影片
以上资料只供参考，请与餐厅确认详情
相关文章
今日（31-5-2025 Sat）端午节，同老公实践由西环行到北角，但由于晏咗，就取消，改喺湾仔呢喥食咗晏至出发，我哋嚟到时，都算多人，老板俾我哋坐四人枱，睇完menu，就一定要佢哋嘅招牌$88.00嘅金牌脆皮烧鸡配薯条，$8.00嘅罗宋汤，$8.00嘅热奶茶，$90.00嘅酥炸脆皮牛腩配意粉。落完单，即到嘅就系金牌脆皮烧鸡配薯条，然后系两个饮品，我即饮啖奶茶，涩，要落糖，落咗一茶匙至叫做搅得掂。1分然后食薯条喇，热腾腾嘅粗薯条正常冇问题，金牌脆皮烧鸡热到老公戴手套都撕唔到，宁愿用叉，个皮真系好脆，我食鸡上脾，佢嘅鸡油好够，肉质又滑又juicy，枱上有好多调味料俾客人自己落，我就落淮盐食，之后食鸡胸位，嚡啲系正常嘅。5分然后我饮罗宋汤，料都多嘅，味道唔错。5分酥炸脆皮牛腩配意粉到嚟，睇见意粉另上，同有一兜咖哩汁，意粉用茄汁捞过，唔太酸，口感系香港人口味，唔系中间硬𠮶只，啱我；酥炸脆皮牛腩个皮真系脆，牛腩够腍，味道亦浓，咖哩汁浓唔太辣，几好味。5分服务：落完单，即刻俾胶手套，湿纸巾同碗。等客人食完晒嘢至一次过收嘢，唔会太骚扰或有赶客嘅感觉。环境：呢喥设有两间私人房俾客人。3.5分其他：枱上已放咗好多唔同嘅调味料，重有纸巾同水，好体贴。
继续阅读
好耐无行书展行完饿到想食多啲野去左食鸡一去到蔷红已经要排队好彩我哋算早唔使排好耐就可以入到去谂都唔使谂就叫咗烧鸡😆随餐附送食鸡必备手套同湿纸巾我真系耐冇嚟而家啲嘢包装咁靓饭/意粉/薯菜/沙律我拣咗意粉酸酸甜甜好开胃配烧鸡唔会咁腻一嚟到见到𠮶只髀咁大已经开始流口水支柠檬茶系隔篱枱友情客串🤣我会自己捞呢三只酱用配点鸡食咁啱行完马莎咁啱买咗香草一樽既然买咗啲香草就即刻开配嚟点鸡食超正🥰我哋两个人食咗半个钟都算快真系好好食，鸡肉又Juicy唔会嚡十十好多人食烧鸡会配可乐但我真系觉得配冻柠茶先系最正啲叔叔服务态度又好好就算好多客人佢哋都冇怠慢我哋点餐送餐再加点嘢饮全部都好快手❤️🫶🏻👍🏻
继续阅读
期待已久，终于有机会一试湾仔名物！😸平日夜晚大概7点半左右，目测都全场8、9成满座，搭枱就梗嫁啦～介意者就自己考虑番喇～落完单大概5分钟左右就好快就上菜，效率极高！而且职员好细心，会比埋即弃手套你～烤鸡热辣辣绝无揸流摊，皮脆肉嫩，一啲鞋口既感觉都冇，而且亦好入味，真系食到lam lam脷😋难怪佢可以逆市开分店啦👍🏼相对黎讲，一口西多就普通左啲喇，唔系唔好食既，但就系一个好老实既一口西多咁😆
继续阅读
湾仔蔷红餐厅，堪称茶餐厅界的一朵奇葩。其貌不扬，藏身于旧式商厦，却凭一道招牌脆皮烧春鸡闻名遐迩，食客络绎不绝。此鸡虽名为「烧鸡」，其金黄外皮却有如顶级炸鸡般薄脆，轻轻撕开便「华华」作响。内里鸡肉则保持惊人的鲜嫩多汁，肉汁满溢，与香脆外皮形成极致对比。在蔷红，几乎每桌必点此鸡，蔚为奇观，足证其魅力非凡，是为湾仔美食传奇中的一道奇葩。蔷红烧春鸡的奇葩之处，在于其对传统的颠覆与坚持。店家选用三斤重的三黄鸡，以二十多种配料精心腌制，即叫即烧，确保上桌时热气腾腾。其成品皮脆肉嫩，口感被誉为「食过最好食既炸鸡」。这道被冠以「绝世美味」的佳肴，诞生于烟火气十足的平民餐厅环境中，价格亲民，更显其独特。食客一手撕鸡，蘸点淮盐或泰式酱料，在喧闹中品尝这份朴实而极致的美味，体验独一无二的奇葩飨宴。Tseung Hung Restaurant in Wan Chai is a true hidden gem, celebrated for its signature crispy roasted spring chicken. While called “roasted,” its skin is extraordinarily thin and shatters like the finest fried chicken, creating a stunning contrast with the incredibly tender and succulent meat beneath. This must-order dish is prepared with a large chicken marinated in over twenty spices and cooked fresh upon request, ensuring a hot and juicy arrival at the table. Served in a bustling, unpretentious setting, this local marvel offers a unique and phenomenal feast, truly a one-of-a-kind culinary experience.
继续阅读
久唔久都会做下的士睇更，湾仔胶原更之后一定会嚟呢度食佢嘅烧春鸡，皮脆内软唔使讲够juicy，佢嘅薯条我都好钟意食，我觉得个味道好特别唔系到到食到，冻饮质素亦都唔错，冻奶茶走甜见真章，唔涩口，入口顺滑，而佢嘅特餐宵夜餐亦都唔错，喺湾仔附近返工嘅你，边可以错过，一班的士行家，坐下，饮下，食下，又一个愉快嘅晚上，餐厅亦都好贴心，烧春鸡有透明手套，唔会食到污糟邋遢，价钱亦都好大众化，营业时间又长，喺呢个低迷嘅市道，实属首选
继续阅读