薀莎餐廳 (秀茂坪商場)

营业中

休息中

午市時間，第，食 lunch 被個 waitress 成杯凍奶茶由頭淋到大脾😐 冇人道歉，（仲要第一次著件新羽絨！！）要自己主動要佢經理跟進，經理都冇道歉，淨係話賠洗衫錢。請問是什麼餐廳，什麼服務，不知所謂！😤

當然無諗過間野要好好食，但60蚊個lunch得掌頭咁大的疆屍雞排就過分左啦，羅宋湯係味精水黎個場又吵 (員工不停搞d餐具，食客人人抖音，教仔聲) 唔好話豉油西餐，連茶餐廳都不如不如轉個間餐廳，俾我多個選擇當然無諗過間野要好好食，但60蚊個lunch得掌頭咁大的疆屍雞排就過分左啦，羅宋湯係味精水黎個場又吵 (員工不停搞d餐具，食客人人抖音，教仔聲) 唔好話豉油西餐，連茶餐廳都不如不如轉個間餐廳，俾我多個選擇

過山車般嘅生活，令整個人嘅胃口同食欲都大減。但生活還是繼續，肚餓還是出現，特別係這餐。望望餐牌，家人們都揀她們想食嘅食物，大家都選擇了飯，可能太餓吧🙈。🍚海南雞飯雞嘅份量都多，雞肉肉質嫩滑，唔錯。🍚酸菜魚配白飯食過幾次了，味道都係唔錯，保持水準，伴飯開胃。🍚魚香茄子煲配白飯茄子🍆好味，魚香味重，配白飯一流。🍚咖哩吉列豬扒配白飯豬扒肉質嫩，外脆內juicy。咖哩唔辣，但味道豐富。整體價錢貴左，但係值得，食得特別開心同滋味。

秀茂坪商場入邊，餐廳唔算多，但係如果想食西餐廳嘅話有幾間都係飯堂之一。今日我就選擇左溫莎餐廳做我午餐😎首先價位方面，$60至$70，1個午餐，算唔算經濟實惠就見仁見智🤔如果你選擇午餐嘅話，佢會有餐包 同埋中西湯選擇。而我就揀咗中湯。味道方面亦都唔會話太鹹，不過都係好睇嗰日嘅手勢🤫而餐包嘅話我就嫌佢略嫌唔夠熱。午餐主食，我揀咗葡國雞焗飯，等候時間亦都唔係好長。芝士方面亦都足夠👍🏻但係未知係咪汁比較傑嘅關係，一個焗飯焗到咁上下底部就會完全食唔到佢嘅汁，出現唔夠汁食晒成個飯嘅情況，選擇焗飯嘅人嚟講有啲可惜。但係整體嚟講亦都唔會話太差，算係一個合格嘅焗飯。不過不失👌🏻

🍴咖喱雞扒飯/意粉 $60 (7/10)送餐包餐湯！餐包係正常配咗牛油，羅宋湯都係酸酸地普普通通咁勝在夠飽肚！咖喱雞扒飯係好似快餐嗰種形式，有兩大塊雞扒扒意粉嘅份量都好多，咖喱汁就係另上嘅！雞扒煎得香口，肉質正常，食落都夠味唔會有揦口嘅感覺，意粉偏腍咗少少，咖喱汁都幾香唔會好辣，正宗港式咖喱味！熱檸茶都正正常常！推薦指數: 7/10$60有埋餐包餐湯嘢飲，主菜真係飽肚又味道OK！

今日食个午f焗肠仔肉意粉实在太多油了实在太唔好食啲意粉焗到又淋又喊又油，哎，我觉得同他地讲左应该都冇咩心听，但系我食过他啲咖啡反都好好食，就系今次食呢个餐真心差！

炎炎夏日，食欲下降，胃口一般，除了冰涼食物外，主食要食啲酸酸的、微微辣嘅食物才可以抗衡那炎熱嘅天氣！星期日午餐🍱，坐低餐廳看看餐牌，映入眼簾嘅菜式令人胃口大開，口水增多，就決定嘗試：🥢酸菜魚配白飯🍚份量多，魚肉量都唔少，配料豐富，有豆卜、酸菜、菇類🍄和不可缺少嘅大豆芽。湯底看似清淡無味，但絕對有驚喜！味道層次分明，先有胡麻香味，入口酸酸略帶點甜口，然後辣味慢慢跑出於舌頭上，酸度辣度適中易入喉嚨，唔會嗆。魚肉肉質熟度剛好，嫩滑。🥢海南雞配油飯🍚海南雞嫩滑，油飯份量都多。推薦食酸菜魚，送飯一流！唯一美中不足就係食酸菜或大豆芽時不時咬到一粒粒泡椒，使食得唔夠暢快。

薀莎餐廳，細細個已經聽過，細細個已經食過，不過唔知呢間有冇關係㗎呢。第一次嚟到秀茂坪廣場，真係唔知食乜好，來來去去都係平時可以見到嘅連鎖餐廳，不如就試吓未見過比較少分店嘅呢間啦。午餐時間，唔洗排隊，但入面都滿座，星期一至日都有午餐，幾十蚊有包有湯有飲品，算幾抵食，午餐有大約8個選擇左右。午餐牛扒薯條，包湯、餐包、飲品薯條脆，牛扒預咗茶餐廳貨色一般，加咗蒜蓉汁就好香主餐牌嘅，龍蝦汁焗三文魚意粉，本身乜都冇包，加$8有湯同餐包龍蝦汁幾香，唔臭，三文魚扒實淨彈牙即焗要等，15分鐘左右中湯青紅蘿蔔湯，幾甜羅宋湯，夠濃餐包，熱，夠軟熟午餐飲利賓納都係同凍飲一樣+$3

以前喺馬鞍山嘅溫莎，係我嘅食堂。最鍾意佢個咖喱牛腩。牛腩夠霖，汁更加好味，經常要嗌多個白飯清晒啲汁。有次路經秀茂坪商場，見到居然溫莎重現。專登過嚟食返佢嘅咖喱牛腩，同以前差太遠啦，個汁同埋牛腩肉都係一般快餐店水平，啲飯仲係硬嘅，唉～

一早陪同母親去複診，其後返到屋企附近，在商場諗緊食咩好，行過呢間溫莎餐廳，睇下個餐牌，母親話想食意粉，見過餐牌的意粉有幾吸引，有好多選擇，於是就入去試吓，入到去叫咗個雞意粉，詳細個名唔記得但係個意粉嘅配汁好夾好好味，塊雞扒嘅軟硬又適中，整體很不錯，下次會再食

復活節假期，家人外遊，瞓到晏一晏，獨自去搵食！入去到餐廳已經3:00，可以平小小直接叫下午茶!下午茶餐選擇都幾多，有三文治，有包，有多士，有炒粉麵，因為起身未食過嘢，所以叫咗一份飽肚啲嘅芝士焗肉醬意粉！雖然今日係紅日假期，不過成間餐廳既人流唔多，仲有位淨，可能好多人都離港旅遊！客人已經唔多，但係餐廳嘅侍應亦都係有限！舉咗幾次手都冇人應，最後要企起身叫先有人行過黎落單！呢度嘅座位幾舒適，燈光都幾光猛！每張枱都放咗調味料，可以自行選擇！講返個肉醬意粉，因為要焗嘅關係，我都預咗要等，點知由落order到上餐都只係短短5分鐘，杯凍檸茶都未到，意粉就到！可想而知質素會有幾好🙈🙈果然，一食落口就知龍與鳳！先唔評論點解有一片蕃茄放喺面！齋睇表面，已經用錯芝士，應該係用芝士碎，而吾係一條條，做吾到拉絲效果！而且焗嘅時間唔夠，成兜意粉冇燶邊！又吾夠熱！肉醬正正常常，醬汁多個肉碎！意粉唔夠彈牙！以52蚊黎講，真係唔值，如果唔係附近冇乜選擇，都唔會揀佢！

從未遇過如此態度極差的樓面，只係想叫侍應落單，前後叫咗7-8次，侍應回應好快話轉頭來但都是要你繼續等，晚飯時間目測只是3枱顧客，理應侍應不會很忙吧！但有位女樓面好極品，應完我話等陣之後走去慢慢帶返隻手錶，做吓佢自己嘅私人野，都唔會過來幫我落單！但她又不是收工喎！只係唔想做野，企埋一邊執吓啲刀叉扮做野。當時我彷彿以為自己欠了她們錢嗎？點解我只係想食個飯叫人落單都要受人氣？其實出面好多人冇工開，既然你地侍應咁唔想做就辭職，讓個位俾真正想搵食的人吧！唔好喺度白逗人工又唔做野，喺度趕客！終於明白到點解晚飯時段只得3枱客如此冷清！

記得剛開張的時候在這裏吃過幾次，無論服務和食物質素都很好。但今天故地重遊，入去叫了個下午茶，好的方面是食物質素保持水準，屬於即叫即整，新鮮熱辣。咖喱汁辣度適中，適合香港人口味，意粉不太軟也不太硬，咀嚼口感剛剛好，魚柳炸得外層酥脆，內面魚肉嫩滑，但只限堂食，外賣的話就不太建議，食物的水氣會令它變得口感大降，而且檸檬茶會變細杯咗，而且記得外賣還要加錢。凍檸檬茶就比較一般口味，算不上突出，而且有些惹痰，可能是糖漿問題。但唔好果方面就是服務質素下降了很多檔次，個人遭遇如下：1. 水的話要自助，就是學埋譚仔嗰啲衰嘢，一杯水都唔俾你，叫你自己去斟，但都唔諗諗你嗰啲跟餐飲品就係加個$3，人哋譚仔係你二點幾倍價錢，明顯迫客買飲品，一來你們沒有需要，二來你們不是快餐店，走的是偏向中檔的路線啊！2.鋪面不大，員工不少，但唔做嘢嘅很多，叫人點餐都叫咗幾分鐘，一係扮睇唔到，一係扮聽唔到，一係應咗你一聲之後冇影，簡直就係唔想幫你點餐似的。3.收錢都要兩條友，但兩個阿姨都唔熟機器，咁又要咗你幾分鐘生命。最後講一講衛生，你服務差叫人自助水吧冇所謂，但你水吧隔離就是一個大垃圾桶，這衛生素質令人害怕，只好唔飲。目測是管

難得同朋友去吃個早餐選了久違的溫莎，而且就腳叫了一個全餐有最愛的牛角包🥐滑蛋加火腿腸仔經典組合，不過不失搭配了奶茶🥤，茶味有點濃當天早上服務員有點少，估計疫情關係，所以落單時間要比之前耐

夜晚唔想煮飯,一於落街試下呢間茶餐廳, 我同屋企人分別叫咗福建炒飯同乾炒牛河。佢嘅福建炒飯來到好大碟好足料，有好多蝦，上面嘅芡汁調味啱啱好，成件事好開胃，真係俾到驚喜我。乾炒牛河好有鑊氣，牛肉都畀得好多，但唯一美中不足嘅係，有幾件牛肉好靭，比較難咬。但呢個價錢嚟講，冇論份量同味道都對得起，唔錯！