薩莉亞意式餐廳 (置富第一城)

营业中

休息中

成日見到餐廳門口有一堆人圍住、排隊，經過見到都唔敢行過去😅今次下午茶時間見到無咩人😱所以入去睇下係咪真係咁好食先😜黑椒蜆肉鐵板煮 $19黑椒味都頗重，蜆肉還可以水牛芝士薄餅 $29薄餅味道不錯，但餐廳冷氣較大，好快凍，所以要快手、趁熱食😝野菌忌廉意大利飯 $29飯嘅味道都幾香，份量適中，一人食啱晒明太子魷魚蝦仁意大利粉 $34我覺得明太子醬比較稀，未能做到掛麵，而且醬汁多點會更好味。配料方面份量多，抵讚👍🏻整體味道不過不失，但勝在價錢平，而且沒有加一務服費，難怪成日咁多公公婆婆或者一家大細黎開餐😂

尋日等唔到薩莉亞逼住食韓國嘢，今日終於等。。。。左都幾耐。7pm等左15-20分鐘，之後人龍越來越多。服務OK，座位舒適及空間感充足。兩口子叫了墨魚墨汁意粉、辣雞翼、肉醬多莉亞「肉醬芝士飯」和白汁雞肉菠菜。意粉味道可以。辣雞翼好味，辣而不麻，不太吃辣的人也適合，皮脆肉嫩冇雪味。肉醬多莉亞味道不錯，下次可以加隻溫泉蛋，相信味道會更佳。白汁雞肉菠菜相信是全晚最好吃的，已煮冧的波菜配上有少許千島醬味的白汁非常美味。每碟份量雖小但價錢非常便宜抵食，唯一缺點是輪候人數非常多。

之前去過石門Saizeriya的氣憤離場後，決不再去石門分店，剛巧來第一城工作，見新開張，就去試一試。第一城Saizeriya完全同石門不同，如題，侍應有禮，有笑容，還真的勤力工作，沒有圍堆嘻嘻哈哈 令我對這店留下好印象。晚餐點了三文魚沙律 $24，三塊煙三文魚配新鮮沙律菜，沙律醬啱啱好，不會覺得太少醬。洋蔥蒜蓉焗青口 $24， 有4隻，很多洋蔥碎粒粒，還有一小碗醬汁，這醬汁偏鹹，我只點了少少嘗試，未能真正吃出什麼醬汁，我覺得不點醬汁的青口最好味。香煎焗鯖魚，配菜有3件薯角，但咬落粉粉地唔似薯仔，疑似薯粉製成，還有少許粟米，鯖魚肉質嫩滑，少骨，煎得金黃香口西蘭花香蒜辣汁意大利粉，有多件西蘭花，幾塊菇片，名中有辣汁二字，其實不太辣，甚至不覺得有辣味，意粉煮得剛剛好，不淋身，麵條有彈性，不過，整體上入口有點油膩。$13 可無限添飲，包括有咖啡、朱古力、各款汽水。我斟了咖啡，香濃咖啡香味，不錯。總結，我會再來的，食物品質不錯，服務好。晚上6:00開始多人排隊，不想排隊就要早點到啦！

薩莉亞嘅平價向來都吸引唔少食客，特別係一班後生仔，係第一城呢間新開之前如果想食就要去石門個邊，新開方便左好多，但經常一到午飯時間就要拎飛排隊先可以入座。兩個人11點半落到去都仲可以直接入座，過多十分鐘已經需要等位。 叫左一個煙肉菠蘿pizza, 明太子意粉同埋4隻雞翼。上菜速度okay, 係雞翼比較細隻 但辣味較其他分店重👍🏻新開兼早更人手有啲不足，舖面連埋門口帶位先得3個人，睇全場相對有啲壓力，但入座同落單速度都唔會太慢。

沙田第一城於7月初在一間之前曾幫襯過但已結業的餐廳的原來位置，開了一間西餐廳，由於較為接近，步行可達，月初時已經想去試，但因為要等三十多張枱的關係而打消了念頭。最近因為天氣炎熱，不想煮飯，所以再去試。今次早些到，但也要等廿多張枱，見太太放工未到，那就照等，足足等了半個小時才有位。原來這裡勝在沒有限食時間，亦沒有加一。進入店內，餐廳的裝修也沒有特別，都是較為一般，我亦曾經到過這間餐廳位於西九龍中心的分店，也是差不多。打開餐牌，選擇也不少，而且價錢相宜，就算多點幾款也無妨。我要了飲品吧任飲($13)，十分便宜，飲兩杯已經有賺，太太就要了意大利菜湯($12)，以蕃茄及雜菜為主，雖然不覺得濃，但以這個價錢來說是可以接受的。黑椒蜆肉鐵板煮($19)的蜆也不算細，而且份量也不算少，蜆殼與蜆肉之間帶有些黑胡椒粉但不辣，味道不錯，亦不覺有沙。香蒜辣汁野菌西蘭花($19)有西蘭花、鮮冬菇及蘑菇，味道帶少許辣，份量不多，亦是那一句，以這個價錢來說是可以接受的。主食方面，我們要的農舍薄餅($30)，主要材料有雜菌、洋蔥及芝士，加上特製醬汁，切開四件也是很大件，餅底是以薄底型式，新鮮上枱，自然香脆。另一款主食

知道開左薩莉亞,即刻去食,難得有一間開左係附近~門口仲有花牌係度,應該開左無耐1225去到,好多人XD 同其他分店一樣,等到1310先入到,第一城3~4人等位比較多,2人枱感覺好快就入得安排左門口位,好嘈,如果坐入面應該仲嘈雖然人多,但上菜一樣咁快,雞翼魷魚正常,好食雞肉多利亞焗得唔夠耐,有d水汪汪另外黑松露蘑菇意粉,一d汁都無,無味,比較差可能係因為新開所以仍有進步空間,希望下次去食可以好食d! 加油

期待已久，終於開張啦，之前見到佢裝修了一段時間都未開，好心急，阿女成日問住幾時有得食。店內裝修簡單別緻，令人有舒適的感覺。喜歡喺薩莉亞食嘢係因為佢嘅食物種類有好多，份量唔算好大，價錢大眾化，叫多幾碟可以試多幾款。今日星期六，午餐時段都有好多人喺店外取票等候安排入座。大家都好熟呢度嘅餐牌，一坐低大概都知道要食乜嘢，叫咗蒜蓉法包，凍咗，如果熱辣辣焗起會更理想。菠蘿雜錦蔬菜沙律好大碟，甜甜菠蘿好清新。意大利菜湯，蕃茄味阿女最鍾意。周打海鮮湯，香濃忌廉，海鮮材料豐富，呢個最推介。黑椒蜆肉鐵板煮，新鮮。辣味雞翼(四隻)，都會幾辣，唔係好適合小朋友，大人會好鍾意。香辣腸，唔辣，配幾件薯角，沾茄汁食，正！雞肉野菌雙享薄餅，野菌好香。墨魚汁意大利飯，黑黑墨魚汁味道香濃，有許多魷魚，彈牙有口感。黑松露野菌忌廉意大利粉，黑松露真係好香，呢個味道冇其他可以代替。