影片
以上资料只供参考，请与餐厅确认详情
去西貢玩咗半日，諗住平平地食餐飯😁(因為海鲜店都幾貴)咪一家去萬年華食飯，原來晚市改左做串燒，終有台式飯本身都冇乜期望，因為佢門面唔係咁夾🫨，又估唔到幾好食，佢燒啲羊扒仲有豬都好好食，價錢又ok，台式飯都好好食，我地4個人叫咗2碗飯(仲要唔細碗)，再叫埋一大份串燒，都係500元有找，係西貢都幾難找到，不過食哂先記得無影相(台式飯)啲雞翼燒得好惹味，小朋友超鍾意仲話要晚晚嚟食🤣下次一定會再幫襯
继续阅读
去西貢食燒味，通常我同老婆都去呢間「萬年華」，有時家人生日都會去訂乳豬，朝早都鍾意食佢嘅沙嗲牛麵，我老婆就食叉燒公仔面餐，幾乎每次去親都會叫嘅，晏晝外賣如果想食燒味一定只諗到萬年華，但自從幾個月前裝修後，朝早早餐質素正常，只係員工有部份轉左人，但晏晝去買外買，啲燒味每況愈下，叫兩盒肥叉飯，全部都係瘦叉，諗住佢聽錯下次唔會喇，今次再叫肥叉雞，竟然都係一樣瘦，係咪啲梅頭豬肉貴左好多？租又貴好多？今次離譜到用兩格嘅飯盒，一睇就知咩事，好慳，左邊格幾條菜，右邊就係飯同燒味，啲燒味唔係餸果邊格，係放去飯果邊添，飯又少，燒味又少又瘦，老顧客表示非常失望，真的不了......估唔到我覺得好嘅燒味又少一間喇.....
继续阅读
好不容易在「市場街」的新開張車仔麵店裡面，購買到外賣自取的「牛腩」餸菜，作為晚餐裡面的「牛肉」食品，至於「雞肉」反而還需要繼續在西貢市中心裡面繼續搜索。結果我無意中在街市旁邊的燒味餐廳「萬年華」裡面，意外發現我以前經常光顧的「萬年華」，原來也有燒味飯版本的下午茶，剛剛好滿足到我在晚餐裡面的需要。因為我的晚餐裡面已經擁有了「牛腩」，現在只是欠缺「雞肉」和「白飯」而已，「萬年青」下午茶裡面的迷你「油雞飯」符合我，整晚晚餐裡面的需求。另一方面「萬年華」的燒味飯下午茶裡面，還包括有杯飲品，結果我選擇了享用，有不少淡奶甜味的港式「凍奶茶」飲品。至於「萬年華」下午茶裡面的「油雞飯」，「萬年華」下午茶「油雞飯」的實際份量有點殺我一個措手不及，因為「萬年華」下午茶版本「油雞飯」份量實在太小，而且屈身於「萬年華」本來盛載粉麵的外賣湯碗裡面。然後「萬年華」再在細小的下午茶「油雞飯」表面上，灑下少量甜味醬油，還有少許的鹹味薑蔥，至於「油雞」的部分，只是肉比較少的「雞翼」、「雞背」、雞關節部位而已。「萬年華」這樣處理完成下午茶版本的「燒味飯」，在我的眼中忽然變成了理想當然，畢竟還是所謂的「一分錢一分貨」，我只是出了四十元左右而已，沒有可能忽然食到一整盒的「油雞飯」。況且我其實只想把下午茶「油雞飯」裡面的白飯和甜味油雞，當作晚餐裡面的其中一部分，所以我先飲完「凍奶茶」，然後把「油雞飯」當作晚餐裡面的食品。「萬年華」製作的「油雞飯」經過一個下午的折騰，一到了晚上「油雞飯」立刻變成晚餐裡面必備的一部分，幾片切油雞肉加一碗份量的白飯，勉強算是可以填滿晚餐裡面的飯量要求。至於「萬年華」雞肉實際溫度早已經冷卻下來的下午茶「油雞飯」，勉強滿足到我晚餐裡面，對油雞雞肉和白飯的需求，但味道始終不及「凍奶茶」那麼甜。再加上我另外購買的牛腩，食飽後就沒有再食其他餸菜了。
继续阅读
來到萬年華燒臘餐廳，叫了一個叉燒燒肉飯。燒肉凍冰冰，不過燒肉皮仍然十分脆。用上五層肉，入口有油香味但不覺肥膩，亦有肉汁和豬香味。叉燒口感正常，不過略嫌不夠甜，而且肥膏比較多，雖然不至於肥膩，然且更燒至爽口，但個人來說喜歡全是肉的叉燒。白菜仔爽口，不老。朋友叫了一個叉燒油雞飯，師父好好人，給了他一隻雞脾。味道正常，雞肉略嫌不夠滑，肉質厚身。整體來說，燒味十分鹹，吃完十分口乾，需要改善。飯的份量很多，足以夠兩個女仔吃！
继续阅读
本來係入西貢食海鮮，點知早到左就周圍行吓，見到呢間老字號燒味餐廳新裝修啱啱開幕，一於入去食個午餐。真心好食嘅燒味飯，仲要係自己燒唔係叫貨嘅，估唔到西貢都有，叉燒食到荔枝嘅甜味，唔知係咪用荔枝柴燒嘅呢。重有我最鍾意嘅蒜蓉包，一般餐包都係普通方包，所以非常欣賞佢呢一個勁重蒜蓉味嘅包。奶茶及咖啡係濃味有奶香嗰隻，正！最後仲叫多咗個菠蘿油同埋茶走，但係唔記得影相. . .個菠蘿油勁有驚喜！重點！ ！ ！鋪入邊老闆同老闆娘都好有型好靚女，推介推介！佢哋仲介紹遲啲會有新製品，研發更加多好味餐點，可能會有隱藏餐牌啊好好食嘅
继续阅读