蠔王 (已結業)

主打食西餐為主~點了一客煎美國安格斯牛扒,脆炸魚柳薯條,生蠔4隻生蠔即開即食,夠海水味又重蠔味,口感幾滑牛扒5成熟超大份,厚身切開仍然好粉嫩,肉質細緻比較彈牙肉味好濃郁!配以薯蓉燒汁同蔬菜伴食,份量KING級!魚柳配沙律薯條,同樣份量勁爆! 原條魚柳炸脆,咬開仍有魚油夠嫩肥無骨~脆薯條份量都幾多,沙律夠清爽幾抵食份量大碟Shop 4, G/F, Eightland Gardens, 2 On Chee Road消費$400

多年前間唔中都會去食，雖然貴，但係真係物有所值，起碼塊扒真係炭燒又好味、啲蠔真係大份又正，又少人，環境舒適但今次去完真係好失望，食物質素比以前跌左好多叫左塊 median 既肉眼趴連蠔既 set，差唔多成四百蚊一份，但食落塊扒同一般一百蚊內食到既差唔多，冇晒以前炭燒個隻好味，同行朋友直頭形容係「難食」，都食剩幾多隻蠔又細隻，得半隻手都冇，係之後再叫多幾隻蠔先叫大份少少係最後份心太軟/蘋果批甜品叫正常啲最後埋單成千二蚊，真係寧願去食自助餐仲好好可惜要列入黑名單，以後唔會再去

今左個龍蝦湯…好好飲，有龍蝦肉係入面！佢地好細心，我地兩個人，叫餐加左一碗湯，佢幫我地分埋兩碗！跟餐加45定48蚊，必加呀！之後叫左個黑毛豬意大利飯餐，個豬唔錯，啲飯就爛左少少！但都好食既！$158！仲有叫左個德國睇拼薯條！呢個$108，我覺得好抵食，啲腸多到呢！好似食緊腸仔放題，相中係已經食左好幾舊，仲要有薯條，味道唔錯架！推介！推介！之後就心太軟…外脆，內就簡直係爆多朱古力，熔岩咁流哂出黎呀！真心好食！

小店既細心，係細緻到海鮮忌廉湯會每一啖都係海鮮。牛扒方面，我要求要五成熟嘅牛扒，上菜時熟度都非常準確。最令我驚喜嘅係配菜，配菜唔單止擺盤非常美麗，而且上碟時已經聞到香氣撲鼻。

今天來到大埔肆名的oyster bar, 聽很多朋友都推介這間餐廳, 今天就是一試! 星期六的午餐時間來到, 店鋪格局是普通西餐廳裝修風格，中間擺放左很多文宣產品寄賣💛💛💛 我們要了2個lunch set, 有跟餐湯。 首先試了雞卷, 十分特別的吃法, 雞肉攪成一條巨大的香腸模樣, 肉質嫩滑, 每口都是雞腿肉, 較少見的雞肉煮法.另外試了炭燒羊架，羊肉不膻，肉質嫩滑而且Juicy, 非常不錯。配菜亦都好夠味, 推介. 還有生蠔, 當天有跟餐優惠, 每個餐可以跟2隻愛爾蘭生蠔$48 兩隻，大大隻好新鮮, 好飽滿🤤 肉質清甜, CREAMY, 性價比十分高!下次有機會的話都想再試試其他款式的生蠔, 水準真不錯. 十分抵食的一間餐廳，有機會再黎試試晚餐! 

前幾日入大埔游水 個地膽frd介紹咗我呢間餐廳😋去到已經兩點 佢哋三點落場 所以拿拿聲落單 嘢食都算快上嚟黑糖麵包勁香黑糖味 好驚喜😍白湯紅湯就一般男朋友叫咗牛扒七成熟 塊扒大過佢塊面😂坑紋煎得好靚 七成熟啱啱好 食落唔韌 啖啖肉 好抵食 我男朋友好滿意👍🏻😂我叫咗個雞卷加生蠔🦪雞卷外層嘅雞皮煎得金黃香脆 一切開就流晒肉汁😋 雞肉嫩滑 有蘑菇喺入面 個白汁有少少黑松露調味👍🏻薯蓉幾滑 呢啲澱粉梗係交比男朋友 佢食得好開心😂😂生蠔係比較瘦身 但食得出係新鮮 有啲甜味 中午過下口癮都算係咁啦🤣最後叫咗個朱古力mousse 係老細（？）推薦 佢女朋友整嘅😂😂 成件事太sweet sweet過個甜品😂😂朋友真係冇介紹錯 呢餐飯我哋食得好滿意質素高 價錢合理👍🏻老細好多嘢講 好親切😂😂💛

呢到野食自然係冇得彈，性價比亦高，覺得佢好食絕對唔因為佢係黃店，係真好食。不過聽老闆講，呢排生意好淡，冇乜人，老闆堅決唔做藍絲生意，感嘆隔離d藍店生意都好過佢，大家同路人，係應該要支持下，就算唔住大埔，耐唔耐想食餐好d嘅都可以入黎幫襯下。老闆出心出力，每日開舖對抗d藍絲真係咪話唔攰，當日食個晚都有藍絲擺明聊交打，睇老闆個勢平時都遇唔少，都係個句啦多d幫襯，小小都係心意講返野食啦，叫左4款生蠔，由老闆發板，全部都好新鮮，正！好耐冇食生蠔。個人鍾意口感creamy d甜d嘅，下次可以同老闆講定自己preference叫左set dinner，餐湯分別叫左雜菜湯&cream雞湯，兩個都好飲，超濃郁餐前黑糖包大讚！！！整到軟熟熱辣辣，淨係聞都好香黑糖味，絕對唔輸比d藍店一個set叫左牛扒，牛扒軟諗，叫左5成熟啱啱好，好大件另一個set係豬扒意大利飯，個豬扒唔錯幾多肥膏，唔會鞋，個人更加鍾意個義大利飯，口感好好，真係有Rissto嘅口感又唔會膩。甜品叫左一個朱古力moose，個人對moose冇乜喜好，ok啦另一個叫左心太軟，好好食！出面食到脆口，厚度適中，切開入面好似洪水爆發咁超級流心，配埋個擺

社運與疫症底下，生意更見難做。然而老闆仍有他堅持的地方，揀善固執，這一點絕對佩服。難得嘅係，他們依然擺好心機做好食物質素，五成嘅肉眼扒，炭香一流！juicy嫌香軟，一個人的高質晚餐，配上紅酒一杯，端午節假期，滿足！

平時好少入新界，入大埔之前已經諗定食乜book定位(唔book都幾難有位)老闆好有心，餐廳入面貼左好多poster，餐廳細細但中間都劃左位做義賣區，變相做少左幾枱生意....老闆都幾支持，寧願犧牲部分營業額都要為香港做翻d野。我地2個人叫左4隻蠔，老闆主動問洗唔洗幫我地揀，咁當然好啦。食落好fresh同好厚肉，完全唔會好似出面果d腥臭有沙唔新鮮，好似五十蚊隻左右，唔平但咁既質素非常好！叫左個炭燒肉set，幾好味，叫五成真係比五成你，熟度控制得好好。我地只叫一個set，所以只有一個湯，但老闆都好貼心，分左2兜比我地(有時出街唔好意思叫人分架嘛好似好乞衣咁)個蟹肉意粉都ok最後叫左個心太軟，事緣老闆成日話隔離舖係藍店，又有藍絲成日搞事，望入黎𥄫住d客食野黃店都唔易生存。如果想有浪漫氣氛呢度末必岩，因為老闆好多野講，不過食野，尤其d蠔就唔錯，名符其實蠔王，價錢非常合理！

終於有機會帶呀媽去食蠔王💛主要係呀媽好鍾意食蠔, 所以近近地帶佢去試下, 開心下咁啫👐🏻又真係幾好食喎, 連平時食一隻起兩隻上既我都食左...三隻😂<Namibia>老闆問左我地一句食唔食蠔食幾多隻, 就幫我地揀左三款各四隻, 我地四個人食岩岩好一人一隻🦪Menu有勁多款, 我都唔識揀, 好彩有老闆😂唔記得影相, 淨係影左1️⃣第一款Namibia, 好清甜, 味道唔太濃但都食到蠔既鮮美(非專業食評, 講唔到更多了🥸)2️⃣不過我地全家一致認為最好既係第二款Fleur De Eaux, 味道再鮮甜啲, 再大粒啲, 唔識形容但個味係好食啲既(sorry, 盡左力講, 都係想推薦呢款💁🏻‍♀️)3️⃣第三款試左Kys, 雖然佢大粒過第二款, 但味道冇第二款咁好味, 亦都冇第一款咁鮮甜, 唔同既感覺啦下😉事源仲叫左好多野食, 所以有啲遺憾冇encore到Fleur De Eaux👈🏻講多次, 推薦推薦🤘🏻🤘🏻<炭燒紐西蘭肉眼扒>呢個牛好香炭燒味, 屋企人覺得個陣炭味非常正~我自己覺得炭味太濃所以食幾舊把口沖積住個陣味會有既飽滯, 另外佢牛味都好香🐂我覺得值得嗌黎share食

大埔朋友高度推介蠔王，好彩book 到枱就嚟試吓🥳因為我唔食蠔就乾脆嗌set dinner⬇️餐湯先上😙 意大利雜菜湯雖然個人鍾意再濃味啲，不過都合格有凸，醒胃之選😌今日精選係番薯忌廉湯，好有驚喜😍 同餐包好夾第一個main 係炭燒紐西蘭肉眼扒 ($168) medium rare，真係有炭燒感覺🤪 肉質方面唔算出色，不過對得住呢個價錢，配菜都幾好食再嚟燒焗羊扒($178) 7成熟，肉質鮮嫩加入味，推介🥰最後提提未食過嘅朋友仔，老闆係好豪氣，唔駛嚇親呀🤣

初初聽呢度叫oyster king仲怕係啲好貴嘅餐廳，但原來呢度係走平民價錢路線，但食物水平卻絕不馬虎，食過一次令人回味再回味再返嚟呢度食！好嘢自然多人幫襯，所以今次就早啲嚟食避開人潮。二人食都還好，再多啲人嚟強烈建議打去餐廳book位，否則好易full晒！即使walk-in老闆亦會為你預時間，叫你幾耐先返嚟，廢事你熱辣辣喺室外呆等，所以佢係一間好少有人排隊，但成日full嘅餐廳🤣今日叫咗set lunch連餐湯及餐飲，是日餐湯是燒番薯忌廉湯，連餐包，湯十分香濃，飲晒都唔會太頂胃，配埋餐包一絕，有機會想試下佢個要加錢既龍蝦湯!Set lunch主菜叫咗炭燒羊架配薯菜，落單時本身想要5成熟，但老闆好體貼提醒5成熟會有啲生，怕我食唔熟，所以我都係改返7成熟，見佢切面都仲有少少粉嫩，果然燒得啱啱好! 一食炭燒味十足，羊肉鮮嫩唔羶，配上幼滑薯蓉，倒上醬汁味道一流!餐飲選了凍啡，抵讚可以自由倒糖漿調較自己喜歡的甜度最後埋單連加一共$138，雖然午市要加一，但真係好有服務，店內員工雖不多，但所有職員待客非常有善，一入嚟差啲以為自己係熟客，成餐飯都好有家既感覺，呢種難得既餐廳，抵讚抵撐!

咁啱入黎大埔搵朋友，就順便試下好多人話高質既黃店啦！店鋪格局都係普通西餐廳裝修風格，中間擺放左好多文宣產品寄賣💛💛💛我地叫左2個lunch set, 有跟餐湯。我地試左佢既炭燒羊架，羊肉唔膻，肉質好嫩而且Juicy, 非常不錯。配菜亦都好夠味另外亦都試左個雞卷，肉質非常嫩滑，幾特別，值得一試。最後黎到緊係要試下生蠔啦，我地簡左跟餐有優惠既愛爾蘭生蠔（$48/2隻），超好味呀！大大隻好新鮮亦都好飽滿🤤 總結非常抵食既一間餐廳，有機會再黎大埔會想試埋佢既晚餐同其他款式既生蠔總括黎講環境 味道 舒適 優閒 回頭

🌈疫情期間一直都想食下生蠔，又唔想買外賣，擔心生蠔質素變差，但晚市禁堂食好耐，最終忍唔住試下外賣🦪。 因為驚即日無蠔叫，所以我係食嘅前一日打電話去舖頭，可能個排因為疫情影響 生意淡，老闆話當日晏就打去，比時間佢地準備就ok，因為我同朋友對生蠔無特別研究，只係講左2人份，要10隻生蠔，加美國頂級安格斯肉眼扒連2隻蠔嘅餐✨，無指定到任何一款生蠔。🥸老闆好親民同細心，揀咗6款唔同嘅生蠔，而且係約定拎蠔前少少時間都打嚟確認我地位置，預定最適合開蠔同煎扒時間，驚外賣擺太耐會唔好食。而我地去到嘅時候就啱啱見佢開緊我地嘅生蠔，👨🏻‍🍳開蠔嘅過程都好衛生，睇得出好熟手，蠔嘅順序照晒淡到濃味排，超級方便食🥳。而且外賣包裝做到足，有晒足夠嘅冰保冷，可能個陣係年頭，天氣凍，放1-2個鐘都無問題。👅味道方面，生蠔真係好新鮮，食得出唔係擺咗好耐個種蠔，而且無咩沙，順住排好嘅次序食，由淡到濃食，正！🥰 而肉眼扒都好有驚喜，大部分餐廳叫5成熟扒，可能都會有過熟嘅問題，但即使係放左個零鐘嘅外賣，扒都係仲好軟熟，完全無過熟同老嘅問題，其他扒set包嘅小菜都唔錯，可惜無影到相，絕對值得翻兜～個人覺得堂食可能仲好食😋非常推

一直都睇到好多comments話呢間oyster king 食物質素高，朋友打去book位所以就唔洗等位。呢間小店基本上都要book位! Dinner set 都有好多款簡，去相! Dinner價錢非常貼地!黎到oyster king, 同朋友叫老闆推介兩款蠔試下!完全無介紹錯，大大隻又新鮮! 好正的Rib Eye 叫左5成，炭燒味好香，塊扒一D都唔un，5成剛剛好無overcooked!羊架味道都唔錯，唔so! 肉質仲好juicy!