薩莉亞意式餐廳 (悅來坊) (已結業)

次次經過薩莉亞啲分店，門口總係人山人海，今日黎荃灣Aeon行街，呢度間分店已經開左，時間尚早又唔係好多人，一於試下。拎左飛等大約5分鍾就入得，都幾多選擇，價錢亦都唔貴，由於唔算好肚餓，於是叫左3樣野食同加左13蚊飲品吧任飲。野食都好快到，首先係水牛芝士pizza，pizza熱辣辣，批底香脆可口，唔好睇佢無餸，但有雙重芝士，每一啖芝士味超濃郁，芝士迷必食!跟住黑松露野菌忌廉意大利粉，黑松露味夠香，野菌份量亦好多，但個汁嘅味就普通左啲，唔太特別。跟住係芝士焗薯角，個汁比意粉嘅汁惹味同香濃，有超多芝士，食落甜甜地，配合薯角一齊食超夾，再加埋煙肉片一齊食多左種鹹香，又另一種風味。至於個13蚊自助飲品吧都幾多選擇，凍飲有部汽水機有各式汽水，仲有檸茶同蘋果綠揀，熱飲就有部咖啡機，咖啡奶茶朱古力都有，仲有各式各樣茶包可以自己拎黎沖，真係可以滿足唔同嘅需要。熱飲加冰變凍飲亦得!值得一讚，鋪頭係㩒掣叫侍應，侍應都好快過黎，唔洗舉到手都軟都無人理你，同埋呢間鋪啲侍應都幾好禮貌，做野仲好勤快，唔錯。價錢平，食物質素同招呼都唔錯，難怪成日行過門口都超多人等位，可以再幫襯!

因為下大雨關係，所以同同事來到悅來坊吃薩莉亞！由於太久沒來的關係，都不知道推出了午市套餐～ 每次來到，我必叫肉醬多利亞，味道好，而且份量適中。唯一缺點是今次的飯稍嫌結了焦，但整體都不錯！ 另外，午市套餐亦包了飲品吧及沙律。我自己就叫了一個田園沙律。田園沙律味道一般，如果可以再多些醬汁就更好！但一個套餐包飯、沙律及飲品吧都是40元，簡直是物超所值！ 今次由於時間關係，沒有再吃其他食物，下次來會再叫其他小吃！

今日放近去左食薩莉亞意式餐廳！呢間餐廳出左名又平又抵食，就算係平日佢都有10-20個人在場等位！2人台等左20分鐘就入得！我地order左以下食物：- 甜蝦沙律（醬另上）-地中海海鮮pizza-辣味雞中翼-蜆肉蕃加意粉-肉醬飯仲加埋飲品吧其實5樣食物真係好夠食，全部菜係10分鐘內到達！抵讚！另外，staff都好快手，食完好快就收完！我最like個pizza, 其他餐廳會幫你cut埋，呢間比個轉刀你自己cut,想cut幾大幾細自己話事！

星期日，Family Day 嚟薩莉亞絕對係最正確同最好嘅選擇！要講佢唯一嘅缺點就係多人，經常排長龍。除此之外，應該係零缺點喇！其實排長龍無非因為佢平靚正，CP值超高嘅家庭餐廳。菜單上大部分食品係一至二人份量，值錢由$18起至$40，就算叫多幾款都唔會肉赤！今日前菜叫咗炸脆脆蝦（$19） ＆ 水牛城芝士蕃茄（$17）。- 脆脆蝦一碟有10隻，隻隻有手指尾咁大，皮脆肉爽！- 水牛芝士好香，如果配大蕃茄片會比車厘茄好。主菜點咗黑松露野菇意粉（$34），水牛芝士薄餅（$29），原隻燒魷魚（$28），蒜蓉漢堡扒（$32），招牌薩莉亞肉醬（$27）。- 松露意粉香到不得了，野菇菌用牛油炒到香噴噴，連啲意粉都煮到啱啱好又彈牙。如此高質素甚至媲美高級餐廳！- 水牛芝士薄餅熱辣辣但相對普通。- 原隻燒魷魚，火候控制啱啱好，肉質鮮嫰！- 鐵板蒜蓉漢堡扒配白飯（+$6），已經係一個套餐，漢堡扒有肉汁，CP值最高！- 招牌薩莉亞肉醬，其實即係意大利肉醬飯，肉醬控應該好滿足！仲有最抵嘅自助餐飲吧（每位$13）除咗有汽水，意式咖啡外，仲有蘋果綠茶，各色各樣紅茶，綠茶，水果茶包。而服務方面，店員大多係年青人個個勤

去薩利亞都通常去西九，不過每次都超級多人排隊，好鬼快放棄……咁次嚟到熊貓酒店樓下商場，行完12元店剛好對開有間薩利亞，冇人排隊啊！唔洗諗即入去開餐喇喂！嚟呢到唔一定要食 Pizza 嘅~ 可以仲有好多選擇，有意粉、飯、鐵板、烤焗、沙津、前菜及甜品…呢到款式種類都算好多，價格相比一般食店較廉宜，差不多一半啊~食1餐=食兩餐蒜汁燒魷魚好香，肉身唔會好乾，喺其他分店都食過，依然都係咁好味鐵板雞雞球，雞扒煎得好香，雞球亦炸得唔錯，粟米加埋個汁撈飯幾正~意式菠菜伴煙肉，明白意式係會加少少黑胡椒調味，但個人覺得重手咗囉…如果少啲就好喇~跟餐加7元就有沙律食喇~不過上面紅色唔知咩粉，唔辣可能係紅椒粉。綠色食物唔怕多，最緊要係健康，嚟個中華海草，吃咗身體都好啲吖~每碟9元喺日式壽司店買都難搵到啦~更可況堂食~嚟呢到有個特點係覺得幾好嘅~就係呢個招喚店員制，唔洗叫，唔洗周圍望，唔洗舉手，仲唔洗搵，店員見到牆上畫面顯示檯號，就會行嚟問你有咩需要，㩒個制就搞掂~

薩莉亞，無論係以前食定依家食，價錢都冇乜大變化，都係咁大眾化，平民化。可說是良心企業👍🏻。就算叫幾樣野食加野飲，平均價錢都係$30左右，仲要唔使加一。真係平過食車仔麵。係好抵食。我最鍾意食呢度既辣味雞翼，辣味意粉同肉醬有關既野食。至於呢度既pizza,我就覺得麻麻啦！餅底同面料係分開的，而且味道淡淡的，不是我杯茶😂。最抵得諗既係叫無限添飲，原來係唔使全台人一齊叫架😱。唔使唔想飲既人都要飲埋。呢間店真係超抵食，如果食得落既話可以叫好多唔同既野食都可以好平。正。

好耐冇黎食了，一入到去坐底後轉晒新餐牌多左又小左野食啊⋯⋯好在必食嗰兩樣仲係度！一開始緊係要食左煙三文魚先！加埋檸檬汁仲好味啊，又有油又有檸檬汁依碟鐵板魷魚，雖然鐵板係假像，一倒晒汁落鐵板冇（炸）一聲，砌開佢一舊舊再淋汁都好味！野菌意粉其實有點似卡幫尼既味道，係多左菇依碟又波菜又小辣！午餐時間都抵食呀⋯⋯一人食一碟意粉再加小小小食都已經好飽好飽，水準冇變set lunch一碟意粉包埋野飲任飲！不過set lunch今期唔太岩我地口味，所以散叫另外加餐飲！

一心見到尼間野就想入去食下鴨肶, 點知原來已轉左其他野,無左鴨肶, 咁都算啦, 食下pizza都好, 另外叫左個飯, 但個飯燶到。。。。 離譜其實門口都唔係排長龍, 唔明點解要咁趕,主力焗上面個位置,攪到燶Q晒pizza 好好多,賣相都正好多啦, 尼一間真係無下次, 同個侍應講 , 好燶喎, 唔知佢拎去邊喥挑返燶個d就算咁樣我自己挑都得啦, 駛Q搵你地咩, 隔離檯兜焗野都係勁燶, 快有乜用? 一見到都已經無乜心機食, 尼一間真係可以不用再去

早排去了薩莉亞食 lunch, 到達時記得根據自己用餐人數㩒張 ticket 出嚟, 絶對係自助形式嘅, 如果唔記得㩒, 就係白等, 浪費時間。餐廳都算大, 有好多梳化位, 令人坐得好舒服。 落單就要㩒鐘, 之後自然會有職員行過嚟 serve 你。我就 order 了一碟野菌意粉, 份量唔太大, d 菇唔夠多, 不過 30 幾蚊係咁上下貨式, 食落都略為咸同埋油膩左少少。加多 $12 可以任飲汽水, 熱朱古力, 咖啡等, 唔鍾意熱飲, 可以自行加冰, 不叧收費。

突然想食意粉, 就去幫襯, 貪佢夠平,ㄧ個人唔使等位, 認真爽。叫了個海鮮意粉配蕃茄醬, 令味道更好, 因為份量唔多, 所以叫多碟蝦沙律, 蝦嘅數量都唔少, 又彈牙, 如果唔夠喉, 可以加多 12 蚊任飲汽水, 咖啡, 朱古力等, 都算唔錯。

呢間連鎖餐廳係平民恩物 每款都好平，好耐冇食過 廿幾蚊款菜仲要都幾好食 你仲想點連隔離枱個幾個老人家都每人叫兩款野weekday下奏人少少 真係好少人 點左兩個湯 1個pizza, 一款青口 已經好飽啦 8十幾分仲平過食碗日本拉麵。不過當然啦 你要諗佢點為圍倒本 咁平之下 你要識揀野食 ⋯同野飲12蚊任飲 嗯⋯平時去個cafe齋叫都3十幾蚊所以我汁左杯mocha 咦，乜d顏色 變左咖啡溝左半杯水既色 可能部機冇晒貨

同意們💼突然想想食意粉🍝，但又到糧尾💸怎麼辦了？薩莉亞幫到我們😍。煙肉菠蘿薄餅🍕：煙肉🥓的鹹香配上菠蘿🍍的清甜，吃起來毫不油膩。可惜餅底烤焗的時間不太夠，口感不夠香脆🤔，但還是可接受的。野菌忌廉意大利粉🍝：忌廉及芝士🧀均勻地包裹著意粉及雜菇🍄，味道香濃，意粉尚算彈牙，不錯。蒜汁燒魷魚🦑：必食之一！原條魷魚端上，感謝同事每次都出手幫忙解體⚔️，入口彷佛嗅到那種海水的鮮味🌊，配上濃郁的蒜汁，讓人停不下來。黑椒蜆肉鐵板煮🐚：蜆肉鮮甜沒有沙，輕輕灑上黑胡椒🌶，而且很好吃。辣味雞翼🐣：雞翼肉頗厚實，香辣度🌶一流，加上啖啖肉汁，也屬每次必食之一👍🏻。總結：性價比非常高的平民意式連鎖店💯，味道不過不失，加上飲品🥤任添，絕對是糧尾福音😍！

黎呢到食野真係就算叫到成枱都係都唔會肉赤因為眾所周知呢到食物價錢便宜，又多選擇。我地一行三人黎到，叫左多款菜式，埋單亦只需百多元，真係非常抵食。至愛黑椒蜆，一啖一隻，又夠入味 正。焗田螺又係必點之一我地仲點左海鮮薄餅，海鮮份量十足，有三文魚、蝦等，非常豐富。到最後我地都係食唔晒所有食物的，食左三份二已經飽了。

有一段時間沒到悅來坊，今晚剛好有空，所以就去逛逛。因為這裡有百貨公司、玩具店及頗多食店選擇方，加上有免費泊車優惠，因此合適一家大小到訪的地方。購物完，可能已經比較晚，所以等了大約5分鐘就可上座。這間食店越開越多分店，相信與價格便宜，食物質素不過不失，位置便利不無關係。加上通常上菜速度很快，也是成功原因之一。對於女生來來說，份量已經足夠。男士恐怕就要加添多一些其他小吃才可以吧！小孩子點了這意粉，也非常足夠了。最後，我們加了一份小小的水牛芝士薄餅。兩大一小只是吃了$177。

每次到月尾呢度都係好選擇因為價錢平但係味道又好味尤其鍾情於佢哋嘅雞翼同埋甜蝦沙律雖然價錢平但係個甜蝦沙律絕對唔會比高級西餐廳遜色而且啲沙律菜都好新鮮爽口另外佢嘅雞翼係我食過咁多間西餐數一數二佢醃出嚟嘅味道香口再加埋佢烤焗方法去煮唔會好熱氣嘅感覺另外佢嘅雞球都好好味尤其是係個沙律醬比出邊嘅會稀啲而且有香濃嘅奶香味