葫蘆燒肉刺身

营业中

休息中

揀左c餐 送嘅刺身拼盤3樣刺身一人得一件 不過都好彩佢比咁少 因為啲刺身質素仲差過爭鮮燒蠔又腥又細粒嘢飲每人得兩杯 飲完兩杯再嗌就要加錢 嘢飲依啲咁平嘅嘢做放題都唔肯俾人任飲 超級孤寒全部肉都超級薄切 又乾又嚡 冇一樣係好食 全部叫完一次都唔想再叫第二次 完全食唔飽間餐廳已經好細 又冇抽氣系統 所以油煙勁大 食完出嚟成身成頭都係油煙味 超級後悔去咗食 成餐飯我諗唔到邊一樣嘢係好食 每人298仲要加一 咁嘅質素竟然夠膽收咁嘅價錢 去食牛角會開心好多

番約埋三五知己，成班嘈友搵地方聚會最怕太靜嘅餐廳😆今日試朋友推介嘅燒肉店食放題🤤朋友叫左個D餐！送「鹿兒島和牛」「蒜蓉燒蠔」「燒蝦」「刺身拼盤」 ❤️omg太多了吧🤤燒蠔好正😊脹卜卜，而且嗰啲蒜蓉睇到調咗味，好方便，唔使自己調味，蝦我敏感，俾晒其他朋友食，仲有「清酒煮蜆」「蒜蓉燒青口」」「蒜蓉小貝柱」，我妹仔肚食唔到，朋友一次過嗌咗勁多！過足海鮮癮😆我就梗係佢嘅安格斯牛啦！啲牛都紅卜卜，睇食評啲人話佢哋嘅牛油問題？我覺得OK喎，紅卜卜之餘，都有幾款靚牛選擇，鍾意食肥啲嘅就有「特級牛五花」」「「安格斯牛空腹」，我就鍾意食有牛味香啲嘅「安格斯牛版腱」「安格斯牛肩胛」鹿兒島和牛，問侍應話和牛係肩胛位，非常可以，不過食幾塊就油膩好飽🤪安格斯牛牛肩胛、安格斯牛版腱，幾靚仔🥰肥嘟嘟，厚薄度適中，最怕淨係一味追求厚切，完全唔識食燒肉嘅人先至淨係識厚切，佢哋呢個厚薄度，我可以食到好多塊，亦都方便我亦都方便我燒烤，可以好快就食到，有冇錢賺㗎？🫣放題有呢個質素，非常OK，平時食開放題，淨係得啲筋同埋肥肉，一係就太厚，一啲牛肉嘅口感都食唔到，呢一間食放題，果然冇介紹錯！基本上咩口感嘅牛都試到，可能因為我叫D餐

第一次寫食評，差到忍唔住要寫，避免更多人中伏巨伏！肉質素差，仲差過超市買剩肉，又細又薄又變哂色仲差過小學雞燒烤既野食店舖自己食得落口先好開門做生意吧絕無第二次吧

間嘢得罪咗咩人😂我又差隻腳先，真食客comment😂呢間放題安格斯牛任食，一人只係2百蚊。要食到有質素嘅牛又可以食到唔同嘅食品，呢間任食放題,係新界唔錯選擇，呀叔我最鍾意揸車睇住Gxxgle地圖 + Openrice周街搵食。唔我俾佢哋sell到C餐，但其實我並唔豪氣，因為佢哋做緊優惠時段收小童優惠價$238。送刺身 & 炸野拼盤、仲有3隻蒜蓉燒蠔(可以揀大蝦)，仲有2杯飲乜都得喎，非常充實蠔相送個刺身來我即刻食哂，幾款都夠鮮味燒蠔好入味，食夠3隻過足口癮炸嘢呀叔唔敢食得多，不過我諗呀囡喺邊度實食哂，岩哂小朋友，我揀C餐除咗牛之外，其實仲因為有任食安格斯牛肩胛、醬燒墨魚仔、清酒煮蜆睇下啲墨魚仔幾脹卜卜，好吸引以下呀叔要食家上身，話說好多友成日都認為抵食就要夾大件，錯啦，真正公道嘅識食係要識留意個師傅想法，究竟佢哋有無衡量食材本身嘅屬性下，為客人作出最岩嘅安排，例如燒肉類：安格斯牛肩胛，牛板腱等等切法，呢間個厚薄度是正確，因為本身該部位係有少肥肉+少筋位，太厚就會難熟而且咬落會難咬，亦不能讓客人用膳時盡情投入地，一口一啖肉嘅燒肉基本要求；牛胸腹 & 牛五花, 係屬於相對重肥肉+有筋嘅位置

呢間燒肉店成日聽啲飯腳提起，於是今日就試下佢真章～佢哋晚市放題 有4款，而我就揀咗 C 餐，仲因為我8點半後坐低，所以 全部只!收!小!童!價! 仲話 如果無人等位訂枱，基本上係無限時！任食！ 大癲！！！！！C餐: 大人價$298, 小童價$238, 我今日4個大人，位位只收 $238 仲要真係由於夜咗無人入坐，真係無趕我哋班友走 任我哋食！送嘅燒蠔有調好味嘅蒜蓉配料，夠肥夠甜！我後尾仲encor 咗半打hahaC餐安格斯牛種類都夠選擇，任食仲有牛舌，牛舌同啲牛切得厚薄適中，識食嘅都知，太厚又會食得幾塊就太膩就飽 , 老人家又點會咬到，所以我buy 佢哋個厚薄適中，難聽啲講，任食喎！我食到幾多就當然好depends自己啦，好采嗰日我夠餓哈哈食幾多嗌幾多❤️👍🏻 早幾個月晏晝食過一次，對比返今日，啲牛嘅厚薄度的確改善咗，牛舌仲大塊咗！幾款牛都紅卜卜，個日本雞肉好食有雞味唔蘇！又有啲墨魚仔, 鯖魚, 腩片, 厚豬頸肉,大塊日本雞皮燒等等等⋯⋯細佬難得入嚟元朗陪我食飯，後生仔食得好飽好高興😆佢哋嘅牛無做醃味，要俾讚！食開燒肉都知，咁先係日式燒肉店，咁先食到牛味。牛仔骨嘅口感來源，本身就係由

我第一次未食完餐飯已經忍唔住打負評....佢係我依兩年食過最差既餐廳當初第一次行過見到老闆好誠懇咁介紹, 話自己媽咪係日本人啲食材當地直接拎特別靚, 而且今個月仲做特價全部人小朋友價錢不限時去到今晚我特登去食, 真係超級無敵後悔, 亦明白點解老闆要咁誠懇拉客!!!1. 餐廳抽風好差, 但每台都燒緊肉好大油煙, 入到去隻眼已經唔舒服2. 每張枱都好細, 唔會夠位放嘢食, 搞到生同熟嘅嘢要迫埋一齊放3. 啲肉薄到我以為自己打緊邊爐, 燒一燒就黐底, 仲要完全冇調味咁, 同自己喺凍肉舖買嚿肉返嚟解凍完直接燒冇分別4. 叫咗兩杯乳酸飲落係暖嘅, 叫支啤酒係室溫嘅5. 成餐飯我見過兩次有細蜘蛛喺前邊行過6. 每次叫完嘢食都會收走張餐牌, 想落單就要再叫佢俾張你, 感覺就好似唔想你落單咁7. 個青瓜係酸到誇張, 一咬即刻吐出嚟餐飯真係好差, 食完超級不爽, 大家真係三思而後行, 唔好俾錢買難受

叫左個B餐，都冇預佢好好食，但佢d牛真係好韌，牛仔骨直頭咬唔到🫠環境方面，好大煙，係咁流眼水🥲每次叫野食都收起畫野食個牌，每次叫野食都要問佢攞，好煩！冇預你好食，但都唔好差到咁丫！

最近我想吃燒肉，恰好在元朗附近發現了一家名為「葫蘆」的燒肉餐廳，於是決定前去一試。既然是平日午市，餐廳有提供一些優惠的午市套餐，但我還是選擇了一人燒肉套餐「安格斯牛肉及牛舌芯套餐」。令我印象深刻的是，餐點送上來的速度非常快。餐廳提供了三種醬料供我選擇,分別是鹽醬、燒肉醬和蒜味。我發現鹽醬最為適合，只需少量就能突出肉的鮮味，而燒肉醬則太過濃郁。至於燒肉本身，剛開始可能爐還未完全熱透,所以烹煮的過程較慢了一點。而張枱較細，燒肉時有點手忙腳亂。肉方面份量較少，如果男生相信要增量才夠食。味道、肉質正常，其中牛肉的部分，肥膏的比例稍多，在燒烤過程中會產生一些脆邊。價格算實惠 - 單一套餐$78，有三片牛舌芯和四片牛肉。（雖然好薄身） 但碗飯夠大碗，可填飽肚。$2加購一杯熱飲，我選擇了養生的熱生薑蜂蜜飲品，應該有助消化。整體來說，不過不失，評分如下：環境：🏅🏅🏅🏅味道：🏅🏅🏅性價比：🏅🏅🏅🏅

我同女朋友尋日，揀左C餐優惠價268，加埋加一差唔多三百蚊.一坐低已經唔對路，d煙周圍都係，通風極差我女朋友比煙燻到流眼水.我唔知點解有人影到有d肉又大又厚但我尋日食既係一係薄到痴線，一係韌到痴線.而且細到好似未張開既tempo紙巾咁大叫既金菇得一啖，重要叫咗幾次就話賣晒.而翠肉瓜兩塊仔都比佢切到得1mm厚，食刀功呀？就算唔講份量，啲肉味道都麻麻. 個麵豉湯淡到似水，連叫貨嘅中華沙律都係又硬又冇味.未試過呢個價食倒咁細既份量同咁劣既質素…..咁佢地要用膠板用白板筆落單，就填左兩次清酒煮蜆，廚房都扮晒野睇唔倒咁唔上菜，要搵職員叫先上.而且我地每次交完單，佢都好似收埋左塊板咁，要叫先會拎返塊板出嚟.係咪想增加我地落單成本黎到慳皮？感覺好唔老實咁.呢間餐廳真係冇一樣野係做得好，咁既價錢咁既質素仲收加一，其實都算厚顏無恥.真係好後悔尋日冇影相影低佢地既罪證

行過朗屏天橋底見到有間燒肉店做緊放題特價又見到門口店員(後黎先知原來係老闆)態度非常之好又落力介紹，所以就訂左另一晚既晚餐。現在佢地做緊七時前入座B餐原價$208會特價$158。先講環境，呢間小店得30個座位，中間既二人枱係比較細張。抽風系統係比較麻麻但都可以接受。燒肉既牛肉係中級質素唔算太靚，但都靚過其他百零蚊平價燒肉同火鍋放題果d好多。豬肉就唔係用平價巴西同美國豬肉，所以算係幾好味。雞肉就最正啦，估唔到百零蚊會有日本華味雞食👍其他菜蔬同小食都合格啦。服裝方面就真係唔差喎，店員幾勤力清枱又好肯回答客人問題👍希望小店能夠再努力改善吓個排風系統同繼續增加多d小食同蔬菜😊

我睇到有foodie推介呢間燒肉店，見落幾吸引，有抵食，就黎試下！我見到午市套餐真係好抵，幾十蚊就食到！我就揀咗Prime牛肩胛、安格斯牛頸脊、封門柳！仲要升級增量咗🤭百零蚊黎講有中華沙律，有麵豉湯，有紫菜飯，仲有咁多肉！我覺得真係好抵食！全部肉都唔錯，有厚度，有油脂！而且有唔同嘅燒汁、鹽醬等醬料點，真係好滿足！🤤🤤中華沙律正常發揮～麵豉湯唔會過鹹！食到超級飽！我覺得揀正常份量會冇比較少肉，建議增量😬

見有燒肉放題係屋企附近就諗住試下B餐 $208+1 有牛豬雞 送野飲同天婦羅未試過去一間燒肉店可以煙到眼痛全程對眼一路都處於唔舒服既狀況二人枱好細 放左杯野飲 加汁碟已經無乜位一坐低完全冇招呼 完全唔知道要點做冇餐牌 冇qr code去到隔一陣終於有人拎個餐牌然後即刻頭也不回就走咗喺放題張卡紙度填咗想叫啲咩但係最後嚟嘅同我哋叫嘅唔同燒肉 連夾都唔俾 要叫先有😂而肉既質素同我自己去啲街坊凍肉舖買返屋企自己燒差唔多無下次

食物和服務質素都有待改善…沒有清晰指示如何點餐，店員都欠主動，多次詢問後才有所行動。食物方面，除了雞腿肉之外，其他牛肉燒烤後都難以進食，不予置評…現場環境很大煙

今日上堂路經，見新開想試下，見一個人都冇就走入去試，點知就中伏！服務上：指向餐牌同佢講我話要7prime 牛肩胛+安格斯牛頸脊（$88），點知佢嚟個7prime牛肩胛+封門柳+安格斯牛肋肉（$105）！上咗枱後我都唔留意，到收錢發現，再問番職員，但佢懵然不知佢自己落錯單，落錯單仲話計咗服務費。算我錯，上餐時冇留意。味道上：麵士湯：味道較淡，唔喊。牛肉：原味上，沒有好似其他會經調味。醬料：得鹽味，辣味，蒜香燒肉味。水：有啲青檸味。總結：只係服務上差啲，其他可以接受。

🤍90分鐘成人優惠放題 $198呢個套餐任食燒肉、魚同蔬菜😍必食燒肉有豚肉、雞肉同內臟超級推薦牛舌芯 又薄又嫩🐮雖然呢個套餐唔可以任食牛肉但每人都會有一份免費嘅燒肉拼盤😋拼盤有牛五花、牛板腱、封門柳同虎蝦雖然係免費 但質素同份量一啲都唔馬虎🤩所以個人覺得 其實$198已經好夠食如果想任食牛肉 都可以升級叫$328套餐🥩-另外 每人仲免費包一杯嘢飲 今次就叫咗波子汽水🥤紅棗茶同薑茶☕️就連生啤都係免費架🍻-除咗燒肉 套餐都可以任食主食紫菜味素飯配燒肉真係好正🍚-以$198嚟講 有咁嘅質素真係性價比好高🤤不論午市定晚市 平日定假期都係同一價錢餐廳位置好近西鐵站 好方便🥰不過餐廳平時都好full所以想食就記得預早book啦😙-回訪嗎：🙋🏻‍♀️