影片
开饭介绍
区内人气新加坡菜餐厅，其招牌海南鸡饭标榜一份有半只鸡，而且嫩滑富肉香。装修带点怀旧风格，如采用黑白色地砖、木制餐台椅等。
继续阅读
营业时间
今日营业
11:00 - 22:00
星期一至日
11:00 - 22:00
*下午茶時間：1400-1800
以上资料只供参考，请与餐厅确认详情
相关文章
是日來到長沙灣的蘇山雞飯食晚飯，見到店名就梗係要試佢地嘅招牌雞飯啦，仲有出名嘅鮮油多士🤤坐低後即刻掃code落單，叫主食加配小食飲品等有優惠價，咁抵叫多啲野食先，呵呵🤭⭐獅城芽菜走地雞配油飯雞件嫩滑鮮味，芽菜吸了雞油好香甜，加上香噴噴嘅油飯真係食得好滿足🤤⭐雞雜冬瓜湯跟餐送的雞雜湯，冬瓜清甜雞雜鮮味，勁好飲！⭐海南豬扒喇沙摻摻另外仲叫了喇沙，豬扒香脆有香茅香，喇沙湯好濃好好味，微微辣又帶奶香，好味到湯都飲晒😆⭐鮮油咖央多士熱烘烘的多士配上冰凍鮮牛油，咬落爆漿，牛油鹹味同咖央嘅甜味同時湧現，好食到無野講。呢樣一定都出新鮮食，凍左就大打折扣了。⭐馬拉盞椰菜苗最後少食蔬菜便叫左一份，椰菜苗爽脆，馬拉盞炒都幾有辣勁，正。⭐凍椰奶 & ⭐仙草椰奶冰朋友同自己都不約而同揀了椰奶😆貪佢香甜嘛～⭐特濃薄荷朱古力雪糕 & ⭐馬六甲椰子雪糕最後就係甜品，跟餐有半價太抵了，兩款口味都要了，估唔到一客竟然有三球！正！好滿足的一餐，樣樣都好食，朋友無介紹錯。
继续阅读
蘇山雞飯今日要介紹喺長沙灣一間星馬菜餐廳叫「蘇山雞飯」，呢間星馬菜餐廳喺2023年拎咗「我最喜愛食肆」獎項，佢哋下午茶價錢好親民，我哋就叫咗兩個下午茶餐再加小食！呢間餐廳門口係有一級，輪椅人士如果要入去食嘅話，要自備斜板，入面都算闊落，有好多張枱都適合輪椅人士用，大約等15分鐘就入得餐廳！1.娘惹咖哩炸雞配椰漿飯$58+凍蜂蜜桔仔水$3（9/10）呢個咖哩炸雞真係勁大隻，椰漿飯就轉咗白飯，炸雞入面有少少咸，仲有炸花生同炸魚仔，炸魚仔都有少少咸，下午茶套餐加$3就有一杯凍蜂蜜桔仔水，佢哋唔係用糖漿，係用真正蜂蜜，飲落好飲好多！2.星洲叻沙摻摻（豆卜、魚片、魚蛋、蝦、青口、芽菜、通菜）$58+凍生椰拿鐵$3（9.5/10）呢碗星洲叻沙摻摻份量都幾多，配料好豐富，有2舊豆卜、2片魚片、2粒好彈牙魚蛋、2隻青口、2隻蝦同半粒蛋，米粉佔較多，油麵只有少少，下午茶套餐加$3就有一杯凍生椰拿鐵，甜度甜咗少少！3.夜市沙嗲串（半打）$108（8/10）呢個沙嗲串牛雞各3串，牛肉串唔乾柴，牛肉嫩滑有肉汁，反而雞肉串有少少咸！4.泰式魚餅（四件）$38（8.5/10）呢個泰式魚餅外面微脆，咬落太多汁，我自己反而覺得乾身少少好食d，食落有少少辣辣地，唔錯！5.凍蜂蜜桔仔水$25（10/10）呢杯凍蜂蜜桔仔水真係好好飲，最後仲要叫多一杯嚟飲，大家如果諗唔到飲咩，不妨叫呢杯飲品試下啦！2人總共價錢$293個人口味總評分：9/10@susan_chicken_rice 地址：元州街411號義華大廈地舖Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#蘇山雞飯 #馬來西亞菜 #星加坡菜 #長沙灣好去處 #長沙灣 #長沙灣美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
继续阅读
今日來到這間人氣星馬菜餐廳！餐廳裝修企理。環境舒服，有格調，而且座位算闊落。餐廳使用電子下單方式，侍應態度有禮親切，而且上菜及收碟速度快！醬油三寶＋油飯（餐）雜冬瓜湯 $93醬油雞醃得很入味，可以不會點任何醬汁來吃，雞肉十分嫩滑。豬手都很嫩滑，滷水蛋都很好吃！配以清甜冬瓜湯！湯入面有雞雜，雞雜沒有異味、爽口。巴東牛肉配江魚椰漿飯 $85椰漿飯配上軟腍的巴東牛肉，當中有一大片的蝦片、魚乾、花生及滷水蛋。巴東牛肉好腍身及入味，分量不少。椰漿飯椰香味濃郁，配埋鹹香的魚乾及花生，口感豐富。參巴辣醬通菜 $42 （套餐加購$21）分量算多，馬來西亞的參巴醬與蝦醬一齊炒通菜，少少辣，鹹香惹味。Susan雞翼（三隻） $44 （套餐加購$22）原來是三大隻雞全翼！醃得入味！炸到香脆可口，雞翼保持到肉汁！咖吔油條配薄荷朱古力雪糕 $38是創意十足的甜品！外熱內凍，外脆內軟，配上薄荷雪糕吃，一冷一熱好特別，而薄荷雪糕與咖央醬好滋味！開心果椰子奶昔 $32奶昔以開心果和椰子做主角，口感滑順，開心果濃郁，與椰絲及椰子味配合！整體很有層次。
继续阅读
之前去長沙灣食嘢已經經過呢間好想試，於是的起心肝約去食，唔約真係唔會去呢頭。雪糕班蘭奶茶雪糕係椰子味，不咗一嚿嚟食幾好食，不過班蘭奶茶就飲唔出斑蘭味，一杯淡啲嘅奶茶咁。咖央多士嚟到見到個牛油勁厚，好震驚！不過咬落原來剩係得半塊近切面嗰邊嘅牛油，但食到尾其實個量都夠，太多就太油膩太滯，但係斑蘭味就比較弱，主要都係食到鮮油多味。新鮮熱食都係好味嘅！辣醬玻璃魷魚通菜估唔到幾好食，少少辣味道豐富，而且跟餐加錢嗌都唔孤寒，好大碗。海南雞喇沙喇沙湯底唔錯，湯夠熱，油麵米粉各一半，又有豆卜又有魚蛋幾豐富！不過真係要趁快食，啲湯比麵吸收得好快。但海南雞就弱啲，以雞嚟講唔差，但就食唔出海南風味，有啲似白切雞，個海南雞辣醬都普通。椰子雞煲湯好清甜超好飲，忍唔住飲咗好多碗，椰肉亦爽滑。不過雞就真係冇乜味，完全要靠豉油去帶出味道，不過個豉油加咗辣椒青檸沙薑點出黎個味都唔錯，只係本身期望會有多啲椰味唔需要靠晒醬汁。跟雞煲個油飯都唔錯，其實都唔清楚呢種算唔算油飯，因為佢感覺完全唔油，同細個食啲飯嘅味道都唔同，比較乾身同埋重香料味，但係好食嘅。
继续阅读
初訪位於長沙灣的馬拉菜「蘇山雞飯」感出品正宗，性價比高；趁著假期帶同男友再次到訪；裝潢富懷舊馬拉茶室風，環境衛生，座位寬敞-砂鍋新加坡白胡椒排骨茶 $120附油條、黑醬油、蒜蓉及辣椒選用一字骨，肉質緊緻，吃到啖啖肉香；豆卜吸湯後軟腍入味；肉骨茶熱度高，清雅的藥膳味道配搭白胡椒，非常暖胃；迷你版油條可愛精緻，綿密富麥香-下午茶：星洲叻沙摻摻 $58奉送檸檬薏米水/熱飲，開心果奶昔 +$12材料有豆卜、魚片、魚蛋、蝦、青口、芽菜及通菜豆卜質感如海綿，吸湯力強；魚片及魚蛋爽滑彈牙，帶淡淡魚香；蝦肉及青口鮮甜；油麵及米粉加上爽脆芽菜及通菜等，口感層次豐富；叻沙湯底咖喱與椰香平衡細膩，配搭微辣參巴醬更惹味開心果椰子奶昔質感順滑，椰子香濃郁，卻不搶開心果的味道，甜度不高-下午茶：Susan 雞翼 (3 隻) $42奉送檸檬薏米水/熱飲，點選熱蜂蜜桔仔水3 隻為雞全翼，已為客人將雞搥及雞中翼分開，方便進食；炸至金黃，油膩感不高，肉嫩緊緻，能鎖住肉汁，調味恰到好處蜂蜜桔仔水酸甜平衡，有解膩作用-馬拉盞椰菜苗 $58椰菜苗鮮嫩爽甜，配搭鹹辣適中的馬拉盞，足夠滋味
继续阅读
您可能会有兴趣的...