蘇波記川湘粵菜館

营业中

休息中

廢話唔多講，每次黎到必食，唔會有第二間既選擇，因為，真係好正😂性價比係高既。第一道菜，椒鹽豆腐，分數9/10，炸到好脆身，唔油但入面又夠水份，加上沾埋d喼汁，無得輸。可以近鏡睇睇，睇返都想食真係。。。😋👇🏿👇🏿第二道菜，白灼蝦，分數9/10，呢個菜其實好普通又常見，傳統食蝦既食法，去好多地方都有得食，但正正就係禁，先知間餐廳有無料。呢個白灼蝦啜個蝦頭入面果陣係甜既，肉質又鮮甜，係新鮮既，大家不妨試試。👇🏿👇🏿第三道菜，蒜蓉粉絲蒸扇貝，分數10/10，呢個菜真係小編極度喜愛，去到有得食海鮮既地方都一定會點，呢度真係做得數錯，雖然粒扇貝數係好大粒，但粉絲既數量適中，感覺到食材既新鮮，成樣野个味道真係100分添呀喂。👇🏿👇🏿第四道菜，豉椒炒聖子，分數4.5/10，呢個聖子就做得好一般了，鑊氣唔夠，味道不夠重及過於偏甜，很可惜，因為呢個都係好好食既海鮮黎，但不合格了。👇🏿第五度菜，肝汁炒芥蘭，分數7/10，聽左落單既姐姐意見，用肝汁去炒芥蘭，其實一開始都唔係太咩係肝汁，不過出黎都唔錯既個味道，係一個新嘗試。👇🏿第六道菜，頭正中上方的鹽水蜆，分數:5/10，呢個菜真係平平無奇，味道平淡，不過可能

每次入長洲除了要食街頭小食外，一定要食埋海鮮先開心既上上次食過呢間覺得唔錯，不過上次去左第2間，發覺都係呢間好，緊係要翻食啦經過其他門口都不為所動，黎到蘇波記，即刻搵位坐底食，好好咁有室內坐，但用膳時間有D趕，好快叫完野食，野食都好快黎，發現原來好充足既時間，點解?因為碟碟份量都好細，食物SIZE都細，唉，仲要當日蟶子賣哂冇得食黎到第一碟，細碟左咁多既不過味道都可以完全冇咩味，蒜蓉味都冇，帶子都冇味椒鹽味完全唔夠，一D都唔香口，同埋有幾隻唔新鮮，好梅食完3碟完全唔覺得自己食緊海鮮，終於黎返碟正正常常，不過都有幾多沙。幾個月冇黎，點解D質素差左咁多既

入長洲必食海鮮～食過呢間海鮮3次新鮮、好食又抵食219有4個餸蟶子好入味，冇雪味（隔離個間就好有雪味）蠔餅熱辣辣～d蠔都幾大粒撈飯一流的蒜蓉蒸扇貝麻麻辣辣的香辣蟹～味道唔錯，係肉少d下次實會再來食

好少來長州, 公司話要清假, 都唔知想去邊....就咗長州玩2日. 見長州成條街都係食海鮮, 間間價錢差唔多....唸咗好耐, 上openrice 睇下有咩介紹. unlike 多過like...!呢間like 多D , 就試一下啦.入到佢, 間間都差不多, 唔多要求!干淨, 企理, 招呼好就得.今次一行3人, 食海鮮, 叫2人餐份量怕唔夠食. 叫了一個4人餐-6個餸.避風塘炒蟹,椒鹽鮮魷,豉椒炒聖子,清蒸鲳鱼,白灼蝦, 炒豆角.一上檯,就係白灼蝦, 我家老爺, 最愛海鮮, 一食落口,第一句話, 新鮮...呢句話,好少聽到佢講,我同阿女一食, 真係好味(新鮮)再上檯係椒鹽鮮魷,更正, 粉少, 乾身,新鮮魷魚.豉椒炒聖子, 殼與肉分開哂, 覺得佢有D 假, 唔係原隻聖子,食落都OK.避風塘炒蟹, 唔辣,蟹新鮮.蒸鲳鱼, 新鮮, 沒有花巧, 蒸的時間啱啱好, 食落條魚真的好滑.炒豆角,用乾辣椒炒,豆角同我平時在街市買的是一樣,簡單分量夠,食下食下,又唔辣,比我食咗大半碟.

寧食開眉粥,不吃愁眉飯!終於寫出我的第一篇~~這個周末,兩口子去了長洲! 其實無乜特別,只是我們上一次已經係廿年前了'以前搭船成個鍾,依家半個鍾!! 我好OUT囉 . 落船12:15PM, 曬曬曬! 搵左間茶記~食冷氣 ,跟住由西行到東,橫街窄巷,沙灘慢遊!炸大魚蛋,炸釀豆卜,炸雪糕,芒果糯米糍.......4:15PM由於唔係食左好多野,又曬到七彩,再加上我唔鍾意同人逼,便走左去食飯,揀左---蘇波記---由於不是用膳時間,無乜人,室外一檯,室內三檯,揀左室內(又食冷氣:yuk 二人餐$218/4個餸唔使加一,由於無乜人,餐廳呀姨招呼我地話成個餐牌的小菜都揀得.一揀椒鹽瀨尿蝦--無!今天貨唔靚無入 ,咁唯有揀避風塘炒蟹,鐵板蚝仔煎蛋,椒鹽鮮魷同蒜蓉蒸扇貝.避風塘炒蟹: 梗係唔係買料畀食肆加工果D蟹喇, 餐廳提供,肉有6舊,蓋得個半,蟹拑兩隻最正常 ,但係夠鑊氣,野味喎.兼且蟹肉夠實同有鮮味添!  鐵板蚝仔煎蛋: 估你唔到喎 ,熱辣辣食落口蛋香煎唔過火,蚝仔唔算細粒仲啱啱好有汁有鮮味,好 椒鹽鮮魷: 呢個......鮮魷爽口炸粉唔厚,但味道偏淡椒鹽味欠奉,普普通通最遲出

今日黎到長洲 晚餐當然食海鮮咁多海鮮店 我地揀左一間冇人sell 我地既入到我地2個人叫左3個餸第 個係避風塘炒蟹呢個係三味餸入面最好味既 個蒜粒炸我好好 個味辣辣地啲蟹唔會好油 不錯不錯之後係椒鹽鮮魷 正正常常 冇咩特別豉椒炒聖子 都不錯 可以話係中試水平 個汁送飯好正

叫佐個餐，6個餸388蚊！個亞姐話份量會比4個餸個套餐多，點知上菜之後先知賴嘢，份量原來同4個餸套餐一樣多，但價錢就差不多貴佐一倍，所以下次要去食的朋友都係叫218的4餸套餐或168的3餸套餐會抵好多！

晚餐都選擇係長洲食餐海鮮餐，碼頭一欄都係海鮮大排檔。都係套餐百幾蚊3個餸。食過其中兩間，蘇波記係第一次食。揀左$218 4個餸。第一碟 椒鹽鮮魷。 份量頗多。鮮魷彈牙，椒鹽夠香〇，不過略賺炸粉太淋。蒜容開邊蝦，雖然蝦不大，但算鮮味 肉質結實，最鐘意多蒜容，蒜容同蝦既配搭最夾。第三碟 扇貝，亦都係我至愛既蒜容粉絲又有重蒜味又有鮮味。最後係鐵板蠔仔餅。呢碟見差不多每台都叫。鐘意食蠔既我都叫左黎試試。份量好多，鐵板上，炸炸聲而且裡面既蠔都幾大隻，唔似炸蠔餅果d好似豆咁細。點魚露食 最搭味！坐出面，望住碼頭風景，真寫意。餐牌上既款式任點。選擇多 海鮮 小菜都有。除左食食物 仲食風味 哈哈哈

每次到長洲都總是帶著開心的回憶，就像去了一趟短途旅程一樣。今次到長洲，與肥膏又是大吃大喝。最後的一站，是到「蘇波記」。當天是平日，差不多到晚上六時，人自然是不多的。未到晚餐時間，這附近的餐廳已經ready 要搶生意。的確，其實競爭都幾激烈。這次我們並沒有「走到哪食到哪」，隨便搵一間。而是有目的的走到「蘇波記」。一去到門口位，就有位姐姐好熱情地招乎我們，並且推介我們今日有咩新鮮，招呼周到。最後我們點了一個二人套餐 HKD 198.00200蚊有四個餸，算是好超值了。店員姐姐說今日蟶子新鮮好味，當然我們都點了鼓椒炒蟶子。鼓椒炒蟶子真是大大碟，好多蟶子，又熱辣辣。而且蟶子好新鮮，鼓汁又惹味，讚！如果係市區食，一定吾止這個價錢。辣酒煮螺看到面層的紅油，以為會好辣？其實也不是很辣，我還以為會好辣呢。螺肉也是很小一粒，吃的時候比較麻煩。螺肉又有點煮太耐，所以有點點失望。蒜蓉粉絲蒸扇貝這個就沒有讓我們失望了，好好味。扇貝雖然細粒，但好新鮮，肉質彈牙。蒜蓉夠多，好惹味！當然還有完全吸收晒扇貝精華的粉絲。最後一碟是避風塘炒瀨尿蝦。瀨尿蝦是種好難食得到的海鮮，我很怕它的殼。猶其是這種小小一隻的，無肉得個殼

眨眼一年，今天掛上三号風球，我們都到長洲為妹妹慶祝生日， 一行12人都長洲蘇波記 吃晚飯 首先我們在街市買左琵琶蝦 ，沙巴龍躉 和三隻肉蟹，在蘇波記點左8人套餐 $868，加一個揚州炒飯，芝士琵琶蝦伊麵底 ，芝士味濃， 伊麵變左主角一被各人吃光了清蒸沙巴龍躉 蒸的時間和味道調教得非常好薑蔥炒蟹 炒工水準之作 京都肉排椒鹽瀨尿蝦椒鹽鮮魷 店長極力推介，正！豉椒炒聖子 新鮮鮮甜肉質肥美蒜蓉粉絲蒸扇貝 扇貝細隻肉小 不過粉絲夠味鐵板蠔仔煎蛋 果然是鎮店之寶疍香蠔仔嫩滑水煮牛肉 麻辣適中牛肉嫩滑 是女兒的至愛 總括來講這樣的價錢， 都算得非常合理。

在長洲吃海鮮晚餐，選了從未光顧過的蘇波記。二人餐$198，可在餐牌中任選四款，有海鮮亦有普通小菜。服務員介紹的人氣之選有咕嚕肉和鐵板蠔餅等。椒鹽鮮魷是其中一款很受歡迎的菜色，脆漿只有薄薄的一層，不會炸得過硬。豉椒炒蟶子炒得很惹味，蟶子本身很新鮮。二人餐卻只得三隻扇貝，怎樣分呢？扇貝比預期中大隻，非常鮮味。最後上桌的是招牌菜蠔餅，新鮮熱辣煎得非常香口，份量對兩個人來說太大了吧。下次再去長洲吃海鮮，我們會再去蘇波記。

今個weekend 去左長洲鬆一鬆，黎之前緊係去OPENRICE SEARCH 下有咩好食啦！本人就好鐘意食海鮮又好鐘意去大排檔，貪佢夠鑊氣。最後去左蘇波記，拎起餐牌，佢地原來係SET左個價，2個人就198蚊4道餸，個伙記仲話可以揀咩餸都得，入面有蟹有蝦有帶子咁，心諗佢到咪好蝕，但身為顧客既我就冇所謂啦，其實咁都幾好，佢係睇人頭煮番相應既份量。我叫左椒鹽鮮魷 豉椒聖子 粉絲蒸扇貝 同清炒菜心。其實道道菜都好食，可惜上菜好慢！先講鮮魷，食落就知岩岩炸起，表面好脆，同埋唔會咬唔到，又唔會太咸，值得一試。正！扇貝係好食既，但我覺得自己都整到，蒜容同粉絲係面拎去蒸，好食但冇驚喜，普通啦！聖子我PREFER佢應該會有小小辣，但佢辣味真係冇咩，但聖子係新鮮。唔錯！最後菜心真係好好食，可能係對佢冇啦期望，但菜心竟然好鬼甜，好快就食哂。好喜出望外！

198蚊任揀4味，全部叫咗海鮮，白飯好似係8蚊。只有避風塘炒蟹味道ok之外，炒聖子就好細一疊，三兩下就食曬，條海魚嘅魚肉冇咩鮮味，覺得唔太新鮮。瀨尿蝦最難食，D肉冇味。冇茶位費，服務幾好。

好正啊！！！好日唔入一次長洲，當然要上定openrice搵食！見佢咁多好評唔洗諗一定揀 蘇波記！由頭行到尾，終於搵到佢！六點已經坐滿左人，等左四個字先有位，不過都係值嘅！！叫左$338 六個送餐牌上任揀：蒜香開邊蝦、炒菜、魚、咕嚕肉、扇貝、鐡板蠔仔蛋！咁嘅價格同質素，真係唔怪得周圍幾間都唔夠佢爆！有圖有真相！

抵达长洲码头12点20分 抓紧时间觅食之前曾经看过苏波记的食评还不错 于是一路向左找到了菜单上有十好几种菜 海鲜、肉类、主食、青菜都有任点4种198 6种398 还有更多的以此类推我们3人饭量都不大 本着营养均衡的原则 点的清蒸海上鲜（鲳鱼）、豉椒蛏子、椒盐豆腐和清炒通菜上菜的速度可真是不快 我们是第二桌点菜的 居然比我们后来的好几桌都上菜了 我们还什么都没有又等了好久还是没有我们的菜 我们催了下服务员 告诉我们通菜应该快了我想原因恐怕是我们点的菜没有和别人的重复 所以先把重复的菜炒出大锅分给了其他人吧 而我们的要单作 所以就慢了还好通菜上来之后 几个菜就陆续都到了鱼还好 很新鲜 虽然小点 但蒸的味道也不错蛏子也还好 也胜在新鲜 下面都是壳 但豉椒味道很浓 朋友后来拿汁来拌饭 通菜很嫩 清淡 分量少了点椒盐豆腐最让人失望 完全炸焦了 没有外焦里嫩的感觉 像豆干 而且 看图 完全是避风塘啊 椒盐在哪里？好在是健康的豆腐 也吃光了看到别桌的咕噜肉闻起来还挺香 不知道吃起来如何呢好在也不会经常去长洲 下次也不会去这家了吧加白饭和茶芥共215 便宜是便宜 但总感觉没吃好呢 其实周围都是类似的店