藍屋 (已結業)

見禮拜日餐廳唔使等位入去試吓，個晚餐食個牛扒，我覺得質素可以，大件夾抵食，啲人話服務態度差，我又唔係好覺，你當類似茶餐廳咁，我仲見佢老闆娘仲同隔離枱傾偈幾開心啊。百幾蚊要酒店服務態度咩。幫佢講幾句啦，百零蚊抵食嘅。 牛扒叫五成熟，西冷食落去有牛味，有咬口，但唔會咬唔爛，蒜蓉包正常佢仲會整返熱，個湯正常，唔係特別好又唔係差。 其次佢個環境有兩部電視可以睇吓，坐得都舒服。去茶餐廳食個扒，咁我寧願都會依度揀，最少環境好過茶餐廳。

我同友人接近2點入座 啱啱過午飯繁忙時間入座後見無餐牌 所以問職員拎餐牌職員話餐牌喺牆上但語氣感覺係話：你咁都睇唔到？男職員serve我哋 幫我哋探熱 但無問我哋睇安心出行 我同友人都唔記得咗scan女職員過嚟 又探熱 叫我哋俾佢睇 我哋話未scan 佢極不耐煩 眼神不屑我同友人繼續睇餐牌 睇咗2-3分鐘 女職員擋住我睇緊塊餐牌 問我食咩 我話我仲睇緊 佢串串貢話餐牌喺後面 （重點：我唔係睇唔到前面餐牌 我係諗緊食咩） 果刻已經想即刻離開 但肚餓又唔想再行去搵第二間 最後無走到 真係後悔因為服務態度差之餘 食物都好差！洋蔥湯又鹹又水 牛脷飯嘅牛脷唔爽連基本餐飲都唔掂 淨睇檸茶茶色好似咖啡咁嘅色已經知難飲☺️

服務態度：差食物味道：差路邊空氣：差叉有唇膏：差二手牙籤：差評分如果有0，我會俾0如果兩安無事，唔會咁得閒上黎花時間去差評你，你們自己好好反省下，我見幾年前已經有客劣評你地，到今日都未改，見到就知你幾有心做呀。你到今日未倒閉都係因為位置方便，其實開咩餐廳都會有客，完全同你食物質素同服務無關，不過就完全做壞香港個名。我估你哋都唔係咁care個open rice食評，因為你哋只係做walk in附近貪方便既客，而我就希望有心找餐廳既人，唔好中招，無謂自己俾錢買難受。

做完嘢要醫肚，附近睇咗幾家餐廳，唔係人多就覺得坐得唔好。經過望入來覺得人少幾乾淨，就入來食嗰豬扒包下午茶。嗰包賣相同味道都OK啊。嗰包好脆👍。至於好多人提到那位短頭髮嘅姐姐嘅態度。佢又唔係太差，我估係佢嗰性格係咁樣。笑容就欠奉嘎啦，講說話比較掘，佢做嘢都爽快，想必係一個直腸直肚嘅人。也明白點解其他人話佢態度差，不過呢個應該唔係佢有心。上餐同環境都OK嘅，約人傾計應該都好，因為唔會有人好殷勤咁係你旁邊關注你要加啲乜嘢。

見到openrice咁多差評都好驚， 但坐低左就唯試下。雖然唔係話超級好味， 但真心唔係咁差， 食物質素對得住個價錢。✨焗香蒜雞扒飯好香蒜蓉味，雞扒大大件啖啖肉， 重口味之選。.✨干炒豬扒烏冬大大碟， 豬扒份量都多，味道唔差， 可惜略嫌有點太油。.🏠 藍屋🛤️ 北角英皇道89號桂洪集團中心下A舖📍 港鐵炮台山站A出口，步行約4分鐘-----

因工作和居住也在這餐廳附近，故此經常光顧，下午茶尤其抵食。我最喜歡吃她的蒜蓉雞扒飯😋😋😋，不論是堂食或外賣也同樣能保持水準，而且所有員工或老闆的態度也沒有什麼問題。本人從來也沒寫過其他食評，這是頭一遭，為的就是看不慣像欺凌一樣的食評，實在太令我看不過眼😤😤😤儘管我也覺得她的茶水部確實是有待改善，不過食物真算是可以的，尤其照片中這個蒜蓉雞扒飯，就是我剛叫的外賣，真的很香，引人食指大動 😋

最近去了這間餐廳, 從未試過一間那麼差的餐廳｡首先服務員的態度奇差, 我們進了門口服務員也沒有給指示可以坐下｡站了好久服務員也沒有給指示我們才自行坐下｡當我們叫服務員來點餐的時候,叫了好幾次服務員也沒有跟進,我們做食客也很難受｡服務員的態度差得不能容忍｡食物淡然無味,叫了一個意粉,口感差味道差,吃了幾口就放棄了｡飲品味道也十分差｡最後去了洗手間,洗手間內的衛生情況也十分恐怖｡覺得餐廳真的很差,建議大家不用要吃這間餐廳｡

我住附近，經常光臨呢間店，味道環境衛生態度都非常ok，老闆娘人幾好，完全沒態度差嘅問題。外賣性價比超高，疫情期間差唔多係我嘅飯堂，都適合聚餐聚會，強烈推薦去試下

本來住左天后附近，第一次來到這裏食中午飯，一入到餐廳已經失望，要食客自己找位置並且餐具沒有洗乾淨。我們四個人到餐廳食餐及帶有一名小朋友，餐廳員工態度欠佳，並一直拖延送餐及馬虎對待食客要求。今㳄我地叫左2個飯1個意粉同1個牛排，牛排非常一般，煮得過熟，意粉就還可以，焗飯沒有特色。環境亦不太清潔，檯與枱之間距離亦太窄，空間並不舒適，經常會有碰撞，員工亦不會對客人禮讓，令客人不舒適。總結，下次一定唔會再食。

同朋友聚一聚，原本想去食朋友介紹的越南野，點知無開，朋友話來過食 lunch，便轉左這間。食西餐，我見到羊扒式羊架便會叫來食，今次我就食左羊架，賣相都可以，點知食落啲肉好靭，真係大大力才切得開，所以真係唔多好食，好似未食過羊架咁麻麻地，有些失望，其他朋友叫的亦無咩特別，但其中一位朋友食牛扒，佢叫左6成熟，點知入面都幾多血，可能得四成熟左右，朋友食2啖頂唔順，真係叫佢翻煮，總括來講，呢間一致評價一般。

其實食物就一般貴價茶餐廳質素，俾呢個錢食呢d野同呢一個份量的話，呢一區就唔算太過份。問題係女老闆迫人去同意佢明面中立內裡藍的睇法，有d煩，想靜靜地食餐飯都唔得。

喺外面睇見個裝修幾靚咁，望吓個午餐餐牌，原來係食港式西餐。兩個人食，分別點了瑞士汁豬軟骨配飯和蟹籽忌廉龍利柳配薯菜。.首先，第一個餐，瑞士汁豬軟骨配飯，羅宋湯，凍檸茶。賣相唔係差，但係食落去好屋村茶記或者樓下買外賣$20一個嘅飯盒一樣質素… 羅宋湯普通，唔算難飲，但係個蒜蓉包又凍，仲完全唔脆，感覺係揸啲牛油，焗完又攤左好耐嘅包。凍檸茶茶底唔苦，無澀味，可惜檸檬都完全無味，總括係飲緊淨紅茶。.然後，同行朋友叫嘅蟹籽忌廉龍利柳配薯菜，羅宋湯，熱啡。羅宋湯同餐包上邊講咗，唔重覆。最尾個主菜，龍利柳炸粉好厚，唔知食炸皮定食魚。薯菜原來唔係薯條，係薯角。都唔緊要，可惜薯角皮又係唔脆，面頭仲要有層好有光澤嘅油，濕濕地咁，睇見都唔係好想食…熱啡…唔難飲，不過一啲都唔好飲！.成餐飯完全冇心機影相，發現剩係得一張，食咗一半嘅豬軟骨飯。我如果硬要講一個好嘅地方，就係食物夠大份嘅。五十幾六十蚊一個餐，包咁多野。不過講返轉頭，五十幾蚊我去茶餐廳或者大快活食仲好。

平日有時經過，一直都冇幾會試，今朝得登過去諗住試新嘢。早餐叫左糯米雞，個侍應話要等15分鐘，ok冇問題，等左20分鐘，覺得好似唔對路，問個侍應仲要等幾耐，可唔可以幫忙追追。佢問完廚房，出嚟覆番我哋話整緊就快會出，等左30分鐘後，另一個侍應，施施然行過嚟，話今日冇糯米雞...嗰一刻真係唔知講咩，其實係咪根本唔記得煮，就同我講話冇？朋友食嗰個餐，三文魚炒蛋係乾嘅，羅宋湯通粉個湯係奇怪味，估唔到今時今日仲有啲咁嘅餐廳，好恐怖。

第一次留言，亦都係唔想大家末食已受氣，所以迫我開呢個account 同大家分享。店內兩個服務員，一個老女人、一個中年短髮女人成日黑口黑面對人，好似欠佢哋錢咁，態度極度惡劣，如果位置唔係近小朋友學嘢地方，我相信無人會去食。我都係方便呀仔上堂去食早餐，我們一行三人坐入，當點餐時，有一個客人入嚟話五位，個老女人店員停哂手幫個客搵位，我好禮貌地同佢講”唔該，請幫我落單先，我個小朋友趕時間返學”，跟往佢仲走去執枱，拖延咗起碼5分鐘。之後仲叫我工人拿走啲嘢比其他人坐，我眼見另一邊同是三人坐四人枱對方無嘢放有張空櫈，我就好禮貌地問佢待應：點解那邊有空櫈你唔安排個客坐那邊要我拿起書包無地方放？跟著令我最憤怒係，遲過我入坐5個人同樣叫埋同我個仔一樣的早餐，份早餐格離枱先黎，但無論入坐及點名單都係我先，加上落單時已同佢講我個仔趕時間返學，佢答我：㕑房做邊張單先佢控制唔到。冇幫我追單仲要串嘴唔認錯！我收老師追呀仔返學WhatsApp,唔食已受氣飽哂！

呢間店食物一般下午茶時間都算抵食但是有一位女侍應 短短地頭髮 冇戴眼鏡 戴耳環 外表似辣妹永遠黑口黑面 試過顧客對住餐牌叫嘢食講慢d都比她鬧收錢時更加冇禮貌，一手會搶左你d錢次次都食到成肚氣，唔係我老豆貪方便近屋企，一定唔會再去