影片
以上资料只供参考，请与餐厅确认详情
食家推介
去过几次,阿婆侍应态度怠慢,有意刁难,几次出餐都玩野都比我张单特登放后,嬲到走仲笑,真系唔想做生意,可以唔开门或者执左间店,其态度耻尽香港,以后唔去,佐敦好多茶餐厅D服务不差,唯独这个阿婆可代表香港
继续阅读
公司附近好多野食，今日就黎到蛇王．如冰室揾食喇。落低睇下是靓午有咩，但其他都无咩兴趣，所以就叫左葱油鸡饭，重口味既我一定叫埋多葱油。餐饮冻奶茶，少甜少奶。姐姐重问我饮唔饮老火靓汤，咁就唔好客气喇，黎喇！味道 4/5秘制葱油够咸味、唔油腻、葱又大大粒增加左口感。净系葱油捞饭都一流！鸡件无同公司悭，比得好多！大部分鸡都嫩滑既，但有些少部位都是鞋，唔多可接受！老火汤应该无添加，落两粒盐几好味！冻奶茶少甜就饮得出，少奶就唔是少左好多喇。环境 3/5台唔是好多张，但坐落舒适。服务 4/5一叫落单就马上有人黎，等餐时间都合理。姐姐重会问饮唔饮汤！掂！卫生 3/5可能因为落雨喇，舖头已经铺左纸皮系地下，但可能都铺左一轮，地下始终都少湿。又有d溶溶烂烂既纸皮系通道上，感觉一般。抵食 4/5都系戈句，没有最抵，只有更抵！
继续阅读
放工有小小饿但系又就黎要返屋企食晚饭，行过见到附近有间蛇王餐厅🫣竟然有下午茶食，于是胆粗粗行入去试下啦炸鸡髀薯条其实有3款可以拣，仲有沙律同面选择薯条香脆系传统港式快餐店既薯条，鸡髀新鲜即炸无加任何生粉，炸起再落小小椒盐调味
继续阅读
以前成日都会去食嘅，初初𠮶阵水吧厨师整啲吉列猪扒真系好好食又识整炒滑蛋😋但转左厨师之后水吧𠮶两条麻甩佬连炒滑蛋都唔识整又劲多味精啲炒蛋之后都冇再去食了！最近我男朋友去返食佢贪平但都唔系觉得好食，咁我有一次又跟埋去啦叫咗份蛋牛治 啲蛋薄过张纸 去隔离街红茶冰室嘅三文治劲好食好足料😋唔该呢间野真系要检讨下！！改善下!！真系令人极度失望嘅一间茶餐厅有咩可能连炒滑蛋都唔识整🤦♀️🤦♀️
继续阅读
今日系佐敦食lunch,揾下有边间茶记好食，见依间环境好似唔错就入左去。午餐都好多选择，之后就叫左个XO酱鸡丝炒公仔面🍜。一黎到，哗！大碟到呢！依到有接近三个面！咁佢系即刻炒起，所以都好够热，仲要都几香。食入口XO酱既味都好够，都唔会太辣，好香口！鸡丝都好多，仲要唔系老哂，系几嫩口！之后配菜都有唔少！椒，菜，你讲得出既都有。成件事一啲都唔hea!真心好正！个炒公仔面都咁大碟，我一个人真系食唔哂！下次可以试下其他野！
继续阅读