華星冰室 (京瑞廣場1期) (已結業)

終於有機會來試試位於石門的華星冰室！店面不大，不過裝飾很特別，非常有香港老冰室的特色，餐牌更有驚喜，飲品竟然有唂咕、香甜奶水、滾水雞蛋、很久不見了！我們點了特餐、有沙嗲牛肉公仔麵配炒蛋、兩條雞肉腸和兩片牛油厚多士，我們還點了重口味湯底的火腿叉燒米粉，原來即是非常濃味的蕃茄湯底，還有腿蛋治、飲品我們則是一凍咖啡、凍奶茶和熱利賓納食物和飲品都很好，值得一讚是服務員態度非常好，特意為我們思考如何如何點餐才更化算，有心！

星期六早上來到，要等4張枱，ok，等啦! 但係望到入面見到有兩張吉枱，就心有懷疑….原來真係估中，兩女一男的服務人員，以散步的速度來運作，心裡想，唔通華星來到沙田就唔係香港冰室，而係西式 hea cafe?但係又唔係…服務人員的職業態度對待客人，是澳牛級的.. “得啦我聽到，可以唔好再叫” 😅，當然還有太多太多，落錯單，黑面，到入坐安排，我只可以話，旺角同灣仔的華星員工，你們是最好的，最貼心的，多謝你們對客人的服務，我地一定再來，但是沙田這班服務人員，應該轉工去全港最出名的西式 hea cafe！

午餐A 叉燒炒蛋飯，一上枱就比個膠叉同匙羹，已經唔對路，之後仲上個外賣飯盒叉燒炒蛋飯，堅奇怪，唔知冇人洗碗，定疫情關係，點都係唔鐘意去得堂食，就係唔想食飯盒啦，又唔環保！希望佢快啲復常，味道尚可，蛋滑，仲有韭菜呢點唔錯。

早前發現華星冰室原來有個素食餐牌，但似乎每間分店供應嘅食物都有分別。我今日就去咗石門京瑞廣場一期嘅分店碰吓運氣。🌟通常非素食餐廳嘅素食餐牌都會有啲嘢暫停，甚至永遠都唔供應，所以見到雪菜新肉絲同熱狗停咗，我都覺得唔意外，好彩我想試嘅兩款都有：🐔 妹妹素脆脆雞配薯條 $48同其他餐廳嘅素雞塊一樣都係以麥樂雞為藍本，共有五件，即叫即炸所以非常燙口，望落好深色但食落又唔覺炸得好燶，味道同口感都似麥樂雞。不過唔明點解個名叫妹妹呢？👧薯條係波浪型，落咗少少淮鹽，亦係新鮮炸。🍟🐽 素豬扒米粉 $45我加咗 $5 轉一丁。豬扒係即炸同另上，本身係原塊，不過為咗影相效果我切開咗同放埋同啲麵一齊。豬扒好大塊又厚，咬落同真豬扒感覺好似，一丁係用返麻油味嘅味粉，所以嚴格素食者未必 ok（雖然我覺得就算米粉都唔會跟素湯）。☘️個麵煮得唔好食，啲味粉又唔撈云。不過比咗好多麵，似乎唔止一餅。🍜🫘 無牛紅豆冰 $38係用燕麥奶嘅紅豆冰，跟餐只加 $14。望到杯紅豆冰就知唔好飲，唔係用牛奶定燕麥奶問題，但好似好 hea，叫做食完熱氣嘢有啲嘢濕吓個口咁啦。🍼茶餐廳有素食選擇係幾有誠意，唔使成日食蛋/茄/芝士治，而且價錢幾合

奄列餐Omelette set 鹹牛肉奄列配牛角包 🥐 $40華星杯奶茶非常好飲，用左黑白淡奶，香滑濃厚😋😋😋😋😋牛角包有牛油香同脆， 使用香港經典鹹牛肉配上雞蛋，加入忌廉炒至香嫩綿滑😍😍😍😍😍😍😍

食晏就去茶餐廳 🫖唔同分店，聽講有唔同佈置賣點。呢間以模仿黑版字，寫滿椅背✏️重以為無掛明星相，原來門口有張Mirror貼係度 🤩食物方面，常餐正正常常，無特別期望，反而係杯涷檸茶飲得好開心，茶味和檸味平均，不澀不苦👍

落雨濕濕又黎到京瑞廣場揾位食嘢，適逢lunch time相當的爆場，淨係揾到華星有位就二話不說衝左入去坐低。茶記食常餐是基本吧？叫左個沙爹牛丁，配腸仔炒蛋多士，熱啡少奶，沙爹牛食到有花生既味道，丁麵本人喜愛食硬身啲（可惜落order時唔記得講），不過味道其實都可以😌，無乜嘢。炒蛋就相當出事啦，首先，蛋係凍嘅，仲出曬水咁，明顯預先炒左嘅好在腸仔係新煎起，正常，不過已經扣曬分，多士都係剛烘起，所以正常。不過，$60呢個價錢，黎講，唔值，應該都無下次啦。

-見華星冰室喺石門已經開咗一段時間次次經過都見到入邊唔算太多客印象中全部都係卡位來既🤔🤔 並明顯好窄好迫裝修就幾懷舊😍今次第一次叫外賣 try try叫咗個沙嗲牛肉麵特餐 同魔鬼雞扒包我幾鍾意佢哋嘅黑色包裝 幾型格至於味道方面 😖沙嗲味都唔夠濃郁 其實expect好濃郁果種但比起普通茶餐廳爭啲啲 想多了😞😞腸仔有點兒過鹹 同硬啲 應該唔係普通廚師腸感覺上普普通通啦包表面有啲烘過龍 燶燶的 ((只影響外觀不影響口感))雞扒都幾Juicy💦整體其實係好味嘅👍🏼...💵WORTH: 6/10👩🏻‍🍳TASTE: 6/10🤵🏼‍♀️SERVICE : NA/10☣️RETURN: 5.5/10

因為疫情同工作忙碌的原因，這年來都冇乜心機去利用中午的時間去探索公司附近的新食肆了。所以，趁有日天氣好，興致勃勃地去京瑞廣場找地方堂食時。發現到，這兒又增加了不少餐廳食肆啊。當中，我見到一個稍為有點名氣的餐廳，《華星冰室》。打算簡簡單單的我，就決定入來，試一試此分店的好壞。我點了瑞士汁雞扒飯配紅腸。皮脆肉香的雞扒，絕對是好味道，而且個汁實在是香甜，直接伴雞扒同紅腸，也許是太甜了，但混合了白飯，又是另一種的可口感覺。以前飲過《華星》其他分店的奶茶。感覺都是非常之出色。石門的這一間《華星》，奶茶同樣是好，香濃、香滑，感覺真是妙。Sweet Sweet 的一餐，也是飽飽的一餐，可以給一個好。

之前一直向旺角個間食開，見哩到開左間就諗住食下啦，但係勁失望同好嬲囉！侍應質素：華星向我心目中啲伙記算係甘多間有名氣既食店有禮貌既(對比澳牛，9記個啲)，但石門哩間真係麻麻。條女粗聲粗氣，串串共甘😓食物質素 : 差！個牛肉蛋餅得蛋同好少既鹹牛肉，而且勁油，個重口講湯底明顯偷工減料，稀到爆！難食！體驗 : 直情係燥底，廚房大大聲喺度播賽馬直播，第一次俾我個公仔麵，係生既，食到麵入面係未煮熟，同佢講叫佢煮耐少少🤏，因為未熟，佢夠膽死第二次比份發哂水既公仔麵我，食左一啖，我火都黎埋，又淡又發水，你唔係甘樣都好意思攞岀黎啊！同個侍應講，佢成班都笠哂水，話問廚房，廚房梗係無岀聲，總之唔想點唔伏就千祈唔好入去食😑

沙田碩門開咗間華星冰室，每次去都會吃他們的常餐，因為快靚正，趕時間最啱呀！裝修好有感覺因為放了很多兒時玩具好有兒時回憶。常餐係叉燒意粉、火腿炒滑蛋加多士多士非常香脆，炒滑蛋很幼滑蛋味夠濃夾上火腿一起吃真的絕配。叉燒湯意粉，叉燒份量頗多而意粉煙韌有咬口，湯底味濃郁。餐飲熱檸檬茶，茶底很濃厚茶味香加埋檸檬很醒胃。花生醬西多，西多很厚身香脆又大件，中間內裡加上花生醬做餡料，口感更加豐富好味。熱奶茶，茶味濃奶幼滑又香甜。

好多年食過銅鑼灣果間嘅「常餐」覺得麻麻地。今日經過見到都諗左陣先決定試多次，諗住咁多年點都有啲改善掛。點知今次更失望。我都係食「常餐」。但問題如下：多士：算係成個餐最好食，但無乜牛油香味，作為厚多士，廚房搽牛油唔搽啲「角位」。但我地食厚多士第一口必定由多士的「角位」開始食。睇得出整包嘅有啲求其。但低處未算低....火腿炒蛋：一望啲炒蛋，散晒好似爛晒咁，見到已經唔開胃。一食落去全部都係油，係油浸蛋多過炒蛋。炒蛋身為重點嘅食物最令人失望。叉燒意粉：意粉好硬，明顯煮得唔夠熟。叉燒仲係有陣雪味，仲有肥膏痴住，食兩口已經唔想食。完全無叉燒嘅香味。總結：比好多年前更加難食。完全無heart去做。而仲要收48蚊唔平，我情願坐車出去食澳牛仲覺得值得。唔會再食華星。