影片
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
天氣凍，就想食車仔麵～諗起公司附近有車仔麵～原本超級期待的，點知食第一啖落口，超級咸！明明以前好好食，食到湯底有藥材味，而家得死咸，完全食唔到落去同埋以前就算點兩個餸都好多餸，食唔晒而家啲餸就變到好少了，仲有以前豬大腸滷得好正，令人成日好掛住想去食，每一舊都有肥膏又淋又入味，但而家就整正超級普通，完全無滷水味又唔好食簡直係嘥我啲quota食完之後仲keep住要飲水。到底係分店問題定係整體水準都降低左？以後都唔會再黎食了
继续阅读
網上見comment幾好，慕名來食，不過就有點失望。我們選了一碗兩餸「魷魚鬚配牛腩」（油麵）及一碗三餸「牛大腸、豬紅配豬膶」（粗麵及多芫荽）。 還有小食「豬皮蘿蔔大魚蛋」。魷魚鬚及豬膶完全中晒伏。首先魷魚鬚完全冇味不特止，還有腥味。豬膶就好老好鞋口。牛大腸腍滑而且油香味幾好，不過清洗就不太乾淨，偶然吃到苦味。至於另一樣出名的蘿蔔，它們的甜味不是天然的，像浸過糖水再煮落去滷水汁度。其他食材不過不失，但真係大大碗，係抵吃的。最後吃完很口渴，兩三個鐘內飲咗幾大杯水仍然覺得好口渴。總括來說，叫牛腩牛雜這方面的配料比較穩陣，其他食材並沒有網上寫的好⋯⋯
继续阅读
知道呢間舖頭好出名，今日經過西環，過來試吓！知道佢啲牛雜和豬什，同埋啲滷水好出名！今次一定要試吓！入到去要掃code，自助叫order！感覺上好似食車仔麵一樣，而且選擇好多！面底我揀油面，今次揀三餸，揀咗牛腩、牛肚和牛筋！當然係揀佢嘅秘製滷水辣汁啦，最後竟然仲有得揀芫荽！我呢個芫荽控真係好幸福，而且只要一蚊實在太實惠了！唔使5分鐘就到，啲芫荽真係鋪天蓋地，完全蓋過碗麵！真係好多！啲牛腩真係唔錯，又唔黐牙，又滷水得好好味！牛肚又係正！啲牛筋又淋又入味！如果湯底都唔錯！最難得係加埋芫荽一齊食，真係雙重享受！碗嘢只係50幾蚊，真係物超所值！
继续阅读
之前看完社交平台介紹這間車仔麵。今早去完灣仔教會後便在西營盤地鐵站落車來到正街的舖。叫了六個餸，有豬皮、豬紅、冬菇、咖哩魚蛋及紅腸。加了個通菜底。佢哋D通菜極之多好抵食，是我食過的車仔麵頭三位。原來好餸食就在附近。真的走保。
继续阅读
餐廳位處西營盤港鐵B1 出口。之前食過太子分店，覺得味道唔錯，所以再黎試一試。可惜呢一餐真係不知所謂。一入餐廳就被收銀阿姐直接安排坐最出張檯。點知之後越坐越唔對路，好似無冷氣咁。如果你間餐廳冷氣不足 好心就唔好做生意。見到有風扇諗住開，點知又係壞嘅，開唔到。叫左碗牛雜麵，碗都黎到一路食一路洗汗，全餐飯都食得好辛苦。最後食左15分鐘頂唔住，食淨半碗埋單走左。餐廳定價都唔係平，但今次體驗真係好差，呢間分店下次真係唔會再黎。
继续阅读