蘇亞印度餐廳

营业中

休息中

開左喺公司附近好多年既印度咖哩，亦都係自己當年第一次食印度菜既地方。我覺得呢度既套餐，咖喱辣度係比較港式，因為比起出面尖沙咀同重慶大廈地下嗰啲什麼南印北印咖喱，呢度係冇咁辣。如果想食印度野，但又唔係好食到辣，呢度係唔錯嘅選擇。不過凍飲就麻麻哋。同埋套餐啲飯唔係印度米，想轉印度米黃飯就要加錢，通常我都轉，因為好食啲。整體感覺似港式印度快餐🤔😂因為連samosa都唔會好辣（自己唔食得太辣，試過食重慶嗰啲小食店係辣到我摽眼水）如果想試超正宗嘅印度風味，呢度就未必食到，但係都唔差嘅。

一個星期六下午, 來到工廠區, 大部分食肆關門, 偶遇印度餐廳, 印度風裝修, 站著印度廚娘, 播放印度電視節目, 除了deliverloo空無一人, 醉心咖喱的我決定放手一搏...點了咖喱牛腩和薯仔椰菜花咖喱, 薑黃飯加$15, 薄餅加$8, 另收加一加一😲❔確是西餐廳的氛圍, 杯盤碗碟不是支那的低級貨, 但午後大熱天只有得扇吹吹...印度香米長長散散, 薑黃呢❔熒光黃是也。薄餅❔就是薄餅啦。 兩款咖喱的咖喱底各有千秋, 可能是一紅一黃🤔一微辣一不辣, 牛腩少韌, 椰菜花爽口, 嚐不出來香料的成份, 離無印咖喱調理包味道相差不遠, 但多幾分(新)鮮味, 而且濃薄適中, 想必屬印度一般家庭料理級數, 不過這風味仍是值得掏腰包來光顧。 這午餐整體份量斯文, 值得一提牛腩亦有薯仔蔬菜配料。 🙈搵食有感: 誰說人離鄉賤? 我說外國的月亮特別圓。 稍稍裝修一下應該大有所為

心血來潮約爸爸食午餐，佢帶咗我嚟呢間平時成日行過都唔起眼嘅印度餐廳。中午12:00左右，入到去得3枱客人，燈光比較暗，裝修古舊，有種去咗人哋屋企咁。餐廳內電視播住印度肥皂劇，印藉員工都好醉心咁睇。其實呢間餐廳有Set Lunch，不過爸爸推介散叫，全程由佢發版。1. SAMOSA - 新鮮熱辣辣炸好，裡面薯仔香甜，配上啲香料，脆卜卜嘅厚外皮，會想追住嚟食。2. 香料椰菜花薯仔 - 香料味唔太重，椰菜花似福花，最犀利係啲薯仔，應該係新薯，食落唔會粉粉，甜得嚟有少少爽，推介。3. 唔個咩烤餅 - 個烤造型似一個雪糕筒咁，好香脆，有微辣，咸咸哋，配上薄荷汁，係會食唔停口嘅小食。4. 咖喱羊 - 汁香滑濃，羊肉一啲都唔靭，羊肉味恰度，嚿嚿肉都掛滿咖喱汁，我哋另外叫咗千層餅麵包嚟點啲汁食，不知不覺食多咗。5. 串燒雞 - 好似鐵板烤雞，食落香料味係唔同，望落完全估唔到佢咁Juicy，又香又爆汁又嫩。2個人食5、6樣嘢當然係眼闊肚窄啦，最後食唔晒啲雞同麵包，唯有打包。感覺唔錯嘅印度人開小店，我相信有機會我會再幫襯。

雙十一嗰日喺條街度見到間餐廳貼咗張海報話喺星期一三六可以由飯免費轉烤餅就走咗入去咖喱羊裝喺嗰個兜入面D羊肉唔算多D咖喱汁好似飲湯咁但唔係幾辣Lamb Curry With Naan塊烤餅被切成4塊凍檸茶$5x 一個Lunch 仲要唔包埋餐湯⋯

今日中午行到荔枝角附近，見到呢間印度菜食店，於是入去裡面試食。打開Menu，發覺有好多選擇，原本諗住食個烤餅+香燒春雞。落Order叫餐個時，女服務員見到我咁樣叫，就推薦左個午餐「香燒雞脾飯」俾我，個飯轉烤餅只需要+$8，後來我決定都係要返食飯好過，於是最後就決定食「香燒雞脾飯」+「印度香料奶茶」。個「香燒雞脾飯」係飯同雞脾分開上嘅。雞脾用鐵板上，有一細塊黃檸檬+少量洋蔥，後仲有一細鍋煮熱嘅瑪莎拉醬汁另上，於是我倒落碟白飯上面。「香燒雞脾飯」味道一流，雞脾肉質唔會太韌，掌握火喉非常恰到好處，個瑪莎拉醬汁滾熱咁淋上去，令成個雞脾飯更添美味。😋唯一有少少美中不足就係杯「印度香料奶茶」，茶味唔夠濃郁，落埋糖都仲係覺得味道偏淡，無左印度香料奶茶個種滑同黑胡椒個種微辣味道。成個中午套餐只係食左$50，價錢合理，下次經過一定會再幫襯，而且女服務員態度非常好，亦都主動介紹點餐，係一間服務良好同價錢合理嘅食店。👍🏻👍🏻👍🏻

Lunch @ Sohal Indian Restaurant ~久不久都會幫襯這家餐廳 , 店主是 錫克教徒 , 所以照理論來說會偏向擅長煮 北印度 的菜餚 , 但當然顧客都以本地人為主 , 所以某程度上都會偏向適應香港人口味 ~Menu ~今日食這個 Butter Chicken 茄汁燴雞飯 , 味道明顯跟過往有分別 , 可能廚師失了手 .... 吃落口是有苦澀味的 , 證明調配香料失當 , 而且香料味也不甚突出 , 雞肉亦都不夠入味 ~肯定是一時失了手 , 否則不會犯這種低級錯誤 ~本篇完 ~

男朋友鍾意食印度野，見呢間幾抵食黎試下。叫左二人餐有印度威化餅、雜菜咖喱角、香燒雞、咖喱羊肉、香料椰菜花薯仔、烤餅同芒果奶昔。一個餐滿足幾個願望，咁多野食先百幾蚊好抵呀，平得黎又幾好食。

外賣叫咗個二人套餐, 有兩款小食、Tendori 雞, 兩款自選咖哩跟烤餅或飯，連埋兩杯飲品。分量足夠，味道都好夠地道，價錢又唔貴。 美中不足係杯Mango Lassi太甜。而家又有網上外賣平台送外賣, 以後返工嗌飯多個選擇。

早前，男朋友建議走到長沙灣的 <蘇亞印度餐廳>！平日，他曾經中午經過，見到這裡好 Full！相信有實力所在！所以，他特意約我來一嚐！我們都是第一次來！ 平日夜晚，不足一半食客，相對冷清，就算 walk in 都不用等位！店子似是印度人家庭式經營！ 店內燈光略帶昏暗，充滿異國色彩的裝飾及掛畫，播放印度電視節目！我們看不懂，還是專心進食及傾計！餐牌一人、二人、四人及六人套餐或散叫：晚餐咖哩薯仔椰菜花配印度烤餅  (一人套餐) $68先送上印度威化餅 薄如紙的印度威化餅，味道是胡椒味，可蘸上辣味的青色醬汁及深褐色的酸味醬汁，別有一番風味！咖哩角熱辣辣又香脆的外層，內裡是充滿粉腍的薯仔！咖哩薯仔椰菜花 (少辣)口味香而少辣，我也可以接受得到！椰菜花微爽，而薯仔粉腍又入味！印度燴嫩羊肉配印度烤餅 (一人套餐) $68散發羊肉肉香，最重要的是羊肉柔軟入味又不羶，況且，數量也不少！絕不欺客！我們發現，盛載主菜的金屬器皿雖然細個，卻是幾重秤！印度烤餅 店方的印度烤餅並非是油酥餅那種質感！令人一試愛上！熱辣辣又散發麥香，不油膩！卻是香脆可口的！ 配上有濃味及辣味的醬汁及配料很一流！熱檸

帶著女兒與英國回港渡假的老朋友聚舊，因她常跟我說在那邊冇啖好食，我當然要搵些茶餐廳以外的特式餐廳與她試試囉！本來想帶她去重慶大廈食印度菜，但她今天需要到長沙灣一帶辦點事，我想起這兒也有間印度菜，評語也不差，便與她來試試。我們三人叫了印度咖哩角(好味)，炸洋蔥絲(粉漿較厚，但重慶大廈幾間印度菜都是如此的，可能就是印度風格做法吧？但味道都唔錯)，鐵板雞(肉比想像中嫩，唔嚡)，咖哩羊肉(我唔食羊，冇試，只用其咖哩汁醮Nan來試，咖哩唔夠香)，鐵板雜錦(有魚、但醃得太咸，雞、味道較正常，羊、冇試，蝦烤得太乾)，蒜蓉薄餅(正常，好味既)，另叫了三杯飲品，檸檬梳打，芒果Lassi(亞女話好飲)，凍咖啡(冇乜咖啡味)，埋單385蚊，比起重慶大廈更抵食，服務也不錯，女侍應會主動埋檯加水。除了鐵板魚較咸外，以食物水準、價錢、服務嚟講，對我來說，呢度有回頭的。

朋友仔同我都係第一次幫襯呢間印度餐廳，係印度人經營，好地道喔！平實簡約裝修，燈光調得比較暗。但見到有好多人食，都有信心試一次！佢有一個午餐menu同散叫menu，午餐跟咖啡或茶！我地分別叫左個午餐C(咖喱魚飯)同午餐E(咖喱牛腩飯)，抬頭一望原來星期一、三同六，lunch set 白飯轉Nan bread唔使加錢呀！！🥳即刻轉配Nan（平時係要加$8先有得轉！）咖哩牛同咖哩魚係用唔同咖哩，兩種咖哩都好香濃而唔辣，應該跟香港人口味調較過，同淡味嘅Nan絕對係好拍檔！牛腩肥度適中，味道都唔錯，朋友仔就話魚肉滑，都好評！最後我地點晒全部汁

過了大家食飯時間又心癢癢想食印度嘢又唔想去到港島咁遠，在OpenRice 搵咗幾間葵青，結果去了長沙灣試試。入到店內沒有一個顧客，以為他們下午落場，但印度人很少下午落場（我是正宗香港人）大概因為香港人不常吃印度食物和過了食飯時間。仲好，又可以安靜同家人食嘢。我們點了兩份一人午餐加一份炸小魚小食。一人午餐先來印度威化餅，此店做得不錯，它夠脆、帶胡椒微辣，其後上了印度薄餅和我們點的主菜Tandoori Chicken 、curry beef. 整體來講價錢尚可。

那天大概六時到達這間由印度人主理的餐廳，我們是第一枱客，餐廳內沒有華麗的裝潢，店主看見我們才開動冷氣，燈光也有點昏暗。這裏除了 a la carte 外，還有套餐供應，分別有一人、二人、四人和六人套餐。二人套餐（$158）套餐包括：印度威化餅什菜咖喱角香燒雞椰汁咖喱雞/咖喱羊肉焗茄瓜烤餅/白飯芒果奶昔印度威化餅這個威化餅又熱又脆，配合薄荷葉醬和黑醋甜醬，是一個香口的前菜。什菜咖哩角咖哩角的外皮酥脆，餡料的薯蓉和洋蔥蓉滲透著印度香料的味道，飽肚又美味。香燒雞燒雞用鉄板上，上枱時還聽到鉄板吱吱發響，橙紅色tandoori 醬汁醃過的燒雞加上淸新的檸檬汁，令人食慾大增。咖哩羊肉雖然份量不太大，但內𥚃也有五至六件羊肉，香濃的咖喱汁令羊肉的羶味減低。焗茄瓜茄瓜去了皮，剩下的茄瓜肉煑成蓉，加入香料和莞茜，調味適中，是一個好味的素食。烤餅熱辣辣的烤餅跟咖哩是最佳拍檔，每人兩塊的份量剛剛好。芒果奶昔芒果與酸奶的比例適中，有芒果的香甜味亦有乳酪的酸味，吃過咖哩後，解辣最啱。這裏全日免收加一。

我是個無辣不歡的人，咖哩更是我的最愛之一，偶然下發現了在長沙灣的這家印度菜餐廳，讓我非常驚喜。 印度素食人口高，所以印度菜總會有素食，所以我已幫襯這店好幾次。這店下午時人不太多，晚上偶然都會滿的，但我通常是下午時份來，大概只有2-3枱客人。 這店裝修有點殘舊，燈光陰暗，大概可容納食客約四十多人，最裡面是吧枱和收銀處，而角落處有電視機。每一張枱上已放好了餐碟、餐具、杯和餐牌。除了單點外，下午會有午餐選擇，而晚上亦可以選一人餐。 這次來午餐，我點了咖哩椰菜花薯仔配以烤餅，亦特別要求要加辣。這店的烤餅（Naan Bread）我認為是我吃過全香港最好吃的，表面烤至焦香，但卻仍保持軟熟，我試過忍不住要來單點個烤餅來吃。咖哩薯仔椰菜花我是第二次吃的了，雖然特別要求加辣，但仍不夠辣。這也不太要緊，吃印度菜最重要是那些香料香草的配搭出來的香味，這是我愛吃咖哩的原因，薯仔和椰菜花烹煮到入味，令人齒頰留香，不過要留意這道咖哩是沒有太多咖哩汁，喜歡用咖哩汁送烤餅的人要留意啊！ 除了咖哩和烤餅，這店還有很多印度食物，例如咖哩角、炒飯、鐵板燒烤、各種肉類、乳酪奶昔（Lassi）等，最開心還是他們有一大行素食供選

好驚呀今次係我第二次嚟了，點解都係小貓三幾隻㗎……我不經常吃印度菜的，但自從食過一次之後印象很深刻，那種獨特的味道令人念念不忘，咁有特色、好味而又經濟的印度餐廳，真的不明白點解會咁少客人的，不過……或者有一天要在門外排隊等位時，我又會抱怨……但我一定係開心多d嘅建議叫這裡的二人或四人套餐，菜式多、唔駛諗、啱我這類懶人。咖哩的味道濃啖適中，不太辣烤餅是無味的，加上咖哩汁吃是絕配雞肉很嫩滑呀