螢火蟲小食

营业中

休息中

喺店裡面仲見到有好多唔同款式嘅小食😚😚，有燒賣、魚、手抓餅、雞蛋仔、格仔餅、撈麵同台式飲品。總會有一樣啱你口味🤠🤠，而且價錢都好親民，係一間值得支持嘅街坊小店👍🏻👍🏻。🧚‍♂️ 要提醒返，呢間店只收現金。⭐️ 撈麵 ＋蜜糖味台灣腸 $16試咗蜜糖味台灣腸加撈麵。台灣腸食落去好脆口😗😗，同時又有香甜嘅蜜糖風味。撈麵用醬油拌勻，剛好啱啱地，再加上有啲嚼勁嘅麵質，撈起嚟一齊食🤩🤩，再加埋蒜頭同少少辣味，真係好好味🤤🤤。📍螢火蟲小食 將軍澳毓雅里9號慧安商場地下A134號舖Shop A134, G/F, Well On Shopping Centre, 9 Yuk Nga Lane, Tseung Kwan O港鐵寶琳站 A1 出口, 步行約7分鐘

中學係寶琳呢頭返學，放學既時候最鍾意去唔同既小食店買野食！呢間小店係寶琳一帶學生一定知道既小食店。 我自己通常食完慧安園良記餃子之後點都要黎螢火蟲食多個撈麵先捨得返屋企撈麵加燒賣 （7 hkd+ 10 hkd） 燒賣軟硬度剛剛好，加買豉油辣椒油真係好惹味！呢度既撈麵雖然都係普通營多撈麵，但係唔知點解呢間撈麵d 味特別好食，麵既淋度同埋味道都比平時自己係屋企煮好食好多！撈麵加台灣腸 （7 hkd+ 9hkd） 台灣腸有三種口味 （蒜香 黑椒 蜜糖），我就揀左蒜香腸。 條腸燒到熱辣辣配埋個好足味既撈麵簡直100 粉！雖然呢間小店賣既野食好似係坊間所講既垃圾食物，但係呢個價錢同埋質素係好值得買黎增肥的

喺慧安園商場入面有好多小食店，而位置比較入嘅就有呢間良心小店，店舖有買好多唔同種類嘅小食，價錢都好合理，味道很好。今日買咗蜜糖味嘅台灣腸，9蚊。呢間啲台灣腸比起出邊冇咁油，分量都唔細㗎。大家經過可以試吓其他嘢，例如手抓餅。

蔥味手抓餅 配 台灣腸和鱆魚餅 $25即造嘅手抓餅非常新鮮，香氣撲鼻自選配料選擇了台灣腸和鱆魚餅雖然只是簡單配料，但異常地夾台灣腸煎香後一開為二鱆魚餅煎到兩面金黃老闆娘問我要唔要加沙律醬因為第一次食，我選擇了加沙律醬乳酸柑桔檸檬 +$15舖頭細細，真係估唔到賣嘅食物種類都唔少竟然仲做埋台式飲品而且仲有好多款式選擇我選擇了乳酸柑桔檸檬最初並沒有抱有任何期望只為了友持小店同埋黃色經濟圈竟然有意外驚喜我主觀地好鍾意杯乳酸柑桔檸檬酸甜度剛剛好亦唔會一味落勁多冰好味! 😋 一定會再食!*p.s.: 老闆娘唔係經常開舖，大家行過嘅時候記得捉緊機會試試

黃店！好friendly既老闆娘，一邊傾水晶一邊整嘢食。叫左個撈面台灣腸朱古力咖啡餐$40再加咖喱魚旦$15個面可以再濃味d，魚旦個汁好夠味，飲品都可以！多多支持！#黃色經濟圈

日日放工好肚餓，跟住行過屋企樓下呢間小食店，我決定入去試下。 原本都諗住食啲普普通通嘅例如燒賣魚蛋嗰啲， 點知我又見到佢有啲推介嘅手抓餅， 諗返又好似冇乜點食過， 所以就決定試下呢隻咁得意嘅食物， 原來佢都幾好食。 其實 手抓餅有少少似蔥油餅，食落去啲蔥油味非常之香， 外面揸得好酥脆，入面好鬆軟。正正。

暫時黃店list未搵到依間小店，所以見大家唔太提起依間小食店，普遍通常淨係懲罰慧安商場入面嘅魚木☹️💛之前將軍澳8.4遊行時老闆接受蘋果訪問表示支持，無懼星期日照開店，如果見到年輕一輩需要幫忙一定幫手，深表認同表達訴求先可以令到香港唔會被侵蝕。好欣賞老闆喺條片度無懼公開表態，雖然小食未去到好好食要特登朝聖嘅地步，不過去開慧安就順路懲罰下啦💛.👓手抓餅(可選兩款配料) $22餅底有芝麻和蔥油兩選擇，而我今次揀咗蔥油味，食落好香蔥味唔會太油，鍾意食蔥油餅嘅人應該啱，抓餅皮係香口不過個皮未話去到脆卜卜嘅程度🤣配料選擇了芝士和煙肉，我覺得芝士係必揀百搭嘅選擇😝芝士唔漏煙肉好多條，依個組合配搭幾好。評分：7.5/10👓王子雞蛋仔 $14雞蛋仔入面唔係空心，蛋漿倒得多所以皮入面係有軟綿綿蛋糕芯，因為通常出面十幾蚊貨色嘅雞蛋仔係空心只係食空氣。當然雞蛋仔質素唔可以搵依間小店同老母雞蛋仔果啲比啦，我承認小店未做到外脆內軟好重蛋味好好食，但麻煩你睇下個價錢先啦，小店嘅賣點係人情味🤤評分：7/10👓正宗台式腸 $9通常台灣腸都實冇死嘅🤪腸唔算肥冇乜肥豬膏，都大條粗身長同價錢吻合。另外反而發現好多學生妹叫撈麵

今日返工返到勁攰，又俾人鬧! 於是個心不禁想食好西黎平衡返自己嘅心情! 對於有d人黎講， 好西可能係要d好貴好grand好華麗嘅野，但對於我黎講，好食就乜都得啦!於是今日把心一橫，決定放工去食撈面!原先明明要返屋企食飯，都專登遲好幾個站落車，去慧安園覓食！轉幾個路口， 終於黎到螢火蟲。 對於我黎講，營火蟲就好似童年回憶咁， 記得以前放學都成日會食一去到， 見到個姐姐， 個樣完全冇變過～而螢火蟲嘅撈麵亦依舊都係有大細揀。鑒於就食飯嘅關係， 叫咗個細撈，承惠$6~雖然話就話叫細撈，但份量一d都唔少， 絕對夠飽肚。望落去，醬汁比平時喺第二度食到嘅多，麵質亦俾平時硬身。絕對唔會淋bat bat一pat咁。醬油味甜甜鹹鹹，加上炸蒜，簡直入口香噴噴！由衷地覺得，香港仍然有lee d 平民小食店，真係好正!平靚正仲醫飽埋個肚！最適合我地lee d 上班族，上車族，慳得一蚊得一蚊呀!

行開呢頭，搵唔到有咩好食，見個名幾特別，就呢間，唔好煩撈麵其實度度都差唔多，大家都係用個個牌子既麵，但都有分有心做同無心經營兩款，撈麵賣相可以，麵質唔會太淋，爽口之餘，撈得好均勻，唔會有d鹹有d無味，需簡單，但都要有心，加油>>小店<<

之前朋友介紹呢間撈麵，但上次黎到冇開門食唔到，今日經過見佢有開，終於有幸一試。 由於上次係度食過另一間既撈麵，感覺係比死更難受。啲面條粉粉地又淋，仲要個係啲麵係唔熱，食到碗底係有啲撈麵水，啲水多到見唔到發泡膠碗底。 至於係邊間，就廢事開名，人地都要做生意。至於呢間螢光蟲，個賣相係咁既。 呢個撈麵賣相ok，佢撈得好均衡，唔會太咸或冇味，又唔會太乾身又唔會好水。 雖然佢價錢較其他舖貴($7細撈,$11大撈)，但佢受歡迎程度遠比其他舖，有唔少捧場客，而且老闆同食客關係唔錯，老闆好友善，有人情味。

Just felt like having some instant noodles, so got a large portion of Indonesian noodles in sauce.I was told it was 2 packets of noodles for the large portion but the portion quantity was more like one bag of instant noodles.The noodles were not that soft, and the garlic mixed well in it.Was given two thin satay skewers as chopsticks to eat the noodles with!!