葵記茶餐廳

营业中

休息中

之前都有去開食呢早餐，每次都會叫鮮蝦水餃幼麵。以前啲姐姐好好傾，態度又好。後來佢哋無做之後，好似啲欣素差左、貴左。今日再去一次食，再叫鮮蝦水餃幼麵、凍檸茶走甜。第一杯佢畀錯左，勁甜。仲係得一片檸檬。我以為我未訓醒，後之叫個姐姐換過杯，真係走甜........離譜到真係得一片檸檬.........碗麵又細左。仲貴左咁多。食完仲肚屙。。。。永不錄用。。。。

魚片頭白魚蛋麵+熱華田 $36.00魚片頭同白魚蛋彈牙有魚味，麵都爽！流心西多士 $33.00呢個幾好食，做到流心效果，唔會太甜，又唔會好燶。香炸粗薯條 $23.00炸得香脆唔會好乾。食物質素中規中矩，但由於佢間舖有室外位置，仲會中門大開，所以即使坐到最入都係會聞到勁大陣煙味，而且職員嘅態度真心唔得！

我一向很少寫評語，但今次真的要寫了。我與媽媽平時都會到藍地大街食早餐，今天就在葵記。點了早餐，但忘了說「不要包」，所以之後就麻煩了樓面。後來早餐到，尚欠熱飲一杯，因此就跟同一位樓面說：「唔該，尚欠一杯熱央」樓面哥仔竟回答：「不如我叫師父出黎，你自己入去整啦！」態度差到一個極點。在這間店遇到差的服務態度不是一次，這間餐廳不會再來了，不是說一定要很好的服務，也不同意顧客永遠是對的，但態度如此惡劣就下次免談了。原本我都鍾意係葵記食飯，但最近幾次都遇到不禮貌對待，自問說話都相當有禮，亦唔係多多要求，但對這樣無禮的對待感到非常不快。如果大家打算來這裡吃飯，就再考慮一下吧！

藍地大街好耐冇去了，今日去完藍地水塘下來就食飯，來了這間冰室，都幾多人喎，午餐選擇也好幾款，還有好多其他選擇的，看了一輪，我們就叫左兩個午餐一齊食啦！午餐有中式例湯，夠晒熱，有黃瓜，有甘笋，湯好夠甜呀，好味道！！梅菜蒸鯇魚飯，好大舊鯇魚呀，好多梅菜，葱粒，薑，好味夠熟又夠甜，魚肉都好夠滑，啖啖肉呀，送飯一流，d汁也夠甜。正呀！！勝瓜咸蛋肉片湯飯，好大碗，好多咸蛋，勝瓜夠甜，仲有肉片也是好多，夠鮮甜呀，好味！！

天氣太熱了，令到成個人都冇乜胃口🤤🤤🤤想食香口食物，最終揀咗呢間茶餐廳嘅招牌香炸五寶魚湯米粉，五寶包括有魚腐、春卷、蝦卷、魚片頭、墨魚卷，米粉入口彈牙，五寶確係炸得啱啱好🤩🤩🤩比埋泰式甜酸醬，完全滿足到我又想食香口嘢、又要開胃嘅兩大需求，以後又多個選擇了👍🏻👍🏻👍🏻

行完山到達藍地，發覺超多茶記同其他食店，呢間幾企理光猛，於是入去醫肚，未夠六點仲可以食下午茶。店名係魚湯專門店，但下午茶就冇一樣有魚湯。唔緊要，我們純粹是過客。魚蛋魚片湯河 $30 連飲品，冇河粉轉左米線。但好明顯呢！呢d 唔係米線，也不是米粉，不知是什麼粉？幾抵！好大碗！有魚蛋三粒，魚片兩片，菜兩條。味道也是中上，魚蛋彈牙，有魚味。另外，炸雞脾跟薯條，都係大大份，炸脾唔會炸燶左，薯條係好typical 既有曲曲紋的。沒有其他客人，個餐也是新鮮炸起的。

難得有連假，去左我媽屋企小休幾日，順便當渡假。對於我黎講，藍地嘅全部食肆我都未試過，充滿新鮮感，去邊間食都冇所謂。媽開頭話去食農家菜，話果度好味又有甜品。但是日天氣又熱又曬，行到呢間重開店，媽就停左腳步，原來媽想食蒸魚。結果媽就點左梅菜蒸鯇魚飯，我就點左雪菜肉絲炆米，配熱奶茶同例湯。梅菜蒸鯇魚飯: 梅菜唔會好咸，但醃過食物少食為妙，鯇魚好鮮，蒸到好滑，蒸到恰到好處。魚汁豉油下一流。雪菜肉絲炆米: 雖然份量夠晒大，炆米冇味，肉絲亦都冇味，連我媽試過都話冇味。雪菜應帶少許咸味，雖醃菜少食好，但完全發揮唔到味。例湯係豬骨湯，食完冇口渴感，應冇落味精，雖未至於老火湯，都帶少許鮮甜味。奶茶就冇乜特別，帶少許苦澀味，一般而已。媽話下次食有關魚嘅野，就可再食，其他就唔駛了。

有咩開心得過一起身就落街食飯? 就係一起身落去食一個常餐!講真好小去常餐,因為公司附近餐廳唔抵食,不過今日屋企附近依間就唔錯!佢地個西多士都好正 一切就有nutella係咁流出黎,仲好大件添常餐黎啦,叫左個魚湯沙嗲牛肉麵,仲有好滑既腸仔炒蛋三文治！個滑蛋真係好足料 ,食落好有蛋味, 仲有個熱辣辣既三文治喺隔離搽牛油食!! 個魚湯沙嗲牛肉麵唔錯,魚湯好甜 ,牛肉如果再多d就好啦.食埋呢個牛肉麵真心飽到傻左如果日日都有得去咁正既茶餐廳食就好喇!!最後飲左個離果賓治,大大杯好抵飲鮮魚湯

行山到藍地大街，沿途幾間都食過，天氣熱熱地想食下米線，有湯冇咁Dry，一心諗著去坐輕鐵，去到路口……鮮魚湯，拉埋個friend去試下有幾鮮。除咗鮮魚湯食品，餐廳都有一般茶餐廳嘢食，小菜、下午茶、炒粉麵都有，而我專心一意食鮮魚湯米線。單拼$32，加餸另加錢，望落個價有小小貴。叫了勝瓜、魚腐、鮮枝竹，米線份量都算大碗。一來即試魚湯，魚湯唔腥，魚味唔算濃，胡椒味較重，相比一般連鎖魚湯米線我會揀食哩間。我最終係飲到見碗底魚腐原來係即炸，外皮鬆內裡綿。食嘅時候令我有d唔知點揀好，因為炸嘅又香口，但浸湯又可以吸到魚湯，只好一口炸嘅一口浸湯我鍾意食辣，辣菜甫夠辣又香，實在想清清地嘆下個魚湯，所以只係試食咗少少。勝瓜、魚腐、鮮枝竹、米線再加凍飲$53，雖然有d貴，但食完個魚腐飲完個湯，值得再來。

開心等到4月放假啦，今晚來吃屋企附近葵記鮮魚湯！當初知佢嚟藍地開，好開心。依度晚市係點菜食飯，岩曬我地夜晚放工返屋企唔一定有飯食,但又想食屋企飯既人,食物份量都算多,又唔貴首先食左水煮黑豚肉，水煮魚食得多,依種做法既黑豚肉都係第一次食,香氣撲鼻既四川辣湯味，熱辣辣。看得見的豚肉和辣湯。辣椒粒增加口感同香嫩滑感覺。湯好濃辣味，廚師調味好好，豚肉好夠肉香,食落肉質滑嫩,份量都多,好大盤,一定要挑戰辣度之後食個簡單家常便飯,麻婆豆腐,微辣既麻婆豆腐份量適中,豆腐硬度夠爽，未到偏軟,但好滑。汁不咸不乾口，香味觸特,肉粒算林，整體配合唔錯最後一定要叫個白飯,麻婆豆腐無飯唔好食嫁

是日來到藍地大街替朋友新居「油油」。未工作，重要是填飽自己的肚皮！不過，當時正席新年，不少店也關門沒營業，除了這家。藍地大街主要以茶餐廳居多，是次惠顧的一家較貼近大馬路的位置。朋友說，這裡的炒河是不錯的，所以我們二人點了炸豬扒炒烏冬和乾炒牛河（$42）。先來的飲品質素非常差。。。凍奶茶多奶得很，凍檸檬茶則太甜了。推薦指數：1/5炒烏冬是有鑊氣的，但烏冬卻煮得糊口，豬扒也炸得偏黑，味道不佳。推薦指數：2/5乾炒牛河亦見同樣情況，河粉明顯用上太多油去炒、吃起來滿口是油，而且咸味不足，以致整碟牛河變成吃油炒的素粉。其他食材的味道也未於河粉中嚐到。推薦指數：2/5總括而言，有點令人失望，還是到對面買腸粉和燒賣吃較為化算和味美。