蛇王業

营业中

休息中

看到報章介紹, 便決定過來一試。位置很容易找, 鴨尞街去到南昌街轉左便看到招牌。原本想試試山瑞, 但似乎不是季節, 暫停供應。叫了 川貝陳皮燉蛤蚧, 其實, 真的, 很苦! 或者苦口良藥, 或者是足料的關係吧。另外叫了套餐, 糯米鴨 + 大蛇羮 蛇羮很足料, 蛇肉大大塊, 啖啖肉, 味道亦很濃。糯米鴨很足料, 很多鴨肉, 有潤腸, 冬菇, 只是表面的糯米有點硬, 不知道是否因為不停翻熱的關係。不過味道很好, 比酒樓的糯米雞更入味。店主的喵, 周圍喵喵喵的, 很可愛。

記得細個同屋企啲兄弟姊妹最喜歡搶住食生炒糯米飯，每次爸爸放工買返屋企，我地幾個都搶住食，但係自從啲小販無灑之後，我都好似幾年無食過間好味嘅啦。嗰日同爸爸去買電腦嘢，買完諗住行下啦，之後無啦啦妮間蛇王業嘅呀姨叫我地入去試下啲蛇，咁我地又真係行到累累哋嘅。蛇就唔試啦，我地叫左糯米飯食，碗飯黎到，見到個外相都覺得應該唔錯，果然無失望呀！臘腸、香蔥、花生，冬菇、蝦米仔等等嘅材料都好足，炒得好香，有甘香嘅鮮味，並且啲糯米飯真係煮得剛剛好，一啲都唔會話林，一粒粒分明又唔'lim lim'哋咁，煙煙韌韌，好有咬口，超正！又傳統又美味

年尾的時候,Kawai 應朋友之約,柴娃娃的去了蛇王業食了一餐全蛇宴! 其實我已經近十年都沒有吃蛇了,原因不明,但我記得有同媽媽一起吃過蛇羹的! 再食蛇宴,吃得固然開心,因為店家用料足,真材實料, 本身是燥底的 Kawai 吃後的一星期,都有出現過份燥熱的情況, 所以這次亦會是暫時的最後一次! 我怕流鼻血 XDD 店家安排了我們坐閣樓,都可以坐到 3 圍, 台面上已放了一支蛇膽酒,原來係包埋的,不用再額外收費, 就咁睇,支酒好似好清,但見到底下就比較混濁,估計飲最尾的味道會濃些~ 因為我唔飲酒,所以無試,但其他人話不是想像中難入喉 未齊人,唯有咬住薄脆先啦~  朋友中有人塞車,集合又遲左少少,店員已經開始催要上菜了, 不停講我地Book左幾多點,但而家已經幾多點....... 結果,先上菜,邊食邊等~ 太史五蛇羹兩大窩 遠睇的確像"碗仔翅",但食落就知分別好大,蛇肉是比較"UN"一點的! 雖然有加到豬肉,雞肉,但一條條蛇肉比它們粗好多!一眼就分得出! 有木耳絲同冬菇,藥材味不太重,加埋檸檬葉多了份清香,不過我覺得切得好粗! 七彩炒蛇絲 真係普普通通,蛇絲比蛇羹幼一點,不會太UN

前日應同事之邀,免費出席尋晚(15-11-2013 Fri)攪o既蛇宴,我o地一行16人上到一樓開餐,o係等齊人o既時間,我o地見到枱上有最基本o既薄脆,胡椒粉同醋之外,亦有檸檬葉同一支綠色o既蛇膽酒,原來支蛇膽酒係包埋,唔使另外俾錢,大家就先試試,我只試少少,呢個唔難入口,女同事S話有啲甘味,我就飲唔出.人齊喇,蛇宴正式開始.1. 蛇羹我o地呢圍只得7個女仔,但一窩都好大窩,而o係未勺之前都已經嗅到陳皮味,而睇表面,蛇肉好似好幼同少,但勺起後睇到,原來都幾大塊幾厚,配料就有木耳絲同冬菇,先咩o野都唔落食吓,初初嗅到好濃o既陳皮味,但食落又唔多覺,好o岩我呢啲唔鍾意食咁重陳皮味o既人,而蛇肉唔腥,不過太大塊口感原來有啲硬實.之後加少少檸檬葉食,令成個羹o既味道清啲,不過我都係覺得咩o野o野都唔使落.味道: 4.8分2. 五彩炒蛇絲呢個賣相平平無奇,但食落味道o岩o岩好,蛇絲鬆軟,個個都讚.味道: 4.8分3. 炸蛇丸大大個蛇丸,外面以麵包粒包住,食落香脆,但內裡混入蝦膠o既蛇肉好似冇咁明顯,口感爽,呢個要加少少醋食.味道: 3.5分4. 椒鹽蛇碌大大件o既蛇碌,呢個好硬,咬唔開,原來係

老豆帶我去食蛇坐低 明明間鋪都無咁多客但係要人迫埋一邊坐講真 到你有客想我地讓位我地會唔讓比你咩?叫左一個雞飯同兩碗大蛇羹第一啖已經覺得湯底唔好 無藥材味同食碗仔翅差唔多蛇肉份量都ok 但問題係裡面溝左豬肉!!!我寧願蛇少d無咁靚都好過搵豬肉扮蛇肉囉咁你不如轉行賣碗仔翅啦唯一比較好係檸檬草落好多既話都夠香薄脆就真係非常之脆另外雞飯一d誠意都無比埋d無味既雪藏雞飯又唔係靚 飯焦都拎埋出黎比人食(當然唔係食煲仔飯果d靚飯焦)係度呢幾年食過最差既蛇羹 以後唔會再幫襯

小弟由老豆既年代 (199X) 開始帶我去食呢間蛇王業... 大大話話都食左有十幾年... 雖不至於食到好熟, 但自問我都食過百次以上... 由 $25 碗, 食到今時今日既 $60 碗, 我都一樣去幫襯, 因為佢地既蛇羹真係好食. 好可惜, 水準越來越差了. 先講蛇羹, 蛇肉少左, 鹹左, 就連本來切到好幼細既檸檬葉, 依家都粗晒, 但薄脆都仲 keep 番水準...蛇湯方面, 真係鹹左好多, 藥材味已經冇之前咁濃, 最大問題係, 我今次幫襯蛇湯, 竟然有1/3 碗係湯渣...龜湯方面, 又反而甜左, 都係果句, 藥材味冇之前咁濃之餘, 連甘味都欠奉... 昨日既經驗話俾我知, 如果第二代揸 fit 人以現代手法經營, 相信只會令貴店失色, 毫無疑問, 你加左冷氣, 換左D膠碗, 整埋D電腦收費, 都係成本, 投資了當然要問回報... 生意係要賺, 但如果連上一代既精神都未能承繼落去, 連食物既質素都不能保持水平, 相信好快會連我呢類 Fans 都唔再幫襯...

去完黃金中心，老公叫我帶佢去我經常蛇王的地方。在深水埗這一帶，蛇店真的不少，蛇王業六十年代已開在南昌街，是現今少數仍用活蛇的店舖。去開深水埗布街都會這裡間蛇王坐底食番碗蛇羹這裡的蛇肉每日鮮拆，湯底用蛇骨及藥材熬，材料就有雞絲、肉絲、冬菇絲、木耳絲及蛇絲。蛇羹 $33 (小)這裡的檸檬草及薄脆是按自己喜好加入蛇羹。不喜歡有些蛇店事先幫食客下了檸檬草及薄脆。我個人比較喜歡杰身既蛇羹，這裡的湯底稀稠度適中，茨打得剛好，湯身不算太黏稠，感覺討好。味道不錯，而且材料很多冬菇絲及木耳絲。蛇絲既多且粗，肉質入口比較實，咬起來質感彈，夠新鮮。之前帶日本朋友都讚好!但我認為藥味不太重。食完全身都暖透。這裡的價格比出名的蛇鋪合理，而且有其他蛇的副食品選擇

十月三十日 (星期日)再和老公仔行行鴨寮街行到盡頭便是南昌街,便看到這間"蛇王業"在深水埗區,最出名的蛇店莫過於"蛇王協"不過,看到這家也擠滿了人,不如也來試試來此,當然少不了其太史蛇羹蛇羹屬高熱量食物,能行氣活血,有暖身作用如今湯底似乎進步了,不覺太稠但似乎仍不夠藥材香用料甚豐,每一口都盡是蛇肉唯湯料仍切得較粗,口感較粗糙我本屬寒底,喝完頓時也覺得暖身老公仔則本是熱底,幸沒流鼻血呢回來看過"唔兄"對此店的評語(食時已是差不多一年前了),說其質地較稠未知是否少東看過其食評,作出了改善?值得一提,這裡的薄脆着實不錯加入後相信會更惹味,更添口感為太史五蛇羹做了點資料搜集,與大家分享:所謂太史五蛇羹由晚清廣東翰林江孔殷所發明1904年,於最後一屆科舉中殿試二甲進士,朝考選入庶吉士,進翰林院,故被稱為"江太史"辛亥革命後,江太史退出政壇改為從商,其位於廣州之大宅"太史第'經常食客滿座,太史五蛇羹即為其傑作之一蛇羹屬高熱量食物,能行氣活血,有暖身作用以蛇為主要材料,加入雞.鮑魚.木耳.冬菇等煮成湯羹當中的五蛇最少包括有眼镜蛇(俗稱"飯鏟頭").金腳帶.銀腳帶,另外加入水蛇,錦蛇或過山烏

閒來...總喜歡喝碗龜湯看到這家專賣蛇的...那就一蛇羹一龜湯吧蛇羹 $30龜湯 $22蛇羹配料足...可惜略嫌清淡沒什麼賣點但很多食客都愛點一碗大的...大口大口的吃...什是滿足龜湯跟別家的不一樣...色澤很深藥材份量重...味道極為濃郁...有自家特色相對蛇羹...龜湯更值得推介整體感覺店以蛇為名蛇卻不能獨當一面...難以服眾也

這幾天突然涼了, 飯後與侍衛路經此店, 便入去暖暖身娘娘不愛吃蛇, 所以便點了蛇湯, 蛇湯其實又不見有蛇肉, 而且又沒有什麼湯料, 不過喝下時, 都會感到"藥材味", 很補的感覺喔侍衛的蛇羹亦很足料, 大家飲完後當堂暖晒

爸一直邀請我去吃蛇羹終於我也應承了店裡的食物品種不多基本上 就只有蛇羹 蛇湯 龜苓膏 與糯米飯蛇羹吃上去就好像普通的碗仔翅不同就是平時碗仔翅換成了蛇肉爸一直叫 好吃好吃我卻覺得其實碗仔翅也是如此只是鮮味重了糯米飯沒有什麽特別純粹是沒有別的吃 才叫的味道可以

雖然這篇食評，是開宗明義的說吃蛇，但不要誤會本人在大熱天時吃蛇，這篇食評，都放下了八個月未寫，是日又突然有Mood去說一說。放工之後，要到深水埗辦點正事，在辦正事之前，先來醫醫肚，見是日冰冰冷冷，就來碗蛇羹又如何？在深水埗這一帶，蛇店真的不少，隨便的入了一間名為蛇王業，就來碗蛇羹，不過坐下又見人家碗糯米飯很吸引的，印象中是有蛇羹加糯米飯的套餐，在如此推波助瀾之下，最後本人就又吃又喝了。先來談談店家的糯米飯，原來也真的挺大碗，整碗飯的色水很深，每粒糯米都是深啡色的，上滿了醬油，看來很美味啊！吃下一口，果然醬油味甚豐，是老抽的一陣甜香，不過腊味的香味就不太足，而且也欠了蝦米的鹹香。取而代之的是不少的炸花生，花生的表面有不少鹽巴，單論這花生，用來下酒應該很不錯，畢竟真的是既鹹且脆，不過用來跟糯米飯，本人就覺得有點不自然，還是喜歡腊味的鹹香，幸而糯米飯內都還有不少的冬菇，夠香又軟腍，加上蔥花，來一口軟腍黏糯的糯米飯，其實也不錯，但質感上個人認為可以煙韌一點，不過總括來說還不錯。主角蛇羹又如何？湯身看起來很清，不過質地很稠，入口果然是一陣黏稠的茨感，吃到尾又變得很水，蛇湯既不重肉味，又不太有藥材

近日天氣寒冷，心思思到光顧多年的蛇王業吃碗蛇羹足料惹味的蛇羹，味道有點像碗仔翅。與蛇羹絕配的卜卜脆=)一脆一軟滑，美味呀!手切檸檬葉，清香。蛇羹的材料吃罷，一股暖意在心中

今次好特別, 除咗係第一次食呢間嘢之外, 阿B係冇份食, 得我一個食, 因為佢怕怕蛇~~~~ 話說呢排好凍, 聽講食蛇可以暖身, 路過家門附近, 見到有間蛇鋪, 於是就走入去外賣一個大蛇羹返屋企嘆….返到屋企, 打開個蓋, 突然聽到阿B大叫: 好香呀~ 然後我就將啲薄脆同檸檬草放落碗熱騰騰嘅蛇羹度, 再大啖大啖咁放落口, 味道好清甜, 相當足料, 而且仲有陣陣嘅清香, 引得阿B躍躍欲試, 不過阿B係從來都冇食過蛇, 所以佢死都唔會試, 但係佢又被嗰啲香噴噴嘅氣味吸引, 嗰種好想食但又唔可以食嘅心情, 令到為食B唔可以出動… 之不過蛇肉方面就比深水埗另一間蛇鋪稍遜, 但味道又比嗰間好好多, 總之住咗呢區咁多年, 第一次食到咁好味嘅蛇羹, 連火身B都話我隻手温度飊升, 成個人即刻暖笠笠, 下次一定會再食

2009年04月06日，05：58買完森樹後，本想到太子阿媽湯米，竟失去蹤影，行行重行行，終於到了深水。便乘機說句：天涼好吃蛇，馬上進店，"細蛇唔該"。蛇羹：稠底不是我碗羹，寬、幼蛇肉份量足，不缺木耳、菇片。味純，絕不確有味精。店內有污糟肥貓咪，好活潑，到處跑。題外話：本是一個不充實的假期(深圳人的清明假)，但結果差點兒累死！早上在旺旺吃完早餐，回家準備小睡；再和舊老頂茶聚。怎知太座突然來電，要送重要東東到壁屋，上天不讓我偷懶。中午茶聚後，到旺角買工具(要明天發貨到河源，同事今天加班)。再到花虛買森樹，送給太座(難得她想要，但我已種死兩顆)