蘇哥清湯腩

营业中

休息中

尖沙咀新港中心food court新開左呢間清湯腩🍜質素原來都唔差喎 好食過唔少茶仔嘅牛腩飯！✨清湯崩沙腩麵 配菜心 $71崩沙腩炆得幾腍 但肉質又唔會太老太嚡 又唔肥 淨係牛味突出呢點已經唔錯👍牛腩份量唔孤寒 足料 湯底清清地 無出面啲大地魚湯咁鹹 ✨南乳豬手撈麵 $63非常大碟 麵底超多🍝豬手好腍好入味 充滿膠質 豬皮處理得好乾淨 南乳汁撈麵幾正 個麵仲好似落左蝦籽喎✨加拼雲吞 +$10兩粒雲吞食到鮮蝦 彈牙皮薄 $10都合理呀👌🏻

去尖沙咀去蘋果維修電話，比預期時間快整好，向海港城方面行，見到新港中心維修中，好耐無行。而家個地庫好旺好多人好多選擇，見到蘇哥清湯腩，食過沙田科學園幾次，不過尖沙咀分店餐牌上的食物與價錢跟沙田分店不一樣。清湯崩沙清湯牛腩麵$61 ，轉河粉，飲一啖湯。 嘩，非常香濃的牛骨湯。河粉用好幼身的河粉，好滑口。牛腩絕對係高水準，肥瘦均勻 。另外單點清湯蘿蔔，好清甜，蘿蔔好合時，而家食補肺。以快餐快食為主，小食有油菜，炸魚皮。