蛇王海

营业中

休息中

差唔多中午1點到，鋪頭唔大，大20個位，已經坐滿人，自己一個嚟食，未試過呢間，叫個餐咩都有可以試到三樣嘢，皇牌蛇套餐，有蛇羹、蛇湯同單腸糯米飯，$92蚊算平，全部都係屋企飯碗咁大嘅份量蛇湯有啲辣，辣味掩蓋晒湯本身味道，只飲到有少少藥材味，唔知仲有用啲咩材料煲糯米飯正正常常幾夠味，潤腸好食，可惜成個碗都係漂白水味，食到底啲糯米飯都充滿漂白水味，但又唔想浪費。夾硬食埋佢蛇羹蛇肉唔多，但木耳就好多，味道不過不失

早幾晚去了西環蛇王海處壹個人食蛇餐 。 這裏的蛇餐年年都咁好食和抵食. 套餐$ 92 元免加壹 上年也是這個價錢 . 首先食個蛇𡙡 . 味道保持水準 再淡番少少更好 . 再食個膶腸糯米飯 這個剛好合一人份量 . 蛇湯後上食完前兩樣先上 免得凍了 老闆娘也很好招呼 安排壹切 有板有眼 談笑風生 道聴途說 有很多街坊幫襯 也有很多人從好遠的地方專程到訪幫襯. 我也是誇大海到訪的已兩年了 還有另外的炆羊腩炆牛腩小菜跟飯也不錯他日也試吓 。 這是壹間提供秋冬補身的小店 . 不錯的選擇。

蛇王海西營盤。食蛇是溫暖補身既食材，最適合冬天進食。蛇王海除了食蛇，仲配有蠟腸/潤腸糯米飯，羊腩飯。基本上我每次去都食糯米飯+蛇羹+蛇湯的套餐，可以飽上一整天。蛇羹多肉，羹底濃厚，只看顏色已經感到十足材料，加上店內會準備薄脆及檸檬葉作蛇羹配料；糯米飯軟硬適中，最後再以蛇湯暖胃，齒頰留香。這樣的一個套餐，都只係$100有找。中午時段都排滿人龍，特別是星期一至五，是附近街坊之選。小店一年只營業六個月，大約是從9月至4月。要去便要先打電話到店，確定已經營業才去，免得白走一趟。

第一次來到蛇王海，店舖小小，但坐位算舒適，選了套餐，有蛇羹蛇湯及糯米飯，每樣都熱辣辣，足料，双腸也好好味，蛇湯好重薑好温暖。在店內感覺到人情味，很多熟客光顧，有一見如故的感覺。

揾食肥華生於香港，植根於九龍半島，所以甚少揾食到港島，難得靚媽在1月15日要過，香港北角區辦公事，肥華趁勢同佢去，呢間在西環開業多年，憑五蛇羹及五蛇湯及燉品，打嚮名堂，成為人龍店的食店，一試佢兩個五蛇食品。先論個五蛇羹，味道甚好，蛇肉切得幼細，個羹底不濃不薄，恰到好處，A+評語，唔俾此羮唔得，賣$88碗，絕對值得。至於賣$3O多元，嗰碗五蛇湯就明顯不及蛇羹出色，而且同一質素嘅蛇湯，在官塘食店，係隨蛇羹附送，仲無限添飲，所以計埋所花車程時間，肥華呢個，九龍人仕，日後食蛇，都係去官塘揾，娟姐，實際啲

香港的冬天雖然不算很凍，十零度都已有少少氣氛，去食蛇羹、羊腩煲、火鍋等，特別有 feel 🥰今次去了西營盤一間很多好評的蛇羹店，距離地鐵站一分鐘腳程，當時衹是晚上六點左右，小小的店舖已經坐滿了人，我們 4 個人等了 20 分鐘終於可以進店了，其間店員很親切，盡力幫我們安排坐桌，很貼心 🫶我們叫了大蛇羹，雙腸糯米飯，原來店內還有秘製浸鷄，咖哩牛腩，味道都有驚喜 😋 食評如下：招牌蛇羹 (大) $88古法炮製，滿滿的料，味道好味吾在講，條條長長的蛇絲，足證真材實料雙腸糯米飯 $46糯米飯雖然不是生炒，仍是很香很軟綿，潤腸+臘腸不算肥膩，不過為了留肚試其他的食物，我衹每款試了一口秘製浸鷄半隻 $85賣相已看出鷄肉嫩滑，食落好有鷄味，推介大家試下咖哩牛腩例牌 $110比較港式的制作，咖哩味香濃，牛腩炆得好稔亦入味，薯仔都一樣，最後當然全碟都食曬 😆

有點事做，要去一去西環。順道拜訪蛇王海，去到要等一下先有位。落單後不一會便上檯。叫咗蛇羹(大)，糯米飯配潤腸。蛇羹足料，蛇肉份量正常，唔會偏向某一啲材料多，童叟無欺，蛇羹夠身唔削，味道濃郁，唔係外面某些店一係水汪汪咁，一係杰撻撻，佢真係羹。糯米飯，糯米飯吸收咗臘味嘅香及油潤，香味撲鼻，潤腸甘香。兩款食物份量都正常。唯一係鋪面比較擠迫，有時大家要遷就一下。戴返頭盔先，我覺得好唔好食≠你覺得好唔好食，好唔好食因人而異。

蛇羹無咩特別，唔係特別多蛇肉，又唔係好食，甚至水準係中下，佐敦、北角同西營盤都有蛇鋪好食過佢。個咖喱真係好難食，好難食，好難食，真心要講難食，好稀好似溝水咁，又無乜味，係咖喱水黎。我唔知係食人情味定點，呢個水準真係完全唔值得俾人吹捧到咁。真係黑人問號理解唔到？？？？？見小鋪又多人讚，我真心特登去支持下，點知咁失望………..我食嗰陣係有個中年女人睇鋪，唔知係咪唔係老闆整所以唔好食？定佢已經係老闆？？

大碗蛇羹+雙腸糯米飯+蛇湯加埋都唔洗$150，好低食，蛇羹足料，臘腸潤腸好味，蛇湯夠濃，巳好耐冇食過蛇羮了，所以今次遇到，必定會經常去食，還有其它美食一定要續一續一去嚐試，到時再寫評論。

一年淨係做八個月，由9月到4月，碰巧我路過走入去食先知原來今年淨係做到4月6號，真好彩！鋪鋪頭好街坊，幾張折枱，不過每個客走都認真清潔，所以感覺好衛生。誠意出品，雖然已經完全唔凍，4月突然想食蛇羹，發覺卜脆同檸檬葉任你自己加，所以我食到一半又可以有脆卜卜既卜脆，好開心。蛇羹足料，味道非常好！雞髀飯交足貨，飯係另上既，雞好多菜墊底，配咖哩或薑蔥你自己揀。其實老闆推介羊煲，可惜我唔食羊。佢都有話依家濕氣重應該飲龜苓湯，不過我心有所屬，所以只有下次啦。

扎根西營盤三十幾年一直深受街坊支持，蛇王海主打蛇羹，臘味糯米飯呢排天氣咁涼即刻衝去啪返個套餐補補佢，皇牌蛇套餐真心勁抵，大大碗五蛇羹，大大碗五蛇湯再加個單腸臘味飯先係＄88！蛇羹就梗係要勁加檸檬葉同薄脆，雖然嗰日勁忙但係店員們都好nice 好快手地幫我哋refill~ 蛇羹夠足料，蛇肉勁粗勁多，仲配埋雞肉木耳冬菇，口感夠豐富，調味得宜第一次飲蛇湯，好有驚喜，滿滿中藥材味但甘而唔苦飲落好舒服🔥食完成個人熱辣辣好爽，去嗰日成晚人龍係未停過仲有好多人嚟買外賣～證明肯定係好野嚟！

天氣凍凍地最啱食蛇羹同糯米飯~發現坐叮叮再行一陣，就可以黎到依間專門食蛇嘅街坊小店，夜晚八點幾仲不斷有客人.皇牌蛇套餐 $88套餐包括一碗五蛇羹(小) ﹑五蛇湯同單腸糯米飯，我地仲加點咗一碗細蛇羹，套餐同埋加點嘅蛇羹，份量已經好夠兩個人食！🔸五蛇羹 (小) 唔好睇少細蛇羹，其實份量十足💖蛇羹裡面嘅蛇肉都幾大塊，份量唔少，勾芡亦啱啱好，加埋木耳絲﹑豬肉絲﹑腐竹等等，好滿足啊！旁邊仲有脆卜卜同香草，加少少喺蛇羹裡面，可以豐富蛇羹嘅味道~🔸五蛇湯比較似淡口味嘅當歸湯，好容易入口！記得要趁熱飲，後勁有少少似胡椒湯✨🔸臘腸糯米飯熱辣辣嘅糯米飯食落軟軟糯糯，臘腸好多汁但唔會好油膩，配埋糯米飯一齊食係絕配啊！

個個都話秋風起三蛇肥要食蛇保暖，但對於我嚟講只係因為心癮而食，食蛇食羊對我嚟講食完都唔會覺得暖，最緊要好食同真材實料，《蛇王海》正正符合呢兩個條件。🐍散叫細蛇$45、大蛇$85、單腸糯米飯$32、雙腸糯米飯$44佢有一個套餐$88有齊細蛇+蛇湯+單腸糯米飯，不過我哋唔飲蛇湯所以散叫，兩者係相差$16。講返蛇羹，我敢肯定係港島區性價比最高，不單價錢親民，而且仲大大碗非常真材實料 -蛇肉多又大條、配料夠豐富，最重要個芡汁打得剛好，仲有薄脆同檸檬草無限供應！至於糯米飯就普普通通，只係係咁意上咗色，不過唔重要，最重要上面條膶腸夠油香夠粉又唔會過肥，而且份量剛好，對於女仕嚟講細蛇+單腸糯米飯已經好足夠，承惠$72非常超價非常滿足！二人共消費：$196

2022的冬天不太冷，連鋪塵的厚褸也甚少出動 ，但還是有幾天晚上感覺到陣陣冷風吹過，冷到骨子裏，還在上班摸魚的🌶📝，突然靈機一閃，吃蛇羹！-___________🏖餐廳狀況🏖___________ 在西區住了20年有多，但還是第一次吃蛇王海，店舖裝修有點舊式味道，但是新淨企理，而且沒有一般蛇店會有的蛇籠。當晚可能天氣真的有點冷，🌶📝等了約十五分鐘才有位置，而且一邊用餐，留意到門口一直有客人在排隊等候。- _____________🍽食物🍽_____________🐍 皇牌蛇套餐 $ 88推介指數 ■■■■□因為辣椒紙🌶📝第一次光顧，所以點了皇牌套餐，可以一次過嘗試蛇王海最受歡迎的食物。 套餐包括：五蛇湯、蛇羹(小)、單腸糯米飯，套餐比單點便宜了9元。▫️🥢五蛇湯(小)第一次飲五蛇湯，味道偏藥材當歸味，完全不會覺得苦，非常容易入口，而且喝了幾啖便覺得全身滾燙，面頰跟耳朵都紅了😳身體突然覺得有股暖流在翻滾，果然是補品💪🏻▫️🥢五蛇羹(小)雖然是小份蛇羹😳但份量亦很足夠兩人吃， 材料多得嚇人，有大量木耳絲、雞肉絲跟冬菇，蛇肉相比起來，數量不多。芡汁不算傑身，所以很快只剩下一大堆湯料。非常推薦配檸

本身沒打算寫這篇食評， 所以沒影很多相，但食完後實在不寫不痛快。。。 又好食又扺食！很多個冬天都沒吃蛇了，因為實在沒找到一家值得食的，現在想食一碗蛇羹都覺得很奢侈。。今天被家人提及到這家”蛇王海”，所以就來了。。 (印象之前很多次經過都感覺好像沒開 🤔 不知是不是冬天才吃蛇的緣故？)一看就知是老店，街坊店。 全店坐滿也只能容納25人左右。 店舖主理是一對姐姐哥哥，年輕一輩。 非常和藹可親還同大家有講有笑。今天跟媽咪2人來食，本身我倆飯量就不多，所以也只點了以下~1. 必食的蛇羹(細蛇@45)一人一碗，太太太多料了！難得的滿足！👍🏻👍🏻👍🏻2. 我一進入舖就聞到濃濃的蛇湯，被湯味吸引而點了一碗蛇湯(細湯@20)，是胡椒湯底，飲完暖暖的3. 然後就點了愛吃的咖哩羊腩飯(@75-5,任何飯配蛇羹減5蚊！) 很很很多汁，微辣，因為叫了少飯，有汁剩 😩 差點都被我飲了。。 有微微的羶味，我本人覺得不錯，沒羶味就不是食羊啦 🤣老店就是有老店的味道+人情味，西區人必吃之選！