華御結

营业中

休息中

每次趕時間但係又肚餓，搭完地鐵出閘，多數都會見到華御結stand by🤣一排排嘅飯團坐晒喺度等我買咁😂今次真係太肚餓，所以買咗兩嚿嚟食👅見到北寄貝飯團同埋吞拿魚飯團有優惠，就買來試吓食啦👏🏻兩個飯團嘅紫菜都好脆，但係餡料就不太足夠🥺不過肚餓嘅時候咩都好食啦😚

中午趕時間諗住求其買啲嘢食本身諗住買兩個飯團當一餐點知華御結有飯團同湯嘅套餐一於試吓佢我想稱讚下佢個雞丸豆腐湯丸既份量唔多但係佢有好多蔬菜最重要係個湯好濃豆腐/牛奶味我都唔係好分到😆總之就係好香濃好嫩滑🫶🏻10分推介👍

Lunch嘅時候就係只想簡單快便快捷得嚟又健康。華御結除咗飯團之外，其實仲有好多其他選擇。👍🏻蔬菜蕃茄湯💰$20華御結最出名嘅係佢嘅豆乳雞湯，但其實佢嘅蔬菜蕃茄湯都唔差。蕃茄配合埋洋蔥紅蘿蔔西芹肉碎etc.材料令到個湯酸酸甜甜，似清新版嘅羅宋湯，但完全唔會因為太多蔬菜而搞到有草青味，超好開胃😋 加上佢會俾埋唔少湯料，可以順便補充啲膳食纖維😌 飲晒成碗湯都已經開始有少少飽肚感。👍🏻蒜味雞胸💰$24呢個牌子嘅一開即食雞胸處理得唔錯。一打開包裝就會聞到淡淡嘅蒜香味，雞胸仲保留到啲肉汁，完全唔會鞋口。雖然調味唔會落得好重手，但完全唔會有腥味。係好好嘅蛋白質來源，又夠飽肚。👍🏻煙雞胸沙律杯/全素沙律杯都好推薦，不過就唔係成日有。🙁💡CP值：8/10💡回頭率：8/10

好鍾意呢間日式飯糰店我自己都好想開返間呀肚餓買個就最啱喇十零蚊又唔怪最好多款選擇㖭間唔中又有啲季節限定喎 我最鍾意嘅就去個汁煮和牛飯糰17蚊有陣時夜晚唔想食咁多嘢買個飯團咁就一餐呀最欣賞係佢嘅紫菜 係脆㗎 佢最近買多咗好多週邊嘅嘢例如係嘢飲啦 甜品啦生果啦咁樣會有更加多款式可以砌埋一個set咁就仲好啦日式湯我通常都不太欣賞嘅所以呢我就係主要買飯團

一直都好鍾意食華御結，成日買黎做早餐。華御結用日本越光米，口感軟糯，充滿飯香，非其他外賣壽司店可比擬。亦好欣賞佢地經常推出新口味，等我可以試新野。之前發現推出左幾個set, 可以配湯/蔬菜。我揀左Set B ($44), 可以揀2個$17或以下既飯團🍙，再加一碗湯。我揀左照燒雞同三文魚口味，質素依舊，依然係咁好味。照燒雞味道較濃，岩晒鍾意濃味既朋友。三文魚口感偏淡，口味重既朋友就未必岩。最驚喜係個湯，全名叫和風豆乳骨膠原雞湯。湯味濃郁，材料豐富，有腐竹、菇、紅蘿蔔同雞。值得一讚！

中意食日式飯團既一定要試一下，佢既日式飯團有好多款，包括明太子沙律、和風燒牛肉、吞拿魚沙律、辛口明太子、各式三文魚。個人非常推介明太子沙律。而且仲可以選擇套餐，包埋燒賣和飲品，燒賣都非常推介俾大家。

啱啱返完工，又覺得好肚餓，但係仲有一個鐘就要食晚飯，所以就買左一舊飯團去頂一頂肚仔！我就叫咗我認為最好食嘅就係明太子沙律飯團。首先明太子佢唔算係好辣，但係都會食到一粒粒明太子，而且沙律醬亦都好夠凍，同埋好多，所以食落好開胃！佢嘅飯係日式嘅飯！佢嘅醋同埋糖係調校得啱啱好！唔會太硬亦都唔會太軟，呢種壽司飯真係整得非常之好！佢每期都會有好多季節限定嘅飯團，包你有新鮮感，唔會覺得悶！大家不妨一試！而且佢亦都有好多唔同種類嘅飯團，三文魚腩，牛蒡等唔同嘅選擇，下次要試其他款？

華御結的分店越開越多，行街總會看到一兩間，終於在早餐忍不住買來一試。明太子沙律口味聽說他的招牌，一試當然要試最好的。果然沒有令我失望。來自日本的菜色-飯團，仍然保留了日本對食物包裝的體貼，體貼是指對食用者的體貼。依足指示，一步、二步、三步就輕鬆包好紫菜在飯團上。紫菜很香脆，飯團包得很實，飯的軟硬度剛好，主角-明太子沙律很香。吃完後，香味留在口中久久不散。其實他的價錢也很實惠，在現在普通一個麵包都要10-20元的時候，$16/飯團真的不算什麼

八點幾去到都未放哂啲飯團上架，佢問我要乜就直接話新出個珍寶既，所以到俾錢一刻要見到價錢。哇，乜要成三十二蚊，都幾貴。不過見佢廣告話飯量多30percent,料係多三倍，咁貴一兩部倍好似都合理。佢今次珍寶御結係有三款，我就要左照燒三文魚扒配明太子沙律珍寶御結。另外係有火腿玉子同雞扒牛蒡。事實三文魚係真係幾大塊。個明太子沙律係幾香，不過有沙律醬就令件事無咁健康了。見到成份表亦相對地無平時既御結咁健康，有糖等等。

最近愛上左食華御結既飯團，冇時間食lunch既時候可以買完一路行一路食，又唔怕整污糟隻手~好似今日咁要開會得番幾個字食lunch於是就買個飯團醫肚~平時鍾意食秋鮭三文魚飯團，今日去見到有個梅子醬嫩雞飯團，隔離寫住3月期間限定既，好奇寶寶就貪新鮮試一試佢~結果係同我想像中唔同，首先雞肉份量好少，得一細舊仔咁，平時食三文魚份量好似係多D，而味道方面個梅子醬酸得黎偏咸，因為雞肉少既關係，食食下變左梅子醬撈飯咁，唔鍾意呀~~下次都係食番秋鮭三文魚啦!

平時食碟頭飯快餐等等做中午食太多，食到口都寡，一星期有一次實食佢！價錢唔係貴，大約都係16元一個，但普通人一定要食五個先夠飽，即係最少90叉，口痕友買多左件30元左右既蕨餅，出奇咁好味，估佢唔到真係，相對平日去餐館那種清淡不同，呢個彈彈地又有茶味。由於一下秒清，食到最後先醒起照片呢件事，anyway味都差唔多，欣賞忽紫菜每次食都脆既，記得唔好放太多豉油，否則浪費變左淋紫菜就好慘了。呢件食到無曬豉油竟然入到口，夠味，幾好。

最近又肥左,真係要好好控制體重啦,教練話控制體重,就要好好控制飲食,要留意每日吸收既卡路里,講就易平時大飲大食慣,點知食物有幾多卡路里,但有一日俾我見到華御結,睇落同ㄧ般自助壽司店差唔多,但原來内藏玄機,入面既食物旁有寫低食品既卡路里,令我呢款放縱飲食既人,控制體重既好幫手,我本來想食吞拿魚,但佢道地無貨,所以揀左北海道產秋鮭三文魚同流心濃香蛋黄,真唔知係我口味淡定其他因素,總覺得偏咸,下次都係食番吞拿魚🙈

佢既wasabi章魚唔太spicy或者攻鼻 所以我好中意買佢尼做lunch 兩個都唔會太飽 份量岩岩好 另外外仲有燒汁牛肉都好香 日本米夠新鮮 一拆個包裝就有陣香味 下次會再食

初體驗@難以忘記的飯團🍙第一次係香港食華御結☝🏻新都城開左間，一出地鐵站就會見到飯團種類都幾多，仲有湯、甜點同飲品賣⋯⋯連大福都有第一次食緊係食推薦，好多人都話依個好食，安格斯牛蛋汁壽喜燒$20一咬落去蛋汁爆哂出黎好香濃，裡面真係有一大塊安格斯牛係到，二十蚊真心抵真材實料嘛！本格和風燒牛肉$16；每個飯團旁邊除左飯團既簡介仲有寫埋卡路里，依個既牛肉偏肥少少，無蛋汁燒烤味好突出，塊牛肉好juice 真係覺得好似岩岩燒出黎咁朝早買2個飯團🍙🍙會送飲品咖😍維他奶、檸檬茶⋯⋯自己簡啦😁

自從「まかない荘2」第一集內，女主角風間希端出一窩隔住個mon都聞見香嘅栗子拌飯，栗子拌飯嘅影像就喺腦入面揮之不去。咁啱今日經過華御結時，竟然俾我發現11月限定嘅「香甜栗子燴飯御結」，二話不說即時入手 (對『限定』二字 0 抵抗力揮手區)。雖然唔似得日劇入面咁以原粒栗子拌飯，但栗子都算飽滿，入口仲堅香甜；栗子煮得夠腍嘅同時，飯亦因吸收咗栗子嘅精華而呈米黃色，入味程度雖然比唔上斧飯，但$16個飯糰有咁嘅水準仲想點？趁仲有時間，除咗一定會翻兜「香甜栗子燴飯」，希望有機會試均晒「味噌香菇」、「秋之五目燴飯」同埋「香烤竹莢魚」幾款11月限定口味啦！另喺網上搵到食譜，先記下：白米洗淨浸約 30分鐘，栗子開邊或切粒待用。將白米和栗子放入砂窩，按口味放鹽和酒一起煮。米飯煮熟後，再焗10至20分鐘才開蓋。進食前，以淺色醬油調味。