蕃滿門

营业中

休息中

星期日下午茶時段都唔算多人餐廳都有裝飾，營造聖誕節氣氛 而且播埋聖誕歌場內坐得舒服，而且暖笠笠枱面放咗餐具 但要好小心睇拎咗幾隻都係清潔不足 有污漬下午茶款式都比較多由於又凍又餓所以選擇了迷你焗鮮茄蓉豬扒薑飯$56額外配送熱飲 都有熱紅棗水熱柚子蜜等等特別款式選擇 如果額外加配其他特色飲品，價錢都比較便宜大概等咗10分鐘左右 新鮮焗啲汁仲要係識郁我飲紅棗水 佢係用紅棗醬，加水即沖就唔係真係焗水嗰種豬扒已經一早切好 非常細心而且好林 蕃茄醬味道有啲似鐵板餐係港式蕃茄飯的味道 所以都幾好食隻碗望落好大 但其實深度好淺所以真的是迷你飯大概一碗左右面上大大的芝士，食到有拉絲而且飯裏面有少少炒蛋碎應該有簡單炒過飯再焗但係偏林唔會硬

基本上每個禮拜都會過嚟叫一次外賣自取，蕃茄湯底濃郁，加芝士一流，最鍾意加埋漢堡扒同埋炒蛋，健康之選，亦都可以選擇西蘭花同雜菌，一樣好食份量亦都夠晒足料，價錢相宜最重要嘅係服務態度非常好，每次叫親外賣，落order 嘅叔叔都好有禮貌亦都好有耐性回頭率Max今日一開OpenRice，見到佢所有分店都結束營業晒，好驚，希望大家可以俾次機會佢，試試佢！Btw 堂食都好似裝修咗，環境乾淨咗好多，建議大家去一試！

行過大埔突然間想食蕃茄湯底嘅嘢見到蕃滿門就入去試吓餐牌選擇比較特別可以自選湯底 麵種 配料朋友簡咗龍蝦丸而我比較肚餓樣樣配料都想加所以就簡咗一個大雜燴通粉有蟹柳 有雞蛋 有菜 有煙鴨胸店員嚟到放底喺枱上面我突然間有一個諗法碗通粉都真係幾大碗自己會唔會食唔落😂😂如果大家餓咗全日或者係一個大胃王歡迎叫大雜燴通粉下奏食完真係晚飯都唔洗食真係飽到上心口講返碗嘢先蕃茄湯唔會好酸酸度同甜度都係啱啱好配料都可以接受如果大家想一餐頂兩餐可以嚟食呢個蕃茄湯大雜燴

好耐無幫襯過，今次平日夜晚6點幾去，成間餐廳得兩三檯客。QR code落單，一睇成$6x-$7x一個麵餐，再加$6先有杯飲，味道好普通，比以前差咗，仲要收加一,唔怪得小貓34隻.....我好想知道佢有咩理由收加一，除咗攞碗麵比我個吓，水都無一杯，佢提供咗咩服務

呢間餐廳見到個舖頭名都知道主打嘅係蕃茄類別嘅食物，餐牌喺上面有唔同嘅蕃茄湯麵同埋焗蕃茄飯。價錢就係一般茶餐廳咁嘅價位，算係合理。當日同朋友點咗一碗大嘅蕃茄麵，係二人份量，湯麵有齊唔同嘅餸菜，可以樣樣都去試啲，而且咁樣share食比起每人嗌一碗嘅價錢更加便宜。蕃茄湯底可以選擇大中小辣，當日就點咗小辣，辣味唔算太強。但辣味同埋蕃茄湯底嘅配合非常適中，喜歡食辣嘅朋友可以試一試點中辣哦。至於粉方面亦都提供唔同嘅粉面可以選擇，包括長意粉，螺絲粉，米線等等。當日就點咗螺絲粉，食起上嚟每一啖都可以索到更多嘅湯汁。餸菜方面，有一般嘅丸類同埋牛腩，另外亦都再可以自選三個餸，當日就揀咗雞軟骨餃子同埋雞翼等等，份量足夠兩個人食有多。餸菜味道就普通，但性價比算高。呢碗粉跟餐包飲品，嗌咗泡沫檸檬茶，比起普通檸檬茶嘅味道有些微分別。大家可以試一試。

今日想食蕃茄粉麵，去咗蕃滿門食晚餐。我地7點幾去到，唔駛等位就可以入，店舖裡面都好多座位。我地點咗一份鴛鴦雞扒配經典炒蛋蕃茄湯底意大利粉，同一份秘製黑椒牛扒配經典炒蛋蕃茄湯底螺絲粉。蕃茄湯底可以選辣度，我點咗小辣。但辣味遮蓋了蕃茄湯底，建議選不辣蕃茄湯底，食落蕃茄湯底味道會較為濃郁。黑椒雞扒味道一般，有啲失望。鴛鴦雞扒包括一香煎雞扒同一塊香酥雞扒，味道還可以。價錢方面，一碗雞扒或牛扒蕃茄湯底粉麵要$69，另收加一費用，價錢略貴，不過晚上六點前免收加一。

今日喺附近放完工，唔知食咩好，一於就食好耐冇食過嘅蕃滿門😉記得喺中學呢間食店好多人排隊蕃茄湯底(微辣)公仔麵蕃茄湯底好濃郁，有唔少蕃茄肉，加埋少少辣味Perfect！上邊仲有滑蛋👍🏻公仔麵份量好多應該唔止一個麵餅，女仔應該食唔晒🤣揀咗金菇肥牛卷同瑞士雞翼做餸，金菇肥牛味道唔錯😋好啱送公仔，但係瑞士雞翼配公仔麵就唔夾，因為太甜😅無糖綠茶，杯茶比較淡雖然味道係唔錯的，但係價錢整體偏貴，呢個餐大概$70元🥹

之前都食過幾次蕃滿門架啦，今日係第一次試佢嘅下午茶，想講真係好有誠意同埋有驚喜。我嗌咗西蘭花同牛腩配招牌炒蛋螺絲粉（微辣）。因為我自問都算係個幾大食嘅女仔，所以本身都驚會唔會唔夠飽，今日去到下晝3點半先有時間食lunch，又好耐未食過蕃滿門，所以就膽粗粗試吓佢嘅兩餸下午茶，點知一送上黎個吓真係surprise到我，個份量好足夠，色水靚，西蘭花🥦有4粒，牛腩都有4,5舊，最後我估唔到我竟然食唔晒d螺絲粉！睇嚟我睇少咗呢碗下午茶😂。不過有個位美中不足嘅係個湯底，味道比起以前淡咗，雖然依舊有好多番茄，但個味冇以前咁濃郁，但整體都係正的

今日好熱，成三十幾度，係大埔做完野，搵地方坐低食野涼下冷氣。見呢間有下午茶，又有湯粉麵選擇，所以就入左去試下。侍應招呼正常，有效率，亦有禮。QR code自助點餐，個系統正常易用。叫左個下午茶-自選兩餸蕃茄湯麵配炒滑蛋，跟餐凍無糖綠茶(加$3)。滑蛋好食，夠滑，雖然蛋唔算好香，但起碼唔會有好多餐廳都出現既蛋腥味。芝士腸，漢堡扒同麵都正常。想讚下個蕃茄湯，有蕃茄味，但唔會死酸，亦無蕃茄的草青味，明顯是用炒過的蕃茄去煮個湯。無味精，飲左都唔會覺得口渴。價錢同對面街的太X差不多，但我覺得好食過佢，亦多選擇過佢，所以個人覺得起碼抵食過太X，有機會再來大埔做野既會再幫襯。

大埔蕃茄濃湯專門店蕃滿門 係呢區開左好多年 每次行過都幾多人 今次下午茶時段去試試 簡單紀錄下.佢地最出名係蕃茄濃湯 蕃茄控一定鐘意呢次試試⭐️大大碗鎮店蕃茄湯粉$82超級大份 如果女仔 甚至可以3個人分😋係我試過最濃嘅蕃茄湯 大量茄肉 湯底酸酸甜甜有3款口味湯底 經典炒蛋/雙重芝士/麻辣響鈴呢次選擇咗經典炒蛋 表面滑蛋量多滑蛋做到軟綿綿果種口感 唔會覺得老仲有其他配料 冬菇 日式油揚 炒蛋 牛腩 煙鴨胸 西蘭花 貢丸 蟹捧.⭐️咖哩牛腩鮮茄豬扒鴛鴦焗薑飯$73即叫即焗 上枱嗰時仲熱到起泡泡一邊係咖喱汁 一邊係蕃茄汁表面芝士做到少少拉絲😋豬扒同咖喱牛腩 肉質都好腍 軟腍到冇牙婆都食到炒飯底 做到粒粒分明 好食.見到網上比較多人鐘意佢地 ⭐️脆皮咸豬手$78豬手肉嫩 容易骨肉分離 加分豬皮方面少少脆 唔會太肥 最重要食完唔覺得滯估唔到唔係西餐廳都搵到好食豬手感覺跟餐$89 連埋蕃茄湯會抵好多.飲品佢哋出品都唔錯⭐️珍珠奶茶 珍珠軟熟煙韌過好多奶茶店⭐️火龍果乳酪 感覺水果量幾多 香蕉火龍果feel.#hkfunfoodrecord窮遊香港#hkfunfoodrecord_大埔.#蕃滿門 (大埔)

只係行過試吓，估唔到咁好味，個麻辣魚柳焗飯唔算辣但都好好味，非常適合香港人口味，就算唔係好食得辣都接受到，個螺旋粉就更唔洗講，大部分既人都叫黎食，個炒蛋好滑好好味

📍蕃滿門（大埔）作為焗飯控既我 見親餐牌上面有焗飯基本上都叫焗飯🤭今次叫左個鴛鴦焗飯 $80 包熱飲 都偏貴 呢個飯係蕃茄豬扒+咖喱牛腩飯 滿足曬呢兩隻焗飯都中意食既我呀🤣對上次入黎都係叫呢個焗飯😂覺得好好食其實內心係想叫佢晚市套餐包埋小食果啲 因為有芝士春卷好想試 但佢啲焗飯又唔岩我心水🤣印象中間餐廳早幾年好出名好多人食 但我果日去晚市都係得幾枱客🫣唔洗等位見其他客人叫豬手 一入到去職員都係介紹話豬手有貨啦 唔知係咪好好食呢🤭下次有機會同朋友黎就試吓 😂

平時都好鍾意食蕃茄湯底嘅食物，但住咗大埔咁耐都未食過呢間蕃滿門，今晚路過見餐廳冇乜人就入去試吓，點知中大伏！我嗌咗個西蘭花雞肉螺絲粉，落單嘅時候揀咗要硬啲嘅粉，結果就嚟咗一碗煮到爛爛地又唔熱嘅螺絲粉，唔知餐廳係咪好擔心客人嘅牙齒健康，所以特登煮到啲粉咁腍，等我地唔使咬直接吞就得！至於啲餸，西蘭花得三舊，正正常常，但啲雞肉就偏鞋，份量亦都唔多！個set連埋嘅雞翼都唔好食，得手指尾咁嘅size，仲要炸到黑黑地咁。要個客手機落單又出去埋單，咁嘅service都夠膽收加一！呢間餐廳性價比真係好低！！

今日收工諗唔到食乜，就同女朋友去試吓呢間蕃滿門，諗住蕃茄麵可以難食得去邊。點知。。。我就叫左六十幾蚊一個金菇肥牛，蕃茄湯烏冬。烏冬係近年已經好少食得到嘅嗰種幾蚊嘅好冧好冧嘅烏冬，金菇肥牛係就咁金菇同肥牛分開嘅，肥牛硬到可以鍛鍊你嘅咀嚼肌，金菇就正正常常咁啦。女朋友就叫左個七十幾蚊嘅西蘭花雞肉螺絲粉，啲螺絲粉真係冧到喊出嚟，十足平時係屋企煮完食唔哂攤喺度幾個鐘之後再食咁嘅口感。咁嘅食材咁嘅質素，自己落單自己埋單，收你135蚊，仲要加一，即係149蚊。講真，出面50幾蚊個常餐都唔會俾呢種烏冬。總結，貴夾難食

由舊鋪到新舖，加埋都已經食咗好多年近年不停咁加價，每項食品外賣盒兩蚊加到而家三蚊，職員話因為成本好貴🤷🏻‍♀️ 老實講，佢啲外賣盒都只係普通到唔再普通嘅膠兜同錫紙盒，我未試過有一間舖可以每件收三蚊🤦🏻‍♀️食開蕃茄經典原味螺絲粉配豬手，已經加價加到$89冇嘢飲，味道冇以前咁好食鯖魚同粒粒包，就仍然係唔錯嘅不過嗌個外賣淨係外賣費用都要加$9 ，我覺得就唔係好合理，所以唔會再有下次。