點的呢一個焗飯, 叫做夏威夷焗豬扒飯. 夏威夷我去過, 有什麼出名的食物??? 最廣為人知的, 就是菠蘿. 說正確一點的, 不就是正常大家樂式既焗豬扒飯吧. 反正餓了, 就食飽一點吧.下午茶大餐, 說真, 份量是比中午飯較細小的. 說是(西)式焗飯, 但用上傳統的砵仔去焗, 感覺, 又多了一點港意. 炒底飯, extra菠蘿, 豬扒焗得夠腍. 燴汁味道濃, 不太乾, 撈一撈就可以把汁滲入每一粒原先已經有味的飯粒上. 有味.奶茶, 近來去得多茶餐廳, 發現X榮同黑X好大手筆, 不斷的贊助茶餐廳的奶茶杯.

"""""入面好似翠華呀 """""朋友一入到去就咁講,,,1:00約左朋友食lunch,,, 到到都咁多人....諗住去華星既,,,,,不過超多人!!!!所以就求其入左黎..........要搭台.........朋友要左個有湯,,,,, 洋蔥牛扒漢堡配薯菜,,,, 仲有杯野飲,,,佢比左佢杯野飲我 ,,,,,我就叫左個公司三文治,,,,,超多人呀個度!!!!!!個個侍應個態度唔多好!!!!!對佢冇乜好感,,,,講野大大聲,,,, 又冇禮貌,,,問佢廁所響邊,,,, 又唔知指左去邊-v-"野食黎得好慢......叫佢跟下,,,, 又好似好唔願意咁!!!!!離譜!講番食物,,,我個個公司三文治okay lah,,,, 有好多料 ,,,,,,不過冇我最鍾意既鹹牛肉,,,,, 飽又唔係特別脆,,,,不過都ok好食既 ,,,,,,仲有係好飽肚 ,,,,,,朋友既牛扒,,,,,, 叫左半個鐘都未送黎呀!!!試左幾啖...個牛好UN!!!! 麻麻地..... 個薯仔還可以.....不過呢間野冇下次架喇!!!!!!!!!!!!!!唔係話特別好食!!!!!!!!!!!!同埋服務一D都唔好!!!!!!

鹽焗雞飯不用要求都超大碟，賣相亦似幾好，滿心歡喜。不過食落雞的味道不夠鹹，那碟沙薑醬更是奇怪的偏甜而不鹹，越幫越忙。豬軟骨撈麵拼魚湯水餃同樣只屬一般。麵本身都算爽口，不過豬軟骨肉多軟骨少。魚湯中規中矩，嫌鮮甜味不足。水餃則大而無當，一味餡多，腍腍的，不能說好。

果晚同老婆睇黃子華，諗住求其搵間食飯，入到呢間野，老婆食魚蛋米，食到半碗，已經唔食，我就叫左個b餐，乜野辣意粉，辣味大過乜，除左辣味係咩味都冇!!!唯有好既就係杯檸茶呢世都唔會再去第二次!!

一向都較喜歡吃米線，那天到華康看到餐牌寫上「自家制」還有「手打魚蛋」，而且這也是華康做地鐵廣告的推薦食品，想想一試無防。端上來的魚湯米線，外觀還可以，可是味道真的不敢恭維，魚湯沒有魚味，魚蛋跟在冷凍店賣的一大餅的那種差不多，米線正常。吃來吃去就是吃不出「自家制」的味道！難不成本人味覺退化？！思索一下，哎！廣告這玩意兒最多信三成好啦...

奶茶(香.濃.滑, 用黑白淡奶) 非常非常重要的 ------ 肥厚奶茶杯(茶溫剛好, 唔會熨口) = 絕配 !雖然有時水準會有D上落, 但整體來說仍是最好這裡的咖喱比新景園好吃, 貴得嚟值牛油厚多士: 牛油勁香, 多士有麵包香, 外脆內軟, 超好味華康是一間有質素的茶餐廳

夜蒲之後,帶著酒氣,徒著貓步,來到灣仔道的華康吃個宵夜.周六晚上人潮漸散,電視機上正在直播著韋斯咸對利物浦,心中不其然暗罵利物浦是Scouse Baxxxxd.吃什麼也沒有頭緒,隨口叫了一碟肉絲炒麵.又做得不錯,麵底香脆而不齦,面頭的肉絲又不是一味用生粉水整到杰撻撻,賣$34一碟,很便宜.又是老生常談,如果有支余均益在旁,那就最好了.身邊的重量級朋友,被酒精擊到,本來難不到他的肥牛通粉,竟然吃不完.酒醉三分醒,當利物浦入到第三球,我仍懂得說出那個x字.

中午食lunch時, 一早出了去, 不用與人迫, 入去這間高級茶餐廳, 全完是翠華翻版, 連菜色都一模一樣, 不知為什麼要出兩個牌子, 但接近十二時半, 開始多人, 二人枱各座一邊, 甚迫, 枱面不夠放一人食物(因為有兩碟: 一碟餸加一碟飯)內裡出名魚湯火米線, 我最憎食, 最後選了咖哩, 咖哩汁非常合我胃口, 是屬於馬來西亞式咖哩, 大量椰汁個種, 豬排無太特別, 薯仔夠淋但有太多淤黑色部份, 沒有跟餐, 只能散叫, 總括而言, 食物質素合格, 但把價格因素考慮下, 只能算普通