薩莉亞意式餐廳 (悅來坊) (已結業)

我的手機影出來的相真可騙人😅⋯⋯我家是薩利亞的常客，不同區的分店都試過，也是相當滿意的。但這店已是第二次試，仍然都是差。首先叫了三個薄餅，一是水牛芝士、煙肉波蘿同雞肉，薄餅顏色淡淡，皮唔脆，感覺也不熱。如果能多烤一會更好哩，三個薄餅都麻麻。還叫了脆脆蝦、魷魚、田螺，前者都正常。但田螺真的很後悔，水汪汪的，螺亦丁屎咁細，味道鹹。原隻魷魚🦑是抵食，不會靭。最讚的就是意粉，質素保持得到，意粉軟硬適中，味道香。阿仔最鍾意最後加上甜品，今次叫了布甸🍮，加$8有牛奶雪糕，阿仔話正。老實說，這次後如必無得揀，都不會來這分店，寧願試其他了，始終薄餅不行，最令人失望。

薩莉亞餐廳越開越多，簡直遍佈港九新界。以前冇咁多分店嘅時候，一定會出現人龍。難得今日經過悅來坊，餐廳外沒有人等候，就決定咗入去食。叫咗一個煙肉菠蘿pizza $30，菠蘿的份量很多，而且煙肉較為厚切。每次嚟都一定會叫雞肉多利亞 $29，口感好creamy，真係好正。鍾意食蒜蓉嘅你，一定要叫一份意式洋蔥蒜蓉漢堡 $32，有個少少建議係蒜蓉一定要同漢堡一齊食，口感好正。仲有一定會叫一份蒜香法包 $10，真係好抵食。

薩莉亞食物非常之平，以前沒有這麼多分店，經常要排隊，現在分店分佈全港九，已經很少出現人龍。今天點了雞翼四隻，平時雞翼很好吃，今天麻麻哋，還吃了蜆肉，蜆肉很鮮甜新鮮，很好吃！每次都會點蜆肉。最好吃的是蒜蓉包，只需要$10 ，真是非常抵吃！每餐我都會點蔬菜，今次點了西蘭花，做得很好吃，健康之選！每次必會叫蝦肉沙律，多吃蔬菜身體健康，蝦肉很鮮味，配上沙律醬，很是美味！店舖座位舒適，工作人員服務OK，下次會再來。

薩莉亞真係平時諗唔到食咩就會即刻要嘅餐廳，平得來之餘啲食物質素好高㗎，啲嘢食仲好快送到埋嚟今次有三個人食，同朋友佢哋叫咗🇫🇷法國焗田螺、卡邦尼滑蛋意大利粉🍝、煙三文魚菠菜天使麵、甜蝦沙律🥗、蒜蓉包、惹菌雜菇意大利飯同埋炸雞俾肉🍗，全部嘅水平都好高，最令我意外同埋覺得驚喜嘅係意大利飯都做粒粒鮮味，每一啖都有濃郁嘅忌廉汁好入味，如果法式焗田螺我就有之前喺法國食嘅感覺，味道好正宗，啲田螺嘅口感唔會太過韌同老，每粒田螺嘅下面都有少少蘿蔔同酸菜撈埋一齊食超好味😋整體來講餐廳嘅性價比好高值得推介，仲要有勁多分店，周圍都有可以滿足每一區人嘅慾望，下次平日嚟食應該唔使等位，正呀！

The pizza is delicious, but the portion is a bit small. The pizza is warm and the dough is crispy. I love the topping, it has a lot of sweet corns! The price is reasonable and service is ok!

荃灣熊貓酒店樓下嘅，薩莉亞 一直都係我哋一班同學嘅飯堂 和聚腳點， 環境安靜， 食物種類多價錢相宜。 我哋今晚就食咗水牛芝士伴蕃茄， 水牛芝士 上邊有少少的香草，配上軟滑芝士，幾滋味。 我們要了煙三文魚沙律， 火腿菠菜。 莎樂美腸薄餅， 厚厚的pizza賠上芝士和薄薄嘅香腸令人食指大動 。辣味雞翼， 雞翼焗得又香又脆。焗蝸牛， 就好juicy同嘢味。 真係超值又抵食嘅一餐呀。 薩莉亞意式餐廳 (悅來坊)

以前在鋪頭食野比較好吃。今次係外賣。披薩🍕皮厚，好鹹。芝士意粉好幹，芝士好少。有幾塊香菇。食唔完。太鹹了。雞翼算幾好味。希望下次可以去鋪食野會舒服一點價錢真係好抵。

昨晚同🤴🏻去左荃灣薩莉亞食晚餐，貪佢靜靜地人流唔係好多！薩莉亞食物款式一向都係簡單、細份、冇咩花巧、配料比較單一，咁相對地價錢亦比出面低d ，$20-50就有一款另人不自覺地叫多左幾味🥴！今次叫左意大利菜湯都幾多料少辣但稀左d.美國肉眼扒薄薄地但勝在面積大，味道一般！海鮮薄餅冇特別三文魚幾香！芝士焗魚扒以為用魚柳，原來係鯖魚所以鯹味幾重芝士都蓋唔住陣味！燒魷魚好淋身，上枱時賣相好d就更吸引！🤴🏻切完放返好當堂靚幾多🎉🎉最後來個朱古力冰雪蛋糕要等佢溶先食到，好重朱古力味，內有朱古力粒！今次都係叫多左🤣，下次希望可以節制d😌

野菌忌廉意大利粉吃薩莉亞 真係貪平 貪方便一個意大利粉$30都唔使 自己屋企煮意粉 可能都過咗呢個價錢同埋懶 😂 坐定定10分鐘等吃 薩莉亞唔正宗唔緊要 只要粉煮得啱彈性 同埋調味夠就好 唔可以話特別出色 不過真係懶人首選 田螺加蒜蓉包田螺彈牙有咬口吃完田螺 攞啲蒜蓉包點剩下啲油 包更添橄欖油香 同 蒜蓉味 正～提拉米蘇 飯後甜品 平靚正 無得輸 先18蚊 整得咁靚仲想點

薩莉亞意式餐廳好多年前已經進駐香港！當時價錢超平，真係吸引一大班Fans成日去食，時至今日，每逢到六七點經過依然有一大班人等！我同老公都好耐無食過啦，所以今次專登帶埋仔仔一齊去食！為咗避開人潮，我哋專登早少少，五點幾就去到食嘢。首先叫咗個特色Pizza，今次無叫皇牌水牛Pizza，不過依款都好好吃！意粉方面我哋一人叫咗一款，兩款味道都好好！因為我宜家懷孕中所以更加鍾意吃蕃茄味意粉啦全單加埋都係$115，照舊唔洗加一，所以偶然嚟食吓都覺得好抵食呀！

行行下胃好痛,原來唔記得左食早餐,呢頭餐廳唔多,見到平民價餐廳薩莉亞即刻衝入去醫肚黎到時正午時份唔算人多,可能因為好多人呢排都唔太敢出街食野慢慢揀,嗌左個野菌西蘭花香蒜辣汁意大利粉一個難得無肉無奶ge炒意粉賣相ok,菇同西蘭花都好夠味,美中不足係食到落最尾有少少過油另外買左個飲品吧,有啲失望,因為得咖啡類同埋汽水,本身唔鐘意飲汽水,但飲咖啡又會心跳得好快,本身以為間間分店都會有奶茶同朱古力,但呢間無,最後沖左個士多啤梨茶

超仲意食既👑雞肉多利亞 份量唔多但好好食芝士味好濃 雞肉都好香好好食我每次黎都一定會點👑中華沙律 做前菜 酸酸辣辣好開胃呢度嘅鐵板都唔錯 超鍾意食佢嘅粟米同薯角如果配埋黑椒汁就Perfect魷魚筒都好大隻份量好足

我同老公今晚去左間出名平靚正，好啱後生仔女去既意大利餐廳。  呢道雖然人多，比較嘈吵，但空間十足，所以無乜影響被安排坐埋牆邊既我哋。我哋order咗 蒜蓉包、雞翼(四隻)、海草沙律、焗雞肉飯、松露蘑菇意粉、黑椒蜆肉。 首先，唔好講好唔好味。我叫咗咁多樣嘢，都係128蚊咋，今時今日嘅香港，喺邊度搵到。跟住講食物， 唔好以為平，就會馬虎 。 我食咗呢幾度菜 唔覺得呢度絕對馬虎。先講個沙律，啲菜同埋海草好匹配。 不過啲菜就 爭啲，唔夠新鮮。 雞翼醃得唔錯 ， 辣辣辣地咁 幾好味。 如果大隻返啲， 就正啦！焗雞肉飯，熱辣辣，正! 黑椒蜆肉，隻隻都好肥。至於個松露蘑菇意粉，就相對冇咁突出。 不過總括嚟講，呢一餐真係好抵食！

我果日叫左個明太子意粉、肉醬多利亞、水牛芝士pizza、脆脆蝦同埋飲品。首先係明太子意粉，碟意粉拎上枱時雖然見唔到d明太子，凈係見到好多魷魚，但其實明太子係底下，所以食之前一定要撈暈先好食。之後係肉醬多利亞，肉醬同芝士嘅份量一d都唔少，每一啖都食到，我每次黎都必點。跟住係水牛芝士pizza,成個pizza只有芝士同埋少少嘅蕃茄醬，食落個皮都幾脆。再黎脆脆蝦，脆脆蝦嘅皮好薄，送上黎時會俾埋沙律醬，d沙律醬酸酸地，送上黎之後即刻食先好食。最後係12蚊嘅任飲，飲品嘅種類唔算少，熱同涷都有，仲有個冰櫃可以自己加冰，不過d杯就唔算乾淨。總括來講，好食，上菜速度快。

平日在本港品嚐意大利菜的費用價值不菲，一道高級豪華的菜式動輒平均也要最少百元一位。一家人當了一天義工，弄得汗流浹背。不得不找地方享受空調逛百貨公司。是次無心插柳下難得看到一間名字較為獨特的餐廳，是一位古代意大利人的後代傳承下去的，一聽到巴不得進入品嚐一下。一坐下已被餐牌首頁意大利特色菜如紅茄子、意大利麵條、起士等吸引。仔細看一下當中的食物，當中菜式為意大利菜為主，如意大利麵、薄餅、通心粉、甜品糕點等。每款只須少於$40即可品嚐，全日甚至晚市也是收取同一價錢，是眾多餐廳中同一用餐時間少有的，可說是「廉價晚餐」。別以為單看價錢跟食物份量多少成正比，我們點選了鐵板燒魷魚、蟹子魷魚蝦仁意粉、地中海鮮薄餅、墨汁飯及海鮮湯，每一道的份量遠較想像中的大得多。魷魚的外皮肉質較厚，經過高溫的鐵板把它灼熱過後橡皮圈般更易咀嚼，把當中的汁液吸收，跟三文魚充滿Omega 3及骨膠原意粉及薄餅的配料大同小異，加上切片魷魚及大蝦，當中的海鮮味道經過蒸煮後沒有因此流失。薄餅跟一塊薯片般香脆及啪啪的聲音，意粉配合蛋黃醬更吸收了大量蛋白質及維他命，喝下了一瓶牛奶香甜的感覺; 墨汁飯的賣相較其他菜餚與眾不同之處是它的醬汁