萬芳冰室 (已結業)

特地過來吃這家萬芳冰室眾多hk明星喜歡的地方，位置很好找，在屯門市中心落車之後一直往前走，在靠近m記那邊，樓梯上去二樓就看得到大門口拉！⭕️生炸大雞腿好好吃，可以配飯或者沙拉，也可以什麼都不搭配，但是會有點點膩噢~比臉還大的雞腿，很香很酥脆⭕️菠蘿油我的最愛，每次去茶餐廳必點！烤的酥酥脆脆香噴噴的⭕️沙丹牛扒飯口味中等，牛扒有一丟丟的硬，雞蛋幾乎是全生的，但是吃的慣的人會很喜歡這種雞蛋鮮嫩的口感噢！⭕️凍檸茶不多說，好飲！

難得入到屯門睇戲，緊係要試埋呢頭嘅餐廳啦。朋友介紹呢間冰室大份兼抵食，難得嚟到緊係要試埋😋入口同餐廳入面嘅裝修都係行懷舊路線。本身想試下生炸雞脾，但呢排太熱氣，唯有轉戰沙丹豬扒飯同手撕雞米粉，另外加咗一份瑞士雞翼小食同時菜。塊豬扒好大塊，大過我隻手😂豬扒煎得好香好入味，配飯食一流😋😋個湯好濃味好正😋米粉好幼滑，唔係平時食車仔面嗰d米粉。雞肉嫩滑入味👍🏼瑞士汁好好味，味道啱啱好，唔會太咸或者太甜本身諗住係普通烚菜，佢個湯係用手撕雞火粉嗰個湯，令到d菜更有味👍🏼

之前嚟食過性價比高嘅大大隻雞肶，今次經過又去試其他嘢食7:00左右時間尚早，唔洗等位入得見到好有feel嘅懷舊圓檯位加屏風，但可惜我哋得兩丁人，坐唔到咁大張檯今次去先見到排行榜，之前食過1&2，今次就叫3+4+6+浸菜濃湯浸時蔬，份量都唔少，顏色翠綠。生菜爽口清甜，加埋濃濃嘅雞湯底食完都冇咩口乾，唔怕係味精水湯底雞翼價錢比較貴，計返$10隻，但size都唔細，雞翼入面都超級入味外皮已經煮到好淋，易咬開瑞士汁深色但唔濃味，就算配菜粒薯仔沾滿汁都唔會咸上排行榜之一嘅手撕雞湯米，幾有驚喜！湯底超濃雞湯，帶肉嘅鮮甜，掛上米粉食，好入味！手撕雞肉嫩同份量唔少，加埋少少芽菜增加口感值得一試之前食過雞肶，今次試豬扒，$54份量好多豬扒入口軟淋嫩口，香煎熟度剛剛好另配埋太陽蛋+厚火腿同菠蘿，好豐富，性價比十分高！埋單$140，抵食又好味，果然再食都有驚喜

我朋友一直都想去下d懷舊既餐廳食野又前排聽到朋友介紹屯門雅都入面既萬芳冰室所以我就決定帶朋友黎到萬芳冰室一入到去成個懷舊感覺都系度佢既裝潢設計等等全部都令人好似置身系80年代咁再睇埋餐牌 滾水蛋、蝦多士、果占多士等等都系一d舊式餐廳先有幾會有但估唔到萬芳冰室又做得咁好有埋呢類食物！網上睇到人介紹佢既招牌生炸雞脾 我同朋友都忍唔住各叫左一個生炸招牌雞脾太陽蛋飯結果你睇下！超大隻炸雞脾佢並唔系粉漿面大 而系佢實實在在好大隻！配埋個叉去睇個比例就知佢幾大佢唔會炸到d肉好乾 佢嘅皮又薄又脆重點雞脾皮下脂肪差唔多係冇嘅令我更加想食晒啲皮佢嘅飯份量亦都唔少一定夠大家飽肚配埋太陽蛋 蛋汁撈豉油飯簡直一流佢哋紅豆冰都好好味㗎紅豆唔會太硬 食落夠綿 但又未去到爛個種所以好好咬口配埋上面嗰層好香嘅奶鍾意懷舊野嘅朋友話紅豆冰上面嗰一舊碎冰都十足以前既做法仲有叫咗萬芳星洲炒米（配鳳尾蝦）結果冇令人失望佢嘅配菜有蛋、火腿、青椒、芽菜、叉燒條同埋佢哋重點鳳尾蝦 佢嘅鳳尾蝦一啲都有五至六隻 而且每隻都唔使唔系蝦仁黎星洲炒米重點在佢要炒得夠香呢一碟星洲炒咪就正正做到又香又濃味總結覺得萬方冰室大家可以去一試相信我都會系

早已經聽過萬方冰室的大名，今晚一個人來到晚餐。原來商場這邊正在做裝修，餐廳的門口有點隱蔽，但是剛好外面有一位管理員，問他就找到了。點了一個最出名的沙丹豬扒飯，他不是在晚餐的名單中，是要另外單點的，有豬扒、太陽蛋、菠蘿，豬扒大大塊，肉質較為瘦，質感較實淨，菠蘿甜又多汁，和豬扒一起吃，豐富了它的味道，太陽蛋汁可以拌飯吃，幾款東西伴在一起，味道也蠻夾的。然後選了自家煲仔的菊花茶，是以支裝呈上的，味道頗為清甜，可以清清熱，也不錯。

早收工去左萬芳下午茶之前見過朋友食炸雞肶沙拉已經好吸引今次決定去試下！餐廳環境都幾中意，適合一眾網紅影相打卡既復古風～Order左個炸肶同公仔麵 個炸肶真係好好味外皮好脆 但入面又有肉汁 啲肉唔會太熟又唔會有血絲 炸到剛剛好 一個字正！

呢間冰室既主題係懷舊風唔單止係環境食物都係一樣有好多已經好多餐廳冇再做既菜式呢度都有五香肉丁炒通粉炒通粉真係咁大個仔第一次食不過比佢個名吸引到一黎到就聞到勁香既五香肉丁味炒通粉既口感好得意有點像炸到脆卜卜既爽快口感五香肉丁極香！！超邪惡推薦個醬汁好香，有好多肉碎😍咖哩三寶撈丁鐘意食撈麵既人一定好鐘意食包括左我友人食既呢個好岩d鐘意食辣既人食！三寶分別係魚蛋，豬皮，蘿蔔最最最最特別都係佢既咖哩辣汁！！準備爆汗吧！！

今日黎屯門有野做，緊係要去食我好鐘意既炸脾啦去到差D以為已經關門冇做好在只係裝修!!!剛剛到下午茶時間可能係平日既關係, 人流唔算多但係都坐左8 9成平時假日就可能要等位食個茶餐就岩哂生炸招牌雞脾雞脾可以簡瑞士或者炸既，我就揀左炸雞脾隻炸脾成隻手掌咁大！！一個人食都已經夠飽炸脾熱辣辣，個皮超脆!!切開既時候係出哂煙架雞肉好滑，好好味食雞脾一定一定要食埋雞皮兩者一齊食個口感先係最好既脆脆的雞皮加上嫩嫩的雞肉無敵的正!!

昨天感冒了，喉嚨也不舒服，今天出外找吃的愛到這家吃下午茶 份量十足 大大塊的炸豬排，很銷魂，因為生病，就叫了薑檸樂，熱熱的，喝一口好舒服，感覺鼻子也同氣了，渾身又有了力氣，好讚！

店舖以藍色為主調，前面是方枱為主，而後面是卡位為主，充滿懷舊冰室感覺。由於之前試過不俗萬芳炸雞脾，所以今次想試下其他食品。點了餐牌推介焗黑椒雞扒飯$55，然後跟餐+$15紅豆冰。焗黑椒雞扒飯:有兩大塊巨型雞扒，上面佈滿黑椒芝士汁，芝士醬能造成些微拉絲效果。旁邊還有朵西蘭花和兩顆切半車厘茄，加添健康色彩。意想不到當中雞扒肉質嫰滑，非常入味，黑椒味香濃﹗紅豆冰:紅豆份量夠多夠淋，粒粒分明，食落香甜軟腍兼起沙，且不會過甜！奶味夠重和滑，紅豆和奶分量配搭得宜。

今日同男朋友行完山，落到屯門見到萬芳冰室，記得曾經某報章報道過，二話不說拖住男朋友入去試下先，內裡既裝潢風味十足，淡藍色既主調，舊式水磨石地板，最重要既係有扁平式既卡位雅坐，小時候既記憶一下子返哂黎。炸脾煎蛋飯男朋友行完山好肚餓兼且訛稱大把配額，所以點左呢個炸脾煎蛋飯，熱辣辣並且十分脆口，一啖咬落去d肉汁係咁流哂出黎，裡面既肉質仲保持得十分嫩滑，勁正呀！蕃薯糖水我自己點左一個糖水滋潤一下，呢個蕃薯糖水好夠薑，辣度十足，糖水甜度恰到好處，蕃薯亦都十分之甜，無被糖水既甜度蓋過，大讚！

國內嘅朋友嚟咗香港，我就梗係帶佢試吓香港嘅原始味道啦，今日嚟到萬芳冰室，呢度嘅裝修十分之懷舊，充滿着六七十年代嘅香港嘅味道，但係你唔好睇佢裝修咁懷舊啊，啲食物一啲都唔懷舊絕對講得上係新潮啊。粟米雞粒飯，一上枱新鮮熱辣，份量都唔少架，雞肉又滑又爽，我朋友食完大贊好味，呢間冰室果然係與時並進啦。我就叫咗個白汁焗魚柳飯，叫得焗飯就梗係要等番一陣啦，因為新鮮焗起㗎嘛，一上枱，已經聞到震震嘅芝士香味，魚柳十分之大件，而且仲有兩件啦，果真抵食，依個飯係炒飯底，粒粒飯香，而且仲有雞蛋嘅香味，果然頂呱呱，份量又大，真係幾大食都夠晒飽至於飲品方便我就叫咗一杯唔係度度都可以飲到嘅谷咕，記得細個嘅時候，去茶餐廳都可以飲到，但係而家嘅香港，已經唔係間間茶餐廳都可以再品嚐到啦，難得可以喺呢度一再遇見

懷舊特色情懷嘅餐廳買少見少， 喺香港仲有幾多懷舊嘅回憶可以畀我哋搵到呢？今日朋友就帶咗我呢啲間懷舊嘅冰室， 回味一下60年代嘅香港呢款地板再配呢款櫈，昔日嘅香港口谷口古 + 自家製菊花茶唔知大家知唔知道口谷口古係咩嚟呢， 呢種消失咗喺大眾化裡面嘅飲品，其實就係朱古力，比較濃比較甘嘅朱古力飲品， 我諗過多十年之後可能就唔會再有呢樣飲品出現喇自家製菊花茶菊花味濃， 係清熱消暑解渴嘅好選擇😀咕嚕魚飯咕嚕肉食得多， 咕嚕魚又真係比較少見， 有別於咕嚕肉嘅質感， 魚塊食落酸酸甜甜， 送飯一流椒鹽豬扒飯豬扒嘅份量都好足夠， 有成半碟咁多， 惹味嘅豬扒配合甜豉油撈飯， 不錯萬芳冰室見到港九新界， 想保存呢種回憶或者體驗懷舊嘅氣息，呢到就有喇， 特別提一提侍應服務唔錯，制服亦好有歷史味

自上次食過難忘既豬扒飯後,總系想搵D平民化美食,今次經朋友介紹黎呢間冰室食招牌炸脾飯,落單後等大約十分鐘左右就送到枱面,隻炸脾同白飯各佔整碟飯一半,有隻太陽蛋就放左系白飯上面,再加多舊西蘭花,成碟飯就盛惠五十蚊,將隻炸脾斬件裹面系全熟,皮脆香口,奈何凍熱杯品收正價,整碟飯都算收引.,值得再食.

懷舊的感覺不錯，可樂加姜熱熱的，暖心！瑞士雞翼濃油赤醬似的也不錯，喜歡他們家的奶茶，從杯子到口味都是絕對的香港情懷，還有大大塊的炸豬排，讓你口水直流，性價比很高，味道也算鬆脆肉香，即使是發育中的男孩也可以很有飽足感！讚讚讚！