影片
以上资料只供参考，请与餐厅确认详情
見到最近更新了餐牌，添加了不少新菜式，有川菜，決定試下，試了水煮牛肉跟酸菜魚，味道真係幾正，難得的是濃味得來，又唔咸，酸菜魚我地飲埋湯都唔覺得有味精，聽店員講佢地唔落味精的
继续阅读
都已經唔係第一次去買外賣上次晚市無乜人又係咁午市唔忙又係咁叫完個外賣咪正常喺門口等囉等等等係等到你覺得好似好耐然後自己喺門口裝下出左外賣未🙄🙄🙄先發現一早放左喺一旁我買完無離開過門口但永遠唔會有人開門睇下有無人叫下單號入到去就永遠見到個收銀員同人吹緊水又廢事企喺店內等外賣阻住人但企出面又唔會有人話你知食物準備好🙄🙄🙄
继续阅读
這天倒霉到不得了，路經平常不常去的北角，車在東廊上爆軚，待拖車走了，已錯過了午餐時間，被迫在北角找吃。這茶餐廳外面像標榜健康飲食，但原來下午茶也邪惡得很。“生炸雞脾”，雞皮香脆，雞肉還很嫩，十分juicy。沙律和薯條一般，不是不好，但沒什麼特色，更錯的是那茄汁，放了在那薯條旁，哪不喜歡茄汁的人怎麼辦？結果我一條也沒吃，全部給娘娘吃光了。我的茶餐廳至愛，“奶油多”，但一般。其實這種已兩塊夾在一起的港式多士，奶和牛油要給兩塊麵包share，很自然就不香口。
继续阅读
食物質素差，無味道，員工態度惡劣。樓面好似唔識廣東話咁，不停雞同鴨講，原本想散叫，阿吱阿咗一大輪又話只可以叫套餐，本來已經想走，但係老婆話好肚餓，唔想再去第二間，快啲買完返屋企食，唯有繼續落單。今晚點左慢煮牛腩，菠蘿咕嚕肉外賣。個套餐包埋例湯，白飯，糖水。望落好似幾好又抵食，點知就中哂伏，牛腩唔入味，咕嚕肉又淡，D菠蘿係苦嘅。問心，價錢係算平嘅，又湯又糖水，不過一間服務又差，食物又無味道嘅餐廳，一定不會再幫襯。
继续阅读
雖然減跟肥但佢嘅早餐真係好正，特別鐘愛腿蛋治經典之選，別一樣嘅吸引力飽肚，食完到左中午都唔餓🤘🏻厚蛋的滿足感🖖🏻炒蛋滑得黎唔會太生🥚🥚面包內有查牛油🧈🧈每次都係配蜂蜜紅茶☕️☕️蜂蜜份量都唔少，可以考慮叫減糖🐝飲之前用匙羹攪兩攪，一路做野一路嘆🖥紅茶就普通野，但蜂蜜紅茶真係唔係間間茶餐廳都有預早電話order 📞上手都仲熱熱的，即拎比錢即走，打工仔favour💯另外可以加烘底，不過我怕熱氣依個早餐唔係特平，但真係好食到我一星期要食兩至三次
继续阅读