蒲點美式酒吧 (已結業)

八月上旬•晴還清楚記得，在飯局上看到紅牌威，我暗忖：「仲細咩？」言尤在耳，我卻order了杯Jack Daniel's。原因是，在附近有試食局，喝啤酒一肚水，也影響了吃東西，令已不能多吃的我，吃得更少。紅白酒不想喝，威士忌除了紅牌威，就是JD了。聞起來淡淡的，喝起來感覺很raw，因為都是散不去的酒精味道。ok，喝得仔細一點，感覺是「平穩又沒什麼上落」，哈哈。席間仲有咁arm得咁橋遇到熟人，當她知道我在喝什麼，還問：「你喝呢d野既咩？」妳都米話，靚仔果陣落老蘭蒲，真係最鐘意飲Jack Daniel's的，我都係飲「呢d野」才快高長大的。選紅牌威又或是JB也有買一送一，但JD沒有。好了，hea完，穿起外套，下一場工作，又開始，要回復「專業」的樣子了。

尋日星期6本來諗住去呢間吧睇波+飲野, 因為之前黎過感覺OK, 但點知今次咁唔掂.話說我尋日冇BOOK 位, 我都知世界盃期間冇BOOK 位係好大機會冇位架LA, 咁都諗住試下博一博LA, 落到去, 有個經理問我地有冇BOOK 位, 咁我地話冇LA, 佢話咁要等一陣喎, 呢場波完左有人走就可以安排位比我地, 咁我地當時見都冇人走左不過未執枱咪等囉, 點知等左2個字之後, 有另一個侍應又走過黎問我地有冇BOOK 位, 我又答多佢一次LA, 但佢今次就同我地講冇BOOK 位呢要等開左波之後十五分鐘先再睇下有冇位再安排比我地.咁我梗係追問點解頭先個經理唔係咁同我地講LA, 個侍應開始冇乜禮貌LA, 之後我再問佢同佢經理叫咩名, 佢應都唔應我地就走左....呢D咁既SERVICE 係出邊D BAR 都可以接受, 但如果係一間酒店既話, 係完全唔得囉...希望該酒店管理層正視下佢內部既溝通同對客人既態度!!

今年o既情人節晚餐,我同女友來o左呢間店食飯,入到o既時候出奇地冇乜人,心諗,一定係好難食啦,死緊!由於係一早訂o左枱,所以仲有卡位坐,都ok舒服.呢間店o係情人節只係得情人節餐,冇得散叫,不過算啦,間間都係咁ga啦.呢個餐有兩個主菜比你簡,一個係牛柳加龍蝦,另一個係煎鱈魚加帶子,各有一個湯,一個包,一碟沙律同一個甜品,d湯係龍蝦忌廉湯,好飲,仲有好多龍蝦肉,果碟沙律都ok好食ga,最重要係果兩個主菜都係好好食,先講個帶子加鱈魚,d鱈魚好滑而彈牙,帶子用芝士焗但都蓋唔到佢o既鮮味,跟住係牛柳加龍蝦,牛柳好多汁,好有牛味,可惜分量比較少,但仲有龍蝦,龍蝦係用波士頓龍蝦,超彈牙,又好有鮮味,真係做得唔錯.個甜品係一個拼盆,有一個提拉里蘇,一個芝士餅,一個咖啡餅,都okga,唔太甜.呢間店o既小二有禮貌到出奇,態度好好,成晚笑住幫你做野,呢點真係抵讚,情人節o既汽氛應該係咁先o岩ma.出年o既情人節又有多一個選擇啦.

這裡午市供應半自助餐。頭盤和甜品以自助餐形式自取，另外自選main course，凍檸檬茶也是免費refill。未計加一每位$83。放食物的位置其實不大，所以同一時間可供選擇的食物款式並不多。但餐廳方面會keep住出新款式，所以只要出多去幾次，其實都會有6-7種可以試到。頭盤方面試了菠蘿雞沙律，Pasta salad，凍火腿和煙鴨胸。另外也有數款蔬菜和dressing可以自己配搭。全部既味道都唔錯，供應既蔬菜都好新鮮。湯方面出過兩款，分別係南瓜忌廉湯同磨菇忌廉湯。試左南瓜忌廉湯，味道ok，不過太杰，可能係煮得太耐。麵包都有兩三款，不過冇試到。Main course選了西冷牛扒配薯菜，不過比起頭盤既質素反而差左。西冷牛扒要五成，不過有d韌。薯菜係薯茸，不過唔夠滑，KFC個d仲好味。甜品又OK喎，中(綠豆沙)西(果凍、Bread pudding)式都有。試左幾款蛋糕，包括blueberry cheesecake(一般，唔夠滑)、朱古力蛋糕(偏甜，但可以接受，朱古力味都幾濃)、仲有Creme brulee(雖然甜左d，但係好滑好滑，亦好香蛋味，係咁多甜品之中最好味既一款！)我覺得都幾抵食，連

星期二，來這裡 happy hour，因為太 miss 青島生啤。與男友各要了青島生啤和hoegaarden。不久，侍應端上了一小砵鹹爆谷。今次的鹹爆谷，好像冇上次咁香脆，差不多吃完時，侍應竟主動替我們 refill 了一大兜，記得上次都沒有這個服務，簡直喜出望外。計計數，每杯生啤約是 $55 左右，happy hour 更是買一送一，加上任添鹹爆谷，絕對係抵！

灣仔美食密集，食完金鳳，龍蠢蠢欲試對面舖的新景園，只是當時餐廳休市。二人又四圍逛，走著走著，被利景酒店的cake set海報吸引了，進去一看，環境闊落舒適，冷氣大開，實在是避暑勝地。當時我也想吃甜，一於一人一個cake set!　蛋糕只有tiramisu與marble cheesecake兩款，我們每款來一個，前者毫無味道，可謂難吃；後者依稀有很淡的芝士味，加上朱古力醬還算可以接受。　可能是bar關係，飲品的水準明顯好很多，iced latte口味較淡，但勝在口感幼滑與豐富泡沫；iced mocha就充滿朱古力甜美，清涼解暑，cool!　不錯的環境與服務，如此茶餐只需$42，雖然蛋糕水準強差人意，仍不失為一個避暑/小歇/HH的好地方。

估唔到自己會在這裡看晒兩循環賽事，上次作客輸了，今次誓要仇的車仔，一眾情緒高漲的球迷，擠滿全餐廳。是夜每位$100，包兩杯飲品，第一輪要了champs draught beer，一樣的味淡；跟著要了樽裝喜士伯，冇生渒咁口飲，一來唔夠凍，二來太多氣。睇看被曼聯追平，車迷個個死晒火咁，到獲判12 碼兼中酷，全場歡呼，包括我在內，因為我覺得可能會發生奇蹟，就係車和曼在餘下比賽都是一和一貝，而我哋就連勝3 場全取9 分，以一分之微力壓車曼封王，XDDD，發夢完畢，多謝！

星期日在灣仔188 買完嘢，見未到9:00，想起champs 還有happy hour，於是便來飲番杯。在門口看到happy hour buy two get one free，心暗咁快加價了，但也照去。選了吧枱，點了青島和hoegaarden 生啤，最奇妙是waitress 無端端送來一小盤鹹爆谷，牛油味頗重，不合我，但鹹鹹香香幾好食。飲到咁上下，waitress 問我們用不用攞埋free 嗰杯，方知原來hh 仍是買一送一，只是promote 的warsteiner 才是buy two get one free，見有第二輪，便多點了一客薯條，大大籃，香脆可口，吃完都不用晚餐了。

看完場波真係心都o翕埋，冇嘢好講，都係講番食物。是晚也是點了青島啤，味道好似差咗，而且唔夠冰涼，跟著來了兩杯champs 和一客薯條佐酒。薯條都幾大籃，炸得幾好，外脆內軟，好有薯味；champs 生啤依舊係唔好飲，不過由於是入場費所包的指定生啤，冇得揀。瞥見此店有一款新上場的Bottled beer SOL，來自墨西哥，但冇意欲一試，始終覺得墨西哥啤酒唔係咁好飲。完場時，全場車仔迷起哄，怨聲四起，我呢啲中立份子，早閃早著好了。

友人join 了車仔球迷會，原來球迷會每星期都會在champs 搞club 聚，一齊we loves blue，雖然我不是車迷。但上星期日那場紅藍大戰，也到場感受一下跟車迷狂呼的氣氛。是晚因為看完戲，拿臨臨趕11:00 開波，嘢都未食，所以來到即刻叫了一份火雞三文治。那份三文治求其到無論，唧pat 辣辣地o既醬，加三塊一分為二(實質只有塊半的凍火雞片，伴碟那些薯條呀、沙律呀…通通籌旗擺滿隻碟就算，味道可想而知。都係嗰句，為睇波啫，是但填飽肚便行。是夜車迷情緒高張，在落後一球的情況後，每次埋門都起哄，叫聲震天！可是我卻無心戀戰，只因其中一部電視，正播阿仙奴對暴力般，看著列文那球救入自己龍，真係oh my god!

第二千六百個食評，就寫一個難忘的聚會。話說阿仙奴打入歐冠杯決賽，對手還要是當世進攻強隊巴塞羅那，上半場少打一人，卻出人意表地先入球，一眾阿仙奴擁躉當然在吶喊狂呼。這樣的場面，套用某講波界名人的口吻，絕對是「有今生，無來世」。能參與其中，與有榮焉。Openrice雖然是一個飲食網，但球迷也多，其中還有不少是阿仙奴的忠實擁躉。當中幾個圍內的事先約定，如該隊真的打入決賽就一起出來捱夜睇波。結果真的如願，多謝專食Cheap野兄的安排，連同baby_sakana、大衛、HKPanda兄，一行5人就跟阿仙奴本地Fans Club一齊在這裡睇波。呢度係西式酒吧格局，電視及大銀幕都有，音響也不錯，在這裡睇波都可以。我們幾個人就坐在百二蚊，包兩杯飲品，還有果仁，玩一晚，都米話唔抵。第一輪要了Corona，數數手指，都有幾年無飲這淡如開水的所謂啤酒，不過是晚睇波是主飲酒為次，沒所謂。要一讚的是侍應的服務不錯，百幾人墟墟埳的，也很有條理的送上飲品，都沒有任何亂子。各位波友，好高興與大家望著大銀幕，為自己擁戴的球隊，一同歡呼，一同嘆息，相信同類型場合，陸續有來。題外話一：未來前還以為睇波都是烏煙瘴氣、粗口橫飛

都未食到, 已經覺得好麻煩. 過8個人要親身去落訂先有得book位. 有任何special event (例如該晚有英超聯足球賽) 都停搞all you can eat. 不過呢, 只能夠係book位幾日前先答到你o個晚有冇special event. 咁多幾個人都唔敢定佢係聚腳點啦, 咁唔confirm.....

o係一個餓到發荒既情況之下路經此地，為滿足生理需要先入去幫襯。早前幫襯過樓上既Nightingale 都已經知麻麻o地，所以唔會預期有乜特別驚喜。首先，o係星期六既Happy Hour 都得兩台，幾冷清；其次，個menu 無乜特別野吸引到我，所以隨便叫o左客Chicago Style Roast Beef Sandwich with Coleslaw, French Fries, Cheese on Wheat Bread 走薯條；其三，個麥飽比任何便利店可以買到既三文治仲要「行」（但用芥辣配生洋蔥就幾醒胃）；其四，點解menu 上既cheese 會變o左卡夫既芝士醬仲落o左去個coleslaw 度？（橫睇掂睇個menu 都唔多似可以會有咁既變奏）其五...個coleslaw 又小又鹹；其六，係我request 唔要薯條的，請captain 姐姐o係未搞清楚之前，別在bar 既一邊大聲叫同為難企o係另一邊既junior（就算係搞清楚，都唔應該o係個客面前咁做）；其七，間bar 空o者，請各位大哥大姐唔好o係bar seats 甚至o係個客隔離張台做D suppose to be 唔係o

Set Valentine dinnerHKD 138 plus 10% chgWith rose and champign for my girlfriendThe resturant is too sporty, as all TV show sport programme because it is a sport bar, however, it is quite enough to talk with my gf, as many of the customer are foreigner. Overall, The food is alright, with lobster soup, salad, steak etc, howver the portion is a bit small.....I think is value for money, and the service is ok.

因有coupon(25%off)今日12點黎左呢度食西式lunch,環境跟一般bar差不多,但無咁嘈同無人食煙.set lunch $68:有一杯果汁(橙汁,西瓜汁,甘筍汁,芒果汁),sushi及刺身/clam chowder soup/smoked salmon with cheddar cheese salad.Main course都有4-5款.包一杯coffee/tea我要左甘筍汁,smoked salmon with cheddar cheese salad,鱸魚蕃茄薯蓉配大蒜忌廉汁,咖啡.甘筍汁---鮮榨既,吾錯!夠fresh.麵包系roll,offer法國牛油,算系咁,牛油十分香,麵包外脆內軟,吾錯!smoked salmon with cheddar cheese salad:材料頗新鮮,味道不俗!鱸魚蕃茄薯蓉配大蒜忌廉汁--份量吾少,荷蘭豆.紅腰豆及薯蓉墊底,鱸魚有3-4小塊,肉質頗滑!大蒜忌廉汁creamy得黎又吾膩.整體味道屬酒店水準!咖啡則麻麻地,吾夠香濃!服務都合格!埋單連加一比埋tips$60,仲比左2張10月coupon我.呢度夜晚有2小時all u c