蛇王業

营业中

休息中

10月秋風起，家人說想食蛇宴，就試一試蛇王業的蛇宴！呢間蛇鋪都好老字號，聽聞1964到依家，風味十足。識食蛇宴的一定唔會食工會，梗係去蛇鋪食全蛇宴！人齊準時開席！1.一席2窩蛇羹，好多蛇肉，湯底又甜，正！2.炸蛇丸，好香脆，唔會油滴滴！大大碟，1人有2粒！3.椒鹽蛇碌，第一次食，識食原來可以食到見骨，送酒一流！4.炒蛇絲，顏色好豐富，好多蛇絲，又鮮又唔漏5.紅燒大山瑞，起初我唔知咩係山瑞，問阿姐原來係大水魚，仲話女人食滋陰養顏，對皮膚好好，又多骨膠原！於是成圍女人爭住食😂一食落口，咀唇癡立立，阿姐真係無介紹錯！6.生扣蛇腩又係第一次食，聽錯左以為係羊腩😂原來係蛇腩至真！用料豐富，除左大大件羊腩，仲有冬菇、枝足、馬蹄，好入味，值得推介！可惜淨係蛇宴先有得食！7. 龍鳳炖蛤蚧，呢個湯一出場，全場嘩聲4起！全因藥材入面有數對蛤蚧！女士們當然唔敢食🙈但阿姐話條蛤蚧尾對男人有益，於是男人們膽粗粗試左，又比想像中好味！講番個湯，又濃又鮮，老火湯係唔同d!8.蛇汁貴妃雞，好滑哦！9.蛇汁時菜，乜都有蛇，菜都有😂10.最後係生炒糯米飯。糯米飯好多地方都有，要生炒原來好花功夫，所以唔係度度有！總結：呢餐

見成日有人介紹, 咁我就跨區試試佢啦蛇羹足料好味, 薄脆, 檸檬葉落幾多都有食完都唔會覺口喝但係糯米飯就要趁熱食如果唔係硬得好快食到口都累埋價錢就有d高真係一分錢一分貨

今年香港的一月，凍得厲害，每每是7度、8度，維持了兩星期，其實去日本、韓國等旅遊時，零度以下也試過，也不及香港般凍，皆因人家全部室內都是暖氣，但香港總不會處處有暖氣，但中國人傳統智慧告訴大家，秋冬進補以抗衡冷峰來襲，蛇羹在秋冬季節便大行其道，不過要食就要搵間正正宗宗的蛇舖，呢一間堪稱老店嘅蛇舖，我每年也會幫襯，皆因蛇肉含量豐富，我每次也會來大碗的，再加上糯米飯是絕對不可少，但提提大家這些老舗不是食舒適，而是食味道、功效，要講求環境的就不適合了，始終是街坊地道的體驗，食完真係成身暖泣泣

農曆新年過後又有點寒意，要吃個行氣活血的蛇羹保保暖。深水埗有數間供應蛇的餐廳，友人喜歡吃"蛇王業", 就帶我去。餐廳大約容納二十名食客，要搭枱，裝修是舊式港式餐廳風格。如果想試多過一款食物，點套餐的價錢會比較抵。這次我們都點了"蛇羹+糯米飯", 食物已預先煮好，很快便送上。兩款的份量算大，有點吃不完，十分飽肚。蛇羹的味道有點像碗仔翅，蛇肉的呈條狀絲狀，可以任添加薄脆，也可按個心喜好加紅醋及胡椒，頗可口。糯米飯的質感比較綿，有花生和臘腸粒，但妥何不夠入味。下次還是只點蛇羹就夠了。

天氣凍凍地好想食蛇羹， 上網搵個資料後，見到這間蛇王業評價唔錯老字號，蛇羹勁大碗好足料， 薄脆放了一樽在枱上 ，第一啖覺得湯底唔好，無藥材味，味道似同食碗仔翅差唔多，有些味精，吃完之後就有些口亁。

秋風起食臘味今日天氣凍凍地想去食蛇羹， 收咗工便落去這間蛇王業， 皆因蛇王業出名真材實料， 差不多每年都要食一兩次。 我選擇了一個蛇羹臘味飯套餐加ㄧ個蛇湯。 鴛鴦腸臘味飯 保持水準臘腸唔硬好味， 潤腸軟熟香醇 真係可以餸幾碗飯 雖然飯唔多但係已經很夠食。蛇羹勁大碗好足料， 薄脆放了一樽在枱上 任食。 蛇湯就普通啲 ，似藥材湯多。 臨走仲買多兜臘味糯米飯今晚宵夜

近來天氣凍凍地好想食蛇羹， 上網搵個資料後見到這間蛇王業評價唔錯老字號， 今次就試下佢 當晚七點鐘左右到達 舖面唔大 大概七八張枱左右， 但已經坐滿人 大概等了五分鐘左右 便有位， 睇完餐牌後 我們叫了兩個套餐 加一個藥材蛇湯。 大蛇羹 好足料 蛇肉都算多 臘味雙腸飯 臘腸硬潤腸軟熟好味但係啲飯偏硬 臘味糯米飯味道都ok 略嫌細碗左D 蛇湯藥材味很夠， 味道都唔錯 如果有埋湯渣更好 最正嘅係有成大樽薄脆無限任加， 超讚 檸檬葉都係任加。 整體成餐飯滿意

今次已是今年第三度食蛇羹, 兩個人點了兩個大蛇羹, 一個鴛鴦腸同一個糯米飯。 第一口蛇羹已確認沒有味精, 味道很好, 湯跟肉比例正常, 值得一提係個薄脆, 大大塊, 脆卜卜卜; 糯米飯啲花生有鹽嘅, 好好味!! 鴛鴦腸飯個白飯口感好似糯米飯, 臘腸好味啲! 睇過其他人話業為上, 協為中, 善為下, 本人認為中跟上嘅距離很遠。 大家不防親身比較一下。

天氣又有啲涼，今日又諗起去食下蛇羹。 所以十二點幾就同朋友約咗去食蛇王業。除咗蛇羹，嗰度仲有雞飯、龜苓膏湯、蛇湯，而且有唔同嘅餐做配搭，我只要左個細嘅蛇羹(43元)。 蛇羹入面都好足料: 有木耳絲、雞絲、薑絲、而蛇絲就粗粗地。 加埋一齊食又香又鮮又有咬口。 有啲粗粗地嘅蛇絲入面仲有一啲碎骨，所以食嘅時候要小心。 蛇羹個湯底做得好好，唔會太結太厚身，飲落似湯好鮮味。 無論大碗細碗足料又夠滿。 飲完成身都暖哂，呢個涼涼地天氣飲好正!

廣東吃蛇有二千年歷史，各行業在立冬後新年前多有蛇宴傳統。深水埔多中國移民和工廠，是蛇店密集之地。我選蛇王業為典型。其實全港著名蛇店仍有不少，知名度較高為蛇王業，協，二，良，芬，林。太史公的蛇羹做法，是各蛇店烹調法的楷模。嚐遍六大店，其實蛇羹質素差距不大，不論味道，賣相，蛇肉比例都是。服務水平亦平均。現從價格，就腳(港鐵出口步程)，店內環境(要有老香港風格)作比較:蛇王林是蛇肉批發中心，歷史長久，鎮店之寶是80多歲的老伙記，陳設懷舊。位於上環A出口，方便中環白領。在上述兩方面都是亞軍。58元1碗，屬中價。在港島區是首選。蛇王二在銅鑼灣C出口，步程2分鐘內，就腳程度是冠軍，方便大陸客和行街客。但無傳統蛇店的其他食品，更似燒臘燉湯店，應扣分。62元1碗，屬中上價(連糯米飯，油菜102元)。推薦食潤腸飯和飲燉湯更佳。蛇王協(女蛇王)是深水埔舊式蛇店代表，藏蛇箱和陳設最陳舊，但我覺得坐得最不舒服，扣分。離深水埔站A2出口3分鐘，就腳程度亞軍。小蛇羹，糯米飯套餐58元，全港最平，但臘味少兼太硬，扣分。蛇王業距離蛇王協2分鐘步程(離出口5分鐘)。小蛇羹43元1碗，與蛇王協同，均屬最平!小蛇羹，糯米飯

近呢幾年，父親大人公司都好喜歡請食蛇，今年也不例外，就選了這間蛇王業。以往食蛇既經驗，就係有好多同蛇唔關事既菜式，而這間，竟然是個例外。1個12席既餐單入面，10道菜中，就有7道菜都係蛇，而每位價錢也不需$300，實在係食蛇既抵食之選。先來一道蛇羹，呢道菜全名叫太史五蛇羹兩窩，睇相都已經好明顯見到好很多蛇肉，絕對係足料有份量！七彩炒蛇絲，d菜同蛇肉既份量剛剛好，蛇肉好有咬口，而見道菜有獲氣!蛇肉絲都好粗，夠厚，唔會太碎，食落更有口感。炸五蛇丸，丸既口感算最彈牙吧，唔會話好淋而無口感，另外皮亦炸得好脆，加上甜酸醬，整體感覺好鮮！椒鹽蛇碌，呢個反而覺得無乜特，但脆口，不過肉質有點UN。藥材龍鳳燉蛤蚧，睇完個名笑左，其實即係烏雞燉蛤蚧湯。好保呀~頭頭驚住會好苦，因為有藥材，驚d味會好怪。但飲落原來幾好飲，好鮮甜同埋易入口，藥材味重得黎唔會苦，係幾香的，最後我都飲左兩碗。

秋風起，食野味～天寒地凍最好不過就係去食蛇羹，食過咁多間蛇羹，最好嘅莫過於係嚟搵蛇王業啦！蛇王業位於深水埗南昌街，見門面應該已有一段長歷史，店內環境裝修簡單，但一睇就知係食蛇嘅好地方！天寒地凍客人源源不絕，好唔容易先搵到一個可以坐低嘅位置，雖然逼逼地，但係為咗食到蛇王業嘅靚蛇羹！逼一啲都無所謂啦。蛇羹原來有一個套餐，就係蛇羹加糯米飯，蛇羹可分大同細嘅size ,視乎個人胃口容量而選擇吧！店員效率好高，一坐低落order，幾分鐘之內蛇羹便熱辣辣放在面前，枱面仲有免費嘅脆脆片可以加落蛇羹內一齊食，脆卜卜幾得意架！蛇羹真係好足料，蛇肉嘅份量有好多，味道好香好甜，加上雞絲及冬菇嘅配料，令到成碗蛇羹嘅味道更為豐富。 據說冬天最好就係食蛇羹，因為會令人血氣沸騰，成身都會有亂笠笠的感覺，試過啦！果真如是。食完蛇羹，再嚟一碗熱辣辣嘅足料糯米飯，今餐真係好滿足，下次要再嚟過。

天氣寒冷, 大嫂突然想食蛇宴, 哥哥叫了我倆一齊; 剛好可以食半圍 - 蛇王葉蛇肉分量好多每人分到兩碗外層炸得香口, 蛇肉香蛇碌口感煙韌, 椒鹽香脆J先生話: 爽口! 好味蛇腩煮得腍; 支竹入味第一次食山瑞, 肉質軟腍腍的雞肉又嫩又滑藥材味濃, 入口清甜時菜爽口已經很飽了, 人人也要一口試味! 最後每人也分一碗糯米飯炒得好好味, 香濃帶少少黏! 花生不夠香脆!蛇王葉 總結: 一定要試!

在深水埗路經此店，突然想吃糯米飯，坐下看看餐牌，點了套餐「糯米飯+蛇羹」，去片：蛇羹（小碗）雖說是小碗，但也不少的。放蛇的份量不吝嗇。坦白說，很少吃蛇，也不懂品嚐蛇肉的好壞，所以只好相信一些老字號的蛇店。我盡力去演繹。蛇羹內有一部分的肉，是形狀像手撕雞般的肉絲，很嫩滑，較淺色。其餘的肉就肌理分明，也許就是蛇的肌理。這些肉老一點、鞋一點、顏色深一點，而形狀是扁平的長方塊狀。還有黑色條狀像木耳的東西，爽口。蛇羹整體不錯的。也可以自行加幾片「卜卜脆」，也可加入一點醋，各施各法。糯米飯幾乎是蛇羹的黃金拍檔。糯米的軟硬、水份和油份都控制得很好，但當「趙」了一碗糯米飯之後，牙關難免有點累。味道方面，是我喜愛的那種「清」的口味。如果你喜歡充滿濃郁臘味油香的那一種口味，相信這大概不是你杯茶。埋單：「糯米飯+蛇羹」$57總結：糯米飯優於標準，接近佳品。但我對蛇肉沒有認識，不敢打分數，請諒。

蛇王業。涼。舅父請親戚食蛇宴，佢話試過深水埗三間，蛇王業最好味。全餐7餸1羹1湯1飯4枝汽水，全部好夠份量，基本上樣樣餸都好味，蛇羹足料唔會過鹹，附送嘅炸薄脆係蛋散夠味比得上么鳳賣嘅質素，炒蛇絲有齊紅椒黃椒西芹韮黃顏色繽紛，炸蛇丸熱辣辣，椒鹽蛇碌起咗肉都仲有得咬下又香口，紅燒山瑞好軟熟膠口，生扣蛇腩入味，蛇汁時菜夾雜花雕酒香及蛇味，貴妃雞好滑又夠雞油香，燉蛤蚧湯好純和順喉，生炒糯米飯好多臘肉臘腸飯粒又爽身。食完即刻約咗1月再食過。😋