薀莎餐廳 (已結業)

兩個人叫左一碟咖哩牛腩飯同埋海鮮炒烏冬，連飲品，埋單約六十零蚊(唔太記得)我覺得幾抵食，味道唔係好，亦唔好期望服務好，但係勝在坐得舒舒服服(有卡位)，有人拎埋份餐俾你，比起去美心要自已拎，又迫，價錢又差唔多(美心午餐平均都廿幾三十蚊)，溫莎都算係咁。去街市快餐店叫碟炒飯加杯飲品都要三十蚊啦。

我食魚跟薯菜,d菜少到喊,d薯仔仲要唔熟,我食唔落,同侍應講換意粉,佢問左經理話唔換得~最多加多d菜,咁算啦,點知食到d菜有條意粉,都唔g佢d菜係咪係第2碟食淨拎黎,我以後都唔食啦

要說溫莎服務真的麻麻......見d侍應明明唔係好忙,唔知點解次次行過都話轉頭,但轉頭又唔見佢行返過來......食物方面我吃的是軟殼蟹燒春雞餐個羅宋湯對我來說太辣,個喉嚨"拿"到好痛= =菜像沒有切過的一大舊在湯裡,我咁敢整散佢,驚有什麼在裡面.....個軟殼蟹其實還可以,很脆~但不能說是好吃~燒春雞唔熟,仲留緊血,只好叫佢再"燒"過= =(我朋友慘d,過了8時好多野都話賣曬,食唔到想食的)

2-4-2008家住馬鞍山，偶然都會選擇到這裡食飯。大概有數月沒有來，想不到上次感到失望，今次同樣感到很失望。好一陣子沒來，連餐牌都轉了做椰林閣同一款。我點了蒜蓉汁煙腿併雞扒。味道實在是普通得普通。很的雞扒教我如何食下去。女友點了黑椒汁燒牛仔柳，味道同樣是普通得很。配菜薯條是否有點馬虎呢。其實同商場內都有維苑和椰林閣，下次我還是到這兩間有點保證的餐廳吧。另一要記就是侍應們的態度，上次本人和幾位同事到這裡午餐，埋單時因為找錢的問題女部長跟我們爭吵起來，但明明理虧的是對方，錯不在我們，故此印象分一直都很差。

話說昨天去了蘊莎吃午餐~~不論穿黑色制服或侍應既ｄ態度都一樣咁差咁不知所謂~~落單o個時可以冇表情~~咁都不特止~~出餐係咁擺低就走左去架喇~~多謝都冇一聲囉~~咁＜好＞既服務態度仲話要收加一？一毫子貼士都比唔落手添囉~~以後都唔會再黎呢間野度食野呀！！！

間野午餐都抵食, 但唔好食d飯凍的, 叮完又叮

今日如是者...又同幾個同學去左蘊莎食Lunch...真係幾抵食架...$25有湯,包,飯,飲品...d飯都好大碟...又唔駛加一同加凍飲...價錢都算合理...不過見到d侍應好似唔多夠人咁...數黎數去都係得o個幾個人...好彩我地黎早少少...嘩~見到其他學生一次過湧哂入黎...真係見到佢地寫單都寫唔切...落餐o個d真係要跑住出囉...慘~

中秋節前後既日子食左太多餐既中菜，尋晚好想食番餐西餐。但係話哂係假期最後一日，第二朝要番工，所以都唔敢去得遠，加上新港城有泊車優惠........就係咁就出事。先黎服務態度，唔係無禮貌，而係好機械化。D員工只係口號式咁由一個發起叫"歡迎光臨"，跟手成間餐廳既員工輪住叫，但係好明顯係無感情既，對食客黎講其實幾討厭，唔講好過講。至於曾經有食評話D員工係到玩，唔知係咪D員工年紀普遍較年輕，佢地真係夠膽死好似係自己屋企咁隨便，玩笑不禁，令食客為之側目。食物方面，除左個好"鹼"既湯係熱之外，其餘既主菜例如：牛扒、豬手都係凍既。基本上，大部份既野食我同女朋友都原封不動。今次當買個教訓。下次? 仲有咩。

2007年10月1日下午光顧位於馬鞍山新港城廣場的溫莎餐廳，當入餐廳後坐下超過10分鐘都沒有侍應招待，曾連續叫3位侍應給水，但得到的回覆是: 等陣、轉頭黎。之後在等食物期間，眼見3位侍應一起執拾一張枱，不斷嬉戲，好多顧客示意埋單或叫食物，他們完全視而不見。最憤怒的是有2位穿西裝套裙的女侍應(應該是較高級的侍應)在餐廳內追逐嬉戲，包括大笑、用餐牌互相打臀部等的嬉戲行為，更感到極度厭惡及反感。這追逐場面維持起碼10分鐘。其實頗多人對椰林閣集團屬下餐廳多為負面意見，希望椰林閣集團高層重視餐廳業務之餘，亦加倍改善員工的工作態度。

其實溫莎餐廳，我來過數十次！但這次真叫我很失望…話說男朋友掛念這裡的炒公仔麵，於是再來幫襯。他點了彩椒豬排炒公仔麵跟餐湯及飲品；我看看餐牌裡的食品照片，點了雜菇班球湯拉麵，貪它清清淡淡。因為我一直以來都很欣賞這兒的羅宋湯，所以另外點了一份羅宋湯連餐包。彩椒豬排炒公仔麵賣相不錯，表面比上次炒得更好更美，但男朋友認為上次炒得較好吃，這回都算okay吧！忽然侍應放下一碗拉麵，麵上是幾塊像炸雞的物體，我們當然十分出奇，經了解後證實這便是我點的雜菇班球湯拉麵！！為何整碗麵都跟menu中的照片找不到一處相同？？相中翠綠的小宲菜跑到哪裡去了？嫩滑的班塊怎麼炸得油淋淋的？可能因為不太餓關係，我把怒氣收下，即管試試這碗麵…oh my dear! 我感覺自己嚥下的不是拉麵而是一團粗糙的麵粉；不是雜菇而是碎菇片；不是班球而是粉漿混着怪味的魚肉碎；不是翠綠的小宲菜而是數條銀芽。我失望極了！男朋友問我若果100分滿分，我會給這碗麵多少分…我回答說"9分半吧！"當中有5分是給我在這餐廳以往的回憶。我得到一個教訓︰到溫莎還是點我時常吃慣的沙律或咖哩好吧！

尋日同老公一早想去食過好味既早餐, 以為平日睇落佢好多人既地方, 應該ok... 只可惜... 真係好差!早餐既熱奶茶只係微溫, 個感覺已經好恐怖, 再上等左好耐先至黎既'凍'早餐, 真有入左黑店既感覺. 個餐既炒蛋完全係凍, 就好似煮好左而又放左幾個小時一樣, 真係好凍, 一路食一路怕食完會肚痛, 再食個雞扒, 又係凍既, 仲要有一陣雪味.. 成蝶早餐得d 薯蓉有少少暖... 千奇唔好去, 我下次去美x 快餐or 大x 樂都唔會再去

黎到唔熟悉的馬安山, 夜晚個餐唔知去邊度食, 見呢間餐廳睇落ok, 就入黎食飯. 原來佢同椰林閣是同一集團的, 起初見到都不以為意.叫左個夏天的新菜式, 係一個同鮮果一齊炒的意粉. 味道甜甜酸酸, 幾開胃. 我食到差唔多一半, 見朋友的燒春雞餐仲未到, 先突然醒起, 椰林閣(無論係邊一間椰林閣) 都係成日漏單的, 試過有一次我同細佬食曬所有野, 媽咪既沙律都未到, 不斷催佢都無用. 今次突然醒起, 馬上叫朋友催下佢. 點知聽到隔離枱有位太太好不滿地大大聲同個waiter 講: 我地等左四十五分鐘咧, 你個d食物又唔係有咩咁特別, 只不過係牛排, 都無技巧既, 你都做唔到, 浪費我地既時間! 然後大吵話要埋單, 後來個waiter催服佢再等一陣. 經過此擾攘後, 朋友的食物再要等多十五分鐘先到. 唉, 唔係專登想話佢, 不過佢既system 真係有好大問題, 有咩理由燒春雞呢d一早整好既野都要等咁耐, 而且仲要唔好食. 見到佢d waiter 個個圍住個廚房等出食物. 唉,真係唔好再幫襯.

0的女侍應,無論黑色制服,抑或粉紅色制服的都笑容欠奉,且態度唔得,客人詢問食物為何還未來時完全無諗過去check.隻碟污糟都辯稱話: 係咁ga (我想: 唔通係0的花紋黎ga 咩?)此侍應俾了一個臉色之餘亦可見她懶得去換總之,好彩呢度唔係旅遊熱點附近,唔係香港0既形象真係俾佢地.......

唔知點解又黎左呢間唔想再黎既食肆下午茶餐牌同椰林閣一樣，全線$25-26，大大碟，包野飲。咖喱海鮮飯－－都OK，但飯凍凍的芝士雜菌焗意粉－－非常可怕，芝士原來係一小塊車打芝士，好似一個五蚊咁撻o係意粉上面！雜菌唔雜，得兩三片冬茹，想搵多款菌都無。餐飲，又一個敗筆，侍應上餐飲時發現只有一隻茶碟，居然一杯有碟，一杯無碟咁上，而無碟既spoon放桌面就算！實在離譜。上菜時亦唔問唔講就咁放低食物就算。咁既服務都要加一，太過份了。椰林閣集團既餐廳都唔使旨意再去。

上星期與同事到此餐\廳食lunch穿黑色制服, (黑色梳髮髻,較高)的女侍應態度奇差, 我們想應該她是較高級的侍應為何有此惡劣的態度~話說我們等了30分鐘都沒有主菜食物送來, 於是追問, 兩度被此侍應以不禮貌的言語回敬: \"多人係要等ga la!\" , \"未有!\"(然後立即以極快速度走開), 最不忿的是, 我們親自前往櫃台付錢, 她(同一人)竟將我們與鄰座的單掉轉, 因我們實在太趕時間而沒有留意便走了,事後發現計多了一個set lunch的價錢....>.<