華苑潮州閣

营业中

休息中

平時都有幫襯開呢間餐廳嘅午餐，大概$90 一個餐，有時一個星期去兩次。今次下晝1:30去到，全場都係吉枱。我拎住一大袋嘢同大褸，四眼男店員表示要同另一個客人搭枱。我平時次次都唔介意搭枱，因為始終人哋做生意，都想坐多啲客人，做多啲生意。但係因為今次拎住好多嘢，佢個位真係好迫，只係得一張凳，冇其他地方擺嘢。所以就冇食，今時今日咁嘅服務態度真係唔想再去幫襯。 如果真係好多人咁都冇辦，但係全場都係吉枱冇人坐，點解都唔可以將心比己體諒吓客人。佢哋係樓上鋪，主力都係做熟客生意，其實都唔應該咁樣趕客。仲要喺而家呢個時勢，午市套餐只係肯收現金，唔知咩原因呢。我以後lunch 要食潮洲野就會去隔離嗰棟樓嘅潮洲嘢算啦

一家十口做節，訂了包房，環境舒適寧靜，家庭聚會可以暢所欲言， 唔怕嘈到其他客人。我們點了滷水拼盤，香煎蠔烙，蝦棗，椒鹽九肚魚，普寧豆腐，走地雞全隻，適逢端午節，部長推介潮州粽，叫左兩隻，全部都好好食！好似叫得太多熱氣嘢，最後送清心丸糖水，我地再叫兩份芋泥，好似甜左啲。整體食得好開心，服務一流，兩大長老和小孩都好滿意，下次再嚟，想試下生醃蝦。

我哋星期六三個人去食晏，叫咗四碟嘢，食物尚可以，因為1145am 到人唔多，櫃檯附近職員傾計也很自由，我哋聽到有潮州話粗口評論職員安排大細枱問題，沒理會。食完埋單四百幾，因有一碟鵝肝炒飯屬午餐（$88），職員埋單話唔可以用信用卡，其實話俾我聽幾多錢嘅時候，連單也冇俾我睇，直接講出價錢，我要問可唔可以睇吓張單佢先俾我睇，如果4碟嘢其中之一係午餐，而呢個係唔俾用信用卡嘅原因或條件（即使你食得幾多錢），俾現金唔係有問題，但我覺得要預先同客人講。潮洲食館酒樓多的是，呢間幫襯幾次，今次體驗特別，沒有下次了。

長輩慶生 中菜吃得多 改吃潮州菜家人選了這家 地點方便 我們一行9人訂了房 不怕聲量大吵到其他人我們點了🥢滷水拼盤滷水鵝片 鵝味濃但不羶 不會太過肥膩 很軟熟滷水鵝肝嫩滑 滷水鵝腸爽脆鮮香🥢香煎蠔烙足料香脆可口🥢生醃蝦肉質鮮香嫩滑🥢普寧豆腐（我最愛）外脆內軟 吃到停不下來🥢小炒皇沒有特別 有鑊氣🥢水瓜烙餅邊都脆身 吃起來軟腍煙韌 不過我都是較喜歡蠔烙🥢唔記得係咩骨😂酸酸甜甜 🥢金不換炒薄殼（季節限定）鮮味十足 時間剛好有 一定要試🥢糖醋伊麵（好好食）超級香脆 酸酸甜甜 開胃可口🥢潮州炒魚麵美味 口感彈牙🥢反沙芋頭個個大讚 甜而不膩

親臨老字號潮州菜館🥰老闆娘10分熱情招待，員工亦都好貼地好親民🤣成晚都有講有笑！樂也融融，打成一片！-正宗滷水雜錦😍滷水鵝片、滷水鵝腎、滷水蛋、滷水鵝腸👍🏻超好食！全部都整到好入味，鵝腎整到好林，一啲都唔韌！鵝腸亦都好彈牙爽口🤤-椒鹽九肚魚🐠10分推介！真心好好食！前所未有食過咁好食🤤🤤 完全係新鮮炸起，熱辣辣，脆卜卜🥰-酥炸鹹蛋卷🤞🏻啱晒鍾意食鹹蛋黃嘅大家！外皮炸到極致鬆脆可口🥹好好食！-娃娃菜魚蛋煲🥬巨型魚蛋，係新鮮手打魚蛋，好彈牙🤣鮮味十足！-香芋泥鴨🦆香芋蓉好香，但都遮蓋唔住鴨肉嘅味道！成件事都好夾👍🏻🤤-尖椒炒雞丁🐥係家鄉菜嘅味道！送飯一流～配埋隔離嘅咋紫蘇葉🤤真係不得了！-愛心糖醋麵💛係正宗潮州菜必吃菜式之一！造型充滿特色之餘，仲真係做到外脆內軟🥰

班朋友突然想食正宗潮州菜我就介紹華苑潮州菜館👍🏼其實我已經食過無數次都覺得好好食 食極都唔厭🤤裝修懷舊😀傳統嘅感覺滷水拼盤 鵝腸爽 腎唔硬 鵝肉嫩椒鹽九肚魚 乾爽唔油膩潮州鹹蛋卷 極力推介糖醋麵 老闆娘仲特別為我製作心形😍😍香酥芋茸鴨本身以為剩係得芋頭 原來底部有乾坤😅

多謝朋友們搞飯局, 被carry輕鬆食到呢間係尖沙咀嘅老字號潮州菜 滷水四大併  - 滷水甘香而且入味, 加埋支高粱熱身, 非常夾隆江豬腳  - 全晚MVP, 豬腳充滿骨膠源, 軟腍入味, 可惜要預訂未能encore 螄蚶 - 冇血腥味, 未試過可以試試入門版炸普寧豆腐 - 襯支Burgundy過桶Chardonnay轉一轉風格炒桂花翅 - 用魚腸炒而唔腥灼南澳光魷 椒鹽九肚魚 / 炸大腸 - 炸物永遠都係最佳送酒富貴石榴球 - 手工菜, 如果少D馬蹄更好, 加支香檳提鮮蝦棗併蟹棗 - 如果每樣都係12件就可以唔洗揀只可以食一款水瓜煮鮮蝦中芹煮馬友 香煎蠔仔烙方魚炒芥蘭 - 芥蘭吸收哂方魚香鮮, 無渣肉碎粥鼠殼粿 - 潮汕民間年節祭祖小食, 採摘野生「鼠殼草」熬成湯汁, 加入豬油、糯米粉製成粿皮, 然後包上豆沙、糯米、花生仁、蝦仁、豬肉做餡料, 鹹甜隨意; 今次版本偏重豆沙, 唔算煙韌, 對比較少食粿嘅小編係特別嘅體驗反沙芋 - 少甜冇咁"漏"清心丸

剛幫襯完，一次夠應該唔會有下次，話說幾天前已經訂枱，今日仲WhatsApp確認過，訂19:00上到去無枱，問收銀(年長女士)話安排中，等咗5分鐘再問有枱埋緊單會留比我哋，點知執完枱店(男士)，有人訂咗唔係比你唔好誤會，再三追問下，有位年青D嘅女士又講安排緊，再等多幾分鐘最終都係坐番嗰張剛執好嘅枱，已經有D火火哋...有位就算。坐低點菜已經係19:15，落完單唔洗5分鐘出整4樣餸，好有效率快過大排檔....我哋都唔差50分鐘食完埋單仲叫埋甜品食添...廢話唔講。滷水鵝片例牌 - 鵝肉嚡口滷水唔香蝦蟹棗 - 蝦棗叫做出色D，蝦 或 蟹味唔夠濃，蝦棗唔夠彈但Juicy水瓜烙 - 粉少煎得唔夠脆黏唔住d瓜，一夾就散晒鹹魚炒芥蘭 - 堅鹹烏沙水晶包 - 勁，後加單2分鐘唔洗上枱，個皮有d蒸完凍咗又返蒸感覺，煙韌得離有啲硬總結：搬咗過嚟，環境好咗，人氣又高咗，但部份員工態度及餐廳待客之道，有好大改善空間，全程感覺係你好快d食完走啦，唔好咗住張枱，應該唔會有下次。

聽說是老字號，經營多年，口碑不錯，所以早一天訂位，結果是走廊兩位枱，旁邊窗口梳化無你份，以為是四位才可以坐，後來兩位普通話walk-in 進來就坐進去，條氣頂到上心口，碗翅幾靚都背脊骨落。本來去到比這張枱我，已經想走，想食潮州翅都唔想再叫，但心想已經坐得唔舒服，還要食得唔開心，何必難為自己，於是點了潮州翅、沙嗲牛肉、還有什麼唔記得喇，好唔好食已經無意思，除了味道，還有服務、環境、氣氛、好多元素加在一起才成事。

香港唔少人都中意食潮州菜，亦有唔少潮州餐館，但就唔係間間都做到傳統風味。今次就同班老細去試下，呢間係尖沙咀比較有名氣嘅華苑潮州閣，菜式花款比較多，選擇自然多，味道都相當唔錯！潮州滷水三大拼，鵝肝做得相當出色，味濃滑口，好食到冇影到相重有必試嘅酥炸鮮蝦棗，係呢度都好受大眾歡迎，一定要叫嚟食！生腌獅蚶，人生第一次試，開出嚟帶血咁，其實賣相有啲難入口，因為個樣有啲恐怖，視覺影響所以食唔到咩味糖醋麵，食之前要係面糝啲白糖，入口脆卜卜，好似食緊媽咪麵又甜甜地最後會俾杯功夫茶落格，入口帶點苦，但之後會嚐到清香又回甘，幾好飲

這是其中一間我們疫情近幾年經常去的較為home style 的潮洲餐廳，每晚都是由這一對潮州夫婦在餐廳主理，所以能保持到好味水準，貫徹統一。我們一行六人臨時在清明節當天定位，訂到包房，在開關前單位是非常緊張，如果沒有一周前預訂很少機會能訂到包房，但當天只有7成入坐。我們叫了*潮州滷水鵝肝，滷水豬大腸，滷水掌翼，滷水鵝- 滷水味完全深透在食材內，尤其欣賞鵝腸，沒有腥味，口感剛好開過淋或過硬。生醃獅蚶- 味道偏淡，可以調校濃味一點醃蟹- 味道偏淡，可以調校濃味一點*𧐢烙- 其中我喜歡的菜式，炸漿脆薄剛剛好包實肥美的蠔春菜蘿蔔牛丸煲- 春菜夠淋鮮茄潮白魚蛋煲- 潮州魚蛋口味不錯糖醋伊麵雙面王- 火候控制得好，不會太乾。*蠔仔肉碎粥- 方魚蠔仔份量多*甜鼠殼果- 對於－個喜歡甜品的我是很滿足，外皮脆內軟香甜薑茨糖水- 解油膩清新這是其中一間我們疫情近幾年經常去的較為home style 的潮洲餐廳，每晚都是由這一對潮州夫婦在餐廳主理，所以能保持到好味水準，貫徹統一。我們一行六人臨時在清明節當天定位，訂到包房，在開關前單位是非常緊張，如果沒有一周前預訂很少機會能訂到包房，但當天只有7成入坐。

初次光顧這家老牌潮州菜館，出來招乎的都是叔叔輩，非常熱情有禮，都當我們熟客看待，難怪晚上六時多客人已魚貫入場， 不過一陣，已坐無虛席，氣氛熱鬧。🎉🎉🥳傳統潮州菜，餐牌佳餚林林總總，十分齊全， 價錢豐儉由人。我們今次選了幾道特色菜嚐嚐！😋😋🥰✨芋茸香酥鴨底層啖啖鮮嫩鴨肉，上層厚厚香滑軟糯芋茸，外層金香酥脆，口感味道俱佳，盡顯師傅功架。👍👍👍✨石橄欖赤肉燉湯石橄欖滋陰潤肺，順喉止咳，最適合疫情過後飲用。燉赤肉不油膩，入口甘甘甜甜，非常滋潤。👍👍🥰✨潮州蠔烙足料新鮮蠔仔，粒粒鮮嫩脹卜卜，外面煎得金黄香口，蛋味濃郁，內裡鮮蠔濕潤，粉漿煎得煙韌不油膩，凸顯傳統風格。👍👍😋✨香酥鮮蝦棗足料蝦肉打得半爛，保留蝦肉粒增添質感，外層彈牙香口，內裡新鮮美味。👌👌😋✨普寧豆腐薄切豆腐件外層金香鬆脆，內裡嫩滑。 看似簡簡單單，其實又是巧手功夫菜。👏👏👏✨潮州鮮蠔仔粥蠔仔肉脹卜卜，粒粒鮮嫩。粥底伴有肉碎、菰片，加上胡椒粉更覺惹味，忍不住多吃了幾碗。😋😋😋✨烏豆沙水晶球外皮煙韌晶瑩，烏豆沙軟糯美味，甜度適中，味道口感同樣吸引。😍😍😍✨糕燒姜薯姜薯表面甜甜韌韌，內裡熱騰騰、軟軟糯糯，較重口感的福果及橙皮，各有特色。

今晚去過這個食店，主打潮州食物，我們四個人，本來想點4款拼盤，服務員提醒先吃三款，四款可能太多，果然碟頭不小。吃了鹵水鵝肝，鵝腸同鵝肉鹵水不錯，不會死鹹，我個人挺喜歡鵝肝，有驚喜。蝦蟹棗都很好吃。另外有白灼鮮尤，鮮尤不錯，但驚喜在蝦醬，有香味但不會過鹹，如果再濃稠一點就更合我口味。今晚我們人比較少所以吃的種類不多。希望下次可以試試其他幾款菜，魚麵，豬手，水瓜咯。還有很多特色潮式甜點。服務員好緊張食客對事物有沒有不滿有沒有吃剩。這點很好避免浪費也對自己出品有要求。

前幾日，同班朋友一齊去華苑潮州閣食晚飯，其中叫左鵝肝、鵝腸同鵝片拼盤，鵝肝味道已經不太新鮮，非常失望。鹵水影真麻麻，強烈不推薦。 蠔仔酪、水瓜酪同椒鹽九肚魚就非常好！廚師值得點贊👍 還叫左幾樣潮州特色點心，味道同做工都不錯，很值得推薦。美中不足的是，四個水晶包，一個爆開。 廳面經理係一位阿伯，年紀大，反應慢，最後漏左order。 餐廳明明不是太多人，但是服務員不安排比較好一D的餐檯，六、七個人偏偏安排在通道附近，非常唔舒服。以後有聚餐不會再光顧。

想搵間中菜，坐得舒適又想酒下飲，同事即刻推介咗呢間潮州酒家比我。見到SEAFOOD LOVES SAKE嘅POSTER唔洗左揀右揀，一於揀呢款配搭✨ 🦑白灼南澳鮮魷 配 伝心［雪］純米吟醸🍶配清酒係最完美嘅配搭，具透明感，簡單調味的白灼南澳鮮魷，更凸顯海鮮原始鮮香。來自潮州汕頭市國家4A級「南澳島」新鮮的大尾魷，用簡單白灼方式處理，味道鮮甜，而且口感豐富，唔會靭。大尾魷送酒，真係唔錯嘅選擇下次要再試其他海鮮