影片
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
今日要过西营盘买嘢，咁就顺便喺附近买啲小食食啲嘢咁。🤗第二站就试呢间全港共有三间分店嘅车仔面，佢特别在用潮式卤水做汤底同埋炆牛杂牛腩，所以系好够味道嘅。👍🏻今次我就试咗四𩠌车仔面，而个面底就加$5转为萝卜底。☺️四款𩠌菜就拣咗：牛膀、新鲜鱿鱼须、咖喱大鱼蛋、同埋好少有嘅猪横脷。（因为平时只有饮过猪横脷汤，都冇食过其他方式嘅。）🤭佢每样𩠌都唔错👍🏻，只系个炆萝卜加得太多糖，最突出系牛膀同埋猪横脷，炆到入晒味，而质感亦啱啱好，亦处理得好好，冇异味。😋虽然汤底已经拣咗大辣全部汁，但之后我都另加枱面嘅辣椒油，佢有好多芝麻浮喺面，中等辣度，香香地咁。☺️下午茶时间佢仲有九折，所以加埋一罐饮品加多宝，总共$70。😉食咗牛膀同埋猪横脷，我觉得对我嘅胰脏好好。😆第时再去开𠮶边都会再食吖。😃
继续阅读
呢间潮州卤水车仔面，性价比算几高。卤水嘅味道都几正宗，牛腩同牛肚炆得好腍，块头又大，咬落去好有口感，唔会「鞋口」。最正系佢可以加多啲香菜，对于我呢啲「香菜控」来讲，简直系福音，洒满一层绿油油，睇住都开心。不过个辣度真系要好好提下。只叫咗小辣，点知个辣劲劲到有啲顶唔顺，食唔出卤水嘅层次，净系觉得辣。如果唔系咁怕辣嘅朋友，可能会觉得无所谓，但对于唔太受得辣嘅人，呢个辣度真系有啲「过份」，有啲影响整体口感。
继续阅读
今日经过西环，谂住入去试下华记，点知间铺冇冷气冇鲜风，热到飞街，食到出晒汗，间铺入面仲热过条街，真心唔会再有下次，除非你有带小风扇、穿小背心同热裤，就可以一试无妨
继续阅读
车仔面来讲呢，华记系出色既佢有得拣菜底，仲可以拣萝卜我叫左三个𩠌，佢大碗到咁大鱼蛋真系要点，足料到呢个萝卜系浸到腍晒，入哂味牛蒡都系好好味，仲好大块反而，我朋友仔叫2 𩠌，就冇咁澎湃 😂我识叫啦，下次都会叫返3 𩠌会回头的包括：萝卜，牛蒡，大鱼蛋 👍👍👍
继续阅读
今次同朋友嚟咗呢间餐厅，真系有惊喜！1. **豆腐串**：豆腐好入味，我怕辣只系加少少辣嘅咖喱，都已经真系好开胃。每一啖都系享受，好啱钟意食豆腐同埋咖喱味嘅朋友。另外仲有腩汁推介，朋友就叫左重口味推荐（全部汁），辣得过瘾2. **巨型鱼蛋**：个鱼丸质地厚实，唔系普通个d 霉松泡泡的口感，配埋个咖喱一流，但系又唔会太呛。我自己中意食乌冬，乌冬加埋菜吸晒汤，每一啖都好满足。餐厅环境都唔错，夜晚时段人唔系太多，也都冇特别有压力话要赶人走。我哋系透过电子菜单点餐，好方便快捷。成餐饭食得好开心，一定会再嚟帮衬！
继续阅读
您可能会有兴趣的...