葉滿記快餐美食

营业中

休息中

土瓜灣街市檔車仔麵由細食到大已經幾十年你睇下佢個電話號碼仲係七位數字你就知道佢歷史悠久講番碗麵先 我幾乎每一次都係叫牛腩豆腐卜炸韭菜餃油麵非常之好食足幾十年 完全一啲都冇改變完全唔會有過份味精牛腩真係畀幾嚿靚牛腩你豆腐卜冇鹼水味無臭味你可能會覺得呢個要求非常之低但係請記住呢個款嘅只係34蚊街市熟食檔當然冇環境裝修 冇服務有嘅只係街坊 姐姐們親切的笑容仲會問你 有冇帶遮 今日好熱 我幾十歲人都仲畀人問細路你夠唔夠飽呀 呢三句說話係無價

周末想吃一個快午餐，便來到葉滿記吃了一個全日特餐 - B 餐。全日特餐分A 餐和B 餐，A 餐是火腿奄列 ，B餐 是餐肉+火腿+腸仔+炒蛋 ，注意，不是任選一，而是全部都有。牛油多士烘得十分脆，亦有牛油的香味。餐肉、火腿、腸仔水準正常，不過不失。炒蛋不是滑蛋，如鐘愛滑蛋的朋友可能會不喜歡。牛肉米粉牛肉份量足夠，而且夠牛肉味，不錯。最有驚喜是凍檸水，糖水不會落得太多而過甜，而且每啖都有一股獨有的清香味，在其他茶餐廳是未曾嚐過的。檸檬咭得愈欄愈有味道，亦都不用膽心會過酸。一個特餐以$31一份的價錢來說，葉滿記可說是物超所值，味道正常，還有一杯帶有驚喜的凍檸水。

趁住放假就陪媽媽去街市買餸，順便食個早餐。土瓜灣街市入面呢間葉滿記車仔麵檔長期都坐滿街坊，可見係深得街坊喜愛。早餐款式有車仔麵款式，亦有一般港式早餐快餐。宜家好難得仲可以用$26食到個早餐set，唔好以為平嘢無好嘢，味道唔差㗎。係呢度食嘢仲會食到人情味

今天放假。早上外出土瓜灣順道去圖書館還書。我當時很想吃車仔麵並用手機在"開飯喇"的搜尋附近，見「葉滿記快餐美食」有好評的車仔麵，決定試一試。麵劏的煮食設備和擺設有點陳舊，衞生就一般。我外賣車仔麵點了三餸有牛腩，豬皮，豬手及幼麵。先品嚐牛腩，食起來腩肉鬆軟，軟韌度適中，腩肉爽雜著腩汁又多，嚼了二三口就溶化。腩肉味濃，羶味就不覺得有。原來有牛根，用筷子夾起柔軟的根條。咬開時筯𨫡鬆軟，並不黏牙。滑溜溜的，口感一流。豬皮層薄，口感爽滑。炆得夠入味，咀嚼剩餘的渣宰不多。至於豬手就差一點，問題在於豬皮有點粗糙，影響了囗感，皮骨之間筋腱組織較薄。不過，尚算嫩滑。幼麵，爽口彈牙，掛上濃郁的腩汁，味道十分之好，食後回味無窮。湯底味道濃郁，好重醬汁味道。這個車仔麵認真是一流的美食，非常滿意。

係土瓜灣返工真係唔怕無好野食，大至意大利餐到車仔麵既美食都可以係土瓜灣呢個小小地方搵到其實車仔麵係呢區有好多間，但係街市既熟食檔呢間就我食過既最好味一間環境衛生一定係街舖咁好，而且地下濕濕，膠圓形既凳，鐵枱。不過，呢度充滿人既笑聲，客人同老闆鬼馬對答，幾個老婆婆圍埋吹水，公公望住窗外食麵，人生百態盡入眼廉餐牌非常簡單，唔同餸搭唔同既麵種今次叫左我既至愛，3餸 豬手 墨魚丸 蘿蔔 河粉 加辣汁叫完之後要比左錢先，之後慢慢食都無人催你走。大概等5分鐘，大大碗既河粉端係你面前。兩大舊豬手，兩粒墨魚丸，3舊蘿蔔，一匙香香既咖哩汁撈一撈勻個汁同河粉，發覺河粉好滑，幼身，份量幾多。咖哩汁汁食落口有好少辣咪，河粉軟棉棉，滑嘟嘟，相比好多其他河粉舖頭更好味豬手好大舊，軟淋淋，而且淹得好入味，更重要係有兩舊，咬落去仲食到豬手骨間既軟筋，食完一舊會令你好想快啲食埋第2舊墨魚丸大大粒，可能中間剪開左個十字，更覺大粒，咬落去好彈口，而且食到墨魚膠既質感，唔會死實實，唔錯!蘿蔔索左啲咖喱汁好juicy好入味，比街邊咖哩魚旦果啲更覺入味，蘿蔔淋身得黎唔會一咬就爛，食落口仲感覺到有汁留入口添，好味唔使10分鐘就ko

食客不少，外賣約佔1/3。本來叫的是牛筋，韮菜餃和豬紅，但送來的卻沒有餃子，而是白蘿蔔，但見收的錢沒錯，猜是店員和我一樣心不在焉，她落錯單，我即時又沒發覺價錢不對。因為少來，不大看得明白價錢收費，研究一回發覺應是牛類的和韮菜餃也要每款各加三元。味道是一般的車仔麵檔，我只注重衛生，其他也不荷求了，但白蘿蔔好像沒peel皮。牛筋可幸不靱，粉頗多，所以要快吃，否則湯很快消失。有政府Wi-Fi用。

又是週末到紅蘋果街市的買菜時間。今次來到最近出入口的"葉滿記"，放棄了最常吃的ABC，要了一碗豐富的四餸車仔麵....魚蛋、唐生菜、豬皮加牛腩，全是最back to basic的配料，再加上最愛的滑嘟嘟油麵，加起來就是一碗平凡得來卻美味的"嗱喳麵"了....所有配料的味道皆不過不失 --- 魚蛋不算是腍身至吃到一口粉之劣貨，但魚味欠奉；生菜夠爽，始終是近水樓台，菜蔬的新鮮程度自是不用懷疑的；豬皮不過爛，仍有咬度；牛腩反而不夠腍糯，有渣，柱候味弱，算是落後的一環....枕邊人的鮮牛蛋治可是令人眼前一亮。牛肉不是令人吃至脷也麻木的化學品，而是經沙爹醬處理過的多汁鮮牛，吃落仍殘留了丁點牛肉粗嚡質感，已是相當不錯的了；蛋是煎得有點過老，三文治包也烘得不夠金黃勻循，但對於那沙嗲牛肉來說，只是純屬配角而已....差不多已吃遍街市內大部份的熟食檔，是時候轉回一下落腳之地吧.....

外母最喜歡到土瓜灣街市買餸，經佢介紹試過這裡的抵食車仔麵。地方係街市內當然唔算好好，但還算得上乾淨而且都有空調(不過弱d囉)。三餸一麵只售$11，又或好似我咁乜都唔諗叫碗雜錦麵有5~6餸都只係售$15。我眼中車仔麵只得"唔難食"，"好難食"及"好鬼難食"三種，而佢地就屬於"唔難食"一類。碗麵算幾大碗，蘿蔔入味又無渣，其他餸既味道適中亦不過濃。佢既湯底雖然亦有師傅但只算輕微，算係咁啦。出面其他好多自稱好食既車仔麵好多時落好鬼多師傅，依道已算有良心。佢地係果樹算"早收"一族，下晝三點幾去的話可能收左工又或好多餸都賣哂，唔好太遲去呀。某朝早聽收音機亦聽到"晨光第一線"曾智華不點名介紹過，相信在土瓜灣街坊內都d名氣嫁。